Реополиглюкин (раствор для инфузий, 10%)

Реополиглюкин

Декстран

Инфузияға арналған 10% 200 мл және 400 мл ерітінді

1 мл препараттың құрамында

белсенді заттар - 35000-нан 45000-ға дейін молекулярлық салмағымен

декстран 40 100.0 мг

қосымша заттар : натрий хлориді, инъекцияға арналған су

Мөлдір, түссіз немесе аздап сарғыш ерітінді

Плазма алмастыратын және перфузиялық ерітінділер. Қан плазмасы және плазма алмастыратын препараттар. Декстран АТХ коды В05АА05

Фармакокинетикасы

Препарат уытты емес, организмнен негізінен, бүйрек арқылы өзгермеген түрде (бірінші тәулікте шамамен 70%), аздаған бөлігі – асқазан-ішек жолы арқылы шығарылады. Енгізгеннен кейін 6 сағаттан соң қандағы декстранның құрамы екі есе дерлік азаяды. Организмнен толық шығуы 5-7 тәулік ішінде жүреді.

Фармакодинамикасы

Препаратты енгізгеннен кейін алғашқы 90 минутта плазманың арту көлемі айқынырақ болады.

Реополиглюкин молекулярлығы төмен декстран препараты болып табылады. Ол сұйықтықтардың тіндерден қан жүретін арнаға өтуіне ықпал етеді, осыған орай, қанның суспензиялық қасиеттерін арттырады, оның тұтқырлығын төмендетеді, ұсақ капиллярларда қан ағымының қалпына келуіне, қанның формалық элементтерінің агрегациясын азаюына ықпал етеді. Препараттың уытсыздандырушы әсері бар.

Капиллярлар ағымында жағымды өзгерістер өте тез басталады, алайда, декстранды бір рет енгізгеннен кейінгі, байқалған оң әсерлер 8 сағаттан көп емес уақыт сақталады.

- шокта (жарақаттық, күйіктік, сепсистік, кардиогендік, анафилаксиялық)

- жасанды қан айналымы аппаратымен жүрекке операция жасағанда (перфузиялық сұйықтыққа қосу үшін)

- тромбоэмболиялық асқынуларда және қан тамырларының облитерациялайтын ауруларында

- ұзақ жаншылу синдромында

- іріңді-сепсистік жай-күйде

- торқабықтың және көру жүйкесінің ауруында, мөлдір қабық және қан тамыр қабығының қабыну үдерісінде

Жарақатпен, күйікпен және операциялық шокпен байланысты капиллярлық қан айналымы бұзылуының алдын алу және емдеу мақсатымен 200, 400, 1000 немесе 1500 мл-лік реополиглюкинді 30-60 минут ішінде венаға тамшылатып енгізеді. Жүрек-қан тамырлары хирургиясында операцияға дейін венаға науқастың дене салмағының 1 кг-ге 10 мл-ден тамшылатып, операция кезінде 400-500 мл және операциядан кейін 5-6 күн бойы дене салмағына қарай 10 мл/кг-ден енгізу керек. Венаға енгізу жылдамдығы науқастың жай күйінің ауырлығына және көрсетілімге байланысты анықталады.

Жасанды қан айналымы аппаратымен жасалған операция кезінде қанға препаратты дене салмағына қарай 10-20 мл/кг есебімен қосады.

Уытсыздандыру үшін венаға 400-1000 мл тамшылатып енгізу, қажет болғанда дәл сол күні қосымша 400-500 мл енгізуге болады.

Келесі 5 күн бойы күніне 400 мл-ден тамшылатып тағайындайды.

Офтальмологиялық практикада электрофорез арқылы қолданады.

Күніне 1 рет 10 мл-ден тағайындайды (оң немесе теріс полюсте; токтың тығыздығы 1,5 мА/см2). Емшараның ұзақтығы 15-20 мин. Курс 5-10 емшарадан тұрады.

- Аллергиялық реакциялар: тері жабындарының қызаруы, тері бөртпесі, қышыну, ысынуды сезіну, қызба, Квинке ісінуі, анафилаксиялық шок («Артық дозалануы» бөлімін қараңыз).

Жүрек-қан тамыр жүйесі тарапынан:  артериялық қысым ауытқуы, тахикардия, ентігу, ісінулер.

Жүйке жүйесі тарапынан: бас ауыруы, бас айналуы, тремор.

Несеп шығару жүйесі тарапынан: әдетте, әсіресе гиповолемияда препарат диурез ұлғаюын туындатады. Алайда кейде реополиглюкин қолданғанда диурез азаюы бақыланады, несеп тұтқыр бола бастайды, бұл науқастың организмінің сусыздануын көрсетеді. Бұл жағдайда қалпына келтіру және плазманың осмостық қысымын демеу үшін вена ішіне кристаллды ерітіндіні енгізу керек.

Препаратты 15 мл/кг астам есеппен қолданғанда гиперосмолярлығы туындайды, бұл соңынан жедел бүйрек жеткіліксіздігі дамитын бүйрек өзекшелері некрозының себебі болуы мүмкін. Тиісінше, диурез азаюы бақыланады, несеп тұтқыр бола бастайды.

Қан тарапынан: акроцианоз, гиперемия, тромбоциттер функциясы төмендеуі, қанағыштық. Препарат қан тобын анықтауды күрделендіреді.

Енгізу орнындағы жағымсыз реакциялар: енгізу орнындағы ауыру, вена тітіркенуі, флебит, веналық тромбоз.

Декстранды көп мөлшерде жылдам енгізгенде «декстран синдромын» - өкпенің, бүйректің зақымдануын және гипокоагуляцияны тудыруы мүмкін. Кеуде қысылуына, тыныс алудың қиындауына, бел ауыруы сияқты шағымдар пайда бола бастаса, сондай-ақ қалтырау, цианоз басталса, қан айналымы және тыныс алу бұзылса трансфузияны тоқтату керек.

- препаратқа аса жоғары сезімталдық

- декомпенсацияланған жүрек-қантамыр жеткіліксіздігі

- фруктоза-1,6-дифосфатаза тапшылығы

- бассүйекішілік қысымы жоғарылайтын бассүйек-ми жарақаттары

- өкпе ісінуі

- геморрагиялық инсульт

- ішке қан кету жалғасса

- гипокоагуляция

- тромбоцитопения

- артериялық гипертензия

- 0,3 төмен гематокрит көрсеткіші аясындағы гиперкалиемия

- бүйректің органикалық ауруларымен шартталған олигурия және анурия

- этиологиясы түсініксіз ауыр аллергиялық жай-күй

- гиперволемия, гипергидратация және көп мөлшерде сұйықтық енгізу қарсы көрсетілімдегі басқа да жағдайлар

- балалық жене 18 жасқа дейінгі жасөспірім кезең (клиникалық тиімділігі мен қауіпсіздігі жөнінде деректер жоқ болғандықтан)

- жүктілік және лактация кезеңі (клиникалық тиімділігі мен қауіпсіздігі жөнінде деректер жоқ болғандықтан).

Қабақ терісі сызаттана жарақаттанғанда, шырышты-ірің көп бөлінетін кезде электрофорезді қолдануға болмайды.

Декстранның инфузиялық енгізу үшін тағайындалған дәрілермен үйлесімділігін алдын ала тексеру қажет.

Реополиглюкинді және қабынуға қарсы стероидты емес дәрілермен, тікелей және тікелей емес антикоагулянттармен бір мезгілде қолданғанда қан тұтқырлығын бақылау керек.

Реополиглюкинді артериялық қысым деңгейін көтермелейтін препараттарды, несеп айдағыш препараттарды қабылдап жүрген науқастарға сақтықпен тағайындау керек.

Декстран ерітіндісіне маннитолды қосқанда осмодиурездік әсер етеді.

Реополиглюкин тек стационар жағдайында пайдалануға арналған.

Аллергиялық реакциялар мүмкін болуына байланысты инфузияға арналған алғашқы 10-20 мл ерітіндіні науқастың жағдайын бақылай отырып баяу енгізу керек.

Аллергиялық реакциялар дамығанда кальций хлориді ерітіндісі, глюкоза ерітіндісі, гистаминге қарсы препараттар, жүрек дәрілері енгізіледі. Бүйректік сүзілу қабілеті төмендегенде, сондай-ақ препарат енгізуді тоқтату қажет болғанда, реополиглюкинді глюкозамен бірге тағайындайды.

Организм сусызданған кезде реополиглюкинге натрий хлоридінің изотониялық ерітіндісін немесе 5% глюкоза ерітіндісін қосу керек. Айқын сусыздануы бар пациенттерде декстран енгізгенге дейін сұйықтық тапшылығын қалпына келтіру алдын ала талап етіледі, оларды енгізу жылдамдығы 500 мл/сағ аспауы тиіс.

Ұсынылатын дозаны енгізу іс жүзінде гемостаз жүйесіне әсер етпейді. Дозаны ұсынылғаннан асыру қан кету уақытын ұзартуы мүмкін. Декстраннан туындаған гемодилюция аясында плазмадағы гемоглобин концентрациясы азаюы мүмкін.

Гемоглобинді неғұрлым ұзағырақ уақыт 90 г/л (гематокрит 27%) төмен азайтпау үшін декстранның енгізілген мөлшері есептелуі тиіс.

Декстрандарды үлкен көлемде жылдам енгізгенде сол жақ қарынша жедел жеткіліксіздігінің және өкпе ісінуі дамуына түрткі болуы мүмкін. Кеуденің қысылу сезіміне, тыныс алу қиындауына, белдің ауыруына, сондай-ақ қалтырау, цианоз басталғанда, қан айналымы және тыныс алу бұзылуына шағым болған жағдайда трансфузияны тоқтату керек және тиісінше симптоматикалық ем жүргізу керек.

Қан айналымында артық жүктеме үшін қауіп болғанда, әсіресе латентті немесе клиникалық анық жүрек жеткіліксіздігі жағдайында ерекше сақтық керек.

Декстран қан ұюының VIII факторының және фон Виллебранд тромбоцитарлық факторының плазмалық деңгейін негізінен дилюция себепті төмендетеді, бұдан әсіресе тәуліктік дозада дене салмағына 1,5 г/кг астам декстранды (шамамен дене салмағы 15 мл/кг) қолданғанда бұл факторлар тапшылығы бар пациенттерде қан кету туындауы мүмкін.

Антикоагулянттармен бір мезгілде қолданғанда олардың дозасын азайту керек.

Артериялық гипертензияның даму мүмкіндігін ескере отырып, қарқынды ем үшін тиісті дәрілер қажет болуы мүмкін.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Автомобильді немесе қауіптілігі зор механизмдерді басқарғанда сақ болу керек.

Симптомдары: Жағымсыз әсерлерінің айқын симптомдары. Гиперкалиемия, олигурия, анурия және артериялық гипертензияның дамуы мүмкін.

Емі: препаратты тоқтату, жүрек препараттарын және кристаллоидтық ерітінділерді венаға тамшылатып енгізу керек, симптоматикалық ем.

Шығарылу түрі және қаптамасы

200 мл немесе 400 мл препараттан бір немесе екі порты бар полипропилен контейнерлерге құйылған.

Контейнерлерді медициналық қолдану жөніндегі мемлекеттік және орыс тілдеріндегі контейнерлер санына тең мөлшердегі нұсқаулықтармен бірге картон қорапқа қаптайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Первомайский ш.а., Қапшағай көшесі 17.

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Первомайский ш.а., Қапшағай көшесі 17.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Первомайский ш.а., Қапшағай көшесі 17. тел/факс: +7 (727) 260 39 74, e-mail: office@nm-pharm.kz.