Римосопт

Римосопт

Жоқ

Көзге тамызатын дәрі

1 мл препараттың құрамында

Белсенді зат: бримонидин тартраты 2.0 мг, тимолол малеаты, тимололға баламалы 5.0 мг

Қосымша заттар: натрий гидрофосфаты, натрий дигидрофосфаты моногидраты, бензалконий хлориді, натрий гидроксиді және/немесе хлорсутек қышқылы, инъекцияға арналған су.

Сары түсті мөлдір ерітінді

Сезім мүшелерінің ауруларын емдеуге арналған препараттар. Көз ауруларын емдеуге арналған препараттар. Глаукомаға қарсы препараттар және миотиктер. Бета-адреноблокаторлар. Басқа препараттармен біріктірілген тимолол..

АТЖ коды S01ED51

Фармакокинетикасы

Бримонидин. Көзге тамызатын дәрі түріндегі 0.2% ерітінді тамызғанда бримонидиннің қан плазмасында концентрациясы өте төмен. Бримонидин аз мөлшерде көз тіндерінде метаболизмге ұшырайды, қан плазмасындағы ақуыздарымен байланысы шамамен 29%-ды құрайды. Жергілікті қолданғаннан кейін орташа көрінетін жартылай шығарылу кезеңі шамамен 3 сағат.

in vitro зерттеулерінде альдегидоксидаза мен P450 цитохром бримонидина метаболизмінің үдерісіне маңызды дәрежеде қосылғаны көрсетілген. Осылайша, жүйелі шығарылуы ең алдымен препараттың бауырдағы метаболизмімен анықталады.

Тимолол. Катарактаны алып тастау бойынша операция жасалған пациенттер 0,5% көзге тамызатын дәріні жергілікті қолданғаннан кейін бір сағаттан кейін көз сұйықтығындағы тимололдың барынша жоғары концентрациясы 898 нг/мл болады. Дозаның бір бөлігі жүйелі жүйелі қан ағымына сіңеді, содан соң бауырда экстенсивті метаболизденеді. Тимололдың қан плазмасында жартылай шығарылу кезеңі шамамен 7 сағат құрайды. Тимолол бауырда ішінара метаболизмге ұшырайды және оның метаболиттері бүйрек арқылы шығарылады. Тимолол қан плазмасындағы ақуыздармен аздап байланысады.

Фармакодинамикасы

Римосопт препаратының құрамында екі әсер етуші зат: α2-адренорецепторларды көтермелейтін бримонидин – адреномиметик, және β-адренорецептор блокатор – тимолол бар. Екі белсенді зат бірін-бірі толықтыратын өзара әрекеттесу есебінен компоненттердің әрқайсысының жеке әсерімен салыстырғанда көзішілік жоғары қысымды (КЖҚ) айқын төмендеуін туындата отырып, КЖҚ төмендетеді.

Бримонидин – α2-адренергиялық рецепторлардың агонисті, ол α1-адренорецепторларына қарағанда α2-адренорецепторына қатысты 1000 есе селетивтілігімен ие. Селективтілік микроциркуляторлы ағынның қантамырларындағы мидриаз бен вазоконстрикциялардың болмауы түрінде білінеді. Бримонидиннің гипотензивті әсері көзішілік сұйықтық түзілуінің төмендеуі және оның увеосклеральді жол арқылы ағуының артуы есебінен қамтамасыз етіледі.

Тимолол – β-адренорецептордың селективті емес блокаторы, ішкі симпатомиметикалық және мембрана тұрақтандыратын белсенділігі жоқ, тікелей миокардиальді депрессант болып табылмайды. Тимолол КЖҚ көзішілік сұйықтық түзілуінің төмендеуі есебінен төмендетеді.

- созылмалы ашық бұрышты глаукомасы немесе көз гипертензиясы бар (β-адреноблокаторлармен жергілікті емдегенде тиімділігі жеткіліксіз болғанда) пациенттерде көзішілік жоғары қысымды (КЖҚ) төмендетуде

Жергілікті қолдануға арналған.

Көзге инфекция жұқтырмау және көзге тамызатын дәріні ластамау үшін тамшылатқыштың ұшының кез келген беткеймен жанасуына жол бермеу қажет.

Егде жастағы пациенттерді қоса, ересектерде қолдану

Зақымданған көздің конъюнктивальді қалтасына 12 сағаттық аралықпен 1 тамшыдан тәулігіне 2 рет.

Көзішілік қысымды төмендету мақсатында Римосопт басқа офтальмологиялық препараттармен бірге қолдануға болады, бұл ретте тамызулардың арасында бес минутты үзіліс жасап отыру керек.

Көзге тамызатын басқа дәріні пайдаланғандағыдай, ықтимал жүйелі сіңірілуін төмендету үшін көздің ішкі бұрышындағы жас қабын басу немесе көзді 2 минут бойы жабық күйде ұстау ұсынылады. Жүйелі жағымсыз әсерлер айқындылығын азайту және жергілікті әсерін күшейту мақсатында мұны әр тамшыны тамызғаннан кейін бірден жасау қажет.

Ең жиі кездесетін жағымсыз әсерлері көз конъюнктивасының гиперемиясы және көздің шырышты қабығының ашуы болып табылады. Көбінесе бұл симптомдар әлсіз білінеді.

Жағымсыз әсерлер жиілігінің параметрлері төмендегідей анықталады: өте жиі (≥ 1/10); жиі (≥ 1/100 <1/10 ), жиі емес (≥ 1/1000<1/100); сирек (≥ 1/10000 <1/1000), өте сирек (<1/10000), жиілігі белгісіз (белгілі деректерге сүйене отырып, бағалана алмайды).

Көру ағзалары:

Өте сирек – көз конъюнктивасының гиперемиясы, көздің ашуы;

жиі – жедел күйдіретін немесе қадалып ауыру, аллергиялық конъюнктивит, мөлдір қабықтың эрозиясы, беткей кератит, қабақ терісінің қышуы, конъюнктива фолликулиті, көрудің бұзылуы, блефарит, эпифора, көздің шырышты қабығының құрғауы, көзден бөліну, ауыру, көздің шырышты қабығының тітіркенуі, бөгде денені сезіну;

жиі емес – көру өткірлігінің төмендеуі, конъюнктива ісінуі, фолликулярлы конъюнктивит, аллергиялық блефарит, конъюнктивит, шыны тәріздес денедегі жүзетін преципитаттар, астенопия, фотофобия, көздің папиллярлы бұлшықеттерінің гипертрофиясы, қабақтың ауыруы, конъюнктиваның бозғылттығы, мөлдір қабықтың ісінуі, мөлдір қабықтың инфильтраттары, шыны тәріздес дененің жыртылуы;

жиілігі белгісіз – анық көрмеу.

Жүйке жүйесі:

жиі – депрессия, ұйқышылдық, бас ауыруы;

жиі емес – бас айналуы, синкопе.

Жүрек-қан тамыры жүйесі:

жиі – гипертензия;

жиі емес – іркілісті жүрек жеткіліксіздігі, жүрек соғуын сезіну;

жиілігі белгісіз – аритмия, брадикардия, тахикардия, гипотензия.

Тыныс алу жүйесі:

жиі емес – ринит, мұрынның шырышты қабығының құрғауы.

Асқазан-ішек жолдары:

жиі — ауыз қуысының шырышты қабығының құрғауы;

жиі емес – дәм сезудің бұзылуы, жүрек айнуы, диарея.

Тері және теріасты-шелмайы:

жиі – қабақтың ісінуі, қабақ терісінің қышуы, қабақ терісінің қызаруы;

жиі емес – аллергиялық жанаспалы дерматит;

жиілігі белгісіз – бет терісінің қызаруы.

Иммун жүйесі:

жиі емес – аллергиялық жанаспалы дерматит;

Енгізу орнындағы жалпы бұзылулар:

жиі – астениялық жағдай.

Әсер ететін заттардың бірін қолданғанда туындау себебі Римосопт препаратын қолданудан болуы мүмкін жағымсыз әсерлер анықталған.

Бримонидин

Көру ағзалары: ирит, иридоциклит (алдыңғы увеит), миоз.

Жүйке жүйесі: ұйқысыздық.

Тыныс алу жүйесі: жоғары тыныс алу жолдарының қабыну ауыруы, ентігу.

Асқазан-ішек жолдары: Асқазан-ішек симптомдары.

Енгізу орнындағы жалпы бұзылулар: жүйелі аллергиялық реакциялар.

Тері және теріасты-шелмайы: тері реакциялары, оның ішінде терінің қызаруы, бет терісінің ісінуі, қышыну, бөртпе және вазодилатация.

Тимолол

Жергілікті басқа офтальмологиялық препараттар сияқты, Римосопт (бримонидин/тимолол) жүйелі қан ағымына түседі. Тимололдың сіңірілуі жүйелі әсер ететін β-адреноблокаторларды қолданғанда білінетіндерге ұқсас жағымсыз әсерлер туындатуы ықтимал. Жергілікті қолданғаннан кейінгі жүйелі жағымсыз әсерлердің жиілігі, жүйелі қолданғанға қарағанда төмен.

Иммун жүйесі: жүйелі аллергиялық реакциялар, оның ішінде Квинке ісінуі, есекжем, жергілікті және жайылған бөртпе, қышыну, анафилаксиялық реакциялар.

Зат алмасуы: гипогликемия.

Жүйке жүйесі: ұйқысыздық, шым шытырық түс көру, жадыдан айрылу, мидағы қан айналымның бұзылуы, мидың ишемиясы, gravis миастения симптомдарының нашарлауы, парестезия.

Эндокринді жүйесі: гипогликемия, қант диабеті бар пациенттерде гипогликемия симптомдарының жасырынуы.

Көру ағзалары: кератит, көздің қан тамыр қабығының ажырауы (фильтрациялық хирургиялық емдеуден кейін), мөлдір қабықтың сезімталдығының төмендеуі, мөлдір қабықтың ойылуы эрозиясы, птоз, қосарланып көрінуі.

Жүрек-қан тамыры жүйесі: кеуде тұсының ауыруы, ісінулер, атриовентрикулярлы блокада, жүректің тоқтап қалуы, жүрек жеткіліксіздігі, Рейно синдромы, аяқ-қолдың мұздауы.

Тыныс алу жүйесі: бронхтүйілуі (негізінен анамнезінде бронх түйілуі аурулары бар пациенттерде), ентігу, жөтел.

Асқазан-ішек жолдары: диспепсия, іштің ауыруы, құсу.

Тері және теріасты шелмайы клетчаткасы: алопеция, псориаз тәрізді бөртпе немесе псориаздың асқынуы, тері бөртпесі.

Қаңқа-бұлшықет және дәнекер тіндер: миалгия.

Жыныстық ағзалар және сүт безі: сексуальді дисфункция, либидо төмендеуі.

Жалпы бұзылулар: шаршағыштық.

- препараттың компоненттеріне жоғары сезімталдық;

- бронх демікпесін қоса, оның ішінде анамнездегі тыныс алу жолдарының реактивті аурулары, өкпенің ауыр дәрежелі созылмалы обструктивті ауыруы;

- синустық брадикардия, синустық түйінінің дисфункция синдромы, жүрек соғуын имплантталған жасанды жүргізушісіз II–III дәрежелі атриовентрикулярлық блокада, жүрек жеткіліксіздігі, кардиогенді шок;

- моноаминоксидаза (МАО) тежегіштерімен, норадренергиялық берілуге әсер ететін антидепрессанттармен (мысалы, трициклді антидепрессанттар мен миансерин) ілеспелі терапия;

- лактация кезеңі;

- 8 жасқа дейінгі балалар.

Римосоптпен бірмезгілде қолданғанда ОЖЖ бәсеңдететін заттардың (алкоголь, барбитураттар, апиындар, седативтік препараттар, жалпы анестетиктер) ықтимал күшеюін ескерген жөн.

Офтальмологиялық β-адреноблокаторларды және кальций өзектерінің блокаторларын, жүйелі әсер ететін β-адреноблокаторларын, аритмияға қарсы препараттарды (амиодаронды қоса), оймақгүл гликозидтерін, парасимпатомиметиктер немесе гуанетидинді бірлестіре қабылдағанда гипотензия және/немесе айқын брадикардияға әкеп соғуы мүмкін аддитивті әсер пайда болуы мүмкін. Оған қоса, бримонидинді қолданған соң гипотензия дамуы мүмкін, сондықтан Римосоптыны жүйелі гипотензивті заттармен бірге сақтықпен қолдану ұсынылады.

Офтальмологиялық β-адреноблокаторларды эпинефринмен бірмезгілде қолданғанда мидриаз орын алуы ықтимал.

β-адреноблокаторлар диабетке қарсы препараттардың гипогликемиялық әсерін күшейтуі мүмкін, сондай-ақ гипогликемиялық белгілерді және симптомдарды жасыруы мүмкін.

β-адреноблокаторларды қолдану кезінде клонидин қабылдауды күрт тоқтатуға гипертензиялық реакцияны күшейтуі мүмкін.

CYP2D6 тежегіштерімен (мысалы, хинидин, флуоксетин, пароксетин) бір мезгілде қабылдағанда β-адреноблокаторлардың және тимололдың жүйелі әсері (жүрек жирылуы жиілігінің төмендеуі, депрессия) күшеюі мүмкін.

β-адреноблокаторларды жалпы анестезияға арналған дәрілік препараттармен бір мезгілде қабылдағанда компенсаторлы тахикардияны жасыруы және гипотензия қаупін арттыруы мүмкін, сондықтан пациент анестезиолог дәрігерді Римосопт қабылдап жүргені туралы ескертуі қажет.

Римосоптыны құрамында йод бар рентгеноконтрастылы препараттармен, лидокаинді вена ішіне енгізгенде сақтықпен қолданған жөн.

Циметидин, гидралазин, этил спирті қан плазмасындағы тимолол концентрациясын арттыруы мүмкін.

Циркуляцияланатын катехоламиндер мысалы, хлопромазин, метилфенидат, резерпин метаболизмі мен сіңірілуіне ықпал ететін дәрілік препараттарды сақтықпен қолданған жөн.

α-адренергиялық агонистермен өзара әрекеттесуі немесе олардың белсенділігін бұзуы мүмкін жүйелі әсері бар ілеспелі (дәрілік түріне қарамастан) препараттарды (мысалы, изопреналин немесе празозин) сақтықпен тағайындау кезінде немесе дозасын өзгерткенде сақ болуы керек.

Простамидтермен, простагландиндермен, карбоангидраза тежегіштерімен және пилокарпинмен бірге қолданғанда көзішілік қысым төмендеуінің аддитивті әсерінің күшеюінің теориялық мүмкіндігін ескерген жөн.

МАО тежегіштерін немесе норадренергиялық берілуге ықпал ететін антидепрессанттарды (мысалы, трициклді антидепрессанттар мен миансерин) ілеспе қолдануға болмайды. МАО тежегіштерін қабылдаған пациенттер, Римосоптпен емдеуді МАО тежегіштерін қабылдауды тоқтатқаннан кейін 14 күннен соң бастауға болады.

Римосопт жергілікті қолданылатын барлық офтальмологиялық препараттар сияқты жүйелі сіңіріледі.

Аллергиялық реакциялар анықталғанда Римосопт препаратымен емдеуді тоқтату керек.

Жүрек-қантамыр аурулары бар пациенттер (мысалы, жүректің ишемиялық ауруы, Принцметал стенокардиясы және жүрек жеткіліксіздігі) және β-адреноблокаторлармен бірге қолданумен гипотензивтік терапия кезінде дәрілік заттар және басқа әсер ететін заттармен терапия жасау мүмкіндігін мұқият зерттеп, қарастыру қажет. Мұндай пациенттерді жүрек-қантамыр ауруларының нашарлауының белгілеріне және басқа да жағымсыз реакцияларды қадағалау керек.

β-адреноблокаторлардың қозғалту жүргізу уақытына теріс әсерінен бірінші дәрежелі жүрек бөгеуі бар пациенттерге сақтықпен тағайындау қажет.

Жүйелі әсер ететін β-адреноблокаторларды қолданғанда, Римосопт препаратымен емді ЖИА бар пациенттерге жүрек ырғағының бұзылуы, миокард инфарктісі дамуына немесе кенеттін қайтыс болуға жол бермеу үшін қолдануды біртіндеп тоқтатады.

Шеткері қан айналымының ауыр бұзылулары/бұзылыстары бар (мысалы, Рейно ауруының ауыр түрлері немесе Рейно синдромы) пациенттерге сақтықпен тағайындайды.

Кейбір офтальмологиялық β-адреноблокаторларды астмасы бар пациенттерге тағайындағанда бронх түйілуіне байлаысты өлімді қоса тыныс алудың бұзылуы тіркелген. Римосоптыны жеңіл/орташа дәрежелі ӨСОА бар пациенттерге сақтықпен және күтілетін пайда потенциалды қауіптен жоғары болған жағдайда ғана тағайындайды.

Лабильді диабеті бар немесе өздігінен гипогликемияға бейім пациенттерге β-адреноблокаторларды сақтықпен қолданған жөн, себебі β-адреноблокаторлар жедел гипогликемия белгілері мен симптомдарын жасыруы мүмкін.

β-адреноблокаторлар сонымен қатар гипертиреоздың белгілері мен симптомдарын жасыруы мүмкін. Римосоптыны метаболизмдік ацидозы және феохромоцитомасы бар пациенттерге (алдын ала ем жүргізбестен) сақтықпен қолдану керек.

Препаратты көздің мөлдір қабығының аурулары бар пациенттерге сақтықпен тағайындайды, өйткені офтальмологиялық β-адреноблокаторлар көздің құрғауын туындатады.

Көзішілік сұйықтықтың өндірілуін бәсеңдететін препараттарды (мысалы, тимолол, ацетазоламид) қолданғанда фильтрациялайтын процедуралардан кейін көздің тамырлы қабығының ажырауы орын алған.

Жүйелі β-адреноблокатор қабылдап жүрген пациенттер тимололды қолданғанда көзішілік қысымға әсері және жүйелі β-адреноблокатордың белгілі әсерелері күшеюі мүмкін. Мұндай пациенттердегі реакцияны мұқият бақылап отыру қажет. Екі жергілікті β-адреноблокаторды бірмезгілде қолдануға болмайды.

β-адреноблокаторлармен емдегенде әртүрлі аллергендерге анамнезінде атопиясы немесе ауыр анафилаксиялық реакциялары бар пациенттерде осындай аллергендерді қайта енгізгенде реакцияның айқындығы артуы және эпинефриннің әдеттегі дозасын енгізуден әсері болмауы мүмкін.

Операция алдында анестезиолог дәрігерді Римосопт препаратын қабылдап жүргені туралы ескерту керек, өйткені ол β-агонистердің мысалы эпинефриннің әсерін бөгеуі мүмкін.

Римосоптыны бауыр/бүйрек жеткіліксіздігі бар пациенттер сақтықпен қолдануы керек, өйткені препаратты пациенттердің осы тобына қолдану аз зерттелген.

Бүйрек функциясының ауыр бұзылулары бар және гемодиализдегі пациенттерде тимололмен емдеу артериалды қысымның айқын төмендеуімен қатар жүрген.

Римосопт препаратының құрамындағы бензалконий хлориді көздің шырышты қабығының тітіркенуін және ирит дамуын туындатуы мүмкін. Римосоптыны тамызардың алдында жанаспалы линзаларды алып, оларды 15 минуттан соң тағуға болады.Жұмсақ жанаспалы линзаларға тигізуге болмайды, өйткені бензалконий хлориді оларды түссіздендіреді.

Препараттың жабық бұрышты глаукомасы бар пациенттерге қолданылған туралы деректер жоқ.

Жүктілік

Жүкті әйелдерге бримонидин мен тимололды біріктіре қолдану туралы деректер жоқ. Римосоптыны аса қажет жағдайдан басқа жағдайда жүктілік кезінде пайдаланбау керек. Егер препаратты жүктілік кезінде пайдаланса, өмірдің алғашқы күндерінде жаңа туылған нәрестенің жағдайын мұқият бақылау керек (β-адреноблокаторлардың әрекеті ықтимал білінуінен, мысалы брадикардия, гипотония, тыныс алу жеткіліксіздігі және гипогликемия).

көлік құралдарын және механизмдерді басқару қабілетіне әсер етуі

Римосопт автокөлікті басқаруға және механизмдерді басқару қабілетіне аздап әсер етеді. Препарат қысқа мерзімді анық көрмеуді, көрудің бұзылуын, әлсіздік және ұйқышылдық туғызуы мүмкін. Көрсетілген симптомдар пайда болған жағдайда автомобиль жүргізуден және психомоторлы реакцияның жоғары жылдамдығын талап ететін жұмыстарды орындаудан бас тарту қажет.

Римосоптының артық дозалануы әдетте жағымсыз реакциялар туындауына әкеп соқпайды.

Емдеу: демеуші және симптоматикалық терапия, тыныс алу жолдарының өткізгіштігін қамтамасыз ету.

Әсер ететін заттардың бірі артық дозаланғанда туындауы Римосопт препараты артық дозаланғанда туындауы мүмкін симптомдар белгіленген.

Бримонидин

Жергілікті қолданғанда артық дозалануы: санадан айрылу, артериалық қысымның төмендеуі, брадикардия, гипотермия, цианоз және апноэ.

Кездейсоқ ішу арқылы қабылдағанда артық дозалануы: бримонидиннің ересектерде кездейсоқ артық дозалануы туралы ақпарат шектеулі көлемде ғана. Бір жағымсыз әсер – артериалық гипотензия туындағаны туралы белгілі, эпизод аяқталған соң рикошеттік гипертензия байқалған.

Құрамында бримонидин бар көзге арналған дәріні балалар кездейсоқ жұтып алған жағдайда күрделі жағымсыз әсерлер орын алғаны жайлы хабарланған.ОЖЖ бәсеңдеуі байқалған, уақытша кома немесе сананың төмен деңгейі, әлсіздік, ұйқышылдық, гипотензия, брадикардия, гипотермия, бозаңдану, тыныс алудың бәсеңдеуі және апноэ, бұл аурухананың интенсивті терапия бөлімшесіне жатқызуды қажет еткен. Барлық жағдайларда 6-24 сағат ішінде функциялардың толық қалпына келуі туралы хабарланған.

α2-адреномиметиктер тобының препараттарынан туындаған артық дозалануда, мынадай симптомдар туралы хабарланған: гипотензия, астения, құсу, ұйқышылдық, седативтік әсер, брадикардия, аритмия, миоз, апноэ, гипотермия, тыныс алудың бәсеңдеуі, құрысулар.

Тимолол

Тимололдың жалпы артық дозалануы симптомдары: брадикардия, гипотензия, бронхтүйілу, бас ауыруы, бас айналуы, жүректің тоқтап қалуы.

Тимолол гемодиализде толық шығарылмайды.

Шығарылу түрі және қаптамасы

Препаратты 5 мл-ден тамшылатқыш тығыны және қорғайтын сақинамен жабдықталған, бұралып жабылатын қорғайтын қалпақшасы бар пластик құтыға құйылған.

1 құтыдан мемлекеттік және орыс тіліндегі медициналық қолдану жөніндегі нұсқаулықпен бірге картоннан жасалған қорапшаға салынған.

Жарықтан қорғалған жерде, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Құтыны ашқаннан кейінгі қолдану мерзімі – 28 күн ішінде.

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт бойынша

Өндіруші

Уорлд Медицин Илач Сан. ве Тидж. А.Ш., Түркия

(Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Стамбул)

World Medicine İlaç San. ve Tic. А.Ş. Turkey

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

Тіркеу куәлігінің ұстаушысы

УОРЛД МЕДИЦИН ОФТАЛЬМИКС ИЛАЧЛАРЫ ЛТД. ШТИ., ТУРКИЯ

(WORLD MEDICINE OPHTHALMICS İLAҪLARI LTD. ŞTİ., TURKEY).

Қаптаушы

Уорлд Медицин Илач Сан. ве Тидж. А.Ш., Түркия

(Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Стамбул)

World Medicine İlaç San. ve Tic. А.Ş., Turkey

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

Қазақстан Республикасының аумағында тұтынушылардан өнімнің сапасына қатысты шағымдарды қабылдайтын ұйымның мекенжайы ҚР, Алматы, Түрксіб ауданы, Сүйінбай даңғылы, 222 бТел/факс: 8(7272) 529090

www.worldmedicine.kz

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«TROKA-S PHARMA» ЖШС, Алматы қ, Сүйінбай даңғылы, 222бҰялы тел +7 701 786 33 98, (24-сағаттық қол жетімді).e-mail: pvpharma@worldmedicine.kz