Стопгрипан-Лимон

Стопгрипан-Лимон

Жоқ

Ішке қабылдау үшін ерітінді дайындауға арналған ұнтақ

1 саше – пакеттің ішінде

белсенді заттар: парацетамол 325 мг,

фенирамин малеаты 20 мг,

фенилэфрин гидрохлориді 10 мг,

аскорбин қышқылы 50 мг,

қосымша заттар: сусыз лимоны қышқылы, мальтодекстрин, алма қышқылы, натрий цитраты, кальций фосфаты, сахароза, этилмальтол (тағамдық сұрпы), лимон хош иістендіргіші, титанның қостотығы Е171, бетакаротин.

Лимон иісі бар ашық сары түсті ұнтақ.

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол, біріктірілімдер, психолептиктерді қоспағанда.

АТХ коды N02BE51

Фармакокинетикасы

Парацетамол

Асқазан-ішек жолынан жылдам сіңіріледі, қан плазмасының ақуыздарымен байланысады. Жартылай шығарылу кезеңі (Т1/2) 1-4 сағатты құрайды. Парацетамолдың глюкуронид сульфатын түзе отырып, бауырда метаболизденеді. Метаболизм бауырдағы энзимдердің микросомальді жүйесімен жүзеге асырылады. Плацента арқылы өтеді. Парацетамолдың глюкуронидация өнімдері гепато- және нефроуыттылыққа ие, уытты әсерлер 1-2 күннен соң дамиды. Бүйрекпен, негізінен конъюгация өнімдері түрінде шығарылады, 5% азы өзгермеген күйде шығарылады.

Фенирамин малеаты

Ішке қабылдағанда АІЖ толық дерлік сіңіріледі, қан сарысуындағы ең жоғарғы концентрацияға (Сmax) бір рет аш қарынға қабылдағаннан кейін 2-3 сағаттан соң жетеді. Негізінен несеппен өзгермеген күйде және метаболиттер түрінде шығарылады.

Фенилэфрин гидрохлориді

Ішке қабылдағаннан кейін нашар сіңіріледі. Ішек қабырғасында МАО қатысуымен және бауыр арқылы «алғашқы өту» кезінде метаболизденеді. Фенилэфрин гидрохлоридінің биожетімділігі төмен.

Аскорбин қышқылы

Пероральді қабылдаудан кейін АІЖ толық сіңіріледі және организм тіндерінде кеңінен таралады. Қан плазмасының ақуыздарымен байланысуы - 25 % жуық. С дәрумені аскорбат-2-сульфатын (белсенді емес) және қымыздық қышқылын түзумен метаболизденеді, несеппен шығарылады.

Фармакодинамикасы

Стопгрипан-Лимон – ыстық түсіретін, ауыруды басатын және қабынуға қарсы әсер ететін біріктірілген препарат.

Парацетамол

Р-аминофенол туындысы, оның негізгі белсенді метаболиті фенацитин болып табылады. Парацетамол шеткері тіндердегі простагландиндер биосинтезіне әсер етпестен (немесе іс жүзінде әсер етпестен), орталық жүйке жүйесінде простагландиндер биосинтезін бәсеңдету есебінен ыстық түсіретін, ауыруды басатын әсер етеді.

Фенирамин малеаты

Фенирамин – тыныс алу жолының ауруларында гистамин концентрациясының жоғарылауымен байланысты тұмауды, түшкіруді және жас ағуын жоятын антигистаминдік қосылыс.

Фенилэфрин гидрохлориді

Фенилэфриннің әсері негізінен, тікелей альфа-адренергиялық рецепторларға бағытталған. Емдік дозаларда дәрілік заттың жүректің бета-адренергиялық рецепторларына қатысты едәуір көтермелеуші әсері жоқ, бірақ анағұрлым жоғарғы дозаларды тағайындау осы рецепторлардың едәуір активацясына әкелуі мүмкін. Емдік дозаларда тағайындағанда фенилэфрин негізінен, тамыр тарылтатын әсер етеді.

Аскорбин қышқылы

Организмде аскорбин қышқылы дегидроаскорбин қышқылын түзумен қайтымды тотығады. Дәруменнің бұл екі түрі тотығу-тотықсыздану реакцияларын жүзеге асыру үшін маңызды. Дәрумен тирозин мен көмірсулардың метаболизміне, фолий қышқылының фолиний қышқылына айналуына, липидтер мен ақуыздар синтезіне, темір метаболизміне, жасушалық тыныс алу үдерістеріне қатысады және организмнің инфекцияларға қарсы тұруын арттырады.

- суық тию және тұмау симптомдары (қызба, бас ауыруы, тұмау, мұрын бітелуі, мұрынның және тамақтың тітіркенуі, көздің жасаурауы және тітіркенуі, түшкіру)

4-6 сағат сайын бір дозадан қабылдайды; 24 сағат ішінде дәрілік затты 3 саше-пакеттен асырмай немесе дәрігердің нұсқауларына сәйкес қабылдауға рұқсат етіледі. Емдеу курсы 5 күннен аспайды.

Бір пакеттің ішіндегісін жарты стақан ыстық суда ерітеді; ыстық күйінде ішу керек.

Жағымсыз әсерлер

Әдетте препарат жақсы көтерімді. Жағымсыз әсерлер ұзақ уақыт бойы қолданғанда және дозаны арттырғанда болуы мүмкін:

- аллергиялық реакциялар (бөртпе, қышыну, есекжем, ангионевроздық ісіну)

- қатты қозу

- психомоторлық реакциялар жылдамдығының төмендеуі

- шаршау сезімі

- ауыздың құрғауы

- несеп шығуының кідіруі

- жүрек айнуы, құсу, асқазанның ауыруы, іш қату, диарея, метеоризм

- тахикардия, жүрек қағуының жиілеуі, артериялық қысымның жоғарылауы

- ұйқышылдық, бас айналуы, бас ауыруы, ұйқының бұзылуы

- мидриаз, аккомодация парезі, көзішілік қысымның жоғарылауы.

Парацетамол болғандықтан, қан жүйесінің бұзылуы (анемия, тромбоцитопения, лейкопения, агранулоцитоз) сирек байқалды; жоғарғы дозаларды ұзақ қабылдағанда гепатоуытты және нефроуытты әсер, гемолиздік анемия, метгемоглобинемия, панцитопения, демікпе ұстамасы болуы мүмкін.

Фенилэферин рефлекторлық брадикардия, мидриаз туындатуы мүмкін.

Фенирамин несеп шығуының қиындауын, көздің құрғауын туындатуы мүмкін, орталық жүйке жүйесі тарапынан мінез-құлықтың өзгеруі, құрысулар, дискинезия (қимыл бұзылыстары), кома дамуы мүмкін.

- парацетамолға және препарат құрамына кіретін басқа компоненттерге жоғары сезімталдық

- препарат құрамына кіретін заттары бар басқа дәрілік заттарды қабылдау

- трициклдық антидепрессанттарды, МАО тежегіштерін, бета-адреноблокаторларды бір уақытта қабылдау

- жүрек-қантамыр ауруларының ауыр дәрежесі

- қан аурулары, туа біткен гипербилирубинемия (Жильбер, Дубин-Джонсон және Ротер синдромдары)

- порталдық гипертензия, артериялық гипертензия

- бауырдың немесе бүйректің күрделі аурулары, бүйрек жеткіліксіздігі

- қант диабеті

- жабық бұрышты глаукома

- өкпе аурулары (онрың ішінде бронх демікпесі)

- қуық асты безінің аденомасы кезіндегі несеп шығуының қиындауы

- қуық мойнының контрактурасы (стенозы)

- пилородуоденальді стеноз

- ойықжара ауруы

- глюкоза-6-фосфатдегидрогеназа ферментінің тапшылығы

- эпилепсия

- алкоголизм

- жүктілік және емшек емізу кезеңі

- 12 жасқа дейінгі балалар.

Моноаминооксидаза тежегіштерімен емделу кезеңінде препарат қабылдауды қоя тұру ұсынылады. Парацетамолдың гепатоуытты әсерінің қаупі барбитураттарды, дифенинді, карбамазепинді, рифампицинді, зидовудинді және бауырдың микросомальді ферменттерінің басқа индукторларын бір уақытта тағайындағанда жоғарылайды.

Седативті дәрілердің, этанолдың әсерін күшейтеді. Этанол фенираминнің седативті әсерін күшейтеді. Антидепрессанттар, паркинсонизмге қарсы және психозға қарсы дәрілер, фенотиазин туындылары несеп кідіруінің, ауыз құрғауының, іш қатуының даму қаупін арттырады.

Парацетамол мен қабынуға қарсы стероидты емес препараттарды (ҚҚСП) бір уақытта қабылдау ҚҚСП тудыратын бүйрекке қатысты жағымсыз әсерлер қаупін ұлғайтуы әбден мүмкін.

Фенилэферин моноаминооксидаза тежегіштерімен, α және β-блокаторлармен, седативті әсері бар Н1-рецептор блокаторларымен, бронхолитиклық адреномиметиктермен, трициклдық антидепрессанттармен, гуанетидинмен немесе атропинмен, дигиталиспен, раувольфия алкалоидтарымен, индометацинмен, метилдопамен, ОЖЖ стимуляторларымен және теофиллинмен жағымсыз өзара әрекеттесуі мүмкін. Оксиуытты дәрілермен біріктірілімде жоғары прессорлық әсер байқалуы мүмкін. Кейбір жалпы әсерлі анестезиялаушы дәрілерді пайдаланғанда сирек аритмия дамуы ықтимал. Фенилэферин спортсмендерді допинг-бақылау кезінде жалған-оң нәтиже беруі мүмкін.

Фенирамин орталық жүйке жүйесі депрессанттарының (моноаминооксидаза тежегіштері, трициклдық антидепрессанттар, алкоголь, Паркинсон ауруына қарсы препараттар, барбитураттар, транквилизаторлар мен есірткілер) әсерін ұлғайтуы мүмкін, МАО тежегіштерімен, фуразолидонмен бір уақытта гипертониялық кризге, қозуға, гиперпирексияға әкелуі мүмкін. Фенирамин антикоагулянттардың әсерін баяулатады және прогестеронмен, резерпинмен және тиазидтік диуретиктармен әрекеттесуге түседі. Пероральді контрацептивтер антигистаминдердің тиімділігін төмендетуі мүмкін.

Емделу кезінде бауырдың уытты зақымдануын болдырмау үшін алкоголь, ұйықтататын және анксиолитикалық (транквилизаторлар) дәрлік заттарды қабылдауды тоқтата тұру керек. Ұзақ уақыт бойы алынған парацетамолдың жоғарғы дозалары қайтымсыз бауыр жеткіліксіздігімен анальгетикалық нефропатия туындатуы мүмкін.

Құрамында парацетамол бар басқа дәрілік заттармен бірге қабылданбайды.

Ересектер мен дене салмағы 50 кг төмен балаларда қолданбаған жөн.

Мына жағдайларда сақтықпен қабылданады

- коронарлық артериялардың айқын атеросклерозында,

- тиреотоксикозда, қалқанша без ауруларында,

- феохромоцитомада,

- қант диабетінде, глюкоза-6-фосфатдегидрогеназа тапшылығында,

- қан ауруларында,

- бауыр және/немесе бүйрек жеткіліксіздігінде,

- қуық асты безінің гиперплазиясында;

- фенилэфриннің ықтимал тамыр тарылтатын әсеріне байланысты бұл препаратты 70 жастан асқан пациенттерге сақтықпен қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Назар аударуды, іс-қимыл және психикалық реакциялардың жоғары жылдамдығын талап ететін жұмысты орындау кезінде сақтық таныту керек, өйткені препарат транквилизаторлар мен тыныштандыратын дәрілерді қабылдағанда күшейетін ұйқышылдықты туындатуы мүмкін.

Бүлінген пакеттердегі препаратты пайдалануға болмайды!

Симптомдары: ұйқышылдық, үрейлі қозу, көрудің нашарлауы, бас ауыруы, қан айналымының бұзылуы, құрысулар, мінез-құлықтың өзгеруі, артериялық қысымның жоғарылауы, брадикардия, жүрек айнуы, құсу, эпигастральді аумақтың ауыруы, гепатоуытты және нефроуытты әсер, ауыр жағдайларда бауыр жеткіліксіздігі, энцефалопатия және кома жағдайы дамиды.

Емі: асқазанды шаю, алғашқы 6 сағ. белсендірілген көмір, SH-топтарының донаторларын және артық дозаланудан кейін 8-9 сағаттан соң глутатион-метионин синтезінің ізашарларын және 12 сағ. соң N-ацетилцистеин енгізу. Симптоматикалық ем.

Артық дозаланғанда дереу дәрігерге қаралыңыз.

Шығарылу түрі және қаптамасы

21.5 г препараттан қағаздан/алюминий фольгадан/полиэтиленнен жасалған ламинацияланған пакетте.

10 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшада.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

Русан Фарма Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы):

«SinaPharm International» ЖШС

Алматы қ-сы, Қабанбай батыр к-сі, 199А үй 14 т.е.

Тел. +7 (727) 278 03 73