СолкоУровак®

• русский
• қазақша

• Скачать инструкцию медикамента

Саудалық атауы

СолкоУровак ®

Халықаралық патенттелмеген атауы

Жоқ

Дәрілік түрі

Бұлшықет ішіне енгізу үшін суспензия дайындауға арналған лиофилизат еріткішімен жиынтықта №1, №3

Құрамы

белсенді заттар: Escherichia coli (6 штамм) 7.5 х 108

Proteus mirabilis 3.75 х 107

Morganella morganii 3.75 х 107

Klebsiella pneumoniae 1.5 х 108

Enterococcus faecalis 2.5 х 107.

қосымша заттар: тиомерсал, сахароза, декстран, натрий хлориді (изотониялық), динатрий гидрофосфат дигидраты, динатрий гидрофосфат додекагидраты, калий дигидрофосфаты.

Еріткіш: алюминий фосфаты, инъекцияға арналған су.

Сипаттамасы

Лиофилизат –ақ түсті құрғақ масса.

Еріткіш – ақ-сүт тәрізді түстес суспензия. Сақтау үдерісінде ақ тұнба түрінде алюминий фосфатының шөгуі мүмкін. Сілкігеннен кейін бөлшектер суспензиясын немесе үлпектер түзе отырып, шөгінді тегіс таралады.

Фармакотерапиялық тобы

Вакциналар. Бактерияларға қарсы вакциналар.

Бактерияларға қарсы басқа да вакциналар

АТХ коды J07AX

Фармакологиялық қасиеттері

СолкоУровак® - құрамында несеп-жыныс жүйесі ағзалары жұқпалары үшін маңыздырақ, белсенділігі жойылған E.Coli, Proteus mirabilis, Proteus morganii, Klebsiella pneumoniae, Enterococcus faecalis сияқты микроорганизмдері бар поливалентті вакцина. Осының арқасында несеп шығару жолдарында жұқпалардың (соның ішінде қайталанатын) дамуына иммунологиялық тұрғыдан кедергі жасалады.

Вакцина спецификалық антиденелердің өндірілуін туындатады және қорғаудың спецификалық емес факторларының стимуляциясына мүмкіндік береді. СолкоУровак® антиген- спецификалық жауаптың индукциялануына жағдай жасайды. Препарат иммунитеттің спецификалық емес гуморальді факторларын жасап шығаратын макрофагтардың қызмет ету белсенділігін ынталандырады, бұл фагоцитоздың күшеюіне әкеледі, макрофагтар мен Т-лимфоциттердің цитоуытты белсенділігін арттырады.

СолкоУровакпен ® вакцинация спецификалық антиденелер титрін тек қан сарысуында ғана арттырып қоймайды, сонымен қатар несептегі секреторлы IgA титрін де арттырады, бұл несеп шығару жолдарындағы қайталанатын жұқпаларды тиімді түрде емдеуді және алдын алуды қамтамасыз етеді. СолкоУровак® вакцинасы әдеттегідей әдістермен емдеуге келмейтін жағдайларда тиімді және аурудың қайталануы мен жұқпаны қайта жұқтырудан ұзақ уақыт қорғауды қамтамасыз етеді.

СолкоУровак® препаратын бұлшықет ішіне 1–2 апталық аралықпен үш рет енгізу жұқпалы үдеріс түрінен (бактериялық простатит, жоғарғы немесе төменгі несеп шығару жолдарының жұқпалары, симптомсыз бактериурия) тыс жергілікті қорғаныш механизмдерін ынталандырады, бұл секреторлы Иммуноглобулин А (IgA) концентрацияларын анықтау арқылы дәлелденді.

Секреторлы Иммуноглобулин А (IgA) концентрацияларының жоғарылауы препараттың соңғы инъекциясынан кейін 6 күннен соң байқалады.

Секреторлы Иммуноглобулин А (IgA) стимуляциясы уақыты бойынша шектеулі сипатта болды және вакцинацияны аяқтағаннан кейін 6–12 айдан соң оның концентрациясы бастапқы мәніне оралды. Бұл 12 айдан кейін иммунизацияны қайталау жөніндегі ұсынымдар осыған байланысты негізделген.

Қолданылуы

- шығу тегі бактериялық несеп шығару жолдарының қайталанған жұқпалы ауруларын емдеуде және алдын алуда

Қолдану тәсілі және дозалары

Ересектер үшін бір реттік доза инъекцияға арналған жаңадан дайындалған суспензиялардың 0,5 мл-ін құрайды. СолкоУровак® бұлшықет ішіне 0,5 мл-лік үш дозада енгізіледі, әрқайсысы 1-2 апталық аралықпен. Басқа нұсқаулар жоқ болса, иммунизацияны келесі сызба бойынша жүргізеді:

Алғашқы иммунизация: 0,5 мл суспензиядан 3 инъекцияны 1–2 апталық аралықпен енгізеді.

Демеуші иммунизация: 0,5 мл суспензиядан 1 инъекцияны алғашқы иммунизациядан кейін бір жыл өткен соң енгізеді.

Қолдану тәсілдері және пайдалану ұзақтығы:

Инъекцияға арналған суспензияларды дайындау:

суспензияны тікелей инъекция жүргізердің алдында дайындайды;

еріткішті мұқият араластырады, 0,5 мл құйып алып, лиофилизатқа қосады;

қоспаны суспензия алынғанша мұқият араластырады. Содан кейін суспензияны еккішке құйып алады.

Инъекцияға арналған суспензияларды енгізу:

еріткішті ішінде лиофилизаты бар құтыға енгізу үшін және бұлшықет ішіне енгізу үшін жергілікті зақымдануды болдырмау мақсатында әртүрлі инелерді пайдаланған жөн;

препаратты бұлшықет ішіне терең етіп, бөксе бұлшықетіне немесе иықтың дельта тәрізді бұлшықетіне енгізеді.

Суспензияны қантамыр ішіне енгізуге қатаң түрде тыйым салынады!

Мұздатып қатыруға болмайды!

Алғашқы иммунизациядан кейін 12 айға дейінгі кезеңге иммунитет пайда болады. Әсерін демеу үшін препараттың бір реттік дозасын бір жылдан соң енгізу керек.

Жағымсыз әсерлері

Жүйелік зерттеулер организмнің вакцинацияға жергілікті және жалпы реакциялардың жиілігінің көбірек болатынын көрсетті. Организмнің вакцинацияға реакциясы организмнің қалыпты реакциясы ретінде қарастырылады. Организмнің вакцинацияға жалпы реакциясы тұмауға ұқсас симптомдар сияқты білінеді.

Жиі (қолданудың 100 жағдайына шаққанда 1-ден сирек, 1000 жағдайдың 1-нен жиі емес)

• инъекция орнындағы реакциялар: терінің қызаруы, ісіну немесе аздап ісіну, қысылу немесе ширығу сезімі, инъекция жасалған жердің ауыруы

• организмнің вакцинацияға тұмауға ұқсас симптомдар сияқты жалпы реакциялары: бас ауыру, шаршап әлсіреу сезімі, аяқ-қол және буындардың ауыруы, 40° С дейінгі қызба, қалтырау, бас айналуы, жүрек айнуы.

Сирек (қолданудың 1000-на шаққанда 1-ден сирек, бірақ 10 000 жағдайға шаққанда 1-ден жиі)

• қан айналымының коллапсқа дейін бұзылуы

Өте сирек (қолданудың 10 000 жағдайына шаққанда 1-ден сирек, бақыланған жекелеген жағдайларды қоса)

• аймақтық лимфа түйіндерінің уақытша ұлғаюы

• препаратты енгізуге аллергиялық реакциялар (экзантема)

• асқазан-ішек бұзылыстары: диарея, метеоризм, тәбеттің жойылуы

• қуықтағы ашыту сезімі, несеп шығарудың жиіленуі

• бүйрек аймағының ауыруы, перехондриттер

• бауыр сынамалары мәндерінің жоғарылауы

Жекелеген жағдайларда

• неврологиялық симптомдар: парестезия, ұйып қалуды немесе салдануды сезіну, менингеальді симптомдар (менингеальді қабықтың қозуы)

• СолкоУровак® вакцинациясына байланысты созылмалы герпестік жұқпаның өршуі

• С-реактивтік ақуыздың мәнінің артуы

Қолдануға болмайтын жағдайлар

• жедел ағымды жұқпалы аурулар, несеп шығару жолдарының жұқпаларын қоспағанда

• туберкулездің белсенді түрі

• қан жүйесінің ауыр аурулары (жедел ағымды лейкоз, қанның ұйығыштығының бұзылуы)

• декомпенсация сатысындағы жүрек аурулары

• декомпенсация сатысындағы бүйрек аурулары

• иммундық жүйе аурулары (аутоиммундық және иммуннопролиферативтік аурулар, ЖИТС)

• препаратты қайталап енгізген кезде болған аллергиялық реакциялар СолкоУровактың® құрамындағы бактериялық антигендерге немесе лиофилизат пен еріткіштің құрамына кіретін басқа да заттарға (алюминий фосфаты, тиомерсал) аса жоғары сезімталдық

• жоғары температура

• 18 жасқа дейінгі балалар мен жасөспірімдер.

Дәрілермен өзара әрекеттесуі

Иммуносупрессиялық немесе сәулемен емдеу қатарластырылған жағдайда СолкоУровак® препаратының тиімділігі ішінара немесе толық төмендеуі мүмкін.

Айрықша нұсқаулар

Күрделі жағымсыз әсерлер немесе аллергиялық реакциялар пайда болған кезде препаратпен әрі қарай инъекция жасауды тоқтата тұру ұсынылады. Нұсқаулықта көрсетілген күрделі жағымсыз реакциялар, сондай-ақ нұсқаулықта көрсетілмеген жағымсыз реакциялар дамыған кезде дәрігерге немесе фармацевтке қаралу керек. СолкоУровакты® қолданған кезде инъекция орнында жұқпалы қабынбалы үдерістердің дамуы (абсцесс, қан тамырларының немесе жүйке ұштарының зақымдануы) мүмкін. СолкоУровак® инъекциясы дәрігердің қадағалауымен жүргізілуі тиіс, өйткені аллергиялық реакциялар болуы мүмкін, ол шұғыл медициналық көмек емшарасын жүргізуді талап етуі ықтимал. Лиофилизат немесе еріткіштің құрамына кіретін қосымша заттар (тиомерсал, алюминий фосфаты және фенол ізі) инъекция орнында жергілікті реакциялар немесе аса жоғары сезімталдықты туғызуы мүмкін. Маңызды қатар қолдануға болмайтын біріктірілімдер қазіргі таңда анықталған жоқ.

Соған қарамастан, СолкоУровакты® бір еккіште басқа дәрілік заттармен араластыруға, сондай-ақ басқа инъекциялық дәрілермен бір мезгілде бір жерге енгізуге болмайды.

Суспензияны қантамыр ішіне енгізуге қатаң түрде тыйым салынады!

Жүктілік және лактация кезеңі

Жүктілік

Препаратты жүктілік кезінде әйелдерге қолданудың жеткілікті клиникалық деректері жоқ. СолкоУровакты ® қолданған кезде ұрыққа жағымсыз әсер ету ықтималдылығы өте аз. СолкоУровак® жүктілік кезінде тек өмірлік көрсетілімдер бойынша ғана қолданылуы мүмкін.

Лактация

СолкоУровак ® препаратын лактация кезінде қолдану жөнінде жеткілікті клиникалық деректер жоқ.

Көлік құралын немесе қауіптілігі зор механизмдерді басқару қабілетіне ықпал ету ерекшеліктері

СолкоУровак® препаратын қолдану көлік құралын басқаруға және зейінді жұмылдыруды және психомоторлы реакциялардың шапшаңдығын қажет ететін қауіпті қызмет түрлерімен айналысуға ықпалын тигізбейді.

Артық дозалануы

Симптомдары: анафилактикалық реакциялар дамуы мүмкін

Емі: шұғыл және симптоматикалық ем жүргізу керек.

Шығарылу түрі және қаптамасы

Препарат бромбутил тығынмен тығындалған және жұлып алатын қақпағы бар алюминий қалпақшасымен жабылған түссіз шыны құтыларға салынған.

Еріткіш түссіз шыныдан жасалып дәнекерленген ампулаларға құйылған.

1 немесе 3 құты және еріткіш құйылған 1 немесе 3 ампуласы бар жиынтықпен қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

4 оС-ден 25 °С-ге дейінгі температурада сақтау керек

Балалардың қолы жетпейтін жерде сақтау керек!

Сақтау мерзімі

3 жыл

Препаратты қаптамасында көрсетілген күнге дейін пайдалану керек.

Дәріханалардан босатылу шарттары

Рецепт арқылы Өндіруші

Biokirch GmbH

Bei den Kampen 11

21220 Seevetal

Германия

Телефон: +49 4185 701 0

Факс: +49 4185 701 100

Тіркеу куәлігінің иесі

Strathmann GmbH &Co KG

Sellhopsweg 1, D-22459,

Hamburg, Германия

E-mail: info@strathmann.de www. strathmann.de

Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы

Ұйым: "Фарм Сток Kz" ЖШС

Мекенжайы: Ходжанов к-сі, 55/9

Алматы, 050060, Қазақстан

Тел. 269 48 80

e-mail: pharm-stok-kz@mail.ru