Серрата™

• русский
• қазақша

• Скачать инструкцию медикамента

Саудалық атауы

СЕРРАТАТМ

Халықаралық патенттелмеген атауы

Жоқ

Дәрілік түрі

Қабықпен қапталған, ішекте еритін таблеткалар, 10 мг

Құрамы

Бір таблетка құрамында

белсенді зат – серратиопептидаза10 мг,

қосымша заттар: лактоза моногидраты, жүгері крахмалы, жеңіл магний карбонаты, натрий крахмал гликоляты, магний стеараты,

қабықтың құрамы: Опадрай YS-1-7027 ақ жабыны (титанның қостотығы, гипромеллоза, триацетин), Опадрай OY-P-7171 ақ (диэтилфталат, титанның қостотығы, стеарин қышқылы, поливинилацетат фталаты), тазартылған су, изопропил спирті, метиленхлорид.

Сипаттамасы

Дөңгелек, екі беті дөңес, ақ түсті ішекте еритін қабықпен қапталған таблетка.

Фармакотерапиялық тобы

Тірек-қимыл аппаратының ауруларын емдеуге арналған басқа препараттар. Ферменттік препараттар.

АТХ коды M09 AB

Фармакологиялық қасиеттері

Фармакокинетикасы

Препарат асқазан арқылы өзгеріссіз күйде өтеді және ішекте сіңіріледі. Плазмадағы ең жоғарғы концентрациясына 1 сағаттан соң жетеді. Серратиопептидаза азғантай мөлшерде несепте анықталады.

Серратиопептидазаның емдік дозасын тағайындағанда қандағы фермент тұрақсыздығына байланысты фармакокинетикасына зерттеу жүргізу мүмкін емес. Сіңірілуін зерттеуге еріктілерге жоғары дозаларын тағайындаған кезде мүмкіндік туды.

Серратиопептидаза плазмада 100 мг/кг дозада ішке қабылдағаннан кейін анықталады, оның концентрациясының ең жоғарғысы 30 минуттан соң-ақ анықталады және қабылдағаннан кейінгі 2 сағат ішінде, аш ішекте сіңеді және қанда энзимтәрізді белсенді формалары түрінде айналымда болады.

Фармакодинамикасы

СерратаныңТМ белсенді заты - Serratia E15 патогенді емес ішек бактериясынан бөлініп шыққан серратиопептидаза фибринолитикалық, қабынуға қарсы және ісінуге қарсы белсенділігі бар протеолитикалық фермент болып табылады.

Қабыну үдерісін азайтудан басқа, СерратаТМ қабыну ошағынан ауыру медиаторларының босап шығуын бөгеудің салдарынан ауыруды әлсіретеді.

СерратаТМ қанның альфа-2-макроглобулинімен 1:1 арақатынаста байланысады, ол оның антигенділігін бүркемелейді, бірақ оның ферментативтік белсенділігін сақтайды. Қабынған жерде экссудатқа баяу өтеді және оның қандағы деңгейі біртіндеп азая түседі.

Брадикинин, гистамин және серотонин гидролизі арқылы серратиопептидаза қылтамырлар дилатациясы мен олардың өткізгіштігін тікелей азайтады. СерратаТМ плазмин тежегіштерін бөгейді, сол арқылы фибринолитикалық белсенділіктің артуына ықпал етеді.

СерратаТМ қақырықтың құрылымдық ақуыздарының протеолизінің арқасында қақырықтың реологиялық қасиеттерін жақсартады және оның шығуына ықпал етеді.

Қолданылуы

Кешенді емдеуде

- байламдардың созылулары мен үзілулерінде, сынықтар мен шығып кетулерде (ісінуді басу және зақымданған жердегі микроциркуляцияны қалпына келтіру үшін)

- жоғарғы тыныс жолдарының ауруларында (қақырықтың тұтқырлығын төмендету және оның шығуын жеңілдету үшін)

- ЛОР-ағзалардың ауруларында: қосалқы қойнаулар секретінің шығуын жеңілдетеді

- ауыру синдромымен жүретін дерматитте

- маститте (гематомалардың қайтуы, сүт бездерінде іркілістің азаюы үшін)

Қолдану тәсілі және дозалары

Препаратты кешенді ем құрамында, тәулігіне 2-3 рет 10 мг дозада (1 таблетка) тамақтан кейін тағайындайды. Таблеткаларды шайнамай, 1 стақан сумен ішіп жұту керек. Ең жоғарғы бір реттік дозасы – 10 мг.

Ең жоғарғы тәуліктік дозасы – 30 мг.

Емдеу курсының ұзақтығы патологиялық үдерістің сипаты мен динамикасына тәуелді және дәрігер жекелей белгілейді.

Жағымсыз әсерлері

Сирек

- жүрек айнуы

- құсу

- анорексия

- эпигастрийдегі жайсыздық

- диарея

Өте сирек

- мұрыннан қан кету

- қан аралас қақырық

- тері бөртпелері, қышыну, тері гиперемиясы

- жедел эозинофильді пневмония

- препарат компоненттеріне жекелей көтере алмаушылығы бар адамдарда аса жоғары сезімталдық реакциялары болуы мүмкін

Қолдануға болмайтын жағдайлар

- препарат компоненттеріне жоғары сезімталдық

- асқазанның ойық жаралы ауруы

- жүктілік және лактация кезеңі

- 18 жасқа дейінгі балалар мен жасөспірімдерге

Қан ұюының бұзылуы, бауыр және бүйрек функциясының бұзылулары бар, антикоагулянттық ем қабылдап жүрген емделушілер үшін серратиопептидазаны тағайындағанда мұқият бақылау қамтамасыз етілуі қажет.

Дәрілермен өзара әрекеттесуі

Бір мезгілде қолданылғанда препарат антикоагулянттардың әсерін күшейтеді. Серратиопептидаза мен карбамазепинді бір мезгілде қабылдау қан сарысуындағы концентрациясының төмендеуіне, соған орай, карбамазепиннің әсерінің азаюына алып келеді

Айрықша нұсқаулар

Препарат қанның ұйығыштығына әсер ететіндіктен, оны қан кету қаупі бар және қан ұю уақытының бұзылуы бар емделушілерде, сондай-ақ антикоагулянттарды қабылдап жүрген емделушілерде сақтықпен қолдану керек.

Бауыр мен бүйректің ауыр аурулары жағдайында препаратты сақтықпен қолданады.

Препаратты сирек тұқым қуалайтын галактозаны көтере алмаушылығы, Lapp лактазасы тапшылығы немесе глюкоза-галактоза мальабсорбциясы бар емделушілерге қолданбаған жөн.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: жүрек айнуы, құсу, анорексия, эпигастрийдегі жайсыздық, қан аралас қақырық және қан кетулер.

Емі: симптоматикалық ем.

Шығарылу түрі және қаптамасы

Пішінді ұяшықсыз қаптамада 10 таблеткадан. Бір пішінді ұяшықсыз қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қаптамада. 10 пішінді қаптамадан картон қорапқа (10х10) салынады.

Пішінді ұяшықсыз қаптамада 30 таблеткадан. 1, 5 және 10 пішінді ұяшықсыз қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

Жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Кусум Хелткер Пвт. Лтд.,

СП 289 (А), Риико Индл. Ареа Чопанки, Бхивади (Радж.), Үндістан

Тіркеу куәлігінің иесі

Кусум Хелткер Пвт. Лтд., Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Кусум Хелткер Пвт. Лтд.», серіктестігінің ҚР өкілдігі Үндістан

Алматы қ., Достық д-лы, 117/6,

тел/факс: 295-26-50; 295-26-55