Протомид

• русский
• қазақша

• Скачать инструкцию медикамента

Саудалық атауы

Протомид

Халықаралық патенттелмеген атауы

Протионамид

Дәрілік түрі

Үлбірлі қабықпен қапталған 250 мг таблеткалар

Құрамы

Бір таблетканың құрамында

белсенді зат - 250 мг протионамид,

қосымша заттар: микрокристалды целлюлоза РН 101, кросповидон, натрий кроскамеллозасы, повидон, коллоидты сусыз кремний, магний стеараты,

қабықтың құрамы: гидроксипропилметилцеллюлоза 5 cps, титанның қостотығы (Е 171), тазартылған тальк, хинолинді сары лак (Е 104), диэтилфталат.

Сипаттамасы

Екі беті дөңес, дөңгелек пішінді, сары түсті үлбірлі қабықпен қапталған таблеткалар.

Фармакотерапиялық тобы

Туберкулезге қарсы препараттар. Тиокарбамид туындылары. Протионамид.

АТХ коды J04AD01

Фармакологиялық қасиеттері

Фармакокинетикасы

Протионамид ішке қабылдағаннан кейін жақсы сіңіріледі. 250 мг ішке қабылдағаннан кейінгі плазмадағы ең жоғары концентрациясына 2 сағаттан соң жетеді және 1,0-1,4 мг/л құрайды; 500 мг қабылдағаннан кейін 3 мг/л құрайды. 0,05 мг/л in vitro шамасындағы концентрациясы лепра микобактерияларының көбеюін бәсеңдетеді. Орташа жартылай шығарылу кезеңі - 1,8 сағат. Протионамид жұлын сұйықтығын қосқанда тіндерде және биологиялық орталарға жақсы таралады.

Протионамид микобактерияларға қатысты белсенділігі тең сульфоксид-метаболитті түзе отырып экстенсивті биотрансформацияға ұшырайды. Енгізілген заттың 0,08%-ы өзгермеген күйде несеппен шығарылады және 0,4%-ы метаболит түрінде; жартылай шығарылу кезеңінің орташа мәндері сәйкесінше 1,38 және 1,63 сағатты құрайды. Өзгермеген протионамидтің 0,1%-дан азы ішек арқылы бөлінеді.

Бауыр ауруының протионамид фармакокинетикасына әсері анықталған жоқ. Бүйрек аурулары бар және егде жастағы емделушілерде протионамид фармакокинетикасы көрсеткіштерінің өзгерістері байқалмайды.

Фармакодинамикасы

II қатардағы туберкулезге қарсы дәрі химиялық құрылымы жағынан этионамидке жуық. Туберкулез микобактерияларының жасушалық қабырға құрамына кіретін микол қышқылдары синтезін бөгей отырып, бактериостатикалық әсер етеді. Никотин қышқылының антагонист қасиеттеріне ие. Жоғары концентрацияларда микробтық жасуша ақуызының синтезін бұзады және бактерицидті әсер етеді. Протионамид пен этионамид арасында толық айқаспалы төзімділігі бар. Олардың микробқа қарсы белсенділігі бірдей болғанмен, протионамидтің уыттылығы төмен және төзімділігі жақсы.

Қолданылуы

- 2-желідегі химиотерапия режимдерінде мультирезистентті туберкулез тек басқа тиімді препараттармен біріктірілімде және изониазидпен, рифампицинмен немесе бірінші желідегі басқа препараттармен емдеу тиімді болмағанда ғана

Қолдану тәсілі мен дозалары

Тамақтан соң ішке қабылдау керек. Ересектер үшін доза әр кг дене салмағына тәулігіне 10 мг құрайды. Тәулігіне 500 мг - 33-49 кг дене салмағында; 750 мг - 50-70 кг дене салмағында; 1000 мг - > 70 кг дене салмағында. Емдеу ұзақтығы клиникалық көріністерінің айқындылығына байланысты және оны емдеуші дәрігер анықтайды, орта есеппен қарқынды фазасы 6-12 ай; демеуші фазасы 12-18 ай.

Шумақтық сүзілу жылдамдығы (ШСЖ) 30 мл/мин төмен емделушілерге және гемодиализдегі емделушілерге протионамидті тәулігіне 250-ден 500 мг дейінгі дозада тағайындайды. Бүйрек қызметінің ауыр бұзылыстары бар емделушілерге қандағы белсенді зат концентрациясына мониторинг жүргізу және қажетіне қарай дозаны таңдау қажет.

Жағымсыз әсерлері

- жүрек айнуы, құсу, диарея, гиперсаливация, ауызда металл дәмінің сезілуі, бауыр қызметінің бұзылуы

- ұйқының бұзылуы, қозу күйі, депрессия, үрей; сирек – бас айналу, ұйқышылдық, бас ауыруы, астения; бірлі-жарым жағдайларда - шеткергі невропатия, көру жүйкесінің невриті

- постуральді гипотензия, тахикардия

- сирек: акне түріндегі безеулі тері бөртпесі, беттің қышынуы.

Қолдануға болмайтын жағдайлар

- сыртартқыдағы препараттың кез келген құрамдастарына аса жоғары сезімталдық

- ауыр бауыр аурулары, жедел гепатит, бауыр циррозы

- жедел гастрит, асқазан мен он екі елі ішектің ойық жара ауруы, эрозиялы-ойық жаралы колит

- 18 жасқа дейінгі балалар мен жасөспірімдер

- жүктілік және лактация кезеңі

Дәрілермен өзара әрекеттесу

Рифампицинмен және тиацетазонмен біріктіру кезінде гепатоуыттылық қаупі айтарлықтай артады.

Протионамид изониазидтің сарысулық концентрацияларын арттыра алады, себебі оның метаболизмін бәсеңдетеді.

Айрықша нұсқаулар

Емделу кезеңінде бауыр қызметін айына кемінде 1 рет бақылап отыру керек. Гепатиттің даму жиілігі 13%- дан 56%-ға дейін құбылып отырады. Кей жағдайда гепатит ағымының ауырлығы препаратты тоқтатуды талап етеді. Бір ғана протионамидті қабылдаудан туындаған өлім жағдайлары сипатталмаған. Алайда, протионамидті рифампицинмен біріктірілімде қабылдау аясында дамыған гепатит өліммен аяқталуы мүмкін. Протионамид біріктірілген емдеу кезінде басқа да туберкулезге қарсы препараттардың жағымсыз әсерлерін күшейтеді. Сондай-ақ, гепатоуыттылық белгілері бар емделушілерде бауыр трансаминазалары деңгейінің жоғарылауы белгіленген.

Протионамид пен этионамид арасында толық айқаспалы төзімділік бар. Сондықтан протионамидті этионамидке қатысты ауру қоздырғышының резистенттілігі анықталған науқастарға қолдануға болмайды.

Қант диабеті бар, бауыр қызметі бұзылған емделушілерге сақтықпен қолданады. ОЖЖ-не жағымсыз әсері алкогольді қабылдау аясында күшейеді және пиридоксин қабылдау кезінде азаяды.

Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері

Мәліметтер жоқ.

Артық дозалануы

Симптомдары: пеллагра тәрізді тері реакциялары мен энцефалопатия болуы мүмкін.

Емі: препаратты тоқтату, симптоматикалық және демеу шаралары, оның ішінде В тобының витаминдері мен никотинамид.

Шығарылу түрі және қаптамасы

500 таблеткадан бір жағынан дәнекерленген тығыздығы төмен полиэтилен пакетте. Пакетті медицинада қолданылуы жөніндегі мемлекеттік және орыс тілдеріндегі нұсқаулықпен бірге алюминий жарғақшамен тығыз дәнекерленген тығыздығы жоғары полиэтиленнен жасалған контейнерге салады.

Сақтау шарттары

Құрғақ, жарықтан қорғалған жерде 30ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

Macleods Pharmaceuticals Limited, Үндістан

Plot No. 25-27, Survey No. 366, Premiere Industrial Estate, Kachigam, Daman (UT)-396 210, India.

Тіркеу куәлігі иесінің атауы мен елі

Macleods Pharmaceuticals Limited, Үндістан

Қаттаушы ұйымның атауы мен елі

Macleods Pharmaceuticals Limited, Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

ҚР-дағы «Macleods Pharmaceuticals Limited» өкілдігі

ҚР, Алматы қ., Төлебаев к-сі, 38, 307А кеңсе

Тел./факс. +7 727 2441294

E-mail: vijay9376@yahoo.com.