Стугерон® (25 мг)

МНН: Циннаризин
Производитель: Гедеон Рихтер ОАО
Анатомо-терапевтическо-химическая классификация: Cinnarizine
Номер регистрации в РК: № РК-ЛС-5№002047
Период регистрации: 27.11.2015 - 27.11.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 1.99 KZT

Инструкция

Саудалық атауы

Стугерон®

Халықаралық патенттелмеген атауы

Циннаризин

Дәрілік түрі

Таблеткалар, 25 мг

Құрамы

Бір таблетканың құрамында

белсенді зат - циннаризин 25 мг

қосымша заттар: сусыз коллоидты кремнийдің қостотығы, картоп крахмалы, магний стеараты, повидон, тальк, жүгері крахмалы, лактоза моногидраты.

Сипаттамасы

Дөңгелек пішінді, тегіс беткейлі, ойығы бар, іс жүзінде иіссіз, бір жағында "STUGERON" ойып жазылған және екінші жағында сызығы бар, ақ түсті таблеткалар.

Фармакотерапиялық тобы

Жүйке жүйесі ауруларын емдеуге арналған басқа да препараттар. Бас айналуын жоюға арналған дәрілер. Циннаризин.

АТХ коды N07C A02

 

Фармакологиялық қасиеттері

Фармакокинетикасы

Ішке қабылдағаннан кейін циннаризин бір сағаттың ішінде сіңеді, препараттың биологиялық жетімділігі асқазандағы тұз қышқылының мөлшеріне байланысты.

Плазмада циннаризиннің ең шекті концентрациясына препаратты қабылдағаннан кейін 1-3 сағат өткен соң жетеді. Циннаризиннің плазма ақуыздарымен байланысуы 91% құрайды. Циннаризиннің плазмадан жартылай шығарылу кезеңі 4 сағатты құрайды. Циннаризин глюкуронидтер түзу арқылы конъюгациялану жолымен бауырда қарқынды метаболизмге ұшырайды. Осы метаболиттердің 1/3 бүйрекпен, 2/3 – ішек арқылы бөлінеді.

Фармакодинамикасы

Циннаризин – Стугерон® препаратының әсер ететін заты, кальций өзектерін бөгеу арқылы қантамырлардың тегіс бұлшықеттері жасушаларының жиырылуын тежейді. Одан басқа, циннаризин кальцийдің тікелей антагонисі болып табылады және рецептор-басқарушы кальций өзектерін бөгей отырып, норэпинефрин және серотонин вазоактивті заттардың жиырылғыш белсенділігін төмендетеді. Кальцийдің жасушаға түсуін бөгеу тіндік-селективті болып табылады және артериялық қысымға немесе жүрек жиырылысының жиілігіне әсер етпестен, вазоконстрикцияның азаюына алып келеді. Циннаризин қосымша эритроциттердің деформацияға ұшырауын күшейтіп, және қан тұтқырлығын төмендетіп, жеткіліксіз микроайналымды жақсартуы мүмкін. Оны қабылдағанда жасушалардың гипоксияға төзімділігі артады.

Стугерон® вестибулярлы жүйенің көтермеленуін төмендетеді, нәтижесінде нистагм және вегетативті бұзылудың басқа да автономды симптомдары жойылады. Препарат бас айналуының жедел ұстамасы симптомдарының пайда болуына кедергі келтіреді немесе оны бөгейді.

Қолданылуы

  • бас айналу, құлақтың шуылдауы, жүрек айну, құсу сияқты Меньер ауруы кезінде туындайтын вестибулярлық бұзылулардың профилактикасында және емдеуде

  • қозғалыс кезіндегі бас айналу профилактикасында және емдеуде

Қолдану тәсілі және дозалары

Ішке қабылдауға арналған. Стугерон® тамақтан кейін қабылданғаны дұрыс. Вестибулярлық бұзылу

Ересектер, егде жастағы адамдар және 12 жастан асқан жасөспірімдер: 1 таблеткадан күніне 3 рет.

6 жастан 12 жасқа дейінгі балалар: ересектер дозасының жартысы ұсынылады.

Ұсынылатын дозадан асырмау керек.

Қозғалыс кезіндегі бас айналу

Ересектер, егде жастағы адамдар және 12 жастан асқан жасөспірімдер: сапарға дейін 2 сағат бұрын 1 таблеткадан, одан әрі сапар бойына әрбір 8 сағат сайын 1/2 таблеткадан.

6 жастан 12 жасқа дейінгі балалар: ересектер дозасының жартысы ұсынылады.

Жағымсыз әсерлері

Жиі

  • ұйқышылдық, диспепсиялық құбылыстар (әдетте өтпелі болады және біртіндеп оңтайлы дозасына жеткізу арқылы болдырмауға болады)

Сирек

  • ауыздың құрғауы, дене салмағының артуы

  • бас ауыру

  • қатты тершеңдік

  • аллергиялық реакциялар

Өте сирек

  • қызыл жалпақ теміреткі, қызыл жегі тәрізді реакциялар

  • бір ғана холестаздық сарғаю жағдайы

  • қарттық жастағы науқастарға Стугеронды® ұзақ қолданғанда экстрапирамидалық бұзылыстар, депрессия болуы мүмкін. Мұндай жағдайларда емдеу курсын тоқтату керек.

Қолдануға болмайтын жағдайлар

  • белсенді затқа немесе препараттың кез келген қосымша заттарына жоғары сезімталдық

  • 6 жасқа дейінгі балаларға

Дәрілермен өзара әрекеттесуі

Алкогольді қатар тұтыну және ОЖЖ қызметін бәсеңдететін дәрілерді немесе үшциклді антидепрессанттарды қолдану аталған дәрілік заттардың кез келгенінің немесе Стугерон® препаратының тыныштандыратын әсерін күшейтуі мүмкін.

Теріге аллергиялық сынама жүргізгенде антигистаминді әсері болуына байланысты Стугерон® тері реактивтілігі факторына оң реакцияны көрсетпеуі мүмкін. Осының алдын алу үшін тері сынамаларын жүргізуден 4 күн бұрын Стугерон® қабылдамаған жөн.

Айрықша нұсқаулар

Басқа антигистаминдік препараттар сияқты Стугерон® асқазанда жайсыздық туындатуы мүмкін. Препаратты тамақтанудан кейін қабылдау асқазан шырышты қабығының тітіркенуін азайтуға мүмкіндік береді.

Паркинсон ауруы бар емделушілерге пайдасы осы аурудың ықтимал ушығу қаупінен асып түскен жағдайда ғана, Стугерон® ұсынылады.

Мынадай аурулар болғанда сақтықпен қолданады: айқын гипотония, бауыр және бүйрек аурулары.

Препараттың әр таблеткасы құрамында 175,00 мг лактоза моногидраты болады. Галактоза жақпаушылығы, Лапп лактаза жеткіліксіздігі сияқты сирек тұқым қуалайтын аурулары немесе глюкоза-галактоза сіңуінің бұзылуы бар емделушілер бұл дәрілік затты қабылдамаулары тиіс.

Стугерон® емдеудің басында ұйқышылдық туындатуы мүмкін болғандықтан, алкоголді қатар тұтынғанда немесе ОЖЖ қызметін бәсеңдететін дәрілер қабылдағанда сақ болған жөн.

Жүктілік және лактация кезеңі

Жануарларға сынақтар жүргізгенде циннаризин тератогенді әсер көрсетпегенімен, Стугерон®, кез келген дәрілік заттар секілді, егер анасы үшін емдік пайдасы ұрыққа төнетін ықтимал қауіпті ақтайтын жағдайда болса ғана, жүктілік кезеңінде пайдаланылуы тиіс.

Стугерон® препаратының әйелдің емшек сүтіне бөлінуі туралы деректер жоқ, сондықтан Стугерон® қабылдайтын әйелдер бала емізуден бас тарта тұрулары тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдағаннан кейін, әсіресе емдеу курсының басында ұйқышылдықтың болуына байланысты көлік жүргізгенде және жарақаттану қаупі жоғары жағдайларда жұмыс істегенде сақ болу қажет.

Артық дозалануы

Симптомдары: құсу, ұйқышылдық, бұлшықет дірілі, гипотония, кома.

Емі: арнайы у қайтарғысы жоқ. Препаратты тоқтату, асқазанды шаю, белсендірілген көмірді енгізу, симптоматикалық ем жүргізу ұсынылады.

Шығарылу түрі және қаптамасы

25 таблеткадан ПВХ үлбірден және алюминий фольгада жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

30 °C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

«Гедеон Рихтер» ААҚ

1103 Будапешт, Дъемреи к-сі, 19-21, Венгрия

Тіркеу куәлігі иесінің атауы мен елі

«Гедеон Рихтер» ААҚ, Венгрия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Гедеон Рихтер» ААҚ ҚР өкілдігі

E-mail: info@richter.kz

Телефон: 8-(7272)-58-26-22, 8-(7272)-58-26-23

 

Прикрепленные файлы

705007611477976317_ru.doc 64.5 кб
499961821477977564_kz.doc 62 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники