Простатилен®(Prostatilenum®)

• русский
• қазақша

• Скачать инструкцию медикамента

Саудалық атауы

Простатилен® (Prostatilenum®)

Халықаралық патенттелмеген атауы

Жоқ

Дәрілік түрі

Ректальді суппазиторийлер, 50 мг

Құрамы

Бір суппозиторийдің құрамында

белсенді зат – 0,05 г простата сығындысы (Простатилен®*),

қосымша заттар – диметилсульфоксид, макрогол-1500.

* Простатилен® субстанциясы глицинді қосу арқылы простата сығындысы болып табылады.

Сипаттамасы

Ақтан сары түске дейінгі торпеда тәрізді пішінді суппозиторийлер, мәрмәрлігіне жол беріледі. Кесіндісінде мәрмәрлігіне, ауа стерженінің болуына немесе шүңгіме тәрізді тереңдетілуіне жол беріледі.

Фармакотерапиялық тобы

Урологиялық ауруларды емдеуге арналған препараттар. Урологиялық ауруларды емдеуге арналған басқа да препараттар.

АТХ коды G04BX

Фармакологиялық қасиеттері

Фармакокинетикасы

Препарат тіндерде тіндік спецификалық ақуыздар синтезі үдерісіне қатысатын амин қышқылдарына дейін жасушалық протеазаларға ұсақталады. Ақуыз синтезі үдерісінде пайдаланылмаған амин қышқылдары аминсізденеді және несеппен шығарылады. Препаратты ұсынылған режимде: 10-15 күн бойы ректальді 50 мг-дан күніне 1 рет пайдаланған кезде организмде оның жинақтаушы әсерінің қаупі болмайды.

Фармакодинамикасы

Простатилен қуықасты безіне органотроптық әсерге ие. Ісінудің, секрет іркілісінің, қуықасты безінің лейкоцитарлық инфильтрациясының азаюына ықпал етеді. Эпителиальді жасушалардың секреторлық функциясын қалпына келтіреді. Қабынуға қарсы әсер көрсетеді. Антиагреганттық белсенділікке ие, қуықасты безіндегі венулалар тромбозы дамуына кедергі келтіреді.

Қолданылуы

- созылмалы абактериальді простатитте

- қуықасты безіне жасалған оперативтік араласуларға дейінгі және одан кейінгі жай-күйде

- қуықасты безінің қатерсіз гиперплазиясында

Қолдану тәсілі мен дозалары

Ректальді. 50 мг бір суппозиторийден тәулігіне 1 рет (таңертең және кешке). Суппозиторийді дефекациядан немесе тазартушы клизмадан кейін артқы өтіске терең енгізеді. Қолданар алдында суппозиторийді сумен сулап алу керек. Енгізгеннен кейін науқас мүмкіндігінше 30-40 минут бойы төсекте жатқаны дұрыс. Емдеу курсы – созылмалы простатитте кемінде 10 күн, қуықасты безінің қатерсіз гиперплазиясында кемінде 15 күн.

Жағымсыз әсерлері

- аллергиялық реакциялар

Аллергиялық реакциялар туындаған жағдайда емді тоқтатады, антигистаминді дәрілер тағайындайды.

Қолдануға болмайтын жағдайлар

- препарат компоненттеріне аса жоғары сезімталдық

- 18 жасқа дейінгі балалар мен жасөспірімдер

Дәрілермен өзара әрекеттесуі

Простатитті емдеу үшін қолданылатын бактерияға қарсы препараттармен үйлесімді.

Айрықша нұсқаулар

Созылмалы простатитті емдеу және қуықасты безіне жасалған оперативтік араласуларға дейінгі және одан кейінгі жай-күйлер дәрілік препараттардың басқа топтарын және дәрі-дәрмектік емес емдеу әдістерін қолдануды болжайтын кешенді болуы тиіс.

Бір немесе бірнеше дозаларды жіберіп алғанда емді тоқтатады, емдеу курсын жіберіп алған қабылдау күндерінің санына байланысты ұзарту ұсынылады.

Әйелдерге препарат тағайындалмайды.

Созылмалы ауруларда препаратты қолдану ерекшеліктері жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару, қозғалмалы механизмдермен жұмыс істеу және жоғары зейін шоғырландыру мен психомоторлық реакциялар жылдамдығын қажет ететін қауіптілігі зор қызмет түрлерімен айналысу қабілетіне әсер етпейді.

Артық дозалануы

Артық дозалану жағдайлары сипатталмаған.

Шығарылу түрі және қаптамасы

Поливинилхлоридті үлбірден жасалған пішінді ұяшықты қаптамаға 5 суппозиторийден салынған. Бір немесе екі пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

2 ºС-ден 15 ºС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Цитомед» медико-биологиялық ғылыми-өндірістік кешені» ЖАҚ, Ресей Федерациясы, 191023, Санкт-Петербург қ., Мучной т.к-сі, 2 үй, тел./факс: (812)315-88-34, www.cytomed.ru

Тіркеу куәлігі иесінің атауы мен елі

«Цитомед» медико-биологиялық ғылыми-өндірістік кешені» ЖАҚ, Ресей Федерациясы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Pharmaline» ЖШС, Қазақстан Республикасы, 050050, Алматы қ., Шамиева к-сі, 11 үй, тел.: (727)338-48-14(15), e-mail: info@pharmaline.kz