Снуп® (0.1%)

• русский
• қазақша

• Скачать инструкцию медикамента

Саудалық атауы

Снуп®

Халықаралық патенттелмеген атауы

Ксилометазолин

Дәрілік түрі

0,05 % және 0,1 % мұрын спрейі

Құрамы

100 мл спрейдің құрамында

белсенді зат – 0,05 г немесе 1,0 г ксилометазолин гидрохлориді,

қосымша заттар: калий дигидрофосфаты, теңіз суы, тазартылған су.

Сипаттамасы

Мөлдір түссіз ерітінді

Фармакотерапиялық тобы

Мұрынға арналған препараттар. Антиконгестанттар және жергілікті қолданылатын басқа да мұрынға арналған препараттар. Симпатомиметиктер. Ксилометазолин

АТХ коды R01АА07

Фармакологиялық қасиеттері

Фармакокинетикасы

Мұрын ішіне ұсынылатын дозаларда қолданғанда іс жүзінде сіңбейді дерлік. Бір рет қолданғаннан кейін әсерінің басталуы әдеттегідей 5-10 минут ішінде байқалады және деконгестантты әсері орта есеппен 6-8 сағатқа созылады.

Фармакодинамикасы

Ксилометазолин, имидазолин туындысы альфа-адренергиялық әсері бар симпатомиметик болып табылады. Бета-адренорецепторларға ықпалын тигізбейтін, тікелей әсер ететін альфа-адренорецепторлар агонисі бола отырып, ксилометазолин норэпинефриннің босап шығуы арқылы жүзеге асатын, тікелей емес симпатомиметикалық әсер бермейді. Ксилометазолин мен норэпинефрин құрылымының ұқсастығы арқасында, ксилометазолин әсерінен, альфа-1 және альфа-2 рецепторлардың стимуляциясы вазоконстрикцияға әкеледі. Бұл шырышты қабықтардың ісінуінің азаюына және секрет ағынының жақсаруына мүмкіндік береді, ол мұрынмен тыныс алуды жеңілдетеді.

Препараттың құрамына кіретін стерильді изотониялық теңіз суы мұрын қуысының шырышты қабығының қалыпты физиологиялық жағдайын сақтауға мүмкіндік береді, секреттің тұтқырлығын азайтады және оның мұрын қуысының шырышты қабығының бокал түріндегі жасушаларымен өндірілуін қалыпқа келтіреді, жыпылықтағыш эпителий қызметін жақсартады, бұл мұрын қуысының және қосалқы қуыстардың ауру тудыратын бактериялар мен вирустардың енуіне кедергі жасауын күшейтеді. Бұдан басқа, теңіз суы мұрынның шырышты қабатынан аллергендер мен гаптендердің шайылуына және жойылуына, жергілікті қабыну үдерісінің азаюына әкеледі.

Қолданылуы

• жедел респираторлы аурулар кезіндегі ринитте

• аллергиялық ринитте

• мұрын маңы қуыстары қабынғанда, сондай-ақ салқын тигеннен болған ауруларда ортаңғы құлақтың катаральді қабынуында секреттің ағынын жақсарту үшін

Қолдану тәсілі және дозалары

Снуп®, 0,05% мұрын спрейі

2 жастан 6 жасқа дейінгі балаларға – әрбір мұрын қуысына 1 реттен бүрку - күніне 1-3 рет.

Снуп®, 0,1% мұрын спрейі

Ересектерге және 6 жастан асқан балаларға – әрбір мұрын қуысына 1 реттен бүрку - күніне 1-3 рет.

Препаратты күніне 3 реттен жиі қолданбаған жөн. Емдеу курсының ұзақтығы 5-7 күннен аспауы тиіс.

Жағымсыз әсерлері

Жиі (≥1/100 - <1/10)

• мұрын шырышты қабығының күйдіріп ашытуы және құрғауы, түшкіру

Жиі емес (≥1/1000 - <1/100)

• ісінуге қарсы әсері төмендегеннен кейін мұрын бітелуінің қайтадан басталуы, мұрыннан қан кету

• аллергиялық реакциялар (ангионевроздық ісіну, қышыну, тері бөртпелері)

Сирек (≥1/10000 - <1/1000)

• жүректің қағуы, тахикардия, артериялық қысымның жоғарылауы

Өте сирек (<1/10000)

• аритмия

• бас ауыру, шаршау, ұйқышылдық немесе ұйқысыздық, мазасыздық, тыныштандыратын әсер, құрысулар және елестеулер (көбіне балаларда)

• апноэ (жасы кіші балаларда және жаңа туған нәрестелерде)

Қолдануға болмайтын жағдайлар

• препарат компонентінің белсенді затына немесе кез келген басқа компонентіне аса жоғары сезімталдық

• атрофиялық ринит

• транссфеноидальді гипофизэктомиядан немесе қатты ми қабығына қатысты басқа да хирургиялық араласымдардан кейінгі жағдайлар, соның ішінде сыртартқысындағы

• жүктілік, лактация кезеңі

Снуп®, 0,05% мұрын спрейі

• 2 жасқа дейінгі балаларға

Снуп®, 0,1% мұрын спрейі

• 6 жасқа дейінгі балаларға

Дәрілермен өзара әрекеттесуі

Снуп®, үшциклдік антидепрессанттар, транилципроминді типті моноаминооксидаза (МАО) тежегіштері немесе гипертензияны туындататын басқа да дәрілік заттарды бір мезгілде қолдану артериялық қысымның жоғарылауына әкеледі. Осы препараттармен бірге Снуп® қолданудан аулақ болған жөн.

Айрықша нұсқаулар

Снуп® келесі жағдайларда сақтықпен пайдаланылуы тиіс:

• МАО тежегіштерін немесе артериялық қысымды арттыруға қабілетті басқа дәрілік заттарды қабылдап жүрген емделушілерде

• көзішілік қысым жоғарылағанда (әсіресе жабық бұрышты глаукомада)

• жүрек-қантамыр жүйесінің ауыр сипатты ауруларында (мысалы, жүректің ишемиялық ауруы, гипертензия)

• феохромоцитомада

• метаболизмдік бұзылуларда (мысалы, гипертиреоидоз, қант диабеті)

• порфирияда

• простата аденомасы кезінде.

Препараттың ұсынылған тәуліктік дозасынан асырмаған жөн. Снуп® дәрігердің кеңесінсіз 7 күннен артық қолданылмауы тиіс. Бірнеше күн үзіліс жасағаннан кейін ғана қайталап қолданылуы мүмкін.

Созылмалы риниті бар емделушілер препаратты, мұрынның шырышты қабығының атрофиясының пайда болу қаупіне байланысты, тек дәрігердің бақылауымен ғана қолдана алады.

Ұзақ уақыт қолданғанда және/немесе артық дозаланғанда мұрынның шырышты қабығының реактивті гиперемиясы пайда болуы мүмкін, ол тыныс жолдарының тарылуына әкеледі («рикошет» феномені). Мұның салдары созылмалы дәрі-дәрмектік риниттің туындауы болып табылады, бұл мұрынның шырышты қабығының атрофиясына әкеп соғуы мүмкін.

Балалардағы емдеу ұзақтығын дәрігер белгілейді.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Дұрыс қолданғанда препарат көлік құралын немесе қауіптілігі зор механизмдерді басқару қабілетіне әсер етпейді.

Артық дозалануы

Симптомдары: мазасыздық, қозу, елестеулер, құрысулар; дене температурасының төмендеуі, летаргия, ұйқышылдық, кома; миоз, мидриаз, қатты терлеу, қызба, тері жабындарының бозаруы, цианоз, жүректің айнуы және құсу, тахикардия, брадикардия, жүрек аритмиясы, жүректің тоқтап қалуы, пальпитация, гипертензия, шокқа ұқсас гипотония, өкпенің ісінуі, тыныстың тарылуы және апноэ, психикалық бұзылулар. Артық дозаланудан кейін, әсіресе балаларда, ОЖЖ тарапынан симптомдар (құрысулар мен қоманы қоса есептегенде), брадикардия, апноэ және гипотонияға ауысатын гипертензия жиірек болады.

Емі: сорбентті (белсендірілген көмір) пероральді түрде, іш жүргізетін дәрілерді шұғыл тағайындау немесе асқазанды шаю, қажет болғанда гипотензивтік терапия (селективтік емес альфа-адреноблокаторлар), симптоматикалық ем. Қажет болғанда ыстықты түсіретін, қабынуға қарсы дәрілер, оттегі. Ауыр артық дозалану кезінде стационар жағдайында қарқынды ем көрсетіледі. Тамыр тарылтатын препараттарды тағайындауға болмайды.

Шығарылу түрі және қаптамасы

Бүріккіш қақпақшалары бар полиэтиленді құтыларда препарат 15 мл-ден.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Құты алғаш ашылғаннан кейінгі сақтау мерзімі – 12 ай.

Босатылу шарттары

Рецептісіз

Өндіруші / Қаптаушы

Famar Health Care Services Madrid S.A.U,

Леганес даңғылы 62, Алькоркон,

28923 Мадрид, Испания

телефон: +34 913 07 3000,

телефакс: +34 913 07 3496

веб сайты: info@famar.eu

Тіркеу куәлігінің иесі

ШТАДА Арцнаймиттель АГ,

Штадаштрассе 2-18,

D-61118 Бад Вилбель, Германия,

телефон: +49 6101-603-0,

телефакс: +49 6101-603 259

веб сайты: http://www.stada.de

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

“ЕҰ ”Нижфарм-Қазақстан” ЖШС

050054, Қазақстан Республикасы,

Алматы қ., Сүйінбай д-лы 162 А

тел.: (727) 2222-100

факс: (727) 398-64-95

e–mail: almaty@stada.kz