Ринофлуимуцил
Инструкция
-
русский
-
қазақша
РИНОФЛУИМУЦИЛ
Саудалық атауы
Ринофлуимуцил
Халықаралық патенттелмеген атауы
Жоқ
Дәрілік түрі
Мұрын спрейі, 10 мл
Құрамы
100 мл ерітіндінің құрамында
белсенді заттар: 1 г ацетилцистеин, 0,5 г туаминогептан сульфаты,
қосымша заттар: бензалконий хлориді, гипромеллоза, динатрий эдетаты, натрий дигидрофосфатының моногидраты, натрий гидрофосфатының додекагидраты, дитиотреитол, сұйық сорбитол, жалбыз хош иістендіргіші, этанол 96%, натрий гидроксиді, тазартылған су.
Сипаттамасы
Өзіне тән жалбыз иісі бар мөлдір, түссіз дерлік сұйықтық
Фармакотерапиялық тобы
Антиконгестанттар мен жергілікті қолданылатын басқа да мұрынға арналған препараттар. Басқа препараттармен біріктірілген симпатомиметиктер (кортикостероидтардан басқа).
АТХ коды R01AB08
Фармакологиялық қасиеттері
Фармакокинетикасы
Мұрын ішіне қолданғанда, препараттың белсенді компоненттері қан ағымына қандағы белсенді деңгейлеріне жету үшін жеткілікті мөлшерде сіңірілмейді.
Фармакодинамикасы
Ринофлуимуцил муколитикалық және тамырды тарылтатын әсерлерге ие.
Ацетилцистеин белсенді сульфгидрильді топтың әсеріне негізделген муколитиктік белсенділікке ие, ол мукопротеиндердегі дисульфиддік байланыстарды ыдырата отырып, мұрынжұтқыншақ бөліністерін сұйылтатын әсер береді.
Туаминогептан сульфаты – симпатомиметикалық амин, ол жергілікті қолданғанда айқын жүйелік әсерлерсіз тамырды тарылтатын әсер береді.
Бұл екі компоненті синергизмде әсер ете отырып, ісінуді және шырышты қабықтың гиперемиясын жояды.
Қолданылуы
- бөлінуі қиын іріңді-шырышты қою секретпен жүретін жедел және жеделге жуық ринитте
- созылмалы ринит және мұрынның шырышты қабығында қабыршақтар түзілетін ринитте
- вазомоторлық ринитте
- синуситте
Қолдану тәсілі мен дозалары
Ересектерге: 2 дозадан (клапанды 2 басу) әр мұрын жолына күніне 3-4 рет.
Балаларға: 1 дозадан (клапанды 1 басу) әр мұрын жолына күніне 3-4 рет.
Емдеу ұзақтығы 3 күннен аспауы тиіс.
Спрейді қолдану жөніндегі нұсқаулық
1. Ерітіндісі бар құтының қалпақшасын алып тастаңыз
2. Бүріккіштің қорғағыш қалпақшасын алып тастаңыз
3. Бүріккішті құтыға жалғаңыз
4. Бүріккіштің қақпағын алып тастаңыз
5. Бүріккішті қайта басып іске қосыңыз
Жағымсыз әсерлері
Жиілігі белгісіз:
- жоғары сезімталдық
- үрей, елестеулер, сандырақтау
- бас ауыруы, мазасыздық, қозу, ұйқысыздық
- жүректің қағуы, тахикардия, аритмия
- артериялық гипертензия
- мұрын қуысының құрғауы, мұрын қуысындағы жайсыздық, мұрынның бітелуі
- жүрек айнуы
- есекжем, тері бөртпесі
- несеп шығарудың іркілуі
- ашушаңдық, препараттың әсеріне төзімділік (дағдылану)
- бронх түйілуі
Қолдануға болмайтын жағдайлар
- препараттың қандай-да бір компонентіне жоғары сезімталдық
- жүрек-қантамыр аурулары, соның ішінде артериялық гипертензия
- феохромоцитома
- жабық бұрышты глаукома
- мұрын ішіне қолданылатын басқа деконгенстанттарды қоса, басқа симпатомиметиктік дәрілерді бір мезгілде қолдану
- препаратты моноаминоксидаза (МАО) тежегіштерімен, соның ішінде қайтымды МАО тежегіштерімен емдеу кезінде және емдеу аяқталғаннан кейін 2 апта бойы қолданбау керек
- гипофиздің алынып тасталуы немесе мидың қатты қабығына жетумен жасалған операцияларды бастан өткеру
- 6 жасқа дейінгі балаларға
Дәрілермен өзара әрекеттесулері
Туаминогептанның мұрын ішіне қолданғандағы жүйелік сіңу дәрежесінің төмендігіне қарамастан, төмендегі ықтимал өзара әрекеттесулерін назарда ұстау керек:
МАО тежегіштері, соның ішінде қайтымды – гипертензивтік криз қаупін арттырады.
Антигипертензивтік дәрілер (адренергиялық нейрондар блокаторларын және β-блокаторларды қоса) – гипотензивтік әсеріне кедергі келтіруі мүмкін.
Жүрек гликозидтері – аритмия қаупін арттыруы мүмкін.
Қастауыш алкалоидтары – эрготизм қаупін арттыруы мүмкін.
Паркинсон ауруына қарсы дәрілер – жүрек-қантамырлық уыттылығының қаупін арттыруы мүмкін.
Окситоцин – артериялық гипертензия қаупін арттыруы мүмкін.
Айрықша нұсқаулар
Тек мұрын ішіне қолдануға арналған.
Төмендегілерде сақтықпен қолдану керек:
- тамырлардың окклюзиялық ауруларында
- қант диабетінде
- гипертиреоидизмде
- қуық асты безінің ұлғаюында (несеп шығару кезінде қиналуды күшейтуі мүмкін)
- β-адреноблокаторларды қабылдауда.
Препаратты ұзақ уақыт қолдану препаратты тоқтатқаннан кейін мұрынның бітелуін және дәрі-дәрмектік ринитті туғызуы мүмкін.
Көзге тиюін болдырмаңыз.
Жүктілік және лактация кезеңі
Препаратты жүктілік кезінде қолдану ұсынылмайды.
Лактация кезеңінде сәбиді емізуді тоқтату керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: артериялық гипертензия, жарықтан қорқу, қатты бас ауыруы, кеуде қуысының қысылуы және сананың айқын бәсеңдеуімен (балаларда) гипотермия дамуы мүмкін.
Емі: симптоматикалық.
Шығарылу түрі және қаптамасы
10 мл препараттан күңгірт шыныдан жасалған, бүріккіш құрылғымен жабдықталған құтыларға құяды.
Құтыны медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
2,5 жыл
Құтысын ашқаннан кейін ішіндегісін 20 күн бойы пайдалануға болады.
Препаратты қаптамасында көрсетілген жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
Замбон С.п.А.
Виа делла Кимика, 9, Виченца, Италия
Тіркеу куәлігі иесінің атауы мен елі
Замбон С.п.А., Италия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«ВИВА Фарм» ЖШС
2-ші Остроумов к-сі, 33, Алматы., ҚР
тел.: +7 (727) 390 48 77, факс: +7 (727) 383 74 56;
e-mail: pv@vivapharm.kz