Сиресп

• русский
• қазақша

• Скачать инструкцию медикамента

Саудалық атауы

Сиресп

Халықаралық патенттелмеген атауы

Фенспирид

Дәрілік түрі

Қабықпен қапталған таблеткалар, 80 мг

Құрамы

Бір таблетканың құрамында

белсенді зат - фенспирид гидрохлориді 80.00 мг,

қосымша заттар: кальций гидрофосфаты, гипромеллоза, повидон, коллоидты кремнийдің қостотығы (аэросил), магний стеараты,

Advantia Prime 190100BA01 қабығы: гипромеллоза, титанның қостотығы, макрогол-400.

Сипаттамасы

Екі беті дөңес, дөңгелек, ақ түсті, қабықпен қапталған таблеткалар.

Фармакотерапиялық тобы

Жүйелі пайдалану үшін тыныс алу жолдарының обструкциялық ауруларын емдеуге арналған басқа да препараттар. Фенспирид.

ATХ коды R03DX03

Фармакологиялық қасиеттері

Фармакокинетикасы

Ішке қабылдағаннан кейін сарысудағы ең жоғары концентрациясына қабылдағаннан кейін 6 сағат ішінде жетеді, содан соң біртіндеп азаяды.

Жартылай шығарылу кезеңі шамамен 12 сағатты құрайды.

Фенспирид негізінен бүйрекпен шығарылады.

Тіндерде жинақталмайды.

Фармакодинамикасы

Фенспирид Н1-гистаминдік рецепторлар мен папаверин тәрізді спазмолитикалық әсер деңгейінде антагонистік белсенділік есебінен қабынуға қарсы және бронх дилатациялаушы әсерге ие. Қабынуға қарсы әсері қабыну факторларының (цитокиндердің, туморнекроздаушы фактор альфа - TNFα, арахидон қышқылы мен бос радикалдардың туындылары) өнімдерін төмендету нәтижесі болып табылады, олардың кейбірі бронхоконстрикторлық әсер етеді.

Қолданылуы

Жоғарғы және төменгі тыныс алу жолдарының ауруларындағы жөтелде (симптоматикалық ем ретінде):

- ринофарингиттерде және ларингиттерде

- отиттерде және синуситтерде

- ринотрахеобронхиттерде

- бронхиттерде

- қызылшада

- тұмауда

Қолдану тәсілі мен дозалары

1 таблеткадан күніне 2-3 рет.

Таблеткаларды тамақтануға дейін, азғантай мөлшердегі суды іше отырып, тұтастай жұту арқылы қабылдау керек.

Созылмалы қабыну үдерістерін емдеуге арналған әдеттегі ұсынылған емдік доза тәулігіне (таңертең және кешке) 2 таблетканы құрайды.

Ең жоғары тәуліктік доза – 3 таблетка.

Емдеу ұзақтығы ауру ағымына байланысты және дәрігер жекелей әр адамға анықтайды.

Жағымсыз әсерлері

Жиі ≥1/100 <1/10 дейін

- жүрек айнуы, эпигастрийдегі ауыру

Сирек ≥1/10 000 <1/1000 дейін

- дозаны төмендеткенде басылатын орташа тахикардия

- артериялық қан қысымының төмендеуі

- бас ауыруы

- ұйқышылдық

- эритема, бөртпелер, есекжем, Квинке ісінуі, бекітілген пигментті эритема, Стивенс-Джонсон синдромы

Жиілігі белгіленбеген

- диарея, құсу

- астения, шаршағыштық, бас айналу

- қышыну

Қолдануға болмайтын жағдайлар

- фенспирид гидрохлоридіне немесе препараттың қандай да бір компоненттеріне жоғары сезімталдық

- жүктілік және лактация кезеңі

- 14 жасқа дейінгі балаларға

- 65 жастан асқан егде жастағыларға (дәрілік заттың қауіпсіздігі мен тиімділігі жөнінде деректердің болмауына байланысты)

Дәрілермен өзара әрекеттесуі

Фенспирид Н1-антигистаминдік препараттардың тыныштандыратын әсерін арттыратындықтан, оны тыныштандыратын препараттармен және алкогольмен біріктіру ұсынылмайды.

Айрықша нұсқаулар

Фенспиридпен емдеу антибиотикпен емдеуді алмастырмайды.

Сиреспті балалар мен 65 жастан асқан емделушілерге қолданудың клиникалық тәжірибесі жоқ.

Таблеткалар түріндегі Сиресп балаларды емдеуге арналмаған. Препаратты балаларға қолдану үшін шәрбат түріндегі Сиресп ұсынылады.

Жүктілік және лактация кезеңі

Қазіргі уақытта фенспиридтің ұрыққа уытты әсер етуіне және дәрілік заттың емшек сүтімен шығарылуына қатысты клиникалық деректер жоқ. Сондықтан Сиреспті жүктілік және лактация кезеңінде қолдану ұсынылмайды.

Дәрілік заттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз әсерлердің (ұйқышылдық) даму мүмкіндігіне байланысты көлік құралдарын басқарғанда және қозғалыс механизмдеріне қызмет көрсеткенде сақ болу керек.

Артық дозалануы

Симптомдары: ұйқышылдық немесе қозу, жүрек айнуы, құсу, синустық тахикардия

Емі: асқазанды шаю, ЭКГ мониторингілеу, симптоматикалық ем.

Шығарылу түрі және қаптамасы

10 таблеткадан поливинилхлоридті (ПВХ) үлбірден және алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі бекітілген нұсқаулықпен бірге картон пәшкеге салынған.

Сақтау шарттары

Құрғақ жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

«Польфарма» АҚ фармацевтикалық зауыты

Пельплиньска к-сі, 19, 83-200 Старогард Гданьски, Польша

Тіркеу куәлігінің иесі

«Химфарм» АҚ, ҚАЗАҚСТАН РЕСПУБЛИКАСЫ

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz