Стопдиар® (200 мг)

МНН: Нифуроксазид
Производитель: Гедеон Рихтер Польша ООО
Анатомо-терапевтическо-химическая классификация: Nifuroxazide
Номер регистрации в РК: № РК-ЛС-5№020792
Информация о регистрации в РК: 12.09.2014 - 12.09.2019

Инструкция

Саудалық атауы

Стопдиар®

Халықаралық патенттелмеген атауы

Нифуроксазид

Дәрілік түрі

Қатты капсулалар 200 мг

Құрамы

Бір капсуланың құрамында

белсенді зат - 200 мг нифуроксазид,

қосымша заттар: магний стеараты, желатинделген жүгері крахмалы, сахароза, жүгері крахмалы,

капсула қақпақшасы мен корпусының құрамы: темірдің сары тотығы (Е 172), титанның қостотығы (Е 171), желатин.

Сипаттамасы

Цилиндр пішінді, өлшемі №1, қақпақшасы сары және корпусы сары қатты капсулалар. Капсуланың ішіндегісі – сары түсті түйіршіктер.

Фармакотерапиялық тобы

Диареяға қарсы препараттар. Ішектік микробқа қарсы және қабынуға қарсы препараттар. Ішектік микробқа қарсы басқа да препараттар. Нифуроксазид

АТХ коды А07АХ03

Фармакологиялық қасиеттері

Фармакокинетикасы

Препаратты ішке қабылдағаннан кейін ол іс жүзінде АІЖ-нан сіңірілмей, ішекте әсер етуші заттың жоғары концентрациясының түзілуімен, өзінің бактерияға қарсы әсерін ішек саңылауында ғана көрсетеді. Толықтай нәжіспен шығарылады.

Фармакодинамикасы

Нифуроксазид 5-нитрофуран туындысы болып табылады. Ол Staphylococcus тұқымдас грамоң бактерияларға және Enterobacteriaceae тұқымдастығынан Yersinia sp., Escherichia spр., Citobacter spр., Enterobacter spр., Klebsiella spр., Salmonella spр. тұқымдас грамтеріс бактерияларға қатысты ішек саңылауында бактерияға қарсы жергілікті әсер көрсетеді. Орташа емдік дозаларында бактериостатикалық белсенділікке ие болады, едәуір жоғары дозаларында бактерицидті әсер етеді.

Нифуроксазид Proteus vulgaris, Proteus mirabilis және Pseudomonas aeruginosa түріндегі бактерияларға қатысты бактерияға қарсы әсерін танытпайды.

Нифуроксазид ас қорыту жолының сапрофиттік микрофлорасын жоймайды, қалыпты ішек флорасының тепе-теңдігін бұзбайды. Резистентті штамдардың көрінісін туындатпайды. Нифуроксазид дегидрогеназалар белсенділігіне және бактериялық жасушалардағы ақуыздар синтезіне тежегіш ықпалын тигізеді. Препарат тиімділігі ішек саңылауындағы рН-қа тәуелді емес.

Қолданылуы

- балалар мен ересектерде регидратацияға қосымша жедел бактериялық диареяда (ішек жұқпалары және тағаммен улану)

Қолдану тәсілі және дозалары

Стопдиар® капсулалар пероральді қолдану үшін тағайындалады. Капсуланы судың аздаған мөлшерімен ішу керек.

Ересектерге: 1 капсуладан тәулігіне 4 рет, әр 6 сағат сайын.

7 жастан асқан балаларға: 1 капсуладан тәулігіне 3 немесе 4 рет, әр 6-8 сағат сайын. Ең жоғары тәуліктік доза 800 мг.

Препараттың емдеу курсы 7 күннен асырылмайды. Емделген 3 күн ішінде препарат тиімділігі болмаған жағдайда, емдеуге түзету енгізу үшін дәрігер кеңесі қажет.

Препаратпен жедел диареяны емдеу кезінде организмде сұйықтық тапшылығын ішу арқылы немесе көктамырішілік (емделушінің жалпы ахуалына қарай) тұрақты міндетті түрде толықтырып отыру керек.

Жағымсыз әсерлері

Жиі

- іштің ауыруы, жүрек айну, диарея

Сирек

- гранулоцитопения

- тері бөртпесі, аллергиялық реакциялар, есекжем, Квинке ісінуі, анафилактикалық шок

Қолдануға болмайтын жағдайлар

- препарат компоненттеріне, соның ішінде басқа 5-нитрофуран туындыларына жекеше жоғары сезімталдық

- 7 жасқа дейінгі балалар

- фруктоза көтере алмаушылық, глюкоза-галактоза мальабсорбциясы синдромы, сахараза-изомальтаза тапшылығы

Дәрілермен өзара әрекеттесуі

Стопдиар® препаратымен емделу кезінде алкоголь тұтыну дисульфирам тәрізді реакциялар туғызуы мүмкін.

Препаратпен емделу барысында, препараттың айқын сіңірілу қасиеттерін ескере отырып, ішуге арналған басқа да дәрілік заттарды бір мезгілде қабылдауға болмайды.

Айрықша нұсқаулар

Стопдиар® препаратын 7 күннен артық қабылдау ұсынылмайды. 3 күн емделгеннен кейін де жалғасатын диарея жағдайында әрі қарай емдеу тактикасы туралы мәселені шешу үшін дәрігер кеңесі қажет.

Ауыр жұқпалық диарея жағдайында антибиотик тағайындаған жөн, өйткені Стопдиар® препараты асқазан-ішек жолынан сіңбейді.

Препаратты қолдану кезеңінде шырындар, шикі көкөністер мен жемістер, ащы және қорытылуы қиын өнімдер мен тағамдар қамтылмайтын емдәм ұстану қажет.

Аса жоғары сезімталдық реакциялары пайда болған жағдайда (ентігу, тері бөртпесі, қышыну) препарат қабылдауды тоқтату керек. Стопдиар® препаратымен емделу кезінде алкогольдік сусындар ішу қарсы көрсетілімді, өйткені алкоголь организмнің препаратқа сезімталдығын арттырады және диарея өршуі, құсу, іштің ауыруы, тері гиперемиясы, беттің және дененің жоғарғы бөлігінің ысынуын сезіну, бас ішінің шуылдауы, тыныс алудың қиындауы, тахикардия, қорқыныш сезімі түрінде көрініс беретін дисульфирам тәрізді реакцияға түрткі болады.

Жекелеген жағдайларда нифуроксазидке аса жоғары сезімталдық болған кезде іштің ауыруы, жүрек айну және диареяның күшеюі пайда болады. Мұндай симптомдар пайда болғанда арнайы емдеудің немесе нифуроксазид қолдануды тоқтатудың қажеті жоқ. Егер симптомдар айқын болса, препарат қабылдауды тоқтату керек. Мұндай емделушілерге нитрофуран туындыларын тағайындаудан аулақ болған жөн.

Егер препаратпен емделу кезеңінде сусыздану белгілері пайда болса, емделушінің клиникалық жай-күйіне сәйкес регидратациялық ем (сұйықтық және электролиттер жоғалтуды ескере отырып) жүргізген жөн.

Препарат құрамында сахароза болуына орай, фруктоза көтере алмаушылығы, глюкоза-галактозаның нашар сіңірілу синдромы немесе сахараза-изомальтаза жетіспеушілігімен байланысты сирек тұқым қуалайтын бұзылулары бар емделушілер осы дәрілік затты қабылдамауы тиіс.

Жүктілік және лактация кезеңі

Нифуроксазидтің тератогенді немесе фетоуытты әсерлерін бағалау үшін жеткілікті клиникалық деректер болмағандықтан, препаратты жүктілік кезінде қабылдамаған дұрыс.

Нифуроксазид асқорыту жолынан сіңбейді. Дегенмен де, жеткілікті клиникалық деректер болмауына орай, нифуроксазид лактация кезеңінде тағайындалғанда сақтық шарасын қадағалау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: жағымсыз әсерлердің күшеюі.

Емі: асқазанды шаю, белгісіне қарай емдеу.

Шығарылу түрі және қаптамасы

12 капсуладан алюминий фольгадан және поливинилхлоридті үлбірден жасалған пішінді ұяшықты қаптамада.

1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

15 0C-ден 30 0C-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші ұйымның атауы және елі

«Гедеон Рихтер Польша» ЖШҚ, Польша

Тіркеу куәлігі иесінің атауы және елі

«Гедеон Рихтер» ААҚ, Венгрия

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

«Гедеон Рихтер» ААҚ ҚР өкілдігі

Алматы қ., Нұрлыбаев к-сі 11

Телефон: 8-(727)-258-26-22, 8-(727)-258-26-23

E-mail: info@richter.kz

 

Прикрепленные файлы

933986191477976642_ru.doc 56.5 кб
359901381477977778_kz.doc 80 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники