Рибоксин (0.2 г)
Инструкция
-
русский
-
қазақша
Саудалық атауы
Рибоксин
Халықаралық патенттелмеген атауы
Инозин
Дәрілік түрі, дозасы
Үлбірлі қабықпен қапталған таблеткалар, 0,2 г
Журек - қантамыр жүйесі. Кардиологиялық препараттар. Басқа кардиологиялық препараттар.
АТХ коды С01ЕВ
Қолданылуы
Препарат ересектерге кешенді ем құрамында қолдануға арналған.
- жүректің ишемиялық ауруы, миокардиодистрофия, миокард инфарктінен кейінгі жағдай, жүрек гликозидтерін қабылдаумен байланысты жүрек ырғағының бұзылуы
- алкогольден немесе дәрілік заттардан болған гепатиттер, бауыр циррозы, бауырдың майлы дистрофиясы
- урокопропорфирия
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препаратқа жоғары сезімталдық
- подагра
- гиперурикемия
- 18 жасқа дейінгі балалар
Қолдану кезіндегі қажетті сақтық шаралары
Бүйрек жеткіліксіздігі бар пациенттерге сақтықты сақтау керек.
Басқа дәрілік препараттармен өзара әрекеттесуі
Бір мезгілде қолданғанда анаболикалық стероидтар мен стероидты емес анаболикалық дәрілердің әсерлерін күшейтеді.
Теофиллиннің бронхолитикалық әсері мен кофеиннің психостимуляциялаушы әсер етуін азайтады.
Арнайы ескертулер
Педиатрияда қолдану
Препаратты 18 жасқа дейінгі балаларға қолдануға болмайды.
Жүктілік және лактация кезеңі
Жүктілік және лактация кезінде препаратты қолдану, ана үшін күтілетін пайда ұрыққа және балаға деген қауіптен жоғары болған жағдайда ғана қолданылады.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолдану автокөлікті басқаруға және жоғары назар шоғырландыруды және психомоторлық реакцияның жылдамдығын талап ететін басқа да қауіпті қызмет түрлерімен айналысуына теріс әсер етпейді.
Қолдану бойынша ұсынымдар
Дозалау режимі
Емдеудің алғашқы күндерінде препараттың тәуліктік доза 0,6 - 0,8 г, бір реттік доза – 0,2 г құрайды. Жақсы көтеремді кезде препараттың дозасын 2-3 күн ішінде 1,2 г-ге дейін жоғарылатады, бұл ретте бір реттік мөлшер 0,4 г құрайды; қажет болған жағдайда тәуліктік дозаны 2,4 г – ға дейін, бір реттік дозаны 0,8 г-ға дейін үлкейтеді (препаратты күніне 3 рет қабылдаған кезде) немесе 0,6 г-ға дейін (препаратты күніне 4 рет қабылдаған кезде).
Енгізу әдісі және жолы
Ішке тамақтануға дейін.
Қабылдау уақыты көрсетілген қолдану жиілігі
Препаратты күніне 3-4 рет қолданады.
Емдеу ұзақтығы
4 аптадан 1,5-3 айға дейін; урокопропорфирияда - 1 айдан 3 айға дейін.
Артық дозаланған жағдайда қабылдануы қажет шаралар
Симптомдары: тахикардия, қанда несеп қышқылы деңгейінің жоғарылауы.
Емі: симптоматикалық.
Дәрілік препараттың бір немесе бірнеше дозасын өткізу кезінде қажетті шаралар
Қолданылмайды.
Тоқтату белгілері қатерінің болуын көрсету
Қолданылмайды.
Дәрілік препаратты қолдану тәсілін түсіндіру үшін медициналық қызметкерге консультация алу үшін жүгіну бойынша ұсынымдар
Препаратты дәрігердің тағайындауы бойынша қолданады.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар
- гиперурикемия
- подаграның асқынуы (жоғары дозада ұзақ уақыт қабылдаған кезде)
- аллергиялық реакциялар: есекжем, терінің қышынуы, тері гиперемиясы
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
Бір таблетканың құрамында
белсенді зат - 100 % затқа шаққанда инозин (рибоксин), 0,2 г;
қосымша заттар: ақ қант, кальций стеараты, желатин, картоп крахмалы;
қабықтың қосымша заттар: гипромеллоза (оксипропилметилцеллюлоза),
полисорбат-80 (твин-80), титанның қостотығы Е 171, сұйық парафин (вазелин майы), хинолинді сары бояғыш Е 104.
Сыртқы түрінің, иісінің, дәмінің сипаттамасы
Екі беті дөңес, дөңгелек пішінді, ашық сарыдан қызыл-сары реңді сары түске дейінгі үлбірлі қабықпен қапталған таблеткалар. Кесілген көлденең жерінде екі қабат көрінеді: сыртқы – сары түсті, ішкі – ақ түсті.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан немесе полиэтиленді жабыны бар қағаздан жасалған пішінді ұяшықты қаптамада.
5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Биосинтез» ЖАҚ, Ресей
440033, Пенза қ., Дружба к-сі, 4, тел./факс: (8412) 57-72-49,
e-mail: certificate@biosintez.com
Тіркеу куәлігінің ұстаушысы
«Биосинтез» ЖАҚ, Ресей
440033, Пенза қ., Дружба к-сі, 4, тел./факс: (8412) 57-72-49,
e-mail: certificate@biosintez.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Сан Фармасьютикал Индастриез Лимитед компаниясының» Қазақстан Республикасындағы өкілдігі
050008, Қазақстан Республикасы, Алматы қ., Манас к-сі, 32 «А», «SAT» Бизнес орталығы, 6 қабат, 602 кеңсе, тел. +7 (701) 991-19-56, 8-800-080-52-02,
e-mail: Pharmacovigilance.kz@sunpharma.com