Ревелол XL100

• русский
• қазақша

• Скачать инструкцию медикамента

Саудалық атауы

Ревелол XL 25

Ревелол XL 50

Ревелол XL 100

Халықаралық патенттелмеген атауы

Метопролол

Дәрілік түрі

Бөлініп шығуы ұзартылған 25 мг, 50 мг, 100 мг үлбірлі қабықпен қапталған таблеткалар

Құрамы

Бір таблетканың құрамында

белсенді зат - метопролол сукцинаты 23.80, 47.61, 95.3

метапролол тартратына баламалы (25 мг), (50 мг), (100мг)

қосымша заттар: микрокристалды целлюлоза, карбопол 71G, метосел-К 15 М (таза), поливинилпирролидон, магний стеараты, 2-пропанол, метиленхлорид.

қабықтың құрамы: тальк, титанның қостотығы, полиэтиленгликоль, гидроксипропилметилцеллюлоза.

Сипаттамасы

Сопақша пішінді, екі беті дөңес және бір жағында сызығы бар, ақ немесе ақ дерлік түсті үлбірлі қабықпен қапталған таблеткалар

Фармакотерапиялық тобы

Жүрек-қан тамырлары жүйесінің ауруларын емдеуге арналған препараттар.

Іріктелген бета-адренобөгегіштер.

АТЖ коды С07АВ02

Фармакологиялық қасиеттері

Фармакокинетикасы

Метопролол ішке қабылдағаннан кейін толығымен сіңеді. Бауыр арқылы «алғашқы өтудің» елеулі әсер етуі себепті, метопрололдың биожетімділігі дара дозасын қабылдағаннан кейін 50%-ға жуық құрайды. Бөлініп шығуы ұзартылған таблеткалардың биожетімділігі, әдеттегі таблеткалармен салыстырғанда, шамамен 20-30% төмендейді, дегенмен, оның AUC мәндерінің (жүрек жиырылуларының жиілігіне қатысты тиімділігінің қисық астындағы алаңы) дәл дәстүрлі таблеткаларды пайдаланған кездегідей болғандықтан клиникалық маңызы жоқ. Тек метопрололдың аздаған пайызы (шамамен 5-10%) плазма ақуыздарымен байланысады.

Әр таблетка метопрололдың бөлініп шығуын реттейтін полимерлі қабықпен қапталған.

Бөлініп шығуы ұзартылған таблетка жылдам ериді, бөлініп шығуы ұзартылған түйіршіктер метопрололды 20 сағат бойы үздіксіз босатып шығарумен асқазан-ішек жолында таралады.

Метопролол бауырда тотығу метаболизміне ұшырайды. Метопролол, негізінен, 2D6 цитохромы жүйесінің бауыр ферментінің (CYP) көмегімен биоөзгеріске түседі. CYP 2D6 генінің полиморфизмін ескере отырып, биоөзгеріс жылдамдығы әркімде жекеше ауытқиды, осы орайда метаболизмі баяу тұлғаларда (7-8%-ға жуық), метаболизмі жылдам тұлғалармен салыстырғанда, плазмадағы дәрілік препарат концентрациясы едәуір жоғары, ал шығарылуы жылдамдығы едәуір баяу болады.

Препараттың ішу арқылы қабылданатын дозасының 95%-дан астамы несеппен шығарылады. Осы дозаның 5%-ға жуығы өзгермеген күйде шығарылады, жекелеген жағдайларда несеппен өзгермеген күйде шығарылатын препараттың мөлшері 30%-ға жетуі мүмкін. Метопрололдың жартылай шығарылу кезеңі орташа 3,5 сағат (1-9 сағат болуы мүмкін) құрайды. Жалпы клиренс шамамен 1 л/минут құрайды.

Егде жастағы емделушілердің метопролол фармакокинетикасында, жас емделушілермен салыстырғанда, елеулі өзгерістер байқалмайды. Бүйрек жеткіліксіздігі бар емделушілерде жүйелі биожетімділігі мен метопрололдың шығарылуы өзгермейді, дегенмен мұндай емделушілерде метаболиттердің шығарылуы баяу жүреді. Метаболиттердің едәуір жинақталуы шумақтық сүзілу жылдамдығы минутына 5 мл-ден төмен емделушілерде байқалды. Алайда, метаболиттердің осылайша жинақталуы метопрололдың бета-бөгегіш әсерін күшейтпейді.Бауыр циррозы бар емделушілерде метопрололдың биожетімділігі ұлғайып, ал жалпы клиренсі азаюы мүмкін. Жоғары экспозициясы ауыр жеткіліксіздігі немесе портокавальді шунты бар емделушілерде ғана клиникалық мән иеленеді. Портокавальді шунты бар емделушілердегі жалпы клиренс шамамен 0,3 л/мин құрады, ал плазмадағы концентрация – уақыт қисығы астындағы ауданы, дені сау еріктілердегі ұқсас көрсеткішпен салыстырғанда, 6 есе артық болды.

Фармакодинамикасы

Ревелол XL, бета2- адренергиялық рецепторларды бөгеу үшін қажет болатын дозалардан гөрі, едәуір аз дозаларда жүректегі бета1-адренергиялық рецепторларды бөгейтін іріктелген бета1-адренобөгегіш болып табылады. Ревелол XL жарғақша тұрақтандыратын болымсыз әсер иеленген және агонистік қасиеттер танытпайды. Ревелол XL катехоламиндердің (дене немесе жүйке стрестерінің ықпалымен бөлініп шығатын) жүрек қызметін көтермелейтін әсерін төмендетеді немесе тежейді. Ревелол XL жүректің жиырылуын және минуттық көлемін азайтады, сондай-ақ артериялық қан қысымын түсіреді.

Бөлініп шығуы ұзартылған таблеткалар түріндегі метопролол сукцинатының плазмадағы концентрациясы мен іріктелуі (бета1-адренергиялық рецепторлар бөгелісі), дәстүрлі таблеткалар түріндегі бета1-адренобөгегіштер жағдайына қарағанда, тәулік бойына біркелкі болады.

Ол өз алдына, плазмадағы препараттың жоғары шекті концентрациялары кезінде байқалатын жағымсыз әсерлердің (мысалы, брадикардия және жүрген кезде аяқтағы әлсіздік) зор қаупі елеулі дәрежеде азаяды. Қажет болған жағдайда, Ревелолды XL өкпенің обструктивті ауруының белгілері бар емделушілерге бета2-агонистерімен біріктіріп тағайындауға болады.

Қолдануға болмайтын жағдайлар

- артериялық гипертензия

- стенокардия

- сол жақ қарыншаның систолалық қызметінің бұзылуымен тұрақты симптоматикалық созылмалы жүрек жеткіліксіздігі (созылмалы жүрек жеткіліксіздігін негізгі емдеуге қосымша ем ретінде)

- миокард инфарктісінің жедел фазасынан кейін қайталанатын инфаркт жиілігін және өлім-жітімін болдырмау

- жүрек ырғағының бұзылуы, қарыншаүстілік тахикардияны қоса, жүрекшелер фибрилляциясы және қарыншалық экстрасистолалар кезінде қарыншалардың жиырылу жиілігінің азаюы

- тахикардиямен қатар жүретін жүрек қызметінің функционалдық бұзылулары

- бас сақинасы ұстамаларының алдын алу

Қолдану тәсілі және дозалары

Ревелол XL өнімінің таблеткаларын тәулігіне бір рет, таңертең қабылдайды. Таблеткаларды бүтіндей немесе жартылай бөліп жұтқан жөн. Оларды шайнауға немесе үгітуге болмайды. Таблеткаларды сумен (жарты стақаннан аз емес) ішу керек.

Доза келесі ұсынымдармен сәйкес белгіленеді:

Артериялық гипертензия

Гипертензияның жеңіл немесе орташа түрі бар емделушілерде - 47,5 мг метопролол сукцинаты (50 мг метопролол тартратына сәйкес келеді) тәулігіне бір рет. Қажет жағдайда, дозаны тәулігіне 95-190 мг метопролол сукцинатына (100-200 мг метопролол тартратына сәйкес келеді) дейін арттыруға немесе біріктірілген гипотензиялық емді бастауға болады.

Стенокардия

100-ден 200 мг-ге дейін ұсынылған дозаларды таңертең және кешкілік екі қабылдауға бөледі. Егер қажеттілік болса, емдеуді басқа антиангинальді препараттармен біріктіруге болады.

Тахиаритмиялар

100-ден 200 мг-ге дейін ұсынылған дозаларды таңертең және кешкілік екі қабылдауға бөледі.

Миокард инфарктісінен кейінгі демеуші ем

Ревелолды XL күніне таңертең және кешкілік екі қабылдауға бөлінген 200 мг дозада ұзақ уақыт ішке қабылдау өлім қаупін азайтады (кенеттен болатын өлімді қоса) және қайталанатын инфаркт қаупін кемітеді (қант диабеті бар емделушілерде де).

Бас сақинасы ұстамаларының алдын алу

100-ден 200 мг-ге дейін ұсынылған дозаларды таңертең және кешкілік екі қабылдауға бөледі.

Бүйрек қызметінің бұзылулары

Дозаны реттеу қажет емес.

Бауыр қызметінің бұзылулары

Бауырының ауыр жеткіліксіздігі бар емделушілерде, мысалы портокавальді шунтталған емделушілер жағдайында препарат дозасын азайту мүмкіндігін қарастыру керек.

Егде жастағы емделушілер

80 жастан асқан емделушілерге қатысты жеткілікті деректер саны жоқ. Дозаны ерекше сақтық шарасын қабылдай отырып, арттыру қажет.

Жағымсыз әсерлері

Өте жиі (≥1/10)

- артериялық қан қысымының айқын төмендеуі және ортостатикалық гипотензия

- қажу

Жиі (≥1/100-ден <1/10-ға дейін)

- жүрек айну, іштің ауыруы, диарея, іш қатулар

- бас ауырулар, бас айналу

- брадикардия, жүрек соғуы

- жүктеме кезінде тұншығу

- алақандар мен табандардың мұздауы

Жиі емес (≥1/1000 дo <1/100)

- депрессия, концентрацияның төмендеуі, ұйқышылдық немесе ұйқысыздық, шым-шытырық түс көрулер

- парестезиялар

- құсу

- жүрек жеткіліксіздігі белгілерінің транзиторлы асқынуы, бірінші дәрежелі атриовентрикулярлық бөгеліс, төс артындағы ауыру

- бронх түйілуі

- бөрту (псориаз тәрізді бөртпе және дистрофиялық тері өзгерістері), гипергидроз

- бұлшықет құрысулары

- денеге салмақ қосу

- ісіну

Сирек (≥1/10000-нан <1/1000-ға дейін)

- жүйкенің тозуы, ширығу

- көрудің нашарлауы, көздің құрғауы немесе тітіркенуі, конъюнктивит

- жүрек қызметінің функционалдық бұзылулары, жүрек ырғағының және жүрек өткізгіштігінің бұзылуы

- латентті қант диабетінің көрініс беруі

- ринит

- ауыздың кеберсуі

- бауыр сынамаларының өзгеруі

- шаштың түсуі

- импотенция және басқа сексуальді бұзылыстар, Пейрони ауруы

Өте сирек(<1/10000)

- ұмытшақтық, жадының нашарлауы, сананың шатасуы, елестеулер, тұлғалық өзгерістер (мысалы, көңіл-күйдің ауысуы)

- құлақтың шуылдауы, есту қызметінің бұзылыстары

- тромбоцитопения, лейкопения

- осының алдындағы ауыр шеткергі қан тамырлары ауруларында -

қылтамырлық қан ағымының бұзылуы немесе Рейно синдромы, некроз қатері

- дәм сезу түйсіктерінің бұзылыстары

- гепатит

- фотосенсибилизация, псориаздың өршуі, псориаздың пайда болуы

- артралгиялар, бұлшықет әлсіздігі

Қолдануға болмайтын жағдайлар

- препараттың құрамдас бөліктеріне жоғары сезімталдық

- II және III дәрежелі синоатриальді және AV бөгелісі

- қалпына келмеген жүрек жеткіліксіздігі

- айқын синустық брадикардия ( 50/ мин)

- кардиогенді шок

- шеткергі қан айналымының ауыр бұзылулары

- артериялық гипотензия

- бронх демікпесі және өкпенің ауыр созылмалы обструктивті аурулары

- метаболикалық ацидоз

- синустық түйіннің әлсіздік синдромы

- феохромацитома

- верапамил немесе дилтиазем сияқты кальций өзектері бөгегіштерін немесе аритмияға қарсы басқа препараттарды (дизопирамид сияқты) бір мезгілде көктамыр ішіне енгізу

- 18 жасқа дейінгі балалық және жасөспірімдік кезең

- ноотроптық дәрілермен және бета-адренобөгегіштерге әсер етушілермен ұзақ немесе интермиттирлеуші ем алатын емделушілерге

- PQ >0,24 секунд аралығымен минутына 45 реттен аз соғатын жүректің жиырылу жиілігі немесе <100 мм Hg систолалық артериялық қысымы кезінде жедел миокард инфарктісінен күдіктену. Бұдан басқа, Ревелол XL жүрек жеткіліксіздігі және 100 мм Hg аз қайталанатын систолалық қысымы бар емделушілерге тағайындауға болмайды (емдеуді бастар алдында тексеруден өту көрсетілген).

Дәрілермен өзара әрекеттесуі

Метопролол CYP2D6 субстраты болып табылады, осыған орай, CYP2D6 тежегіш препараттары (хинидин, тербинафин, пароксетин, флуоксетин, сертралин, целекоксиб, пропафенон және дифенгидрамин) метопрололдың плазмалық концентрациясына ықпал етуі ықтимал.

Ревелол XL келесі дәрілік заттармен бірге қолданылмау керек:

Барбитура қышқылының туындылары: барбитураттар (зерттеу пентобарбиталмен жүргізілді), ферменттер индукциясының салдарынан метопролол метаболизмін күшейтеді.

Пропафенон: пропафенонды метопрололмен ем алған төрт емделушіге тағайындағанда метопрололдың плазмалық концентрациясының 2-5 есе жоғарылауы байқалды, бұл орайда екі емделушіде метопрололға тән жағымсыз әсерлер білінді. Осындай өзара әрекеттесу зерттеу барысында расталған. Өзара әрекеттесудің Р4502D6 цитохромының жүйесі арқылы метопролол метаболизмін, хинидин сияқты, пропафенонмен тежеумен шартталуы ықтимал. Пропафенонның -адренобөгегіш қасиеттерін иелену фактісін назарда ұстай отырып, метопролол мен пропафенонды бірге тағайындау мақсатқа сай болып саналмайды.

Верапамил: -адренобөгегіштер (атенолол, пропранолол және пиндолол) мен верапамил біріктірілімі брадикардияны туғызып, АҚ төмендеуіне әкеледі. Верапамил мен -адренобөгегіштердің бірін-бірі өзара толықтыратын атрио-вентрикулярлық өткізгіштікті және синустық түйін қызметін тежеу әсері бар.

Ревелол XL препаратын келесі препараттармен біріктіру дозаны реттеуді талап етеді:

Амиодарон амиодарон мен метопрололды бірге қолдану айқын синустық брадикардияға апаруы мүмкін. Амиодаронның тым ұзақ жартылай шығарылу кезеңін (50 күн) назарға ала отырып, амиодаронды тоқтатудан кейін біршама уақыт өткен соң өзара әрекеттесу болуы мүмкін екенін ескерген жөн.

I класты аритмияға қарсы дәрілер: I класты аритмияға қарсы дәрілер және -адренобөгегіштер сол жақ қарыншасының қызметі бұзылған емделушілерде күрделі гемодинамикалық жағымсыз әсерлерге әкелуі мүмкін теріс инотроптық тиімділіктердің жиынтықталуына апарады. Сонымен қатар, синустық түйіннің әлсіздік синдромы және АV өткізгіштігінің бұзылуы бар емделушілерде осындай біріктірілімнен аулақ болу керек. Өзара әрекеттесу дизопирамид мысалында сипатталған.

Қабынуға қарсы стероидтық емес препараттар (ҚҚСП): ҚҚСП -адренобөгегіштердің гипертензияға қарсы әсерін әлсіретеді. Осы өзара әрекеттесу индометацин үшін құжатталған. Сипатталған өзара әрекеттесудің сулиндакпен өзара әрекеттескенде байқалмауы ықтимал. Теріс өзара әрекеттесу диклофенакпен зерттеулерде байқалған.

Дифенгидрамин: дифенгидрамин метопролол клиренсін -гидроксиметопрололға дейін 2,5 есе азайтады. Бір мезгілде метопролол әсерінің күшеюі байқалады.

Дилтиазем: дилтиазем мен -адренобөгегіштер АV өткізгіштігін және синустық түйін қызметін тежеу әсерін өзара күшейтеді. Метопрололды дилтиаземмен біріктіргенде айқын брадикардия жағдайлары байқалған.

Эпинефрин (адреналин) іріктелмеген -адренобөгегіштер қабылдаған (пиндолол мен пропранололды қоса) және эпинефрин (адреналин) алатын емделушілерде 10 айқын артериялық гипертензия және брадикардия жағдайлары жөнінде хабарланды. Өзара әрекеттесу дені сау еріктілер тобында да байқалды. Осындай реакциялардың тамыр арнасына кездейсоқ түскен кезде эпинефринді жергілікті анестетиктермен бірге қолданғанда да байқалатыны жорамалданады. Кардиоселективті -адренобөгегіштерді қолданғанда бұл қауіптің едәуір төмен екені болжанады.

Фенилпропаноламин фенилпропаноламин (норэфедрин) 50 мг бір реттік дозасында диастолалық АҚ-ның патологиялық мәндерге дейін жоғарылауын туындатады. Пропранолол, негізінен, фенилпропаноламин туғызатын АҚ-ның көтерілуін кедергілейді. Алайда, -адренобөгегіштер фенилпропаноламиннің жоғары дозаларын алатын емделушілерде пародоксты артериялық гипертензия реакциясын туындатуы мүмкін. Фенилпропаноламинді қабылдау аясында гипертониялық криз дамуының бірнеше жағдайлары жөнінде хабарланған.

Хинидин хинидин, басты түрде, метопрололдың плазмалық концентрациясының едәуір жоғарылауын және -бөгелісінің күшеюін туғыза отырып, жылдам гидроксилденетін емделушілердің ерекше тобында (Швецияда тұрғындардың шамамен 90%-ы) метопролол метаболизмін тежейді. Осындай өзара әрекеттесудің метаболизміне Р4502D6 цитохромы қатысатын басқа -адренобөгегіштерге тән болатыны жорамалданады.

Клонидин: клонидинді күрт тоқтату кезінде гипертензиялық реакциялар -адренобөгегіштерін бірге қабылдағанда күшеюі мүмкін. Бірге қолданған кезде, клонидинді тоқтатқан жағдайда, -адренобөгегіштерін қабылдауды тоқтатуды клонидинді тоқтатуға дейін бірнеше күн бұрын бастаған дұрыс.

Рифампицин рифампицин метопролол метаболизмін күшейте отырып, метопрололдың плазмалық концентрациясын азайтады.

Метопролол мен басқа -адренобөгегіштерді (көз тамшы дәрілері) немесе моноаминооксидаза (МАО) тежегіштерін бір мезгілде қабылдайтын емделушілер мұқият қадағалауда болуы тиіс. -адренобөгегіштерін қабылдау аясында ингаляциялық анестетиктер кардиодепрессивті әсерді күшейтеді. -адренобөгегіштерін қабылдау аясында ішке қабылдауға арналған гипогликемиялық дәрілерді алатын емделушілерге соңғыларының дозасын реттеу қажет болады.

Метопрололдың плазмалық концентрациясы циметидинді немесе гидралазинді қабылдағанда жоғарылауы мүмкін.

Жүрек гликозидтері -адренобөгегіштерімен бірге қолданғанда атриовентрикулярлық өткізгіштік уақытын ұзартып, брадикардияны туындатуы ықтимал.

Айрықша нұсқаулар

Препаратты Принцметал стенокардиясының I дәрежелі атриовентрикулярлық бөгелісінде, брох демікпесінде, өкпенің созылмалы обструктивті ауруында, қант диабетінде, бүйрек пен бауырдың ауыр жеткіліксіздігінде, метаболикалық ацидозда, жүрек гликозидтерімен бірге тағайындағанда абайлап тағайындау керек.

-адренобөгегіштерін қабылдайтын емделушілерге верапамил типті «баяу» кальций өзекшелерін бөгегіштерін көктамыр ішіне енгізуге болмайды.

Өкпенің обструктивті ауруынан зардап шегетін емделушілерге -адренобөгегіштерін тағайындау ұсынылмайды. Басқа гипертензияға қарсы дәрілерді нашар көтерген немесе олардың тиімсіздігі жағдайында, іріктелген препарат болып саналуына орай, Ревелол ХL тағайындала алады. Ең аз тиімді дозаны тағайындау керек, қажет болса, 2-адреномиметик тағайындалады.

Принцметал стенокардиясы бар емделушілерге іріктелмеген -адренобөгегіштерін тағайындау ұсынылмайды. Емделушілердің осы тобына -іріктелмеген адренобөгегіштерді абайлап тағайындау керек.

1-адренобөгегіштерді пайдаланған кезде олардың көмірсу алмасуға әсер ету қаупі немесе гипогликемия белгілерін бүркемелеу мүмкіндігі, іріктелмеген -адренобөгегіштерді пайдаланған кездегіден гөрі, аз болады.

Қалпына келмейтін сатыдағы созылмалы жүрек жеткіліксіздігі бар науқастарда препаратпен емделуге дейін де, емделу кезінде де қалпына келу сатысына қол жеткізу қажет.

AV өткізгіштігі бұзылған емделушілерде жағдайының төмендеуі өте сирек байқалады (болжамды басталу – AV бөгелісі). Егер емдеу аясында брадикардия дамыса, препарат дозасын азайту немесе препаратты біртіндеп тоқтату керек.

Ревелол ХL, негізінен, артериялық қысымның төмендеуі салдарынан шеткергі қан айналымының бұзылу белгілерін нашарлатуы мүмкін.

Препаратты ауыр бүйрек жеткіліксіздігінен зардап шегетін емделушілерге тағайындағанда, метаболикалық ацидозда, жүрек гликозидтерімен бірге тағайындағанда сақтық танытқан дұрыс.

-адренобөгегіштерін қабылдайтын емделушілерде анафилактикалық шок едәуір ауыр түрде өтеді. Эпинефринді емдік дозаларда қолдану метопрололды қабылдау аясындағы қалаулы клиникалық тиімділікке үнемі жеткізе бермейді. Феохромоцитомадан зардап шегетін емделушілерге Ревелол XL препаратымен қатар альфа-адренобөгегіш тағайындау керек.

Хирургиялық араласу жағдайында дәрігер-анестезиолог емделушінің Ревелол ХL қабылдап жүргені жөнінде хабарланғаны дұрыс. Хирургиялық араласу күтіп тұрған емделушілерге -адренобөгегіштерімен емделуді тоқтату ұсынылмайды.

Ауыр тұрақты симптоматикалық жүрек жеткіліксіздігі бар емделушілердегі (NYHA жіктемесі бойынша IV класы) тиімділігі мен қауіпсіздігі жөнінде клиникалық зерттеулер деректері шектеулі. Мүндай емделушілерге арнаулы білімдері мен тәжірибесі бар дәрігерлер емдеу жүргізуі тиіс.

Жедел миокард инфарктісі мен тұрақсыз стенокардия қосылған симптоматикалық жүрек жеткіліксіздігі бар емделушілер зерттеуден шеттетілді, солардың негізінде тағайындауға көрсетілімдер анықталды. Емделушілердің осы тобы үшін препараттың тиімділігі мен қауіпсіздігі сипатталмаған. Қалпына келмейтін сатыдағы тұрақсыз жүрек жеткіліксіздігінде қолдану қарсы көрсетілімді.

Препаратты кенеттен тоқтатпаған дұрыс. Препаратты тоқтату қажет болғанда, тоқтатуды біртіндеп жүргізген жөн. Емделушілердің көпшілігінде препаратты қабылдауды 14 күн бұрын тоқтатуға болады. Препарат дозасын біртіндеп, бірнеше қабылдаумен, тәулігіне бір рет 25 мг түпкілікті дозаға жеткенше азайтады.

Жүктілік және лактация

Ревелол XL, ана үшін күтілетін пайда ұрыққа және/немесе сәбиге төнетін зор қатерден артық болатын жағдайларды қоспағанда, жүктілік кезінде және емшек емізу кезеңінде тағайындауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ревелол XL автокөлік жүргізген және жоғары зейін шоғырландыруды және психомоторлық реакциялар жылдамдығын талап ететін қауіптілігі зор қызмет түрлерімен айналысқан кезде қолданылса, бас айналу және шаршау байқалуы мүмкін екенін ескерген жөн.

 

Артық дозаланғанда

Белгілері: артериялық гипотензия, айқын синустық брадикардия, жүрек жеткіліксіздігі, асистолия, жүрек айну, құсу, бронх түйілу, цианоз, гипогликемия; жедел артық дозаланғанда – естен тану, кардиогенді шок, жүрекше-қарынша бөгелісі, кома. Артық дозаланудың алғашқы белгілері препаратты қабылдағаннан кейін 20 минут - 2 сағаттан соң көрініс береді.

Емдеу асқазанды шаю (егер шаю мүмкін болмаса және, егер науқас есін жоғалпаса, құстыруға болады), адсорбенттерді тағайындау, белгісіне қарай емдеу. Қан айналу және тыныс алу параметрлерін, бүйрек қызметін, қандағы глюкоза деңгейін, қан сарысуының электролиттерін мұқият бақылау және қарқынды емдеу қажет. Ауыр артериялық гипотензияда, брадикардия мен қатер төндіретін жүрек жеткіліксіздігінде - 2-5 минут аралықпен немесе қалаулы тиімділікке жеткенше инфузия жолымен бета-адренокөтермелегіштерді көктамыр ішіне енгізу немесе атропинді көктамыр ішіне енгізу. Оң әсері болмаса - допамин, добутамин немесе норадреналин қолданылады. Глюкагонды 1-10 мг дозаларда енгізу де бета-рецепторлардың күшті бөгелісінің қайтымдылығына жету үшін пайдалы болуы мүмкін. Фармакотерапияға төзімді айқын брадикардияда жүрек ырғағы жетектегішін имплантациялау қажет болуы мүмкін. Бронх түйілуінде 2-агонистін (мысалы, тербуталин) көктамыр ішіне енгізеді. Бұл у қайтарғыларды емдік дозалардан жоғары дозаларда қолдануға болады. Ревелол XL гемодиализбен тиімді шығарылмайды.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамада.

3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

Құрғақ, жарықтан қорғалған жерде 30 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Ipca Laboratories Limited»

48, Кандивили Инд. Эстейт, Мумбай 400067, Үндістан

Тіркеу куәлігі иесінің атауы және елі

«Ipca Laboratories Limited», Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы «Ipca Laboratories Limited» өкілдігі

Алматы қ., Әйтеке би к-сі 184, 303 кеңсе

Индекс: 050000

Телефон нөмірі: (727) 395-68-09

Факс нөмірі: (727) 395-68-09