Стартум

Стартум

Жоқ

Дәрілік түрі: Инъекция үшін ерітінді дайындауға арналған лиофилизацияланған ұнтақ еріткішпен жиынтықта (лидокаин гидрохлоридінің 0.5% ерітіндісі)

1 құтының ішінде

белсенді заттар: 10.0 мг аденозинтрифосфат динатрий тригидраты,

50.0 мг кокарбоксилаза хлориді,

20.0 мг никотинамид,

0.5 мг цианокобаламин

қосымша заттар: глицин, метилпарагидроксибензоат, пропилпарагидроксибензоат, инъекцияға арналған су ⃰ ⃰

⃰⃰⃰ ⃰ Дайын өнімде жоқ.

Еріткіштің құрамы

1 ампуланың ішінде

белсенді зат - 10.0 мг лидокаин гидрохлориді,

қосымша заттар: натрий гидроксиді, инъекцияға арналған су

Қызғылт түсті лиофилизацияланған ұнтақ.

Қалпына келтірілген ерітінді. Қызыл-қызғылт түсті мөлдір ерітінді.

Ас қорыту жолы және зат алмасу. Дәрумендер. В тобы дәрумендерінің кешені, басқа препараттармен біріктірілімін қоса. Басқа препараттармен біріктірілген В тобының дәрумендері.

АТХ коды А11ЕХ

Фармакокинетикасы

Кокарбоксилаза

Кокарбоксилаза бұлшықет ішіне енгізілгеннен кейін тез абсорбцияланады. Организмнің көптеген тіндеріне өтеді. Метаболизмдік ыдырауға ұшырайды. Метаболизм өнімдері көбіне бүйрек арқылы экскрецияланады.

Никотинамид

Асқазан-ішек жолынан абсорбциясы (көбіне асқазанның пилорустық бөлімінде және он екі елі ішектің антральді бөлімінде) – тез, едәуір төмендейді және мальабсорбция синдромында баяулайды. Барлық тіндерге тез таралады. Плацента арқылы және емшек сүтіне өтеді.

Бауырда метаболизденіп, N-метилникотинамид, метилпиридонкарбоксамидтер, глюкурон қышқылымен эфир және глицинмен кешенді қосылыс түзеді. Жартылай шығарылу кезеңі – 45 минут.

Бүйрек арқылы метаболиттер түрінде шығарылады, жоғары дозаларды қабылдағанда – көбіне өзгермеген түрде.

Динатрий аденозинтрифосфаты тригидраты

Парентеральді түрде енгізілетін АТФ препаратының кинетикасын бақылау, АФТ-тің өзінің қатысуымен жүретін алуан түрлі реакциялардың саны көп болғандықтан, мүмкін болып табылмайды. Натрий аденозинтрифосфатының енгізілген жерде аденозинге және әрі қарай АТФ-тің жаңа молекулаларының синтезі үшін пайдаланылатын фосфаттық қалдықтарға тез ыдырайтыны белгілі.

Цианокобаламин

Қандағы В12 дәрумені тіндерге оны тасымалдайтын I және II транскобаламиндермен байланысады. Көбіне бауырда жинақталады. Плазма ақуыздарымен байланысуы – 90%. Бұлшықет ішіне енгізгеннен кейін ең жоғары концентрацияға 1 сағаттан соң жетеді. Бауырдан өтпен бірге ішекке шығарылады және қайтадан қанға сіңіріледі. Жартылай шығарылу кезеңі – 500 күн. Бүйректің функциясы қалыпты болғанда 7-10%-ы бүйрек арқылы, 50%-ға жуығы нәжіс массаларымен шығарылады; бүйрек функциясы төмендегенде 0-7%-ы бүйрек арқылы, 70-100%-ы нәжіс массалары арқылы шығарылады. Плаценталық бөгет арқылы және емшек сүтіне өтеді.

Фармакодинамикасы

Препарат метаболизмдік заттардың және дәрумендердің рационалды түрде таңдап алынған кешені болып табылады.

Кокарбоксилаза – организмге тиаминнен (В1 дәрумені) тыс түсетін кофермент. Көмірсу алмасуында маңызды рөл атқарады, α-кетоқышқылдың карбоксилденуін және декарбоксилденуін катализдейтін карбоксилаза ферментінің құрамына кіреді. Нуклеин қышқылдарының, ақуыздардың және липидтердің синтезіне жанама түрде мүмкіндік береді. Организмде сүт және пирожүзім қышқылдарының деңгейін төмендетеді, глюкозаның сіңуіне мүмкіндік береді. Жүйке тінінің трофикасын жақсартады.

Никотинамид – РР дәрумені түрлерінің бірі, жасушада тотығу-тотығу үдерістеріне қатысады, көмірсулық және азоттық алмасуды жақсартады.

Динатрий аденозинтрифосфаты тригидраты аденозин туындысы болып табылады, метаболизмдік үдерістерді стимуляциялайды. Гипотензиялық және аритмияға қарсы әсері бар. Қантамырларды кеңейтетін, соның ішінде коронарлық артерияларды кеңейтетін әсер береді.

Цианокобаламин (В12 дәрумені) организмде жоғары биологиялық белсенділігі бар белсенді түрге (аденозилкобаламин немесе кобамамид) айналады. Организмде ақуыз синтезін арттырады және оның жиналуына мүмкіндік береді. Көмірсулардың және липидтердің алмасуын белсенді етеді. Қандағы холестерин деңгейін төмендетеді, бауырдың майлы дистрофиясының алдын алады. Қан түзу ағзалары функцияларының қалыпты болуы үшін қажет, эритроциттерде құрамында сульфгидрильді топтар бар қосылыстардың жиналуына мүмкіндік беріп, олардың гемолизге тұрақтылығын арттырады. Тіндердің регенерацияға қабілетін арттырады. Бауыр функциясына және жүйке жүйесіне жағымды әсер етеді.

- невриттерде, нейропатияларда (қант диабетінде, пернициозды анемияда және т.б.)

- шығу тегі әртүрлі невралгияларда

- миалгияда, ишиалгияда

- люмбагода, радикулитте

- бурситтерде, тендиниттерде

- жүректің ишемиялық ауруында, миокардитте, миокардиопатияда.

Стартумды бұлшықет ішіне тәулігіне бір рет 1-2 құты препараттан енгізеді.

Емдеу ұзақтығы және қайталанатын курстарды жүргізу аурудың сипатына және ауырлығына байланысты.

Бауыр функциясының жеткіліксіздігі бар науқастарда препаратты қолданғанда дозаны түзету қажет емес.

65 жастан асқан пациенттерде дозаны түзетудің қажеті болмайды.

Иммундық жүйе тарапынан: жоғары сезімталдық реакциялары (тері реакциялары, анафилаксиялық шок, Квинке ісінуі). Cтартум препаратын енгізер алдында препарат компоненттеріне жоғары сезімталдығына күдігі бар пациенттерде тері ішіне сынама енгізу ұсынылады.

Жүрек-қантамыр жүйесі тарапынан: өкпенің ісінуі және емнің бас кезінде жүрек функциясының іркілген жеткіліксіздігі; шеткері қантамырлардың тромбозы.

Қан түзу ағзалары тарапынан: нағыз полицитемия.

Асқазан-ішек жолы тарапынан: жеңіл түрдегі уақытша диарея.

Тері жабындары тарапынан: қышыну, транзиторлық экзантема.

Жалпы симптомдар: кенеттен болатын тершеңдік, әлсіздік сезімі, бас айналу.

Аталған немесе өзге де жағымсыз әсерлер туындаған жағдайда дәрігерге қаралу қажет.

- препараттың кез келген компонентіне жоғары сезімталдық

- миокард инфарктісінің жедел кезеңі

- гиперкоагуляция (соның ішінде жедел тромбоздар), эритремия, эритроцитоз, артериялық гипертонияның ауыр түрлері, артериялық гипотония, өкпенің қабыну аурулары, жүрек функциясының ауыр жеткіліксіздігі, псориаз, өткізгіштіктің ауыр бұзылулар, жүрек функциясының жедел жеткіліксіздігі.

Басқа дәрілік заттармен өзара әрекеттесуі

Кокарбоксилаза жүрек гликозидтерінің кардиотонустық әсерін күшейтеді.

Никотинамидті эпилепсияға қарсы карбамазепин, диазепам және натрий вальпроаты сияқты дәрілермен бір мезгілде қолданғанда олардың құрысуға қарсы әсері потенциалануы мүмкін.

Препарат компоненттеріне жоғары сезімтал екендігіне күдіктенген пациенттерде Стартум препаратын енгізер алдында тері ішіне сынама жүргізу ұсынылады.

Дайындалған ерітіндінің түсі қызыл болуы тиіс.

Егер түсі өзгерсе, ерітіндіні пайдалануға болмайды.

Ерітіндіні дайындап болғаннан кейін бірден пайдалану қажет!

Педиатрияда қолданылуы

Балаларда препаратты қолданудың қауіпсіздігі және тиімділігі зерттелген жоқ.

Жүктілікте және лактацияда қолданылуы

Жүктілік кезеңінде Cтартумды, егер ана үшін күтілетін пайдасы шарана үшін потенциалды қаупінен басым болған жағдайда ғана, қолдану керек.

Препаратпен емдеу кезінде емшек емізуді тоқтату ұсынылады.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Стартум препаратын қолдану аясында бас айналу, бас ауыру пайда болатын пациенттер зейінді жұмылдыруды және психомоторлы реакциялардың жылдамдығын қажет ететін потенциалды қауіпті қызмет түрлерімен шұғылданбауы керек.

Никотинамидті ұзақ қолданғанда сондай-ақ шығарылған кезде метилдену реакциясының қатысуы аясында метил топтарының тапшы болу жағдайы дамуы мүмкін.

Емі: симптоматикалық.

Байқамай ішке қабылдағанда немесе вена ішіне енгізгенде уыттылық көрініс беруі мүмкін.

Шығарылу түрі және қаптамасы

Еріткіш. Ақ шыныдан жасалған ампулаларға 2 мл еріткіштен (лидокаин гидрохлориді, инъекцияға арналған 0.5% ерітінді) құйылған.

Дәрілік препарат. Бромбутил тығыны және инъекция үшін ерітінді дайындауға арналған, массасы 198.0-ден ± 242.0 мг дейінгі лиофилизацияланған ұнтақ «Flip off» типті біріктірілген алюминий қалпақшасы бар қоңыр шыны құтыға салынған.

Пішінді ұяшықты қаптамаға жиынтықтағы 3 ампуламен бірге 3 құтыдан салынған.

Пішінді ұяшықты қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ, жарық түспейтін жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәрілік препарат үшін – 3 жыл, еріткіш үшін – 4 жыл.

Жарамдылық мерзімі өткеннен кейін қолдануға болмайды.

Дәріханалардан бостылу шарттары

Рецепт арқылы

Өндіруші

Мефар Илач Санайи. А.Ш

Адрес: Стамбұл. Рамазанолу Мах. Энсар Джад. №20.Курткёй-Пэндик . Түркия

Тіркеу куәлігінің ұстаушысы

Уорлд Медицин Илач Сан. ве Тидж. А.Ш., Түркия

Адрес: Стамбұл, Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Түркия

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

«TROKA-S PHARMA» ЖШС, Алматы, Сүйінбай даңғылы, 222-б

тел: 8+7 727 251 99 35, +7 727 251 99 45 факс: 8+7 727 252 90 90

+7 701 786 33 98 (24 сағат бойы қолжетімді)

pvpharma@worldmedicine.kz.