Сульфацил-натрий (20 %, Белмедпрепараты РУП)

Сульфацил-натрий

Сульфацетамид

Көзге тамызатын дәрі 20 %, 1 мл, 5 мл

1 мл препарат құрамында

белсенді зат - Натрий сульфацетамиді (натрий сульфацилі) – 200 мг;

қосымша заттар: натрий тиосульфаты, инъекцияға арналған су.

Мөлдір түссіз немесе аздап сарғыш ерітінді

Көз ауруларын емдеуге арналған препараттар. Микробқа қарсы препараттар. Сульфонамидтер.

АТХ коды S01АВ04

Фармакокинетикасы

Көз тіндері мен сұйықтықтарына өтеді. Қабынған конъюнктива арқылы жүйелі қан айналымына сіңеді. Жергілікті қолданған кезде мөлдір қабықтағы (3 мг/мл жуық ), алдыңғы камера сұйықтығындағы (0,5 мг/мл жуық) және нұрлы қабықтағы (0,1 мг/мл жуық) сульфацетамидтердің ең жоғарғы концентрациясына аппликациядан кейін алғашқы 30 минуттан кейін жетеді. Аздаған мөлшері (0,5 мг/мл аз) көз алмасы тіндерінде 3-4 сағат сақталады. Мөлдір қабықтың эпителийі зақымданғанда сульфацетамидтің пенетрациясы күшейеді.

Фармакодинамикасы

Сульфацил-натрий – сульфаниламидті кең ауқымды микробқа қарсы әсері бар препарат. Бактериостатикалық әсерге ие. Әсер ету механизмі пара-аминобензой қышқылымен (ПАБҚ) бәсекелес антагонизмімен және дигидроптероатсинтетазаны бәсеңдетуімен байланысты, бұл пуриндер мен пиримидиндердің синтезіне қажетті тетрагидрофолий қышқылының синтезінің бұзылуына әкеледі.

Escherichia coli, Shigella spp., Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces israelii, Toxoplasma gondii грамоң және грамтеріс кокктарға қатысты белсенді.

Сульфацетамидке сезімтал микроорганизмдер туындатқан кешенді ем құрамында:

- ересектер мен балалардағы конъюнктивитте, блефаритте

- ересектердегі мөлдір қабықтың іріңді ойық жараларында

- ересектердегі көздің соз және хламидия ауруларында.

Ересектерге кешенді ем құрамында: конъюнктивитте, блефаритте, мөлдір қабықтың іріңді ойық жараларында, көздің соз және хламидия ауруларында препаратты зақымданған көзге 1-2 тамшыдан тәулігіне 4-6 рет тамызады. Емдеу курсы 5-7 күн.

Балаларға кешенді ем құрамында: конъюнктивитте, блефаритте - зақымданған көзге 1 тамшыдан тәулігіне 4-5 рет тамызады. Емдеу курсы 5-7 күн.

- аз уақыт күйдіріп-ашыту

- көрудің бұлыңғырлануы, жас ағуы

- көздің қызаруы, ашып ауыруы

- көздің қышынуы

- жергілікті аллергиялық реакциялар.

Сульфаниламид препараттарына жеке жоғары сезімталдық, балалар (2 айға дейінгі).

Прокаинмен және тетракаинмен бірге қолдану сульфацил-натрийдің бактериостатикалық әсерін төмендетеді. Күміс тұздарымен бірге қолданғанда сульфацил-натрийдің үйлесімсіздігі байқалады.

Фуросемидке, тиазидті диуретиктерге, сульфонилмочевина туындыларына немесе карбангидраза тежегіштеріне жеке жоғары сезімталдығы бар пациенттерде сульфацил-натрийге жоғары сезімталдық байқалуы мүмкін.

Тамшылатқыш-қақпағымен құтыларды қолдану жөніндегі ұсынымдар: препаратты қолданар алдында құтыдан алюминий қалпағын алып тастаңыз және резеңке тығынын ашып, құтыны қаптамадан алдын ала босатылған тамшылатқыш-қақпақпен жабу керек. Содан кейін тамшылатқыш-қақпақтан қалпағын шешіп, құтыны төңкеріп, препараттың қажетті мөлшердегі тамшысын тамызу керек. Қолданғаннан кейін құтыны тіке қойып тамшылатқыш-қақпаққа қалпағын кигізу керек.

Тамшылатқыш-түбекті қолдану жөніндегі ұсынымдар (т/т): препаратты қолданар алдында қорғағыш қалпағын шешіп, кесетін бөлігін зақымдамай қайшымен корпус мойнының жарғақшасын қию керек. Дәрілік затпен корпусты (т/т) мойнымен төмен қаратып төңкеріп, оны тамшылатқыш ретінде қолдана отырып, ақырын корпусын (т/т) қысыңыз. Дәрігердің тағайындауы бойынша немесе дәрілік затты қолдану жөніндегі нұсқаулықтағы ұсынылған дозада қолданғаннан кейін корпусты кесетін жағымен жоғары қаратып, қойып және қорғаушы қалпағын бұрап жабу керек.

Жүктілік және лактация кезеңі

Сульфацетамид жүкті әйелдерді және бала емізетін аналарды емдеуде емдеуші дәрігердің тағайындауы бойынша, егер ана үшін күтілетін пайда шаранаға және балаға деген қауіптен жоғары болса қолданылуы мүмкін.

Жүктілік, бала емізу кезінде қолдану бойынша жеткілікті тәжірибе жоқ. Сульфаниламидтер плацента арқылы енеді және емшек сүтіне өтеді. Жүктілік кезеңінде сульфаниламидтердің таблетка түрін қабылдаған аналардың жаңа туған нәрестелерінде ядролық сарғаю дамуы мүмкін, сондықтан сульфаниламидтің дәрілік түрі - көзге тамызатын дәріні қабылдау кезінде сарғаюдың даму қаупін жоққа шығаруға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Егер пациентте препаратты қабылдағаннан кейін уақытша көру қабілеті төмендесе ол қалпына келгенше автомобильді басқаруға және жоғары зейінділікті және реакцияны талап ететін қызмет түрлерімен айналысу ұсынылмайды.

Симптомдары: көздің ашып ауыруы, күйдіріп-ашытуы, көздің қызаруы, қабақтың ісінуі, жас ағуы.

Емі: препаратты тоқтату, симптоматикалық ем.

Шығарылу түрі және қаптамасы

Бейтарап шыныдан жасалған, резеңке тығынмен тығындалған және алюминий қалпақпен қаусырылған құтыларда 5 мл-ден. Құты тамшылатқыш - қақпақпен және медициналық қолдану жөніндегі мемлекеттік және орыс тіліндегі нұсқаулықпен бірге қорапшаға салынған.

Тамшылатқыш – түбекте 1 мл-ден.

2 немесе 10 тамшылатқыш – түбектен медициналық қолдану жөніндегі мемлекеттік және орыс тіліндегі нұсқаулықпен бірге қорапшаға немесе 2 тамшылатқыш – түбектен поливинилхлоридті үлбірден және алюминий фольгадан жасалған пішінді ұяшықты қаптамаға салынған. Бір пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде, 250С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

3 жыл

Ашылған құтыны жарықтан қорғалған жерде 15 С-ден 25 С-ге дейінгі температурада 4 апта ішінде сақтау керек.

Қаптамасында көрсетілген жарамдылық мерзімі өткеннен кейін қолдануға болмайды.

Босатылу шарттары

Рецептісіз

«Белмедпрепараты» РУК, Беларусь Республикасы

Заңды мекенжайы және шағымдарды қабылдайтын мекенжайы:

220007, Минск қ-сы, Фабрициус к-сі, 30,

т./ф.: (+375 17) 220 37 16, e-mail: medic@belmedpreparaty.com

Тіркеу куәлігі иесінің атауы және елі

«Белмедпрепараты» РУК, Беларусь Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«КазБелМедФарм» ЖШС

Заңды мекенжайы/Нақты мекенжайы:

040923, Алматы облысы, Қарасай ауданы, Райымбек ауылы, Жастар көшесі, 22

Телефонның/факстың нөмірлері: 8(727) 225-59-98, 378-52-74

Электрондық мекенжайы: info@kbmf.kz