Риноксил-Н (0.5 мг/мл)

• русский
• қазақша

• Скачать инструкцию медикамента

Саудалық атауы

Риноксил-Н

Халықаралық патенттелмеген атауы

Оксиметазолин

Дәрілік түрі

Мұрын тамшысы, 0,25 мг/мл және 0,5 мг/мл ерітінді

Құрамы

1 мл ерітіндінің құрамында

белсенді зат: оксиметазолин гидрохлориді - 0,25 мг (0,25 мг/мл доза үшін); оксиметазолин гидрохлориді - 0,5 мг (0,5 мг/мл доза үшін);

қосымша заттар: натрий дигидрофосфаты дигидраты, динатрий фосфаты дигидраты, бензалконий хлориді, динатрий эдетаты, натрий гидроксиді, инъекцияға арналған су.

Сипаттамасы

Мөлдір дерлік, түссізден сәл сарғыштау реңге дейінгі сұйықтық.

Фармакотерапиялық тобы

Ісінуге қарсы және мұрын қуысы ауруларында жергілікті қолдануға арналған басқа да препараттар. Симпатомиметиктер. Оксиметазолин.

АТХ коды R01AA05

Фармакологиялық қасиеттері

Фармакокинетикасы

Препараттың әсер етуі жылдам басталады (қолданғаннан кейін бірнеше минуттан соң). Әсер ету ұзақтығы – 12 сағатқа дейін.

Мұрын ішіне жергілікті қолданғанда жүйелік әсер етпейді.

Фармакодинамикасы

Риноксил-Н жергілікті тамыр тарылтатын дәрілер тобына (деконгенсанттар) жатады. Альфа-адреномиметикалық әсер көрсетеді.

Имидазолин туындысы ретінде төменгі концентрацияларда, негізінен альфа2-адреномиметикалық әсерін көрсетеді, жоғары болғанда – альфа1-адренорецепторларға әсер етеді.

Енгізген орында тамырды тарылтады, мұрын және жоғарғы тыныс жолдары шырышты қабығының ісінуін азайтады, мұрын бөліністерін кемітеді. Мұрынмен тыныс алуды қалпына келтіреді. Қосалқы қойнаулар, ортаңғы құлақ қуысы аэрациясын қалпына келтіруге ықпал етеді, бұл бактериялық асқынулардың дамуын (гайморит, синусит, ортаңғы отит) болдырмайды. Емдік концентрацияда мұрынға жергілікті қолданғанда мұрын шырышты қабығын тітіркендірмейді, гиперемия туындатпайды.

Қолданылуы

• мұрынның бітелуімен қатар жүретін жедел респираторлық ауруларда

• аллергиялық ринитте

• вазомоторлық ринитте

• мұрын қуысы қосалқы қойнаулары аурулары, евстахиит, ортаңғы отит кезінде дренажды және мұрынмен тыныс алуды қалпына келтіру үшін

• мұрын жолдарында диагностикалық манипуляциялар алдында ісінуді кетіру үшін

Қолдану тәсілі және дозалары

Риноксил-Н, мұрын тамшысы, 0,25 мг/мл, 0,5 мг/мл ерітіндіні басты аздап артқа шалқайта отырып, оны сол жақ танауға қолданған кезде оңға және оң жақ танауға қолданғанда – солға қисайтады да, әрбір мұрын жолына тамызады Төменде ұсынылған Риноксила-Н дозаларын тек қана дәрігердің бақылауымен қолданған жөн. Емдеу ұзақтығы 5-7 күннен аспауы тиіс.

Ересектер және 6 жастан асқан балалар.

Риноксил-Н, мұрын тамшысы, 0,5 мг/мл, 1-2 тамшыдан әр мұрын жолына күніне 2-3 рет қолданады.

1 жастан 6 жасқа дейінгі балалар.

Риноксил-Н, мұрын тамшысы, 0,25 мг/мл ерітіндіні, 1-2 тамшыдан әр мұрын жолына күніне 2-3 рет қолданады.

Жағымсыз әсерлері

• мұрын шырышты қабығын күйдіру және құрғауы

• түшкіру, әсіресе сезімтал емделушілерде

• бас ауыруы

• ұйқысыздық

• шаршау (қажу)

• үрей сезімі, елестеулер, ашушаңдық, ұйқының бұзылуы, құрысулар (балаларда өте сирек)

• ісіну және шырышты қабықтың ісінуі (мұрынның бітелу сезімі) анағұрлым қарқынды болуы мүмкін (реактивтік гиперемия)

• ауырлық дәрежесі әртүрлі аллергиялық реакциялар (ангионевротикалық ісіну, бөртпе, қышыну)

• жүрек қағуының жиілеуі, тамыр соғуының жиілеуі мен қан қысымының көтерілуі сияқты жүйелік әсер етудің дамуы

Қолдануға болмайтын жағдайлар

• препарат компоненттеріне жоғары сезімталдық

• атрофиялық ринит

• моноаминооксидаза тежегіштерін және артериялық қысымның жоғарылауына ықпал ететін басқа да препараттарды қабылдайтын науқастарға қолдануға болмайды

• жүрек-қантамырлары ауруларының ауыр түрлері (артериялық гипертензия, стенокардия)

• айқын атеросклероз

• тахикардия

• көзішілік қысымның жоғарылауы

• жабық бұрышты глаукома

• гипертиреоз

• қант диабеті

• феохромоцитома

• балалар жасында Риноксил-Н, мұрын тамшысы, 0,25 мг/мл ерітіндісін 1 жасқа дейінгі балаларға

• Риноксил-Н, 0,5 мг/мл - 6 жасқа дейінгі балаларға қолдануға болмайды

Дәрілермен өзара әрекеттесуі

МАО блокаторлары мен үшциклді антидепрессанттарды бір мезгілде қолданғанда артериялық қысымның жоғарылауы мүмкін.

Басқа да тамыр тарылтатын дәрілік заттармен бірге тағайындау жағымсыз әсерлердің даму қаупін арттырады.

Айрықша нұсқаулар

Препаратты ұзақ қабылдауды және артық дозалануын болдырмаған дұрыс. Мұрынға арналған ісінуге қарсы дәрілерді ұзақ қолдану оның әсерін әлсіретуі мүмкін. Бұл дәріні асыра қолдану шырышты қабықтың дәрі-дәрмектік риниті бар реактивті гиперемияны, сондай-ақ эпителий шырышының зақымдануы мен эпителий белсенділігі тежелуін туындатуы мүмкін. Ұсынылғаннан жоғары дозаларды тек дәрігердің бақылауымен ғана қолданған жөн.

Жүктілік және лактация кезеңі

Ұсынылған дозадан асыруға болмайды. Жүктілік және бала емізу кезеңінде препаратты ана мен бала үшін қауіп және пайда арақатынасына мұқият баға беруден кейін ғана қолданған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылатын дозадан асып түсетін дозада препаратты ұзақ қолданғаннан кейін жүрек-қантамырлар жүйесіне жалпы әсер етуін жоққа шығаруға болмайды. Мұндай жағдайларда көлік құралын басқару қабілеті төмендеуі мүмкін.

Артық дозалануы

Симптомдары: елеулі артық дозаланудан немесе кездейсоқ ішке қабылдаудан кейін келесі симптомдар туындауы мүмкін: қарашықтың тарылуы, жүрек айну, құсу, цианоз, температураның жоғарылауы, тахикардия, аритмия, тамырлық жеткіліксіздігі, артериялық гипертензия, тыныс алу бұзылыстары, өкпе ісінуі, жүректің тоқтап қалуы. Сонымен қатар психикалық бұзылыстар, сондай-ақ ұйқышылдықпен, дене температурасының төмендеуі, брадикардия, артериялық гипотензия, тыныс алудың тоқтап қалуымен қатар жүретін орталық жүйке жүйесі функциясының бәсеңдеуі, кома дамуы мүмкін. Кездейсоқ артық дозалану кезінде препаратты тоқтатып, дереу дәрігерге көріну керек.

Емі: асқазанды шаю, белсендірілген көмір қабылдау, симптоматикалық ем.

Шығарылу түрі және қаптамасы

Полиэтилен құтыда 10 мл препараттан. 1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге тұтыну ыдысына арналған картон қорапшаға салынады.

Сақтау шарттары

Түпнұсқалық қаптамасында, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Құты ашылғаннан кейінгі сақтау мерзімі 28 күн.

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецептісіз

Өндіруші

«НИКО» ЖШҚ, Украина, 86123, Донецк обл., Макеевка қ., Таежная к-сі, 1-1

Тіркеу куәлігінің иесі

«НИКО» ЖШҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«НИКО» ЖШҚ, Украина, 86123, Донецк обл., Макеевка қ., Таежная к-сі, 1-1

Тел/факс: +(062) 341 46 42, электронды поштасы: office@nikopharm.com.ua