Ремантадин® (100 мг)
Инструкция
-
русский
-
қазақша
Саудалық атауы
Ремантадин®
Халықаралық патенттелмеген атауы
Римантадин
Дәрілік түрі
Капсулалар 100 мг
Құрамы
Бір капсула құрамында
белсенді зат: 100 мг римантадин гидрохлориді,
қосымша заттар: лактоза моногидраты, картоп крахмалы, стеарин қышқылы, Күн түстес сары пигмент [Eurolake Sunset Yellow HS (Е110)],
корпус және капсула қақпағының құрамы: титанның қостотығы (Е171), желатин
Сипаттамасы
№ 0 қатты желатинді капсулалар, ақ түсті корпусы және қақпақшасы бар. Капсула ішінде – жеңіл қызғылттан қоңырға дейінгі реңді, ақ қосылыстары бар қызғылт-сары түсті ұнтақ.
Фармакотерапиялық тобы
Тікелей әсер ететін вирусқа қарсы препараттар. Циклдық аминдер.
АТЖ коды J05АC02
Фармакологиялық қасиеттері
Фармакокинетикасы
Ішу арқылы қабылдағаннан кейін Ремантадин асқазан-ішек жолында жақсы сіңеді, биожетімділігі жоғары, организмнің барлық тіндеріне және сұйықтарына, ликворға жақсы енеді. Әсер ететін заттың шамамен 40 %-ы қан плазмасының ақуыздарымен байланысады. Қан плазмасындағы ең жоғарғы концентрациясына 5-7 сағаттан соң жетеді. Әсер ететін зат бауырда қарқынды метаболизденеді, гидроксилденеді, конъюгацияға және глюкуронидацияға ұшырайды. Жартылай шығарылу кезеңі орташа алғанда 25 сағатты, егделерде 32 сағатты, балаларда 13-38 сағатты құрайды. Негізінен несеппен, 15 % - өзгермеген күйде шығарылады.
Фармакодинамикасы
Ремантадин – адамантан туындысы, вирустарға қарсы айқын белсенділігі бар. Препарат А типіндегі тұмау вирусына қарсы тиімді, сондай-ақ В типіндегі вирус туындатқан тұмаудағы уыттылыққа қарсы әсер етеді. Ремантадин циклдің ерте сатысында вирус репликациясын тежейді, ол мүмкін вирустық қабықшаның қалыптасуын бұза отырып тежейді. Ремантадиннің А түріндегі тұмау вирусына қатысты вирустарға қарсы әсерінде М2 вирион гені спецификалық ақуызының алатын орны маңызды. In vitro жағдайында Ремантадин адамдағы А – H1N1, H2N2 және H3N2 тұмау вирусының үш антигенді түрлерінің репликациясын тежейді. Ремантадин белсенділігі жойылған А тұмауы вакцинасының иммунгенетикалық қасиеттеріне әсер етпейді. Ремантадинге төзімді вирустар Ремантадинді жабық қоршаған ортада қолданғанда бөлініп алынған.
Ремантадин кене энцефалитінің қоздырғыштары болып табылатын, арбовирустарға да тиімді әсер етеді.
Қолданылуы
- тұмауды ерте сатысында емдеу үшін
- эпидемия кезінде тұмаудың алдын алу үшін
- кене энцефалитінің алдын алу үшін
Қолдану тәсілі және дозалары
Ремантадинді ас ішкеннен кейін, сумен бірге қабылдайды.
Препаратты қабылдауды тұмаудың алғашқы белгілері пайда болғаннан кейін бірден бастау керек. Егер қолдану аурудың алғашқы 48 сағат ішінде басталса, емдік әсері өте айқын болады.
Тұмауды емдеу: ересектерге бірінші күні – 100 мг-ден (1 капсуладан) күніне үш рет, екінші және үшінші күні – 100 мг-ден күніне екі рет, төртінші және бесінші күні–100 мг-ден күніне бір рет. Аурудың бірінші күні препаратты 3 капсуладан күніне бір рет қабылдауға болады.
Балаларға препаратты қабылдар алдында міндетті түрде дәрігермен кеңесу керек.
Емдеу курсының ұзақтығы 5 күнді құрайды.
Тұмаудың алдын алу: ересектерге 100 мг-ден күніне бір рет 10 -15 күн бойы жалғастырады.
Кене табылған кезде кене энцефалитінің алдын алуда: ересектерге 100 мг-ден күніне екі рет үш күн бойы, жекелеген жағдайларда (дәрігердің тағайындауымен) – 5 күн.
Ремантадинді қолдануды кене шаққаннан кейін бірден, 48 сағаттан кешіктірмей бастау керек.
Жағымсыз әсерлері
- бас айналуы, бас ауыруы
- алаңдаушылық
- құлақтын шуылдауы
- тері бөртпесі
- жүрек айнуы, құсу, іш өту, тәбеттің болмауы, іштің ауыруы.
Қолдануға болмайтын жағдайлар
- адамантан тобының туындыларына немесе препарат компоненттеріне асқын сезімталдық
- бауырдың жедел аурулары
- бүйректің жедел және созылмалы аурулары
- тиреотоксикоз
- балалар және 18 жасқа дейінгі жасөспірімдер
- жүктілік және лактация кезеңінде
- тұқым қуалайтын галактоза көтере алмаушылық, лактоза тапшылығы
Дәрілермен өзара әрекеттесуі
Ремантадин эпилепсияға қарсы препараттардың тиімділігін төмендетеді.
Адсорбенттер, тұтқыр және бүркемелегіш дәрілер Ремантадиннің сіңуін азайтады.
Парацетамол және ацетилсалицил қышқылы Ремантадиннің қан плазмасындағы концентрациясын және тиімділігін төмендетеді.
Циметидин организмнен әсер ететін заттың шығарылуын төмендетеді.
Алкогольді тұтынуды тоқтату керек, өйткені орталық жүйке жүйесі тарапынан жағымсыз реакциялар пайда болуы мүмкін.
Айрықша нұсқаулар
Сақтық шаралары
Асқазан-ішек жолдарының аурулары, бауыр қызметінің бұзылулары, жүректің ауыр сипатты аурулары және жүрек ырғағының бұзылулары бар емделушілерге, егде жастағы адамдарға сақ болу керек. Мұндай жағдайларда препарат дозасын төмендету керек.
Сыртартқысында эпилепсия және құрысуға қарсы ем жүргізілгені көрсетілсе Ремантадинді қолдану аясында эпилепсия ұстамалары даму қаупі артады. Мұндай жағдайларда Ремантадин дозасы күніне 100 мг-ге дейін төмендетеді. Егер ұстамалар өршісе, Ремантадин қабылдауды тоқтатады.
Жекелеген жағдайларда (қауіпті топтарға, орманды шөп өсіп кеткен орындарға саяхаттаушыларға, палаткаларда тұрғанда және т.б.) ересектерге 15 күнге дейін Ремантадинді 1 капсуладан күніне бір рет қабылдау арқылы кене энцефалитінің (кене шақпаған) алдын алуға болады.
Лактоза. Бір капсула құрамында 148,7 мг лактоза бар. Сирек кездесетін тұқым қуалайтын галактоза көтере алмаушылықтың түрі, лактаза жеткіліксіздігі немесе глюкоза/галактоза мальабсорбциясы синдромы бар емделушілерге препарат қабылдауға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ремантадин көлік құралдарын басқаруға немесе қауіпті механизмдермен жұмыс істеу қабілетіне әсер етпейді, алайда бас айналуы, бас ауыруы немесе орталық жүйке жүйесі тарапынан басқа жағымсыз әсерлер пайда болатын адамдар сақ болуы керек.
Артық дозалануы
Белгілері: қозу, елестеулер, аритмия.
Емі: уланғанда өмірді қамтамасыз ететін қызметтерді демеу керек. Орталық жүйке жүйесі тарапынан белгілері бар артық дозалануда физостигминді көктамыр арқылы енгізу тиімді. Ремантадин ішінара гемодиализ арқылы шығарылады.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.
1 және 3 пішінді ұяшықты қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге қораптық картоннан жасалған пәшкеге салынған.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
“ОЛАЙНФАРМ” АҚ.
Мекенжайы: Рупницу к. 5, Олайне, LV - 2114, Латвия.
Тіркеу куәлігінің иесі
“ОЛАЙНФАРМ” АҚ, Латвия.
Мекенжайы: Рупницу к. 5, Олайне, LV - 2114, Латвия.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
050009 Алматы қ., Абай даңғ. 151/115, 807 кеңсе,
телефон/факс 007 727 333 46 52,
E-mail altynay1992@mail.ru