Примафунгин (100 мг)

МНН: Натамицин
Производитель: ФАРМАПРИМ ООО
Анатомо-терапевтическо-химическая классификация: Natamycin
Номер регистрации в РК: № РК-ЛС-5№016214
Период регистрации: 12.04.2016 - 12.04.2021

Инструкция

Саудалық атауы

ПРИМАФУНГИН

Халықаралық патенттелмеген атауы

Натамицин

Дәрілік түрі

Қынаптық суппозиторийлер, 100 мг

Құрамы

1 суппозиторийдің құрамында

белсенді зат: 100 мг натамицин,

қосымша заттар: цетил спирті, сорбитан триолеаты, полисорбат-80, натрий гидрокарбонаты, адипин қышқылы, қатты май.

Сипаттамасы

Цилиндрлі конус пішінді, ашық-сарыдан сары түске дейінгі немесе сарғыш реңі бар сары түсті суппозиторийлер. Суппозиторий беткейінің жылтыр және/немесе күңгірт, өзегінің ауалы және кеуекті және шұңғыма тәрізді терең болуына жол беріледі.

Фармакотерапиялық тобы

Гинекологиялық ауруларды емдеуге арналған антисептиктер және микробтарға қарсы препараттар. Гинекологиялық ауруларды емдеуге арналған антисептиктер және микробтарға қарсы препараттар (кортикостероидтармен біріктірілімді қоспағанда). Бактерияларға қарсы препараттар. Натамицин.

АТХ коды G01AA02

Фармакологиялық қасиеттері

Фармакодинамикалық қасиеттері

Кең ауқымды әсер ететін макролидтер тобындағы зеңдерге қарсы полиенді антибиотик. Фунгицидті әсер етеді. Натамицин жасушалы жарғақшалардың стеролдарын байланыстырады, олардың бүтіндігін және функциясын бұза отырып, микроорганизмдердің қырылуына әкеледі. Көптеген патогенді ашытқыға ұқсас зеңдерге (әсіресе Candida albicans), дерматофиттер (Trichophyton, Microsporum, Epidermophyton), ашытқылар (Torulopsis және Rhodotorula), басқа да патогенді зеңдерге (Aspergillus, Penicillium, Fusarium, Cephalosporium), сондай-ақ кейбір қарапайымдыларға (трихомонад) қатысты белсенді. Грамоң және грамтеріс бактерияларға әсер етпейді. Натамицинге деген төзімділік клиникалық тәжірибеде кездеспейді.

Фармакокинетикасы

Жүйелі әсер етпейді, өйткені іс жүзінде шырышты қабықтың беткейінен сіңбейді.

Қолданылуы

- негізінен Candida зеңдері туындатқан вагиниттерде, вульвиттерде, вульвовагиниттерде

Қолдану тәсілі және дозалары

Қынап ішіне.

Ересек әйелдерге 1 суппозиторийден 3 – 6 күн бойы қолданады. Суппозиторийді қынапқа (жатқан қалыпта) тәулігіне 1 рет (түнгілік) мүмкіндігінше тереңдете енгізу ұсынылады.

Жағымсыз әсерлері

Жергілікті реакциялар – шырышты қабықтың аздап тітіркенуі, ашытуды сезіну.

Қолдануға болмайтын жағдайлар

  • препарат компоненттеріне аса жоғары сезімталдық

  • порфирия

Дәрілермен өзара әрекеттесуі

Примафунгин препаратының дәрілермен өзара әрекеттесуі сипатталмаған.

Пероксидтер, перманганат, йод, гипохлориттер және т.б. сияқты тотықтырғыш қасиеттері бар заттар натамицин белсенділігін жоюы мүмкін.

Айрықша нұсқаулар

Қынаптық суппозиторийлер дене температурасының әсерімен көбікті масса түзе отырып, жылдам ериді, бұл натамициннің қынап шырышты қабығына біркелкі таралуына ықпал етеді.

Етеккір кезінде суппозиторий қолдануды тоқтатады.

Суппозиториймен емдеу кезінде жыныстық қатынасты үзудің қажеті жоқ. Алайда, жыныстық жұптастарға тексеру жүргізу ұсынылады, кандидозды зақымдану айқындалған жағдайда, жұптасына емдеу курсын жүргізу ұсынылады. Сондай-ақ бөгеттік контрацептивтерді емдеу кезеңінде пайдалану ұсынылады. Созылмалы немесе қайталанатын инфекцияларды жергілікті емдеу жағдайында таблеткалар немесе крем қосымша тағайындалуы мүмкін.

Суппозиторийлер құрамына кіретін цетил спирті осы компонентке сезімталдығы жоғары гениталий аймағында жеңіл күйдіру сезімін туындатуы мүмкін.

Бауыр және бүйрек функциясы бұзылған пациенттерде қолдану

Примафунгин жергілікті әсер етеді. Әсер етуші заттар іс жүзінде жүйелік әсер етпейді, сондықтан бауыр және бүйрек функциясы бұзылған пациентте дозалау режимін өзгерту қажет етілмейді.

Жүктілік және лактация

Жүктілік және лактация кезеңінде Примафунгин препараты қолданылуы мүмкін.

Препаратты балаларда қолдану

Натамицин осы дәрілік түрінде балаларға қолданылмайды.

Гериатриялық тәжірибеде қолдану

Препарат кез келген жаста стандартты сызба бойынша қолданылуы мүмкін.

Дәрілік препараттың автокөлікті және қауіптілігі зор механизмдерді басқару қабілетіне әсер ету ерекшеліктері

Препаратты қолдану қауіптілігі зор механизмдерді жүргізу және басқару қабілетіне әсер етпейді.

Артық дозалануы

Суппозиторийлерді қолданғанда іс жүзінде жүйелік әсер етуі болмайды, өйткені препарат шырышты қабық арқылы сіңбейді.

Шығарылу түрі және қаптамасы

3 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада.

1 пішінді ұяшықты қаптамадан қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25 оС-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«ФАРМАПРИМ» ЖШҚ, Молдова Республикасы

Кринилор к-сі, 5, Порумбень а., Криулень ауд.,

Молдова Республикасы, MD-4829

тел.: (+373-22)-28-18-45, тел/факс: (+373-22)-28-18-46,

www.farmaprim.md

Тіркеу куәлігінің иесі

«ФАРМАПРИМ» ЖШҚ, Молдова Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«FARMAPRIM SRL» («ФАРМАПРИМ СРЛ») фирмасының Қазақстан Республикасындағы өкілдігі,

Алматы қ., Гоголь к-сі, 86, 528 кеңсе,

Телефон/факс: + 7(727) 279-65-18,

Email: tatiana.abdulkhairova@farmaprim.md

Прикрепленные файлы

502267081477976223_ru.doc 49.5 кб
487512421477977467_kz.doc 51.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники