Строцит 500

МНН: Цитиколин
Производитель: Сан Фармасьютикал Индастриес Лтд
Анатомо-терапевтическо-химическая классификация: Citicoline
Номер регистрации в РК: № РК-ЛС-5№022336
Период регистрации: 18.08.2016 - 18.08.2021

Инструкция

Саудалық атауы

Строцит 500

Халықаралық патенттелмеген атауы

Цитиколин

Дәрілік түрі

Үлбірлі қабықпен қапталған таблеткалар, 500 мг

Құрамы

Бір таблетканың құрамында

белсенді затнатрий цитиколин -523.600

(цитиколинге баламалы - 500.000),

қосымша заттар: микрокристалды целлюлоза

(РН 101), жүгері крахмалы, овидон (К 30), тазартылған тальк,

коллоидты сусыз кремний, натрий кроскармеллозы (Примолоза),

магний стеараты, тазартылған су

Қабығы:

қоңыр опадри 06F86813: гидроксипропилметилцеллюлоза

(Гипромеллоза 2910) (Е 464) 5сР, гидроксипропилметилцеллюлоза

(Гипромеллоза 2910) (Е 464) 15сР, титан қостотығы (Е 171), макрогол/полиэтиленгликоль (Е 1521), сары темір (III) оксиді (Е 172), тальк (Е 553b), тазартылған су

Сипаттамасы

Капсула түріндегі қызыл түсті екі жағы дөңес беті бар, үлбірлі қабықпен қапталған, бір жағында бөлетін сызығы бар, екінші жағы тегіс таблеткалар

Фармакотерапиялық тобы

Психоаналептиктер. Психостимуляторлар және ноотроптар. Психостимуляторлар мен ноотроптар және басқалар. Цитиколин

ATХ коды N06BX06

Фармакологиялық қасиеттері

Фармакокинетикасы

Цитиколин ішке қабылдаған кезде жақсы сіңеді. Ішу арқылы қабылдаудан кейін іс жүзінде толық сіңеді, биоқолжетімділігі шамамен 99% құрайды.

Препарат ішекте және бауырда холин мен цитидин түзе отырып метаболизденеді. Бауыр холиннен лецитинді синтездеуі және цитидин мен холиннен қайтадан цитиколин синтездеуі мүмкін. Препаратты қабылдағаннан кейін холиннің плазмадағы концентрациясы елеулі түрде арта түседі.

Цитиколин холин фракцияларын құрылымдық фосполипидтерге және цитидин фракцияларына - цитидинді нуклеотидтерге және нуклеин қышқылдарына тез ендіре отырып, елеулі дәрежеде бас миының құрылымдарында таралады. Цитиколин бас миына өтеді және құрылымдық фосполипидтердің фракцияларының бір бөлігін түзе отырып, жасушалық, цитоплазмалық және митохондриялық жарғақшаларға белсенді түрде кірігеді.

Цитиколиннің енгізілген дозасының 15% ғана организмнен шығарылады: 2%-3% - бүйрекпен, 1%-дан кемі ішек арқылы және 12% шамасында деммен шығатын СО2 (көмірқышқыл газымен). Цитиколиннің несеппен экскрециясында 2 фазаны бөліп қарауға болады: бірінші фаза, 36 сағатқа жуық уақытқа созылады, оның барысында шығарылу жылдамдығы төмендейді, және екінші фаза, оның барысында экскреция жылдамдығы әлдеқайда баяу төмендейді. Деммен шығатын СО2 - ден де дәл осы жағдай байқалады – шығарылу жылдамдығы шамамен 15 сағат өткенде тез төмендейді, ал содан кейін әлдеқайда баяу төмендейді.

Фармакодинамикасы

Строцит - ноотропты препарат, әсер етуші зат цитиколин пиримидин 5'-нуклеотиді болып табылады, ол лецитин (фосфатидилхолин) және басқа фосфолипидтердің синтезделу процесінде маңызды прекурсор қызметін атқарады. Холинергиялық нейрондарда жүйке импульстерінің берілісін жақсартады - нейроналдық жарғақшалардың иілімділігіне және рецепторлардың қызметіне оң әсер етеді. Церебралдық қан ағымын жақсартады, бас миындағы метаболизмдік процестерді күшейтеді, бас миының ретикулярлық формациясының құрылымын белсендіреді және бас миының жарақаттан зақымдалуы кезінде сананы қалпына келтіреді.

Строцит ацетилхолиннің синтезделуін ұлғайта отырып, холиннің көзі болып табылады және құрылымдық (тірек) фосфолипидтердің нейрондар жарғақшасындағы биосинтезін стимуляциялайды, бұл жарғақшалық механизмдер қызметінің жақсаруына, оның ішінде, ионалмасу сорғыларының және оларға батырылған рецепторлардың қызметіне жағдай жасайды, бұлардың модуляциясы нейроберілістің қажетті шарты болып табылады.

Строцит ми гипоксиясы мен ишемиясы кезінде байқалатын, еске сақтаудың нашарлауы, эмоционалдық тұрақсыздық, жігерсіздік, күнделікті әрекеттерді орындаудағы және өзіне-өзі қызмет көрсетудегі қиындықтарды қоса алғандағы симптомдарды жеңілдетеді.

Строцит дегенерациялық және тамырлық этиологиядағы когнитивтік, сезімтал және қимыл-қозғалыстық неврологиялық бұзылыстарды емдеуде тиімді.

.

Қолданылуы

  • асқынуларды және мидағы қанайналымның бұзылу салдарларын емдеу

  • бас-ми жарақаты және оның салдарлары

  • деменция кезінде дегенеративтік және тамырлық тұрғыдағы церебралдық патологиядан туындаған когнитивтік, сенситивтік, моторлық және неврологиялық бұзылулар

Қолдану тәсілі және дозалары

Ересектер

Доза жеке түрде таңдап алынуы тиіс. Ұсынылған дозалау күніне 500-ден 1000 мг дейін (1 – 2 таблетка), аурудың ауырлығына байланысты.

Егде адамдар

Бұл жас тобы үшін дозалауға түзету енгізу талап етілмейді.

Жағымсыз әсерлері

Өте сирек (<1/10,000) (жеке реакцияларды қоса алғанда).

  • аллергиялық реакциялар, есекжем, экзантема, терінің қызыл күрең түске дейін боялып, қызаруы, терінің қышуы, ісінулер, анафилаксиялық шоктың дамуы мүмкін

  • бас ауыруы, бас айналу, шаршау, галлюцинациялар, қозу, ұйқысыздық, температураның көтерілуі, дене қызуын сезіну, тремор

  • диспноэ

  • жүрек айну, құсу, іш өту

  • артериялық қысымның көтерілуі немесе аз уақытқа төмендеуі

Қолдануға болмайтын жағдайлар

– препараттың компоненттеріне жоғары сезімталдық

  • парасимпатикалық жүйке жүйесінің жоғары тонусты күйі (ваготония)

Дәрілермен өзара әрекеттесуі

Цитиколин L-дигидроксифенилаланиннің әсерлерін күшейтеді. Құрамында меклофексонат бар дәрілік заттармен бір мезгілде пайдалануға болмайды.

Айрықша нұсқаулар

Цитиколин гипотензияны туындатуы мүмкін.

Педиатрияда қолданылуы

Цитиколинді балаларға қолдануға қатысты жеткілікті деректер жоқ, сондықтан да Строцит пациенттердің бұл санатына тағайындауға ұсынылмайды.

Жүктілік және лактация кезеңі

Цитиколинді жүктілік пен лактация кезеңінде жақсы бақылауға алатын тиісті зерттеулер жоқ. Жүктілік кезінде цитиколиннің шарана үшін ықтимал пайдасы ықтимал қатердің болуын ақтайтын болса ғана қолдануға болады. Емшек емізу кезінде сақ болу қажет, себебі цитиколин емшек сүтіне бөлініп шыға ма, жоқ па, белгісіз.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Жағымсыз әсерлерді ескере отырып, автокөлікті басқарғанда немесе басқа да механизмдермен жұмыс істегенде сақтық керек.

Артық дозалануы

Симптомдары: препараттың жағымсыз әсерлерінің күшеюі.

Емі: симптоматикалық.

Шығарылу түрі және қаптамасы

Алюминий фольгадан жасалған пішінді ұяшықсыз қаптамаға 10 таблеткадан.

Медициналық қолдану жөніндегі мемлекеттік және орыс тілдеріндегі нұсқаулықпен бірге 3 пішінді ұяшықсыз қаптамадан картон қорапшаға салынады.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші

Sun Pharmaceutical Industries Ltd.

Заңды мекенжайы:

Sun House, Plot No. 201 B/1,

Western Express Highway, Goregoan (E),

Mumbai - 400 063, Maharashtra, Үндістан

Өндірістің орналасқан мекенжайы:

Survey No. 214, Plot No. 20,

Govt. Ind. Area, Phase II,

Silvassa – 396230

U.T. of Dadra and Nagar

Haveli, Үндістан

Тіркеу куәлігі иесінің атауы және елі

Sun Pharmaceutical Industries Ltd., Үндістан

Қаптаушы ұйымның атауы мен елі

Sun Pharmaceutical Industries Ltd, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

050008, Қазақстан Республикасы, Алматы қ.,

Манас к-сі 32 «А», «SAT» Бизнес Орталығы

6-қабат, 602-кеңсе

Тел. (727) 250-92-35, факс (727) 250-33-64

regulatory.kz@sunpharma.com

Прикрепленные файлы

435391591477976163_ru.doc 62 кб
786020601477977456_kz.doc 69.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники