Субатиниб (25 мг)

Субатиниб

Сунитиниб

Капсулалар12.5 мг, 25 мг, 50 мг

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық препараттар. Протеинкиназа тежегіштері. Сунитиниб.

АТХ коды L01XЕ04

• ересектердегі асқазан-ішектің операция жасалмайтын және/немесе метастаздық стромалық ісіктерінде (АІСІ) резистенттіліктің немесе жағымсыздығының салдарынан иматиниб мезилатымен емдеу тиімсіз болған жағдайда

• ересектердегі бүйрек жасушасының жайылған және/немесе метастаздық карциномасында (БЖмК)

• ересектердегі ұйқы безінің операция жасалмайтын немесе метастаздық, жоғары дифференциялы, үдей беретін нейроэндокриндік ісіктерінде (ұйқы безінің НЭІ).

Қолдануды бастағанға дейін қажетті мәліметтер тізбесі

- сунитинибке немесе препараттың басқа компоненттеріне жоғары сезімталдық

- жүктілік және лактация кезеңі

Қолдану кезінде қажетті сақтық шаралары

CYP3A4 күшті индукторларымен бірге қолданбаған дұрыс, өйткені ол сунитинибтің қан плазмасындағы концентрациясының азаюына алып келуі мүмкін.

CYP3A4 күшті тежегіштерімен бірге қолданбаған дұрыс, өйткені ол сунитинибтің қан плазмасындағы концентрациясының жоғарылауына алып келуі мүмкін.

Теріге әсері

Пациенттерге, емдеу кезінде шаштың түссізденуі орын алуы мүмкіндігін ескерту керек. Болуы мүмкін басқа дерматологиялық реакциялар терінің құрғауын, қалыңдауын немесе жарылуын, алақандар мен табандардағы күлбіреуіктерді немесе бөртпені қамтуы мүмкін.

Жоғарыда көрсетілген құбылыстардың барлығы жинақталмайтын, әдетте, қайтымды болды және әдетте, емдеуді тоқтатуды қажет етпеді. Әдетте, сунитинибті қабылдауды тоқтатқаннан кейін қайтымды гангреналы пиодермия жағдайлары туралы хабарланды.

Стивенс-Джонсон синдромын (СДС) білдіретін мультиформалы эритеманы (МЭ) және уытты эпидермалық некролизді (УЭН) қоса, терінің ауыр реакциялары дамыған жағдайлар туралы хабарланды, олардың кейіреулері өлімге соқтырған. МЭ, СДС, УЭН симптомдары (мысалы, терінің көбінесе күлбіреуіктермен немесе шырышты қабықтың зақымдануларымен жүретін үдемелі бөртпесі) туындаған жағдайда, сунитинибты қабылдауды тоқтату қажет. Егер СДС мен УЭН диагнозы расталса, емдеуді қайта бастауға тыйым салынады. МЭ күдік туындаған кей жағдайларда, пациенттерде реакция регрессиясынан кейін сунитинибпен төмен дозада қайтадан емдеудің жағымдылығы жақсы болды; ол пациенттердің кейбіреулері кортикостероидтармен немесе антигистаминдік препараттармен қатарлас емді де қабылдаған.

Қан кетулер және ісіктен қан кету

Кейде өлімге соқтыратын геморрагиялық асқынулар асқазан-ішектен, өкпеден, несеп шығару жолдарынан қан кетуді және миға қан құйылуларды қамтиды.

Бақылау үшін, жүйелі түрде дәрігерлік тексеру жүргізу және қан көрсеткіштерін бағалап отыру қажет.

Мұрыннан қан кетулер анағұрлым жиі кездесетін геморрагиялық жағымсыз реакциялар болды және ауқымды ісіктері бар, қан кетулер құбылыстары байқалған пациенттердің шамамен жартысында байқалды. Мұрыннан қан кетудің кейбір құбылыстары ауыр болды, бірақ, өлімге соқтырған жағдайлары аса сирек.

Кейде ісік некрозымен байланысты болған, ісіктен қан кету құбылыстары туралы хабарланды; ол қан кетулердің кейбіреулері өлімге соқтырған.

Ісіктен қан кету кенеттен дамуы мүмкін және, өкпе ісіктері жағдайында, қан түкіру немесе өкпеден өмірге қауіп төндіретіндей қан кету түрінде көрініс беруі мүмкін. Клиникалық және постмаркетингтік зерттеулерде бақыланған сунитинибті БЖмК, АІСІ және өкпе обырын емдеу үшін қабылдаған пациенттерде өкпеден қан кетудің кейбіреулері өлімге соқтыратын жағдайлары тіркелді. Сунитинибті өкпе обырын емдеуде қолдануға рұқсат етілмеген.

Антикоагулянттармен (мысалы, варфаринмен, аценокумаролмен) қатарлас ем қабылдап жүрген пациенттерде, қанның жалпы талдауын (тромбоциттер), ұю факторларын бағалау (ПУ/ХҚҚ) мен физикалық тексеруді орындай отырып, жүйелі түрде мониторинг жүргізу қажет.

Асқазан-ішек жолына әсері

Диарея, жүрек айнуы, құсу, іш ауыруы, диспепсия, стоматит/ауыз қуысының ауыруы сунитинибпен емдеумен байланысты асқазан ішек жолдары тарапынан болатын анағұрлым жиі кездесетін жағымсыз реакциялар болды, сонымен қатар, эзофагит жағдайлары туралы хабарланды.

Ондай жағдайларды демеуші ем құсуға қарсы, диареяға қарсы немесе антацидтік дәрілерді қолдануды қамтиды.

Құрсақішілік қатерлі жаңа түзілімдері бар, сунитинибпен ем қабылдаған пациенттерде, АІЖ перфорациясын қоса, ауыр, кейде өлімге соқтыратын, асқазан-ішек асқынуларының жағдайлары тіркелген.

Артериялық гипертензия

Сунитинибті қабылдау аясында гипертензияның, соның ішінде гипертензияның ауыр түрінің (систолалық қысым > 200 мм сн.бағ. немесе диастолалық қысым 110 мм сн.бағ.) туындағаны туралы хабарламалар бар.

Артериялық қысымды бақылаудың стандартты әдістерін пайдалана отырып, пациенттерді гипертензияның туындауына қатысты тексеру және оны бақылау керек. Гипертензияның емге бағынбайтын ауыр түрі бар пациенттерде, Субатинибпен емдеуді уақытша тоқтата тұру ұсынылады. Емдеуді АҚ тұрақтанғанннан кейін қайта бастайды немесе гипертензияны фармакологиялық түзетуді жүргізеді.

Гематологиялық бұзылулар

Сунитинибті қолданумен байланысты, нейтрофилдер мен тромбоциттердің абсолюттік мөлшерінің азайғаны туралы мәлімделді. Жоғарыда көрсетілген оқиғалар кумулятивті емес, әдетте қайтымды, және емдеуді тоқтатуға әкелмеген.

Тромбоцитопениямен және нейтропениямен байланысты фатальді қан кетулер жағдайлары тіркелді. 3-фазаны зерттеулерде осы жағдайлардың ешқайсысы өлімге ұшыратпады, бірақ постмаркетингтік бақылау кезінде тромбоцитопениялар мен нейтропениямен байланысты өлімге әкелетін қан кетулердің сирек жағдайлары туралы хабарланған. Сунитинибпен емдеу барысында анемия дамығаны туралы хабарланды. Сунитинибпен ем қабылдаған пациенттерде, әр ем циклының басында гематологиялық көрсеткіштерге толық талдау жүргізу керек.

Жүрек-қантамыр асқынулары

Сунитинибпен ем қабылдаған пациенттерде, жүрек жеткіліксіздігін, кардиомиопатияны, сол жақ қарыншаның қалыптың төменгі шегіне дейін лықсыту фракциясын (СҚЛФ), миокардитті, жүректің ишемиялық ауруын және миокард инфарктісін қоса, жүрек-қантамырдық асқынулар байқалды, олардың кейбіреулері өлімге соқтырған. Ол деректер, сунитиниб кардиомиопатия қаупін арттырады деген болжам жасауға мүмкіндік береді. Ем қабылдаған пациенттерде дәрілік препаратқа тән әсерінен басқа, сунитиниб индукциялаған кардиомиопатияның қандай-да бір қосымша спецификалық қауіп факторлары анықталған жоқ. Аталған құбылыстың даму қаупіне ұшыраған немесе олар анамнезінде болған пациенттерде Сунитинибті сақтықпен қолдану керек.

Сунитинибпен емдеу басталғанға дейін 12 ай бұрын жүрек аурулары байқалған емделушілер, мысалы, миокард инфарктісі (ауыр/тұрақсыз стенокардияны қоса алғанда), коронарлық/шеткі артериялардың шунттануы, симптоматикалық іркілісті жүрек жеткіліксіздігі (ІЖЖ), инсульт немесе транзиторлы ишемиялық шабуыл және өкпе эмболиясы сияқты пациеннттер сунитинибтің барлық клиникалық зерттеулерінен шығарылды.

Ондай аурулары бар пациенттердің емдеумен байланысты сол жақ қарынша дисфункциясы дамуының жоғары қаупіне ұшырайтын-ұшырамайтындығы белгісіз. Емдеуші дәрігерлер препаратты тағайындаудағы пайдасы/қаупі арақатынасын бағалауы тиіс. Анамнездегі жүрек аурулары және/немесе коронарлық артериялар ауруы дамуының қауіп факторлары бар пациенттерді сунитинибпен емдеу кезіндегі жүректің іркілісті жеткіліксіздігінің (ЖІЖ) клиникалық белгілері мен симптомдарының анықталуына қатысты мұқият тексеру керек. СҚЛФ емдеу басталғанға дейін, сондай-ақ, емдеу кезінде жүйелі түрде бағалау ұсынылады. Пациенттерде қауіп факторлары болмаған жағдайда, лықсыту фракциясын Субатинибпен емдеу басталғанға дейін бағалау ұсынылады.

ЖІЖ клиникалық белгілері көрініс берген жағдайда, Субатинибпен емдеуді тоқтату ұсынылады. ЖІЖ белгілерінсіз, бірақ емдеу басталғанған дейінгі мәндері СҚЛФ <50% және >20% төмен болған пациенттерде Субатинибтің дозасын азайту немесе препаратты қабылдауды тоқтату ұсынылады.

QT аралығының ұзаруы

Сунитинибті қабылдаған пациенттерде QT аралығының ұзаруы және torsade de pointes жағдайы байқалды. QT аралығының ұзаруы қарыншалардың жыпылықтауын-жыбырлауын (torsade de pointes) қоса, қарынша аритмиясының туындау қаупінің жоғарылауына алып келуі мүмкін. Анамнезінде QT аралығының ұзаруы бар, аритмияға қарсы препараттарды немесе QT аралығын ұзартуы мүмкін дәрілік препараттарды қабылдап жүрген пациенттерде, сондай-ақ, қатарлас жүрек аурулары, брадикардиясы немесе электролит теңгерімінің бұзылулары бар пациенттерде Субатинибті сақтықпен қолдану керек. Қан плазмасындағы сунитиниб концентрациясын арттыруы мүмкін CYP3A4 күшті тежегіштерін бір мезгілде қабылдағанда сақ болу және Сунитиниб дозасын азайту қажет

Вена тромбоэмболиясы

Сунитинибті қабылдаған пациенттерде еммен байланысты вена тромбоэмболиясы құбылыстары, соның ішінде, кейде өлімге соқтыратын терең веналар тромбозы және өкпе артериясының тромбоэмболиясы тіркелді.

Артериялық тромбоэмболия (АТЭ)

Сунитинибті қабылдаған пациенттерде кейде өлімге соқтыратын АТЭ жағдайлары туралы хабарланған.бәрінен жиі инсульт, транзиторлық ишемиялық шабуылдар және ми инфарктісі анықталды. АТЭ-мен байланысты қауіп факторлары (негізгі қатерлі ауруға және ≥ 65 жас шамасына қосымша), АГ, қант диабеті және осының алдындағы тромбоэмболиялық аурулар жатады.

Аневризма және аортаның қатпарлануы

Аортаның аневризмасы және/немесе қатпарлану жағдайлары, соның ішінде өліммен аяқталған жағдайлар тіркелді. Сунитинибпен емдеуді бастамас бұрын гипертензия немесе анамнезінде аневризманың болуы сияқты қауіп факторлары бар пациенттерде қолдану мүмкіндігін мұқият қарастыру қажет.

Тромбоздық микроангиопатия (ТМА)

Гемолиздік анемия, тромбоцитопения, қатты қажу, тұрақсыз неврологиялық көріністер, бүйрек функциясының бұзылулапры және температура жоғарылауы дамыған жағдайда, тромбоздық тромбоцитопениялық пурпураны (ТТП) және кейде өлімге соқтыратын гемолиздік уремиялық синдромды (ГУС) қоса, ТМА диагнозын қарастыру керек. ТМА дамыған пациенттерде сунитинибпен емдеуді тоқтату керек, және шұғыл ем жүргізу қажет. Препаратты тоқтатқаннан кейін ТМА әсерлерінің жоғалғаны байқалған.

Қалқанша без дисфункциясы

Субатинибпен емдеуді бастағанға дейін барлық пациенттерге қалқанша без функциясын алдын ала зертханалық жолмен тексеру ұсынылады, және гипотиреоз немесе гипертиреозы болғанда сунитинибпен ем басталғанға дейін без функциясын қалыпқа түсіруге арналған стандартты емді жүргізу керек. Сунитинибпен емдеу барысында әр 3 ай сайын қалқанша без функциясына жүйелі түрде мониторинг жүргізу керек. Бұдан өзге, емдеу кезінде пациенттерде қалқанша без функциясы бұзылуларының белгілері мен симптомдарын мұқият қадағалауды жүзеге асыру, және ондайлар болған жағдайда, клиникалық көрсетілімдерге сәйкес орындалатын, қалқанша без функциясын зертханалық тұрғыдан бағалауды қажет. Қалқанша без функциясының бұзылуы дамыған пациенттерді емдеуді стандартты медициналық тәжірибеге сәйкес жүргізу керек.

Гипотиреоз сунитинибпен емдеудің бастапқы және кейінгі сатысында туындады.

Панкреатит

Түрлі ауқымды ісіктері бар, Субатинибпен ем қабылдаған пациенттерде, сарысудағы липаза мен амилаза деңгейлерінің жоғарылағаны байқалды. Липаза деңгейінің жоғарылауы қысқамерзімді болды және түрлі ауқымды ісіктері бар пациенттерде панкреатит белгілерімен немесе симптомдарымен байланысты болды.

Панкреатит АІСІ немесе БЖмК емдеу үшін сунитинибті қабылдаған <1 % пациентте білінді. Панкреатит симптомдары болған жағдайда, сунитинибті қабылдауды тоқтату және тиісінше емдеу әдістерін қолдану керек.

Ұйқы безі тарапынан ауыр реакциялар жағдайлары тіркелді, олардың кейбіреулері өлімге соқтырған. Панкреатит симптомдары болған кезде сунитиниб қабылдауды тоқтатып, тиісті емдеу әдістерін қолдану керек.

Гепатоуыттылық

Бауыр функциясының кейбіреулері өлімге соқтыратын бұзылуы ауқымды ісіктері бар, сунитинибпен ем қабылдаған <1% пациентте байқалды. Емдеуді бастағанға дейін, әрбір емдеу циклы кезінде және клиникалық көріністері болған жағдайда, бауырдағы АЛТ, АСТ, билирубин деңгейінің функционалдық тестілеріне бақылау жүргізу қажет. Бауыр жеткіліксіздігінің белгілері немесе симптомдары пайда болған жағдайда, сунитинибпен емдеуді тоқтату және тиісінше демеуші емді қамтамасыз ету керек.

Бүйрек жеткіліксіздігі

Бүйрек функциясы нашарлаған, бүйрек жеткіліксіздігі және/немесе кей жағдайларда өлімге соқтыратын бүйректің жеткіліксіздігі жағдайлары туралы хабарланды.

Сунитинибті қабылдап жүрген пациенттерде бүйрек жеткіліксіздігімен байланысты қауіп факторлары бүйрек жасушасының карциномасына (БЖК) қосымша егде жастағыларды, бүйрек жеткіліксіздігінің себебі болып табылатын қант диабетін, жүрек жеткіліксіздігін, артериялық гипертензияны, сепсисті, дегидратацияны, гиповолемияны, рабдомиолизді қамтиды.

Орташа немесе ауыр протеинуриясы бар пациенттерде Субатинибпен ұзақ уақыт емдеудің қауіпсіздігі бағаланбады. Протеинурияның сирек жағдайлары және нефроздық синдромның сирек жағдайлары туралы хабарланды. Несептің базалық талдауы ұсынылады, сонымен қатар, пациенттерде протеинурияның дамуын немесе нашарлауын бақылау қажет. Нефроздық синдромы бар пациенттерде сунитинибпен емдеуді тоқтату керек.

Жыланкөздер

Жыланкөз туындаған жағдайда, сунитинибпен емдеуді тоқтату керек. Жыланкөзі бар пациенттерде сунитинибті қолдануды жалғастыруға қатысты ақпарат шектеулі.

Жаралардың жазылуының баяулауы

Сунитинибпен емдеу кезінде жаралардың жазылуы баяулаған жағдайлар тіркелді. Сунитинибтің жарақаттардың жазылуына әсеріне ресми клиникалық зерттеулер жүргізілген жоқ.

Ауыр хирургиялық араласым қажет пациенттерге сақтық тұрғысынан Субатинибпен емделуді уақытша үзе тұру ұсынылады. Хирургиялық араласымнан кейін емдеуді қайта бастау мерзімдеріне қатысты клиникалық тәжірибе шектеулі. Сондықтан, ауыр хирургиялық араласымнан кейін Субатинибпен емдеуді қайта бастау туралы шешім операциядан кейін қалпына келудің клиникалық тұрғыдан бағалануына негізделуі тиіс.

Жақсүйек остеонекрозы (ЖОН)

Сунитинибті қабылдаған пациенттерде жақсүйек остеонекрозы жағдайлары тіркелген. Жағдайлардың көпшілігі бисфосфонаттармен емді осының алдында немесе қатарлас вена ішіне қабылдаған пациенттерде тіркелген, ол ЖОН үшін қауіп факторы болып табылады. Субатинибпен және венаішілік бисфосфонатпен емдеу режимінің таңдалуына: екі препараттың бір мезгілде немесе бірінен соң бірі қолданылуына ерекше мұқият көңіл бөлу қажет.

Инвазивтік стоматологиялық емшаралар да ЖОН үшін қауіп факторы ретінде анықталады. Субатинибпен емдеуді бастағанға дейін стоматологиялық тексеру және тиісінше, тістердің профилактикалық санациясы емшаралары жүргізілуі тиіс. Субатинибті және онымен бір мезгілде бисфосфонатты вена ішіне қабылдап жүрген, немесе бисфосфонаттарды вена ішіне қабылдаған пациенттер, мүмкіндігінше, инвазивтік стоматологиялық емшаралардан аулақ болуы керек.

Аса жоғары сезімталдық/ангионевроздық ісіну

Егер жоғары сезімталдыққа байланысты, ангионевроздық ісіну туындаса, сунитинибпен емдеу тоқтатыла тұруы және стандартты медициналық көмек көрсетілуі тиіс.

Құрысу ұстамалары

Сунитинибті маркетингтен кейінгі кезеңде қолданғанда, құрысулар жағдайлары тіркелді. Құрысулары бар және гипертензия, бас ауыруы, мәңгіру, ақыл-ой қызметінің бұзылуы, қайтымды артқы лейкоэнцефалопатияның кортикальді соқырлықты қоса, көрмей қалу сияқты белгілері/симптомдары бар пациенттер артериялық қысымды бақылауды қоса, медициналық қадағалауда болуы тиіс. Сутентпен емдеуді уақытша тоқтата тұру ұсынылады. Симптомдары жоғалғаннан кейін, дәрігердің шешімімен емдеуді қайта бастауға болады.

Ісік лизисі синдромы (ІЛС)

Сунитинибті маркетингтен кейінгі кезеңде қабылдаған пациенттерде ІЛС кейді өлімге соқтыратын жағдайлары сирек білінді. Көбінесе, ІЛС дамуы қаупіне емдеу басталғанға дейін ісік массасы үлкен болған, бұрыннан бүйректің созылмалы жеткіліксіздігі, олигуриясы, сусыздануы, артериялық гипотензиясы және несептің қышқыл реакциясы бар науқастар ұшырайды. Ол пациенттер дәрігердің қатаң бақылауында болуы және клиникалық көрсетілімдеріне сәйкес емделуі тиіс; профилактикалық гидратация туралы мәселені қарастыру керек.

Инфекциялар

Нейтропениямен/оныз жүретін, ауыр инфекциялар туралы хабарламалар бар, олардың кейбіреулері өлімге соқтырған.

Некроздайтын, соның ішінде, шаттағы фасцииттің сирек, кейде өлімге соқтыратын жағдайлары тіркелген. Пациентте некроздайтын фасциит дамыған жағдайда, Субатинибпен емдеуді тоқтату және дереу тиісінше емді бастау керек.

Гипогликемия

Сунитинибпен емдеу кезінде қандағы глюкоза деңгейінің төмендеуі құбылыстары байқалды, кей жағдайларда олар клиникалық көріністерімен қатар жүрген және пациенттерді ауруханаға жатқызуды қажет еткен. Гипогликемия симптомдары көрініс берген жағдайда, сунитинибпен емдеуді уақытша үзе тұру керек. Қант диабеті бар пациенттерде гипогликемияның даму қаупін азайту мақсатында, диабетке қарсы препараттың дозасын түзету қажеттілігін бағалау үшін, қандағы глюкоза деңгейін тұрақты түрде бақылау қажет.

Басқа дәрілік препараттармен өзара әрекеттесуі

Өзара әрекеттесуді зерттеу ересектерде ғана жүргізілді.

Сунитинибтің қан плазмасындағы концентрациясын арттыратын препараттар

CYP3A4 тежегіштерінің әсері

Субатинибтің бір реттік дозасын CYP3A4 күшті тежегіші кетоконазолмен бірге қолдану сунитиниб+негізгі белсенді метаболит кешенінің ең жоғарғы концентрациясын (Сmax) және концентрациясынының уақытқа тәуелділігі қисығы астындағы ауданының (AUC0-∞) мәнін сәйкесінше 49% және 51%-ға арттырады.

Субатинибті CYP3A4 басқа күшті тежегіштерімен (мысалы, ритонавирмен, итраконазолмен, эритромицинмен, кларитромицинмен немесе грейпфрут шырынымен) қолдану сунитиниб концентрациясының жоғарылауына алып келуі мүмкін. CYP3A4 тежегіштерін Субатинибпен бірге қабылдамау немесе CYP3A4 тежеуге қабілеттілігі өте аз, баламалы препаратты таңдау керек. Егер ол мүмкін болмаса, Субатинибтің жағымдылығын мұқият мониторингілеуді негізге ала отырып, дозасын АІСІ мен БЖмК үшін тәулігіне 37.5 мг дейін немесе ұйқы безінің НЭІ үшін тәулігіне 25 мг дейін азайту қажет.

Сүт безі обырының резистенттілігі ақуызы (СБОРА) тежегіштерінің әсері

Сунитиниб пен СБОРА тежегіштерінің өзара әрекеттесуіне қатысты қолжетімді клиникалық деректер шектеулі, және сунитинибтің СБОРА басқа тежегіштерімен өзара әрекеттесуі мүмкіндігін жоққа шығаруға болмайды.

Сунитинибтің қан плазмасындағы концентрациясын төмендететін препараттар

CYP3A4 индукторларының әсері

Субатинибтің бір реттік дозасын CYP3A4 индукторы рифампицинмен бірге қолдану сунитиниб+негізгі белсенді метаболит кешенінің Сmax және AUC0-∞ сәйкесінше 23% және 46%-ға төмендетеді.

Субатинибті CYP3A4 басқа күшті индукторларымен (мысалы, дексаметазонмен, фенитоинмен, карбамазепинмен, рифампицинмен, фенобарбиталмен немесе шілтерлі шайқураймен) бірге қолдану сунитиниб концентрациясының азаюына алып келуі мүмкін.

CYP3A4 индукторларын Субатинибпен бірге қабылдамау немесе CYP3A4 индукциялауға қабілеттілігі өте аз, баламалы препаратты таңдау керек. Егер ол мүмкін болмаса, Субатинибтің жағымдылығын мұқият мониторингілеуді негізге ала отырып, дозасын тәулігіне 12.5 мг-ден (АІСІ және БЖмК үшін тәулігіне 87.5 мг дейін немесе ұйқы безінің НЭІ үшін тәулігіне 62.5 мг дейін) арттыру қажет.

Арнайы сақтандырулар

Педиатрияда қолданылуы

Субатиниб 18 жасқа толмаған адамдардың қабылдауы үшін ұсынылмайды.

Жүктілік немесе лактация кезінде

-Егер сіз жүкті болсаңыз, жүктілікті білдірсеңіз немесе жүкті болуды жоспарлап отырсаңыз, бұл туралы жүктілік кезінде бұл дәрі-дәрмекті қабылдау мүмкіндігі бар–жоғын талқылайтын дәрігеріңізбен ақылдасыңыз:

- жүкті болу мүмкіндігі бар әйелдерге емдеу кезінде және емдеу аяқталғаннан кейін екі апта ішінде тиімділігі жоғары контрацепцияны пайдалану ұсынылады;

- емдеу кезінде бала емізу ұсынылмайды.

Егер сіз автомобилді қауіпсіз басқару немесе осы дәрі-дәрмекті қабылдағаннан кейін қандай да бір құралдарды немесе машиналарды пайдалану қабілетіне әсер етуі мүмкін жағымсыз әсерлерді (мысалы, бас айналу немесе көру бұзылыстары сияқты) сезінсеңіз, сізге бұл әсер жойылғанша осы әрекеттерден бой тарту керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Субатиниб автокөлік құралдарын басқару және механизмдермен жұмыс істеу қабілетіне елеусіз әсер береді. Пациенттерге, Субатиниб препаратымен емдеу кезінде олардың бас айналуын сезінуі мүмкіндігін ескерту керек.

Қолдану жөніндегі нұсқаулар

Дозалау режимі

- АІСІ және БЖмК кезінде Субатинибтің ұсынылатын дозасы кейіннен 2 апта үзіліс жасай отырып, 4 апта ішінде күніне 50 мг құрайды (4/2-сызбасы). Бұл дозаға 25 мг екі қатты капсуланы немесе 50мг бір капсуланы 4 апта ішінде күніне 1 рет қабылдау арқылы, кейіннен 2 апта үзіліс жасай отырып қол жеткізіледі. Емнің толық циклі-6 аптаны құрайды.

- ұйқы безінің НЭІ-де Субатинибтың ұсынылған дозасы -37.5 мг ішке күніне бір рет үзіліссіз. Бұл доза күніне 1 рет 12.5 мг-нан үш қатты капсуланы қабылдау немесе 25 мг-нан бір капсуланы және 12.5 мг-нан бір капсуланы қабылдау арқылы қол жеткізіледі.

Дозасын түзету

Қауіпсіздігі мен жағымдылығы

АІСІ және БЖмО үшін, дозасын 12.5 мг-ге арттыру немесе төмендету аралығымен өзгертуді жеке қауіпсіздігі мен жағымдылығына байланысты жүзеге асыруға болады. Тәуліктік дозасы 75 мг немесе аспауы немесе 25 мг азды құрауы тиіс.

Ұйқы безінің НЭІ үшін, дозасын модификациялауды 12.5 мг арттыру немесе төмендету аралығымен, жеке қауіпсіздігі мен жағымдылығына байланысты, ең жоғарғы - күніне 50 мг дозасына дейін жүзеге асыруға болады.

Жеке қауіпсіздігі мен жағымдылығына байланысты, емдеуді уақытша тоқтату қажет болуы мүмкін.

CYP3A4 тежегштері/ индукторлары

Субатинибті және рифампицин сияқты CYP3A4 күшті индукторларын біріктіріп тағайындамау керек. Егер ол мүмкін болмаса, онда Субатинибтің жағымдылығын мұқият қадағалай отырып, дозасын 12.5 мг төмендету аралығымен, ең жоғарғы күніне 87.5 мг (АІСІ және БЖмО) немесе 62.5 мг (ұйқы безінің НЭІ) дозасына дейін арттыру керек.

Субатинибті және кетоконазол сияқты CYP3A4 күшті тежегіштерін біріктіріп тағайындамау керек. Егер ол мүмкін болмаса, онда Субатинибтің жағымдылығын мұқият қадағалай отырып, дозасын 12.5 мг төмендету аралығымен, ең төменгі, күніне 37.5 мг (АІСІ және БЖмО) немесе 25 мг (ұйқы безінің НЭІ) дозасына дейін төмендету керек.

CYP3A4 индукциялаудың немесе тежеудің ең аз мүмкіндігінсіз/мүмкіндігімен баламалы қатарлас дәрілік препараттарды таңдап алу ұсынылады.

Пациенттердің ерекше топтары

Балалар

18 жасқа толмаған балаларда Субатиниб препаратының қауіпсіздігі мен тиімділігі анықталмаған. Қазіргі кезде қолжетімді деректердің негізінде, дозалауға қатысты ешқандай нұсқау беру мүмкін емес.

Егде пациенттер

Жас және егде пациенттер арасында препараттың қауіпсіздігі мен тиімділігінде ешқандай елеулі айырмашылықтар анықталмаған.

Бауыр функциясы бұзылуы

Бауыр функциясы бұзылуының бастапқы жеңіл (Чайлд-Пью бойынша А класы) немесе орташа бұзылуы (Чайлд-Пью бойынша В класы) бар пациенттерде дозасын өзгерту қажет емес. Бауыр функциясының ауыр бұзылулары бар (Чайлд-Пью бойынша С класы) пациенттерде сунитинибтің пайдаланылуы зерттелмеген, сондықтан, бүйректің ауыр жеткіліксіздігі бар пациенттерде сунитинибті қолдану ұсынылмайды.

Бүйрек функциясы бұзылуы

Бүйрек жеткіліксіздігі бар (жеңілден ауырға дейін) пациенттерде немесе бүйрек жеткіліксіздігінің терминальді сатысы (БСЖ) бар, гемодиализ жүргізілетін пациенттерде Субатинибтің бастапқы дозасын түзету қажет емес. Ары қарай дозасын түзету жеке қауіпсіздікке және препараттың жағымдылығына негізделуі тиіс.

Енгізу әдісі және жолы

Препарат пероральді қабылданады.

Қабылдау уақыты көрсетілген қолдану жиілігі

Ішке. Ересектерге.

Препаратты тек дәрігер тағайындай алады және ұсынылған дозада күніне 1 рет қабылданады.

Препаратты тамақ ішуге байланыссыз қабылдайды.

Егер препарат қабылданбаған болса, қосымша дозаны қабылдауға болмайды. Препараттың әдеттегі жазып тағайындалған дозасын келесі күні қабылдау керек.

Ұзақ емдеу

Ересектердегі асқазан-ішектің операция жасалмайтын және/немесе метастаздық стромалық ісіктерінде (АІСІ) резистенттіліктің немесе жағымсыздығының салдарынан иматиниб мезилатымен емдеу тиімсіз болған жағдайда бүйрек жасушасының жайылған және/немесе метастаздық карциномасының (БЖмК) емнің толық циклы 6 аптаны құрайды.

Ұйқы безінің операция жасалмайтын немесе метастаздық, жоғары дифференцияланған нейроэндокринді ісіктері кезінде тұрақты ұзақ мерзімді емдеу қарастырылған.

Сіздің дәрігеріңіз Субатиниб препаратымен емдеуді тоқтату туралы мәселені нақты критерийлер негізінде қарастыра алады.

Артық дозалану жағдайында қабылдау қажет болатын шаралар

Артық дозалануының бірнеше жағдайы тіркелген, олардың кейбіреулері сунитинибтің белгілі қауіпсіздік бейініне сәйкес келетін жағымсыз әсерлермен қатар жүрген.

Арнайы антидоты жоқ. Артық дозалануы кезіндегі медициналық көмек симптоматикалық емді қамтуы тиіс. Сіңірілмеген әсер етуші затының элиминациясы үшін көрсетілімдер болған жағдайда, құстыру немесе асқазанды шаюды жүргізу ұсынылады.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер сіз Субатиниб дозасын өткізіп алсаңыз, келесі дозаны кестеге сәйкес қабылдаңыз. Қабылданбаған капсуланы толтыру үшін екі есе дозаны қабылдамаңыз

Тоқтату симптомдары қаупінің барын көрсету

Препаратты өз бетімен қабылдауды тоқтатпаңыз. Сіздің дәрігер айтуынсыз препаратты қабылдауды тоқтатуыңыз сіздің ауруыңыздың асқыну қаупін төндіреді.

Сіздің дәрігер сіздің еміңізді арнайы диагностикалық тест арқылы үнемі бағалайды және препаратты қабылдауды жалғастыру –жалғастырмау туралы шешім жасайды. Егер сізге Субатиниб қабылдауды тоқтату ұйғарылса, сіздің дәрігеріңіз препаратты қабылдауды тоқтатқанға дейін, тоқтату кезінде және одан кейін сіздің жай-күйіңізді мұқият бақылауды жалғастырады және егер сіздің жағдайыңыз қажет екенін көрсетсе, Субатиниб препаратын қабылдауды жаңғыртуды сұрай алады.

Егер сізде Субатиниб препаратын пайдалану туралы қосымша сұрақтар болса, емдеуші дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өлімге соқтырған, сунитинибпен емдеумен байланысты болуы мүмкін келесі жағдайлар туралы хабарланған: көпағзалық жеткіліксіздік, диссеминацияланған тамырішілік ұю синдромы, құрсақішілік қан кету, бүйрекүсті безі жеткіліксіздігі, пневмоторакс, шок және кенеттен өлу.

Препараттың жағымсыз әсерлері әрбір ағза жүйесіне қатысты кездесі жиіліктеріне байланысты, келесі жіктемені пайдаланып жүйеге келтірілген, әрбір топта жағымсыз әсерлердің жиілігі келесі жіктеуді пайдалана отырып, ауырлықты азайту тәртібімен ұсынылған: өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000) немесе белгісіз (қолда бар деректер бойынша бағаланбайды).

Өте жиі

• нейтропения, тромбоцитопения, анемия, лейкопения

• гипотиреоз

• тәбеттің төмендеуі, анорексия

• ұйқысыздық

• бас айналуы, бас ауыруы, дәм сезудің бұзылуы, дисгевзия, агевзия

• артериялық гипертензия

• ентігу, мұрыннан қан кету, жөтел

• стоматит, афтоздық стоматит, іш ауыруы, іштің жоғарғы немесе төменгі бөлігінің ауыруы, құсу, диарея, диспепсия, жүрек айнуы, құсу

• тері түсінің өзгеруі, терінің сарғаюы, тері пигментациясының бұзылуы, алақан-табан эритродизестезиясы синдромы, бөртпе (псориаз тәрізді дерматит, эксфолиативтік, эритемалық, фолликулярлық, жайылған, макулалық, макулопапулалық, папулалық, қышынумен жүретін), шаш түсінің өзгеруі, терінің құрғауы

• аяқ-қолдардың ауыруы, артралгия, арқаның ауыруы

• шырышты қабықтың қабынуы, қатты қажу, астения, ісіну, беттің ісінуі, шеткері ісіну, пирексия

Жиі

• вирустық инфекциялар (назофарингит және ауыз қуысының герпесі), тыныс жолдарының инфекциялары* (бронхит, төменгі тыныс жолдарының инфекциялары, пневмония), абсцесс* (аяқ-қолдың, анальді, қызыл иектің, бауырдың, ұйқы безінің, шаттың, периректальді, ректальді, теріастылық және тістің), зең инфекциялары (өңештің және ауыз қуысының кандидозы), несеп шығару жолдарының инфекциялары, тері инфекциялары (флегмона және тері инфекциясы), сепсис* (сепсис және сепсистік шок)

• лимфопения

• сусыздану, гипогликемия

• депрессия

• шеткері нейропатия, парестезия, гипестезия, гиперестезия

• көзұя маңының ісінуі, қабақтың ісінуі, көзден жас парлаудың күшеюі

• миокард ишемиясы* (жедел коронарлық синдром, стенокардия, тұрақсыз стенокардия, коронарлық артерияның окклюзиясы, миокард ишемиясы), лықсыту фракциясының төмендеуі (лықсыту фракциясының төмендеуі/ нормадан ауытқуы)

• терең веналар тромбозы, қан тебулер, гиперемия

• өкпе артериясының тромбоэмболия *, экссудативтік плеврит*, қан түкіру, дене жүктемесі кезінде ентігу, ауыз қуысының, тамақтың, жұтқыншақ пен көмейдің ауыруы, мұрынның бітелуі, мұрынның құрғауы

• гастроэзофагеальді рефлюкс ауруы, дисфагия, асқазан-ішектен қан кету*, эзофагит*, іштің кебуі, іштегі жайсыздық, тік ішектен қан кету, қызыл иектен қан кету, ауыз қуысының ойық жаралануы, прокталгия, хейлит, геморрой, глоссалгия, ауыз қуысының ауыруы, ауыздың құрғауы, метеоризм, ауыз қуысындағы жайсыздық, кекіру

• терінің қабыршықтануы, тері реакциясы, терінің зақымдануы, экзема, күлбіреуік, эритема, алопеция, акне, қышыну, терінің гиперпигментациясы, терінің зақымдануы, гиперкератоз, дерматит, тырнақтардың ауруы, тырнақ түсінің өзгеруі

• қаңқа-бұлшықет ауыруы, бұлшықет түйілулері, миалгия, бұлшықеттердің әлсіздігі

• бүйрек жеткіліксіздігі*, бүйректің жедел жеткіліксіздігі*, хроматурия, протеинурия

• кеуде қуысының ауыруы, тұмау тәрізді ауру, қалтырау

• дене салмағының азаюы, лейкоциттер санының азаюы, липаза деңгейінің жоғарылауы, тромбоциттер санының азаюы, гемоглобин деңгейінің төмендеуі, амилаза деңгейінің жоғарылауы, аспартатаминотрансфераза деңгейінің жоғарылауы, аланинаминотрансфераза деңгейінің жоғарылауы, қандағы креатинин деңгейінің жоғарылауы, артериялық қысымның жоғарылауы, қандағы несеп қышқылы деңгейінің жоғарылауы

Жиі емес

• некроздайтын фасциит*, бактериялық инфекциялар (ішперде абсцесі, абдоминальді сепсис, дивертикулит және остеомиелит)

• панцитопения

• аса жоғары сезімталдық

• гипертиреоз

• геморрагиялық инсульт*, ми қанайналымының жедел бұзылуы*, транзиторлық ишемиялық шабуыл

• жүректің іркілісті жеткіліксіздігі, миокард инфарктісі* (миокардтың жедел инфарктісі, миокардтың жасырын инфарктісі), жүрек жеткіліксіздігі*, кардиомиопатия*, экссудаттық перикардит, ЭКГ-да QT аралығының ұзаруы

• ісіктен қан кету*

• өкпеден қан кету*, тыныс алу жеткіліксіздігі*

• асқазан-ішек жолының перфорациясы*, панкреатит, анус жыланкөзі

• бауыр жеткіліксіздігі*, холецистит*, бауыр функциясының нормадан ауытқуы

• жақсүйек остеонекрозы, жыланкөз*

• несеп шығару жолдарынан қан кету

• жара жазылуының бұзылуы

• қандағы креатинфосфокиназа және тиреотропты гормон деңгейінің жоғарылауы

• колит және ишемиялық колит

Сирек

• тромбоздық микроангиопатия* (тромбоздық тромбоцитопениялық пурпура, гемолиздік уремиялық синдром)

• ангионевроздық ісіну

• тиреоидит

• ісік лизисі синдромы*

• қайтымды артқы энцефалопатия синдромы*

• сол жақ қарыншаның жеткіліксіздігі*, қарыншаның көп формалы пароксизмалық тахикардиясы (Torsade de pointes)

• гепатит

• полиформалы эритема*, Стивенс – Джонсон синдромы*, гангреналы пиодермия, уытты эпидермалық некролиз*

• рабдомиолиз*, миопатия

• нефроздық синдром

Жиілігі белгісіз

• аневризма және аортаның қабынуы*

*Өлімге соқтырған құбылыстарды қоса.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір капсуланың 12.5 мг құрамында:

белсенді зат - сунитиниб малаты 16.705 мг (сунитинибке баламалы 12.500 мг),

қосымша заттар : маннитол, натрий кроскармеллозасы, повидон К25, магний стеараты,

капсула қабығының құрамы (корпусы және қақпағы):Аллюра қызыл (АС-FD&CRed 40), титанның қостотығы (Е171), желатин

Бір капсуланың 25 мг құрамында:

белсенді зат - сунитиниб малаты 33.410 мг (сунитинибке баламалы 25.000 мг),

қосымша заттар: маннитол, натрий кроскармеллозасы, повидон К25, магний стеараты,

капсула қабығының құрамы:

корпусы: титанның қостотығы (Е171), темірдің қызыл тотығы (Е172), желатин

қақпағы: темірдің қара тотығы (Е172), темірдің қызыл тотығы (Е172), темірдің сары тотығы (Е172), титанның қостотығы (Е171), желатин

Бір капсуланың 50 мг құрамында:

белсенді зат- сунитиниб малаты 66.820 мг (сунитинибке баламалы 50.000 мг),

қосымша заттар: маннитол, натрий кроскармеллозасы, повидон К25, магний стеараты,

капсула қабығының құрамы:

корпусы: титанның қостотығы (Е171), темірдің қызыл тотығы (Е172), темірдің сары тотығы (Е172), желатин

қақпағы: темірдің қызыл тотығы (Е172), темірдің сары тотығы (Е172), титанның қостотығы (Е171), желатин

Сыртқы түрінің, иісінің, дәмінің сипаттамасы

12.5 мг, 25 мг, 50 мг капсулалар.

Өлшемі №4, корпусы мен қақпағы қызыл сары–қызыл түсті, корпусында «12.5 mg» және қақпағында «ŋ» ақ түсті сиямен жазылған таңбасы бар қатты желатин капсулалар. Капсуланың ішіндегісі - қызыл сары түсті ұнтақ (12.5 мг доза үшін).

Өлшемі №3, корпусы қызыл кірпіш түсті және қақпағы қоңыр қызыл сары түсті, корпусында «25 mg» және қақпағында «ŋ» ақ түсті сиямен жазылған таңбасы бар қатты желатин капсулалар. Капсуланың ішіндегісі - қызыл сары түсті ұнтақ (25 мг доза үшін).

Өлшемі №2, корпусы мен қақпағы қызыл сары түсті, корпусында «50 mg» және қақпағында «ŋ» ақ түсті сиямен жазылған таңбасы бар қатты желатин капсулалар. Капсуланың ішіндегісі - қызыл сары түсті ұнтақ (50 мг доза үшін).

Шығарылу түрі және қаптамасы

10 капсуладан алюминий форматурадан және баспалық алюминий фольгадан жасалған пішінді ұяшықты қаптамаға салынады.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

18 ай.

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727)399-50-50

Факс нөмірі: (+7 727)399-60-60

Электронды пошта nobel@nobel.kz

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727)399-50-50

Факс нөмірі: (+7 727)399-60-60

Электронды пошта nobel@nobel.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727)399-50-50

Факс нөмірі: (+7 727)399-60-60

Электронды пошта nobel@nobel.kz