Псевдовак, поливалентная вакцина для профилактики синегнойной инфекции

• русский
• қазақша

• Скачать инструкцию медикамента

Саудалық атауы

Псевдовак, көк ірің жұқпасының алдын алуға арналған

поливалентті вакцина

Халықаралық патенттелмеген атауы

Жоқ

Дәрілік түрі

Бұлшықет ішіне енгізуге арналған ерітінді.

Құрамы

Бір миллилитр ерітіндінің құрамында:

белсенді зат:

Pseudomonas aeruginosa антигенінің 7 иммунотипі (Фишер-Девлин-Гнабасик жіктемесі бойынша)

иммунотип 1 – 0,125 мл,

иммунотип 2 – 0,125 мл,

иммунотип 3 – 0,125 мл,

иммунотип 4 – 0,125 мл,

иммунотип 5 – 0,125 мл,

иммунотип 6 – 0,125 мл,

иммунотип 7 – 0,125 мл,

иммунотип 3,7 – 0,125 мл,

қосымша зат: фенол

Сипаттамасы

Мөлдір ақшыл-сары түсті ерітінді.

Фармакотерапиялық тобы

Вакциналар. Басқа да бактерияларға қарсы вакциналар

АТХ коды J07AX

Фармакологиялық қасиеттері

Фармакокинетикасы.

Вакциналар үшін фармакокинетикалық қасиеттерін бағалау талап етілмейді.

Фармакодинамикасы.

Псевдовак құрамында қыздырумен белсенділігі жойылған Pseudomonas aeruginosa штаммдарының құрылымдық және жасушадан тыс антигендері бар 7 иммунотиптен біріктірілген вакцина болып табылады. Штаммдар Дэвис жасанды қоректік ортада өсіріледі.

Псевдовак вакциналарын алдын алу немесе емдеу мақсаттарында пайдаланғанда препарат белсенді иммунитетті стимуляциялайды, бұл қан плазмасында көк іріңді бактерияларға антиденелер деңгейінің жоғарылауымен білінеді. Вакцинаны жарақат алғаннан кейін дереу енгізу Pseudomonas aeruginosa туындаған бактериемия және сепсис қаупін төмендетуге ықпал етеді.

Псевдовак вакциналарын қолдану мыналарға алып келеді:

- вакцинацияланған балаларда P. аeruginosa бактерияларының күйік жаралар шоғыр түзу жиілігін төмендетуге, сондай-ақ күйік жараларынан P. аeruginosa бактерияларының және басқа да бактериялардың жылдамырақ элиминациялануына;

- күйіп қалған вакцина қабылдамаған балалармен салыстырғанда күйіп қалған вакцина қабылдаған балаларда өлім жағдайы санының елеулі азаюына (вакцина қабылдаған балалар тобында этиологиялық факторы Pseudomonas болған өлім немесе сепсис жағдайлары бақыланбаған);

- күйік алған вакцинацияланбаған емделушілермен салыстырғанда күйік алған Псевдовак вакцинасымен иммунотерапия қабылдаған емделушілерде госпитализация уақытының қысқаруына (жараның жылдамырақ жазылу тиімділігі, термиялық зақымданған терінің эпителизациялану жылдамдығының ұлғаюы).

Вакцина медициналық көрсетілімдер бойынша науқастардың ерекше категорияларында емдеу, сондай-ақ алдын алу мақсатында қолданылатындықтан поствакциналық иммунитеттің ұзақтығы арнайы зерттелмеген. Алайда жүргізілген клиникалық зерттеулердің деректеріне сай ұсынылған сызба бойынша Псевдовак препаратымен вакцинацияланған емделушілерде P. Аeruginosa антиденесіне титр өсуі соңғы дозаны енгізгеннен кейін тіпті 25 күні де сақталады.

Қолданылуы

Псевдовак вакцинасы көк іріңді жұқпаға белсенді иммунитет қалыптастыру мақсатында қолданылады және көк іріңді жұқпа немесе сепсистің жоғары қаупімен қатар жүретін, әсіресе ауқымды күйігі бар науқастарда кез келген жағдайда пайдаланылуы мүмкін.

Алдын алу мақсатында – көк іріңді жұқпаға белсенді иммунитет қалыптастыру мақсатында ұзақ уақыт госпитализациялауда, интубацияда, өкпені жасанды вентиляциялауда, катетеризацияда, қайталанатын жұқпаларда, әртүрлі жараларда, оның ішінде операциядан кейінгі.

Емдеу мақсатында – зертханада анықталған пневмония сияқты,төменгі тыныс алу жолдарының жұқпалары, несеп шығару жолдарының жұқпалары және басқа да көк іріңді жұқпасы бар емделушілерде спецификалық иммунитетті күшейту және бактериемия және сепсис қаупін азайту үшін.

Қолдану тәсілі және дозалары

Бұлшықет ішіне енгізеді.

Көктамыр ішіне енгізуге болмайды.

Псевдовак вакцинасын балаларда 1 айлығынан бастап және ересектерде емдеу және алдын алу мақсатында төменде келтірілген хаттамаға сай пайдалану керек:

Күйігі бар науқастарды иммунизациялауда вакцина енгізуді жоғарыда келтірілген сызба тәртібін қатаң сақтаумен мүмкіндігінше (жарақат алғаннан кейін 1-3 күннен соң) ертерек енгізу керек.

Оқшауланған немесе жүйелі сипаттағы жағымсыз реакциялар дамуында препараттарды енгізу аралығын немесе кезекті инъекцияда сол дозадағы вакцинаны қайта енгізудегі аралықты ұлғайту мүмкіндігі бар, алайда препараттың ақырғы дозасы 1,0 мл құрауы тиіс. Ақырғы дозаны (1,0 мл) жоғарылатуға болмайды.

Препараттың пайдаланылмаған кез келген мөлшері ережеге сай жойылуы керек.

Жағымсыз әсерлері

Сирек

Оқшауланған реакциялар:

- қызару

- ауырсынулы домбығу.

Жалпы реакциялар:

- бас ауыруы

- дене температурасының жоғарылауы

- шаршағыштық

Симптомдары әдетте 24‑48 сағаттан соң жойылады.

Оқшауланған немесе жүйелі күштірек реакциялар дамығанда вакцинаны енгізудегі аралықты ұлғайту керек немесе кезекті инъекцияда препаратты сол дозада пайдалану керек, алайда соңынан доза 1,0 мл дейін жеткізілуі тиіс.

Қолдануға болмайтын жағдайлар

- Pseudomonas aeruginosa бактерияларынан туындамаған қызбасымен бірге жедел жұқпалар. Жұқпаның жеңіл түрлері вакцинаны пайдалануға қарсы көрсетілім болып табылмайды.

- созылмалы аурулардың өршуі. Бұл жағдайларда вакцинация ремиссия басталғаннан кейін жүргізіледі.

- жүктілік және лактация.

- алдында енгізілген вакцинаға аллергиялық реакциялар немесе препарат компонентіне аса жоғары сезімталдық.

Дәрілермен өзара әрекеттесуі

Дәрілік өзара әрекеттесулерін зерттеу мақсатында арнайы зерттеулер жүргізілмеген. Әдебиеттер деректеріне сүйенсек спецификалық емес вакциналарды спецификалық вакциналармен бір уақытта қолдануға, сондай-ақ иммуносупрессорлармен бір уақытта қолдануға болмайды. Алайда оларды антибактериялық еммен бір уақытта қолдануға болады (яғни антибиотик терапиясымен).

Басқа дәрілік препараттармен өзара әрекеттесулері туралы деректер жоқ.

Айрықша нұсқаулар

Вакцина қолданар алдында емделушіні медициналық зерттеуден өткізу керек және сыртартқы деректерін талдау керек, сондай-ақ бұрын жүргізілген вакцинация жайында мәліметтерін талдау қажет.

Әрбір вакцина инъекциясы алдында емделушіден препаратты осының алдында енгізуден кейін қандай да бір жағымсыз симптомдар болған-болмағанын сұраған дұрыс. Бұндай әдіс иммунизациялаудың жағымсыз әсерлер қаупін бағалауға мүмкіндік береді.

Емдеу немесе емдеу-алдын алу мекемелерінде белгіленген тәртіпке сай стационарлық науқастың ауру тарихына немесе амбулаторлық науқастың медициналық картасына препарат туралы мәліметтерді – вакцина сериясының нөмірі, вакцинация күнін жазу керек.

Биологиялық препараттарды пайдалануға байланысты анафилактикалық шок даму қаупіне орай вакцина енгізуде шокқа қарсы қажетті дәрілер жинағын дайындау керек.

Инъекциядан кейін дәрігер 30 минут бойына емделушінің жай-күйін бақылауы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қазіргі уақытқа дейін деректер жоқ.

Артық дозалануы

Қазіргі уақытқа дейін деректер жоқ.

Шығарылу түрі және қаптамасы

1 мл-ден шыны (1 типті) ампулаларда.

5 ампуладан пішінді ұяшықты пластик қаптамаға салынған.

1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 20С-ден 80С-ге дейінгі температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек.

Сақтау мерзімі

1,5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы (арнайы медициналық мекемелер үшін).

Өндіруші

«ИБСВ БИОМЕД» АҚ.

Мекенжайы: 30-224 Краков, Сосновая аллеясы 8, Польша

Тіркеу куәлігінің иесі

“Мединторг” ЖАҚ

123103, Мәскеу қ-сы, Маршал Жуков даңғылы, 74 үй, 2 корп. Тел./факс: (495) 921-25-15 (көп арналы)

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Вакцинадан кейінгі асқыну жағдайлары туралы “Мединторг” ЖАҚ өндіруші-фирма өкіліне хабарлау керек (123103, Мәскеу қ-сы, Маршал Жуков даңғылы, 74 үй, 2 корп.. Тел./факс: (495) 921-25-15 (көп арналы)).