Сомазина® (раствор для внутримышечного и внутривенного введения, 1000 мг)
Инструкция
-
русский
-
қазақша
Саудалық атауы
Сомазина®
Халықаралық патенттелмеген атауы
Цитиколин
Дәрілік түрі
Бұлшықет ішіне және көктамыр ішіне енгізуге арналған 500 мг және 1000 мг ерітінді
Құрамы
4 мл ерітіндінің құрамында
белсенді зат –522.5 мг және 1045.0 мг цитиколин натрийі
(цитиколин негізіне баламалы 500.0 және 1000.0),
қосымша заттар: 1 М хлорсутек қышқылы немесе 1 М натрий гидроксиді ерітіндісі, инъекцияға арналған су
Сипаттамасы
Мөлдір, түссіз, иіссіз сұйықтық
Фармакотерапиялық тобы
Психостимуляторлар мен басқа ноотроптар
АТХ коды N06BX
Фармакологиялық қасиеттері
Фармакокинетикасы
Цитиколин толығымен дерлік сіңеді, дозасының 1%-дан азы қабылдағаннан кейін 5 күн бойы нәжістерде анықталады. Бауыр мен ішектегі метаболизмінің әсерінен, қан плазмасында сәйкесінше 1 және 24 сағаттан соң радиоактивтілігінің екі шыңы байқалады. Препараттың радиоактивті таңбаланған үгілерді пайдаланып жүргізілген биожетімділігін зерттеулер Цитиколиннің ішке қабылдағандағы және парентеральді енгізгендегі биожетімділігі бірдей дерлік екенін көрсетті.
Бауырда метаболизденеді. Шығарылуы өте баяу, негізінен, тыныс жолдары арқылы және метаболиттер түрінде және өзгеріссіз күйде несеппен шығарылады (16%).
Фармакодинамикасы
Цитиколин нейрондар жарғақшаларының құрылымдық фосфолипидтерінің биосинтезін көтермелейді. Мұндай әсер етуі арқылы цитиколин иондық сорғылар мен рецепторлар сияқты жарғақшалық құрылымдардың қызметін жақсартады, олардың реттелуінсіз жүйке импульстерін қалыпты жүргізу мүмкін емес.
Жарғақшаны тұрақтандырғыш әсерінің арқасында, цитиколин ісінуге қарсы қасиетін көрсетеді және ми ісінуін азайтады.
Цитиколин бассүйек-ми жарақаты немесе ми қанайналымының жедел бұзылуы сияқты түрлі патологиялық үдерістер салдарынан болған церебральді қызметтің бұзылу жағдайларымен байланысты симптомдардың айқындығын әлсіретеді. Цитиколин амнезия деңгейін, аталған патологиямен байланысты когнитивті, сенситивні және моторлық бұзылыстардың пайда болуын төмендетеді.
Клиникалық зерттеулер Цитиколиннің шығу тегі дегенеративті церебральді патологиямен байланысты когнитивті, моторлық және нейропсихологиялық бұзылыстарды емдеудегі тиімділігін көрсетті.
Қолданылуы
- жедел кезеңдегі және реабилитация кезеңіндегі ми қанайналымының бұзылуларында
- бассүйек ми жарақаттары мен олардың салдарларында
- шығу тегі дегенеративті немесе тамырлық церебральді патологиямен байланысты когнитивті, сенситивті, моторлық және нейропсихологиялық бұзылыстарда.
Қолдану тәсілі
Жағдайының ауырлығына байланысты тәулігіне 500 мг-ден 2000 мг-ге дейін (4.0 мл немесе 8.0 мл-ден).
Препаратты бұлшықет ішіне, көктамыр ішіне 3-5 минут бойы баяу немесе көктамыр ішіне тамшылатып енгізуге болады, енгізілу жылдамдығы минутына 40 – 60 тамшы.
Сомазина® препараты 0,9% натрий хлориді ерітіндісімен, сондай-ақ глюкозаның гипертониялық ерітіндісімен үйлесімді.
Емдеу ұзақтығы аурудың ауырлық дәрежесіне тәуелді және емдеуші дәрігер анықтайды.
Жағымсыз әсерлері
Болуы мүмкін, бірақ тәжірибеде кездеспеген:
- елестеулер.
- бас ауыруы және бас айналуы.
- артериялық гипертензия және гипотензия, ентігу.
- қызару, есекжем, экзантема.
- жүрек айнуы, құсу, диарея.
- қалтырау, ісіну.
Қолдануға болмайтын жағдайлар
- препарат компоненттеріне аллергиялық реакция
- парасимпатикалық жүйке жүйесінің тонусы жоғары емделушілер (кезбе жүйке).
- жүктілік және лактация кезеңі
- балалар мен 18 жасқа дейінгі жасөспірімдер
Дәрілермен өзара әрекеттесуі
Құрамында меклофеноксат бар (meclofenoxate) препараттармен бір мезгілде қолданылмауы тиіс. Леводопаның әсерін күшейтеді.
Айрықша нұсқаулар
Тұрақты бассүйекішілік қан кету жағдайында препаратты өте баяу (минутына 30 тамшы) көктамырішілік инфузия түрінде енгізу және бір күндік 1000 мг дозасын асырмау ұсынылады.
Егде жастағы емделуші үшін дозасын түзету қажет емес.
Көлік құралдарын басқару қабілетіне ықпал етуі
Әсер етпейті.
Артық дозалануы
Препарат уыттылығының төмендігін ескерсек, тіпті, емдік дозасы кездейсоқ асыралған жағдайда да улану ықтималдығы төмен.
Емі: симптоматикалық ем.
Шығарылу түрі мен қаптамасы
4 мл препараттан түссіз шыныдан жасалған ампулаларда.
5 ампуладан ПВХ-дан жасалған пішінді ұяшықты қаптамаға салады және 1пішінді қаптамадан мемлекеттік және орыс тілдеріндегі қолданылуы жөніндегі нұсқаулықпен бірге картоннан жасалған пәшкеге салады.
Сақтау шарттары
300С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
Феррер Интернасиональ, С.А.,
Гран Виа Карлос III, 94, 08028 Барселона, Испания.
Тіркеу куәлігінің иесі
Феррер Интернасиональ, С.А.,
Гран Виа Карлос III, 94, 08028 Барселона, Испания.
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ҚР-дағы өкілдігі:
Орта Азия мен Қазақстан Республикасы бойынша Медиал Ди энд Пи ЛТД
Мекенжайы: 050050 Алматы қ-сы,
Табачнозаводская к-сі, 20, тел +77272954882/83, факс - 2954881
e-mail: medial.office@gmail.com