Престозек комби (4мг/10мг)

Престозек комби

Жоқ

Таблеткалар 4мг/5 мг, 4мг/10мг, 8мг/5мг, 8мг/10мг

Бір таблетканың құрамында

белсенді заттар: 4 мг периндоприл терт-бутиламині (4мг/5 мг, 4мг/10мг дозалары үшін), 8мг (8мг/5мг, 8мг/10мг дозалары үшін), амлодипин бесилаты (амлодипинге баламалы) 6,94 мг (5мг) (4мг/5 мг, 8мг/5мг дозалары үшін), 13,87 мг (10мг) (4мг/10мг, 8мг/10мг дозалары үшін),

қосымша заттар: микрокристалды целлюлоза (200ХЛМ типі), микрокристалды целлюлоза (112 типі), натрий крахмалы гликоляты (А типі), сусыз коллоидты кремнийдің қостотығы, магний стеараты.

Дөңгелек пішінді, екі беті дөңес, ақ немесе ақ дерлік түсті таблеткалар.

Бір жағында «5» өрнегі бар, диаметрі 9.5 мм (8/10 мг дозасы).

Бір жағында «100» және екінші жағында - «^5» өрнегі бар, диаметрі 9 мм (8/5 мг дозасы).

Диаметрі 7 мм (4/5 мг дозасы).

Дөңгелек пішінді, беті тегіс, ақ немесе ақ дерлік түсті, бір жағында «15» өрнегі бар, диаметрі 9 мм (4/10 мг дозасы) таблеткалар.

Жүрек-қантамыр жүйесі. Ренин-ангиотензин жүйесіне әсер ететін препараттар. Басқа препараттармен біріктірілген ангиотензин-өзгертуші фермент (АӨФ) тежегіштері. Ангиотензин-өзгертуші фермент (АӨФ) тежегіштері және кальций өзекшелерінің блокаторлары. Периндоприл және амлодипин.

АТХ коды C09BB04

Фармакокинетикасы

Препараттың құрамындағы периндоприл мен амлодипиннің сіңірілу жылдамдығы мен дәрежесі оларды бөлек-бөлек қолданумен салыстырғанда өзгермейді.

Периндоприл:

Сіңірілуі:

Ішке қабылдаған кезде периндоприлдің сіңірілуі тез жүреді, ең жоғары концентрацияға 1 сағат ішінде жетеді. Плазмадағы периндоприлдің жартылай шығарылу кезеңі 1 сағатты құрайды.

Периндоприл дәрілердің ізашары болып табылады. Периндоприлдің қабылданған дозасының жиырма жеті пайызы қан ағысына белсенді метаболит периндоприлат түрінде түседі. Белсенді периндоприлаттан басқа, организмде белсенді емес тағы бес метаболит түзіледі. Плазмада периндоприлат ең жоғары шектегі концентрациясына препаратты қабылдағаннан кейін 3–4 сағаттан соң жетеді.

Ас ішу периндоприлдің периндоприлатқа айналуын, демек, оны биологиялық жетімділігін төмендетеді, сондықтан периндоприл аргининін тәулігіне бір рет, таңертеңгі тамаққа дейін қабылдау ұсынылады.

Периндоприл дозасы мен оның плазмадағы экспозициясы арасындағы байланыстың дозаға байланысты болатындығы көрсетілді.

Таралуы:

Байланыспаған периндоприлаттың таралу көлемі шамамен 0,2 л/кг құрайды. Периндоприлаттың плазма ақуыздарымен байланысуы 20% құрайды және негізінен ангиотензинөзгертуші фермент арқылы жүреді, бірақ препараттың концентрациясына байланысты.

Шығарылуы:

Периндоприлат несеппен бөлініп шығады, оның бос фракциясының ақырғы жартылай шығарылу кезеңі 17 сағатқа жуықты құрайды, ол тепе-тең күйге 4 күн ішінде жетуге мүмкіндік береді.

Амлодипин:

Сіңірілуі, таралуы, плазма ақуыздарымен байланысуы:

Емдік дозаларды пероральді қабылдағанда амлодипин жақсы сіңеді; қандағы мөлшері ең жоғары деңгейіне дозасын қабылдағаннан кейін 6–12 сағаттан соң жетеді. Бағалануы бойынша, абсолюттік биологиялық жетімділігі 64–80% құрайды. Таралу көлемі шамамен 21 1/кг тең. Іn vitro зерттеулер айналымдағы амлодипиннің шамамен 97,5%-ы қан ақуыздарымен байланысатындығын көрсетті.

Амлодипиннің биологиялық жетімділігі ас ішуге байланысты емес.

Биоөзгерісі, шығарылуы:

Плазмадан ақырғы жартылай шығарылу кезеңі шамамен 35–50 сағатты құрайды және күніне бір дозаны қабылдаумен сәйкес келеді. Амлодипин бауырда белсенді емес метаболиттерге қарқынды түрде метаболизденеді; бастапқы қосылыстардың 10%-ы және метаболиттердің 60%-ы несеппен шығарылады.

Пациенттердің ерекше топтары:

Бала пациенттер (18 жасқа дейінгі):

Препаратты бала пациенттерге қолданғандағы фармакокинетикалық деректер жоқ.

Егде жастағы адамдар:

Плазмада амлодипиннің ең жоғары концентрацияға жету уақыты егде жастағылар мен жастау пациенттерде ұқсас. Егде жастағы пациенттерде амлодипин клиренсінің төмендеуіне үрдіс бар екені байқалды, бұл AUC және жартылай шығарылу кезеңінің артуымен қатар жүреді.

Егде жастағы пациенттерде препаратты қолдануды және оның дозасын арттыруды, бүйрек функциясына байланысты, сақтықпен бастаған жөн.

Егде жастағы пациенттерде периндоприлаттың шығарылуы баяулайды. Дозасын арттырар алдында бүйрек функциясын тексеру керек. Сондықтан науқасты әдеттегідей бақылауға креатинин және калий деңгейлерін мониторингілеу қамтылуы тиіс.

Бүйрек функциясының бұзылуы:

Бүйрек функциясының ауырлығы орташа жеткіліксіздігі бар (креатинин клиренсі минутына 30 мл-ден минутына 60 мл-ге дейінгі) пациенттерде Виакорамның бастапқы ұсынылатын дозасы күнара 3,5 мг/2,5 мг құрайды (4.2 бөлімін қараңыз).

Бүйрек функциясы бұзылғанда амлодипиннің фармакокинетикасы айтарлықтай өзгермейді. Амлодипин диализбен шығарылмайды.

Жүрек немесе бүйрек функциясының жеткіліксіздігі бар пациенттерде периндоприлаттың шығарылуы баяулайды.

Сондықтан науқасты әдеттегідей бақылауға креатинин және калий деңгейлерін мониторингілеу қамтылуы тиіс.

Бауыр функциясының бұзылуы:

Бауыр аурулары бар пациенттерге препаратты сақтықпен тағайындаған жөн.

Қазіргі таңда амлодипинді бауыр функциясының бұзылулары бар пациенттерге тағайындауға қатысты клиникалық деректердің көлемі өте шектеулі. Бауыр функциясының жеткіліксіздігі бар пациенттерде амлодипин клиренсі төмендеген, бұл жартылай шығарылу кезеңінің артуына және AUC мәнінің шамамен 40–60%-ға жоғарылауына әкеледі.

Диализ кезіндегі периндоприлдің клиренсі 70 мл/мин құрайды. Периндоприлдің кинетикасы циррозы бар пациенттерде өзгерген: бастапқы молекуланың бауырлық клиренсі екі есе баяулайды. Алайда түзілетін периндоприлаттың мөлшері төмендемейді, сондықтан дозасын түзету қажет емес.

Фармакодинамикасы

Әсер ету механизмі:

Бұл екі препараттың біріктірілімі гипертензияға қарсы аддитивті әсерге ие.

Фармакодинамикалық әсері:

Периндоприл:

Периндоприл - бұл ангиотензин I-ні ангиотензин II-ге айналдыратын фермент тежегіші (ангиотензинөзгертуші фермент, АӨФ). Өзгеретін фермент, немесе киназа, - бұл ангиотензин I-нің қантамырларды тарылтатын ангиотензин II-ге айналуын катализдейтін, сондай-ақ, қантамырларды кеңейтетін брадикининнің белсенді емес гептапептидке айналуын туындататын экзопептидаза. АӨФ-тің тежелуі плазмада ангиотензин II деңгейінің төмендеуіне әкеледі, ол плазмада ренин белсенділігінің жоғарылауын (рениннің босап шығуының жағымсыз кері байланысын тежеу есебінен) және альдостерон секрециясының төмендеуін туындатады. АӨФ брадикининнің белсенділігін жоятын болғандықтан, АӨФ тежелуі де айналымдағы және жергілікті калликреин-кинин жүйесі белсенділігінің (сондай-ақ простагландиндер жүйесінің белсенділенуінің) жоғарылауына әкеледі. Осы механизм АӨФ тежегіштерінің гипотензиялық әсер етуінде маңызды болуы және олардың жағымсыз әсерлерінің кейбіреуіне (жөтел) ішінара жауапты болуы мүмкін.

Периндоприл белсенді метаболит – периндоприлат арқылы әсер етеді. Басқа метаболиттері АӨФ белсенділігін in vitro тежелуін көрсеткен жоқ

Амлодипин:

Амлодипин дигидропиридин тобына (кальцийдің баяу өзектерінің блокаторы немесе кальций иондарының антагонисі) жататын және кальций иондарының жүрек бұлшықетіне және қантамырлардың тегіс бұлшықетіне трансжарғақшалық ағынын тежейтін топқа жататын кальций иондарының жарғақшалар арқылы түсуінің тежегіші болып табылады.

Амлодипиннің гипотензиялық әсер ету механизмі қантамырлардың тегіс бұлшықеттерін тікелей босаңсытатын әсері болып табылады. Амлодипиннің стенокардия көрінісін төмендету әсеріне жәрдемдесетін дәл механизмі толық анықталған жоқ, бірақ бұл препараттың екі фактор есебінен жалпы ишемиялық жүктемені төмендететіні белгілі:

- Амлодипин шеткері артериолдарды кеңейтеді және сонысымен жалпы шеткері кедергіні (жүктемеден кейін) төмендетіп, жүрекке түсетін жүктемені азайтады. Жүректің жиырылу жиілігі тұрақты күйінде қалатын болғандықтан, жүрекке түсетін осы жүктемені жеңілдету миокардқа энергияның қажеттілігін және оттегіге қажеттілігін азайтады.

- Амлодипиннің әсер ету механизмі өзіне, сондай-ақ миокардтың қалыпты аймақтарында да, сонымен қатар ишемияланған аймақтарында да негізгі коронарлық артериялардың және коронарлық артериолалардың кеңейтуін қамтуы мүмкін. Осы кеңею коронарлық артериялардың түйілуі (Принцметал стенокардиясы немесе нұсқалық стенокардия) бар пациенттерде оттегінің миокардқа жеткізілуінің ұлғаюына әкеледі.

Клиникалық тиімділігі және қауіпсіздігі:

Периндоприл/амлодипин: бүйректік және/немесе жүрек-қантамырлық нәтижелерге және өлімге қатысты және сонымен қатар, монотерапиямен салыстырғанда, гиперкалиемияның, бүйректің жедел жеткіліксіздігінің және/немесе гипотензияның дамуы қаупінің жоғарылауына қатысты елеулі жағымды әсері жоқ.

Фармакодинамикалық қасиеттерінің ұқсастығын ескерсек, алынған нәтижелер сондай-ақ басқа да АӨФ тежегіштеріне және ангиотензин II рецепторларының блокаторларына да қатысты.

Сәйкесінше, диабеттік нефропатиясы бар пациенттерде АӨФ тежегіштерін және ангиотензин II рецепторларының блокаторларын бір мезгілде қолданбаған жөн.

• периндоприл мен амлодипинді тура осындай дозаларында бір мезгілде қабылдағанда бақылануына қол жеткізген пациенттерде артериялық гипертензияда және (немесе) жүректің тұрақты ишемиялық ауруында орынбасушы ем үшін

Бір таблеткасы тәулігіне бір рет, дұрысы таңертеңгілік, тамақтанар алдында қабылданады.

Біріктірілген препаратты емдеуді бастаған кезде қолданбау керек. Егер дозасын өзгерту қажет болса, құрамында периндоприл мен амлодипин бар біріктірілген препараттың дозасын өзгертуге болады, немесе әрбір белсенді заттың жекелеген түзетілген дозасын таңдап алуға болады.

Пациенттердің ерекше топтары.

Бүйрек функциясының бұзылуы бар пациенттер және егде жастағы адамдар.

Егде жастағы адамдар мен бүйрек жеткіліксіздігі бар науқастарда периндоприлдің шығарылуы төмендейді. Сондықтан, әдетте пайдаланылатын медициналық емшарада сарысудағы креатинин мен калий деңгейін жиі бақылау ескеріледі.

Құрамында периндоприл мен амлодипин бар біріктірілген препаратты креатинин клиренсі минутына ≥60 мл пациенттерге енгізуге болады, бірақ, ол креатинин клиренсі минутына <60 мл пациентерге жарамайды. Ондай пациенттер үшін, әрбір белсенді ингредиентін жеке-жеке қабылдау ұсынылады.

Егде жастағы пациенттер мен жастау пациенттерде ұқсас дозаларда қабылданатын амлодипиннің көтерімділігі бірдей, жақсы. Егде жастағы адамдарға әдеттегі дозалау кестелерін қолдану ұсынылады, бірақ дозасын арттырғанда сақ болу керек. Плазмадағы амлодипин мөлшерінің өзгерістері бүйрек функциясының бұзылу дәрежесімен байланысты емес. Амлодипинді организмнен диализдің көмегімен шығару мүмкін емес.

Бүйрек функциясы бұзылған (ШСЖ <60 мл/мин/1,73 м2) пациенттерге периндоприл мен алискиренді бір мезгілде қолдануға болмайды.

Бауыр функциясының бұзылуы бар пациенттер.

Бауырдың жеңілден орташаға дейінгі жеткіліксіздігі бар науқастарға арналған дозалары жөніндегі ұсынымдар анықтамалған; сондықтан, дозасын сақтықпен белгілеу, және емдеуді ұсынылған ең төменгі дозасынан бастау керек. Бауыр функциясының бұзылулары бар пациенттер үшін оңтайлы бастапқы дозасы мен демеуші дозасын анықтау үшін, амлодипин мен периндоприлдің дозасын біртіндеп, бөлек-бөлек арттыру керек. Бауырдың ауыр жеткіліксіздігі бар науқастарда амлодипиннің фармакокинетикасына зерттеулер жүргізілген жоқ.

Бауырдың ауыр жеткіліксіздігі бар науқастарға амлодипинді қабылдауды ең төменгі дозасынан бастау, содан соң оны біртіндеп және баяу арттыру керек.

Балалар және жасөспірімдер

Құрамында периндоприл мен амлодипин бар біріктірілген препаратты балалар мен жасөспірімдерге қолданбаған дұрыс, өйткені, біріктірілімдегі периндоприл мен амлодипиннің аталған жас тобы үшін тиімділігі мен қауіпсіздігі көрсетілмеген.

Өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10000, <1/1000), өте сирек (>1/10000), жиілігі анықталмаған (қолда бар деректердің негізінде даму жиілігіне баға беру мүмкін емес).

Жиі

• шығу тегі орталықтық бас айналуы, бас ауыруы, ұйқышылдық (әсіресе емдеудің басында)

• дисгевзия, парестезия, шығу тегі лабиринттік бас айналуы

• көру бұзылыстары (диплопияны қоса)

• құлақтың шыңылдауы

• жүрек қағуын сезіну

• кенеттен қызару, гипотония

• диспноэ, жөтел

• іш ауыруы, жүрек айнуы, құсу, асқазан бұзылысы, диарея, іш қатуы

• қышыну, бөртпе, экзантема

• буындардың ісінуі (тобықтың ісінуі)

• бұлшықеттердің түйілуі, ісіну, шаршау, астения

Жиі емес

• аллергиялық әсерлер

• ұйқысыздық, көңіл-күйдің өзгерістері (үрейенуді қоса), депрессия, ұйқы бұзылысы

• бұлшықеттердің тартылуы, естен тану, гипестезия

• гипотензия (және гипотензиямен байланысты әсерлер)

• ауыздың шырышты қабығының құрғауы

• беттің, аяқ-қолдардың еріннің, шырышты қабықтардың, тілдің, дауыс саңылауының және (немесе) көмейдің ангиодистрофиясы, шаш түсуі, пурпура, тері түсінің өзгеруі, шамадан тыс тершеңдік, қышыну, есекжем

• буындардың ауыруы, бұлшықеттердің ауыруы

• бұлшықеттердің түйілуі, арқаның ауыруы

• несеп шығару бұзылысы, никтурия, несеп шығарудың жиілеуі, бүйрек жеткіліксіздігі

• импотенция, гинекомастия

• кеуденің ауыруы, ауыру, дімкәстану, салмақ жоғарылауы, салмақ жоғалту

Сирек

• сананың шатасуы

• қандағы билирубин деңгейінің жоғарылауы

Өте сирек

• лейкопения/нейтропения, агранулоцитоз немесе панцитопения, тромбоцитопения, туа біткен G-6PDH жеткіліксіздігі бар пациенттердегі гемолиздік анемия, гемоглобин мөлшері мен гематокрит мәнінің төмендеуі

• гипергликемия

• стенокардия, жоғары қауіп тобындағы пациенттердегі елеулі гипотонияға қатысты салдарлы болуы мүмкін миокард инфарктісі, жүрек ырғағының бұзылулары (соның ішінде, брадикардия, қарыншалық тахикардия және жүрекшелердің фибрилляциясы), жоғары қауіп тобындағы пациенттердегі елеулі гипотонияға қатысты салдарлы болуы мүмкін инсульт, васкулит

• эозинофильді пневмония

• қызыл иек гиперплазиясы, панкреатит, гастрит, гепатит, сарғаю, цитолиздік немесе холестаздық гепатит, бауыр ферменттері белсенділігінің жоғарылауы (негізінен, холестазбен байланысты)

• Квинке ісінуі, беттің, аяқ-қолдардың, еріннің, шырышты қабықтардың, тілдің, дауыс саңылауының және (немесе) көмейдің ангиодистрофиясы, эритема, бөртпе, экзантема, есекжем, Стивен-Джонсон синдромы, эксфолиативтік дерматит, жарыққа сезімталдық

Белгісіз

• эозинофилия

• экстрапирамидалық бұзылыс (экстрапирамидалық синдром)

• қандағы мочевина мөлшерінің және қан сарысуындағы креатининнің жоғарылауы, гиперкалиемия

– белсенді заттарға, АӨФ тежегіштеріне, дигидропиридин туындыларына немесе қосымша заттардың кез келгеніне аса жоғары сезімталдық

– бүйректің ауыр жеткіліксіздігі

– анамнезінде бұның алдында АӨФ тежегіштерімен емдеумен байланысты ангионевроздық ісінудің болуы

– тұқым қуалайтын немесе идиопатиялық Квинке ісінуі

– жүктіліктің екінші және үшінші триместрлері

– ауыр гипотензия

– шок, соның ішінде кардиогендік

– сол жақ қарыншадан шығатын жолдың тарылуы (мысалы, қолқаның жоғары дәрежелі стенозы)

– жедел миокард инфарктісінен кейінгі жүректің гемодинамикалық тұрғыдан тұрақсыз жеткіліксіздігі

– диабеті немесе бүйрек функциясының бұзылуы бар (ШСЖ < 60 мл/мин/1,73 м2) пациенттерге Престозек комбиді құрамында алискирен бар препараттармен бір мезгілде қолдануға болмайды

– емдеудің экстракорпоральді түрлері, оларда қан теріс зарядталған беткеймен жанасады

– бүйрек артерияларының екі жақты елеулі стенозы немесе функциясын атқарып тұрған жалғыз бүйрек артериясының ауыр стенозы

– балалар және 18 жасқа толмаған жасөспірімдер

АӨФ тежегіштерін, ангиотензин II рецепторларының блокаторларын немесе алискиренді біріктіріп пайдалану жолымен ренин-ангиотензин-альдостерон жүйесін (РААС) қосарлы бөгеу, РААЖ-ге әсер ететін бір препаратты пайдаланумен салыстырғанда, гипотензия, гиперкалиемия және бүйрек функциясының төмендеуі (бүйрек функциясының жедел жеткіліксіздігінің дамуын қоса) сияқты жағымсыз құбылыстар жиілігінің артуымен қатар жүреді.

Калий жинақтаушы диуретиктер, калий қоспалары немесе құрамында калий бар, ас тұзының алмастырғыштары:

Сарысудағы калий концентрациясы әдетте қалыпты ауқымы шегінде қала беретіндігіне қарамастан, периндоприлді қабылдаған кейбір пациенттерде гиперкалиемия туындауы мүмкін. Калий жинақтаушы диуретиктер (мысалы, спиронолактон, триамтерен немесе амилорид), калий қоспалары немесе құрамында калий бар, ас тұзының алмастырғыштары қан сарысуындағы калийдің едәуір жоғарылауына алып келуі мүмкін. Сондықтан, периндоприл мен жоғарыда аталған препараттармен емдеу ұсынылмайды. Егер бір мезгілде қолданылуы білініп келе жатқан гипокалиемияға қатысты көрсетілсе, сақтық таныту және қан сарысуындағы калий мөлшерін жиі бақылау керек.

Литий:

АӨФ тежегіштерін бір мезгілде қолданғанда қан сарысуындағы литий мөлшерінің қысқамерзімді жоғарылауы байқалғаны және оның уыттылығының артқаны (ауыр нейроуыттылық) туралы хабарлар болған. Периндоприл мен литийді бір мезгілде қолдану ұсынылмайды. Егер ол қажет болса, қан сарысуындағы литий мөлшерін мұқият бақылау керек.

Эстрамустин:

Квинке ауруы сияқты жағымсыз реакциялар жиілігінің жоғарылау қаупі бар.

Айрықша көңіл бөлуді қажет ететін бір мезгілде қолданылуы

Тәулігіне ≤3 г дозадағы ацетилсалицил қышқылын қоса, қабынуға қарсы стероидты емес препараттар (ҚҚСП):

Егер АӨФ тежегіштері қабынуға қарсы стероидты емес дәрілік заттармен (яғни, қабынуға қарсы әсер ететін дозалардағы ацетилсалицил қышқылымен, СОХ-2 тежегіштерімен, және селективті емес ҚҚСД) бір мезгілде қолданылса, гипертензияға қарсы әсерінің әлсіреуі көрініс беруі мүмкін. АӨФ тежегіштері және ҚҚСД бір мезгілде қолдану бүйрек функциясының нашарлауы, соның ішінде бүйректің жедел жеткіліксіздігі қаупін, және әсіресе, бұрыннан бүйрек жеткіліксіздігі бар науқастардағы қан сарысуындағы калий мөлшерін арттыруы мүмкін. Мұндай біріктірілген емді әсіресе, егде жастағы адамдарға сақтықпен қолдану керек. Пациенттерді тиісінше регидратациялап отыру және қатарас ем басталғаннан кейін бүйрек функциясын бақылау мәселесін қарастыру және ары қарай осыны жүйелі түрде жүргізіп отыру керек.

Диабетке қарсы дәрілер (инсулин, гипогликемиялық сульфаниламидтер):

АӨФ тежегіштерін қолдану диабетпен науқастарда инсулиннің немесе қантты төмендететін сульфаниламидтердің гипогликемиялық әсерін арттыруы мүмкін. Гипогликемия көріністері аса сирек көрініс береді (кейіннен глюкозаға толеранттылықтың жақсаруымен жүруі мүмкін, бұл инсулин қажеттілігінің төмендеуіне алып келеді).

Бір мезгілде қолданылуын ойланып шешу керек

Диуретиктер:

Диуретиктерді қабылдап жүрген пациенттер, әсіресе, су-электролит функциясының бұзылулары бар пациенттер, АӨФ тежегішімен емделуді бастағаннан кейін артериялық қысымның елеулі төмендеуін бастан өткеруі мүмкін. Гипотензиялық әсерінің көрініс беру мүмкіндігін несеп айдайтын дәріні тоқтату, сұйықтықтар көлемін арттыру немесе периндоприлдің аздаған, біртіндеп арттырылатын дозаларымен емделуді бастар алдында тұзды қолдану арқылы азайтуға болады.

Симпатомиметиктер:

Симпатомиметиктер АӨФ тежегіштерінің гипертензияға қарсы әсерін әлсіретуі мүмкін.

Алтын:

Құрамында алтын бар препараттардың (натрий малаты ауротиотоптары) инъекциясы мен периндоприлді қоса, АӨФ тежегіштерін қабылдап жүрген пациенттерде нитраттарды енгізгеннен кейінгі симптомдарға ұқсас (беттің кенеттен қызарып кетуі, жүрек айнуы, құсу және гипотония) реакциялар байқалады.

Амлодипинмен өзара әрекеттесуі

Бір мезгілде қолданылуы ұсынылмайтындары

Дантролен (тұнба): жануарларда верапамилды және венаішілік дантроленді енгізгеннен кейін қарыншалардың фатальді фибрилляциясы және гиперкалиемиямен байланысты циркуляторлық коллапс байқалады. Гиперкалиемияның даму қаупіне байланысты, қатерлі гипертермияға бейім пациенттерге және қатерлі гипертермияны емдеуде амлодипин сияқты кальций антагонистерінің бір мезгілде енгізілуіне жол бермеу ұсынылады.

Айрықша көңіл бөлуді қажет ететін бір мезгілде қолданылуы

CYP3A4 индукторлары: CYP3A4 индукторларының амлодипинге әсері туралы қолжетімді мәліметтер жоқ. CYP3A4 индукторларын (мысалы, рифампицин, шайқурай) бір мезгілде қолдану амлодипиннің плазмадағы концентрациясының азаюын туғызуы мүмкін. Амлодипинді CYP3A4 индукторларымен пайдаланған кезде сақтық таныту керек.

CYP3A4 тежегіштері: амлодипинді CYP3A4 күшті немесе орташа тежегіштерімен (протеаза тежегіштері, имидазол азолы, эритромицин немесе кларитромицин сияқты макролидтер, верапамил немесе дилтиазем), амлодипин әсерінің елеулі жоғарылауына алып келуі мүмкін. Фармакокинетикасындағы аталған өзгерістердің клиникалық маңыздылығы егде жастағы пациенттерде жоғары болуы мүмкін. Клиникалық тұрғыдан қадағалау және дозасын түзету қажеттілігі туындауы мүмкін.

Бір мезгілде қолданылатын жағдайларын ойластырып шешу керек

Амлодипиннің қан қысымын төмендететін әсері гипотензиялық қасиеттері бар, артериялық қысымды төмендететін басқа дәрілік заттардың әсерімен бірігеді.

Басқа біріктірілген ем

Өзара әрекеттесуін клиникалық зерттеулерде амлодипин аторвастатиннің, дигоксиннің, варфариннің немесе циклоспориннің фармакокинетикасына әсер етпеген.

Амлодипинді грейпфрутпен немесе грейпфрут шырынымен қолдану ұсынылмайды, өйткені, кейбір пациенттерде амлодипиннің биожетімділігі жоғарылауы мүмкін, бұл артериялық қысымды төмендететін әсерінің интенсификациялануына алып келеді.

Симвастатин:

10 мг дозадағы амлодипин мен 80 мг дозадағы симвастатинді бір мезгілде бірнеше рет қолдану бір ғана дәрілік зат ретінде қолданылатын симвастатинмен салыстырғанда, симвастатиннің әсерінің 77%-ға жоғарылауына алып келген. Амлодипинді қабылдап жүрген пациенттерде, симвастатиннің ең жоғарғы тәуліктік дозасы 20 мг құрайды.

Құрамында периндоприл мен амлодипин бар кешенді өнімнің өзара әрекеттесуі

Айрықша көңіл бөлуді қажет ететін бір мезгілде қолданылуы Баклофен. Гипертензияға қарсы әсерінің күшеюі. Артериялық қысым мен бүйрек функциясын бақылау керек және егер қажет болса, гипертензияға қарсы препараттың дозасын сәйкесінше өзгерту керек.

Бір мезгілде қолданылатын жағдайларды ойланып шешу керек

• гипертензияға қарсы препараттар (бета-адренолитиктер сияқты) және вазодилататорлар: Аталған препараттарды бір мезгілде қолдану периндоприл мен амлодипиннің гипотензиялық әсерін күшейтуі мүмкін.

Нитроглицерин мен басқа нитраттарды немесе вазодилататорларды бір мезгілде қолдану қан қысымының ары қарай төмендеуіне алып келуі мүмкін, сондықтан, көңіл бөлмей қалмау керек.

• кортикостероидтар, тетракозактид: гипертензияға қарсы (кортикостероидтардың тұз бен суды ұстап тұруы) әсерінің әлсіреуі.

• альфа-адренергиялық рецепторларді бөгейтін дәрі-дәрмектер (празозин, алфузозин, доксазозин, тамсулозин, теразозин): гипертензияға қарсы әсерінің күшеюі және ортостатикалық гипотензияның даму қаупінің жоғарылауы.

• амифостин: амлодипиннің гипертензияға қарсы әсерін күшейтуі мүмкін.

• үшциклдық антидепрессанттар/ антипсихоздық дәрілер / анестезия кезінде пайдаланылатын препараттар: гипертензияға қарсы әсерінің күшеюі және ортостатикалық гипотензияның даму қапінің жоғарылауы.

Аса жоғары сезімталдық/Квинке ісінуі:

АӨФ тежегіштерін, соның ішінде периндоприл қабылдаған пациенттерде беттің, аяқ-қолдың, еріннің, шырышты қабықтырдың, тілдің, дауыс саңылауының және/немесе көмейдің ангионевроздық ісінуінің (Квинке ісіну) пайда болуының сирек жағдайлары тіркелді. Мұндай реакция емдеу барысында кез келген уақытта пайда болуы мүмкін. Мұндай жағдайларда препаратты қабылдауды дереу тоқтатқан және симптомдар толық жоғалғанша қажетті мониторинг жүргізген жөн. Әдетте ісіну тек бетте және ерінде болған жағдайда, антигистаминдік препараттар симптомдардан жеңілдетсе де, ол қандай да болсын ем жүргізусіз қайтты.

Көмейдің ісінуімен қатар жүретін ангионевроздық ісіну өліммен аяқталуға әкеп соғуы мүмкін. Тыныс алу жолдарының обструкциясы болуы мүмкін, тіл, дауыс саңылауы немесе көмей ісінгенде шұғыл түрде алғашқы жәрдем көрсеткен жөн. Ол адреналин тағайындауды және/немесе тыныс алу жолдарының өткізгіштігін демеуді қамтуы мүмкін. Пациент симптомдар толық және түпкілікті жоғалғанға дейін мұқият медициналық бақылауда болуы тиіс.

Престозек комбиді қабылдаған кезде ангионевроздық ісінудің даму қаупі АӨФ тежегіштерін қабылдаумен байланысты емес ангионевроздық ісінуді бастан кешкен пациенттерде жоғарылауы мүмкін.

АӨФ тежегіштерін қабылдап жүрген пациенттерде ішектің ангионевроздық ісінуі жөнінде сирек мәлімдемелер түсті. Бұл пациенттерде іштің ауыруы (жүректің айнуымен және құсумен бірге немесе оларсыз) пайда болды; кейбір жағдайларда беттің ангиоісінуі бұдан басым болған жоқ және С-1 эстераза деңгейі қалыпты болды. Квинке ісінуі диагнозы компьютерлі томографияны, ультрадыбыстық тексеруді немесе хирургиялық операцияны қамтыған емшаралар жәрдемімен қойылды; симптомдар АӨФ тежегіштерін қабылдауды тоқтатқаннан кейін басылды. Ішектің зақымдануымен Квинке ісінуін іші ауырған, АӨФ тежегіштерін қабылдап жүрген пациенттерде дифференциалды диагноз жүргізу кезінде тексерген жөн.

Тығыздығы төмен липопротеиндер (LDL) аферезі кезіндегі анафилактоидтық реакциялар:

Декстран сульфаты қосылған, тығыздығы төмен липопротеиндер аферезі кезінде АӨФ тежегіштерін қабылдаған пациенттерде өмірге қауіп төндіретін анафилактоидтық реакциялар сирек байқалады. Бұл реакцияларды әрбір аферездің алдында АӨФ тежегішін қабылдауды уақытша тоқтату арқылы болдырмауға болады.

Десенсибилизациялық ем кезіндегі анафилаксиялық реакциялар:

Десенсибилизациялық (мысалы, жарғаққанаттылардың уымен) ем кезінде АӨФ тежегіштерін қабылдаған пациенттерде анафилактоидтық реакциялар көрініс берген. Дәл осы науқастарда ондай реакциялар АӨФ тежегіштерін уақытша тоқтатқаннан кейін жоғалған, бірақ, емдеу байқаусызда қайта басталған жағдайда реакциялар қайта пайда болған.

Нейтропения/Агранулоцитоз/Тромбоцитопения/Анемия:

АӨФ тежегіштерін қабылдаған пациенттерде нейтропения/агранулоцитоз, тромбоцитопения және анемия байқалған. Бүйрек функциясы қалыпты және басқа қауіп факторларынсыз пациенттерде нейтропения сирек көрініс береді. Периндоприлді коллагенозы бар науқастарда, иммунодепрессанттарды, аллопуринолды немесе прокаинамидді қабылдап жүрген пациенттерде қолданғанда, немесе аталған оқиғалар бір мезгілде орын алса, әсіресе, егер бүйрек функциясының бұзылуы диагнозы қойылған болса, айрықша сақтық таныту керек. Аталған пациенттердің кейбіреулерінде ауыр инфекциялар дамыған, олар бірқатар жағдайларда антибиотиктермен қарқынды емдеуге реакция бермеген. Егер ондай науқастар периндоприлді қабылап жүрсе, қанның ақ жасушаларының санын жүйелі түрде анықтау, және пациентерді әрбір инфекция симптомы (мысалы, тамақтың ауыруы, дене температурасының жоғарылауы) жөнінде хабарлап отыру қажеттілігі туралы айту керек.

Гипотензия:

АӨФ тежегіштері қан қысымының төмендеуіне алып келуі мүмкін. Симптоматикалық гипотония асқынбаған артериялық гипертензиясы бар пациенттерде сирек көрініс береді, және оның пациенттерде көрініс беруі көбінесе мысалы, диуретиктерді, тұз мөлшері аз диетаны, диализді қолдану, диареялар немесе құсулар, сондай-ақ, артериялық ауыр гипертензиясы бар науқастардағы сусыздануға байланысты. Симптоматикалық гипотензияның даму қаупі жоғары пациенттерде құрамында периндоприл мен амлодипин бар біріктірілген өнімді қолданған кезде қан қысымын, бүйрек функциясын және сарысудағы калий деңгейін мұқият бақылау керек.

Сонымен қатар бұл жүректің ишемия ауруы немесе мидың қанмен қамтылуының бұзылуы бар пациенттерге де қатысты, оларда артериялық қысымның шамадан тыс төмендеуі миокард инфарктісіне немесе ми қанайналымының бұзылуына алып келуі мүмкін.

Гипотония көрініс берген жағдайда, пациентті шалқасынан жатқызу және қажет болған жағдайа, натрий хлоридінің 9 мг/мл концентрациялы (0,9%) венаішілік ерітіндісін енгізу керек. Транзиторлық гипотонияның көрініс беруі ары қарай өнімді қолдану үшін қарсы көрсетілім болып табылмайды, оны тамырішілік көлемді толықтырғаннан кейін жоғарылайтын артериялық қысым кезінде әдетте қиындықтарсыз қабылдауға болады.

Жүректің іркіліссіз жеткіліксіздігі бар кейбір, қан қысымы қалыпты немесе төмен пациенттерде, периндоприлді қолдану артериялық қысымның ары қарай төмендеуіне алып келуі мүмкін. Бұл әсері күтілетін болып табылады, және әдетте, емдеуді тоқтатуға себеп болып табылмайды. Егер гипотензия симптоматикалық түрге айналса, дозасын азайту немесе периндоприлді тоқтату қажет болуы мүмкін.

Қолқаның және митральді клапандардың стенозы /Гипертрофиялық кардиомиопатия:

АӨФ басқа тежегіштерімен жағдайдағы сияқты, периндоприлді митральді стенозы бар науқастарда және сол жақ қарыншағдан ағып шығу жолы тарылған пациенттерге, мысалы, қолқа стенозы немесе гипертрофиялық кардиомиопатия жағдайында қолданғанда сақтық таныту керек.

Бүйрек жеткіліксіздігі:

Бүйрек функциясы бұзылған жағдайда (креатинин клиренсі <60 мл/мин) жекелеген белсенді заттарының дозасын жеке-дара түзету ұсынылады. Бүйрек функциясының бұзылуы бар пациенттерде қан сарысуындағы калий мен креатинин концентрацияларын қадағалау керек.

Бүйрек артерияларының екіжақты стенозы немесе қызмет атқарып тұрған жалғыз бүйрек стенозы бар, АӨФ тежегіштерін қабылдаған кейбір пациенттерде, қандағы мочевина концентрациясы мен қан сарысуындағы креатининнің әдетте, емдеуді тоқтатқаннан кейін жоғалып кететін жоғарылауы байқалған. Бұл әсіресе бүйрек жеткіліксіздігі бар пациенттерге қатысты. Вазоренальді гипертензия жағдайында ауыр гипотензия мен бүйрек жеткіліксіздігі қаупі жоғары. Осының алдында айқын бүйрек-қантамыр ауруы болмаған, гипертония ауруы бар, кейбір пациенттерде әсіресе, егер периндоприл несеп айдайтын дәрімен бір мезгілде қолданылса, қандағы мочевина концентрациясының және қан сарысуындағы креатининнің әдетте, елеусіз және өтпелі жоғарылауы орын алған. Мұндай бұзылыстардың пайда болу ықтималдығы бүйрек функциясының бұзылуы бұрыннан бар пациенттерде көбірек. Несеп айдайтын дәріні және (немесе) периндоприлдің дозасын азайту және (немесе) қабылдауды тоқтату қажеттілігі туындауы мүмкін.

Бауыр жеткіліксіздігі:

АӨФ тежегіштерінің холестаздық сарғаюмен басталатын және бауырдың қауырт некрозына және (кейде) өлімге алып келетін синдроммен байланысты болуы сирек. Бұл синдромның механизмі анықталмаған. АӨФ тежегіштерін қабылдап жүрген, сарғаю немесе бауыр ферменттері белсенділігінің едәуір жоғарылауы пайда болған пациенттерге, АӨФ тежегішін қабылдауды тоқтату және сәйкесінше ем қолдану керек.

Нәсіл:

АӨФ тежегіштері басқа нәсілді пациенттердегіге қарағанда, қара нәсілді пациенттерде ангионевроздық ісінуді жиірек туғызады.

АӨФ басқа тежегіштерімен жағдайдағы сияқты, периндоприлдің басқа нәсілді пациенттердегіге қарағанда, қара нәсілді пациенттерде қан қысымын төмендетудегі тиімділігі аздау болуы мүмкін, бұл гипертониясы бар, қара нәсілді адамдар популяциясында ренин белсенділігінің аса төмендігінен болуы ықтимал.

Жөтел:

АӨФ тежегіштерін қабылдап жүрген пациенттерде жөтел көрініс береді. Ол құрғақ, тұрақты болуымен сипатталады және емдеуді тоқтатқаннан кейін басылады. Жөтелдің дифференциалдық диагностикасы жағдайында АӨФ тежегішінен туындаған жөтелді ескеру керек.

Хирургиялық араласымдар/Анестезия:

Ауқымды хирургиялық араласымды немесе гипотензия туғызатын дәрілермен жансыздандыруды бастан өткерген пациенттерде, амлодипинмен біріктірілген периндоприл, рениннің компенсациялық босап шығуына қатысты ангиотензин II қайтадан бөгеуі мүмкін. Емдеу операцияға дейін бір күн бұрын тоқтатылуы тиіс. Егер гипотензия көрініс берсе және оның пайда болу механизмі де анықталатын болса, онда оны тамырішілік көлемді ұлғайту жолымен түзетуге болады.

Гиперкалиемия:

Периндоприлді қоса, АӨФ тежегіштерін қабылдап жүрген кейбір пациенттерде қан сарысуындағы калийдің жоғарылағаны байқалған. Гиперкалиемия дамуының қауіп факторларына бүйрек жеткіліксіздігі, бүйрек функциясының нашарлауы, жас шамасы (>70 жас), қант диабеті, қатарлас бұзылыстар, атап айтқанда, сусыздану, жүрек жеткіліксіздігінің жедел декомпенсациясы, метаболизмдік ацидоз және калий жинақтаушы диуретиктерді (например, спиронолактон, эплеренон, триамтерен немесе амилорид), калий қоспалары, құрамында калий бар тұз алмастырғыштар, сондай-ақ, қан сарысуындағы калийдің жоғарылауын туғызатын басқа препараттар (мысалы, гепарин) қатарлас қолдану жатады.

Калий қоспаларын, калий жинақтаушы диуретиктер препараттарын немесе құрамында калий бар, ас тұзының алмастырғыштарын әсіресе, бүйрек функциясы бұзылған науқастарда қолдану қан сарысуындағы калийдің елеулі жоғарылауына алып келуі мүмкін. Гиперкалиемия ауыр, кейде өлімге соқтыратын аритмияны туғызуы мүмкін. Егер периндоприл мен аталған препараттардың кез келгенін бір мезгілде қолдану қажет болса, сақ болу және сарысудағы калий концентрациясын жүйелі түрде анықтап отыру керек.

Қант диабеті бар пациенттер:

Қант диабеті бар, диабетке қарсы оральді препараттарды немесе инсулинді қабылдаған пациенттерге АӨФ тежегішімен емдеудің алғашқы айы бойына глюкоза деңгейін мұқият қадағалау керек.

Бүйрек трансплантациясынан кейінгі жағдай:

Жуырда бүйрек трансплантациясын өткерген науқастарда периндоприлдің қолданылу тәжірибесі жоқ.

Гемодиализдегі пациенттер:

АӨФ тежегішін қабылдау кезінде жоғары ағынды жарғақшалар пайдаланылатын диализ жүргізілетін пациенттерде анафилактоидтық реакциялар анықталды. Аталған науқастарға қатысты диализ жарғақшаларының басқа типін немесе гипертензияға қарсы препаратардың басқа класын пайдалануды қарастыру керек.

Жүректің тұрақты ишемиялық ауруы:

Егер периндоприлді қабылдаудың алғашқы айында тұрақсыз стенокардия көріністері (ауырлық дәрежесіне байланыссыз) орын алса, емдеуді жалғастырмас бұрын пайдасы мен қаупін мұқият бағалау керек.

Ренин-ангиотензин-альдостерон жүйесінің (РААЖ) қосарлы блокадасы:

АӨФ тежегіштерін, ангиотензин II рецепторларының антагонистерін немесе алискиренді бір мезгілде қолдану гипотензия, гиперкалиемия мен бүйрек жеткіліксіздігінің (соның ішінде, бүйректің жедел жеткіліксіздігінің) даму қаупін арттыратындығына дәлелдер бар. Сондықтан, АӨФ тежегіштерін, ангиотензин II рецепторларының антагонистерін немесе алискиренді бір мезгілде қолдану арқылы РААЖ қосарлы блокадасын қолдану ұсынылмайды.

Егер РААЖ қосарлы блокадасын қолдану аса қажет деп табылса, оны міндетті түрде маманның қадағалауымен жүргізу және пациенттің бүйрек функциясы, электролиттер концентрациясы және қан қысымы сияқты өмірлік маңызы бар параметрлерін мұқият бақылау керек.

Диабеттік нефропатиясы бар пациенттер АӨФ тежегіштері мен II ангиотензин рецепторлары антагонистерін бір мезгілде қолданбауы керек.

Амлодипинге қатысты ескертулер

Амлодипиннің гипертониялық криз кезіндегі қауіпсіз қолданылуы мен тиімділігі анықталған жоқ.

Жүрек жеткіліксіздігі бар пациенттерде қолданылуы:

Жүрек жеткіліксіздігі бар пациенттерді емдеуде сақтық таныту керек.

Жүректің ауыр жеткіліксіздігі бар (NYHA (Нью-Йорк кардиология қауымдастығы) сәйкес III және IV класс) пациенттердегі плацебо бақыланатын ұзақмерзімді зерттеуде амлодипинді қабылдаған топта өкпе ісінуінің көрініс беру жиілігі плацебо тобындағыға қарағанда жоғары болды. Кальций антагонистерін, соның ішінде амлодипинді жүректің іркілісті жеткіліксіздігі бар науқастарға сақтықпен қолдану керек, өйткені олар болашақтағы жүрек-қантамыр жағдайлары мен өлім қаупін арттыруы мүмкін.

Бауыр функциясының бұзылулары бар пациенттерде қолданылуы:

Бауыр функциясы бұзылған пациенттерде амлодипиннің жартылай шығарылу кезеңі ұзарады, ал АУК мәні жоғарылайды; дозасы жөнінде ұсынымдар берілмеген. Сол себепті, амлодипинді қолдануды ұсынылған ең төмен дозасынан бастау керек және емдеудің басында да, дозасын арттырғанда да сақтық таныту керек. Бауырдың ауыр жеткіліксіздігі бар пациенттерде дозасын қатаң бақылаумен баяу, біртіндеп арттыру қажеттілігі туындауы мүмкін.

Егде жастағы пациенттерде қолданылуы:

Егде жастағы пациенттерде дозасын арттырған кезде сақтық таныту керек.

Бүйрек жеткіліксіздігі кезінде қолданылуы:

Мұндай пациенттерге амлодипинді әдеттегі дозаларында қолдануға болады. Амлодипиннің плазмадағы концентрациясының өзгерістері бүйрек жеткіліксіздігінің дәрежесімен өзара байланысты емес. Амлодипинді организмнен диализдің көмегімен шығару мүмкін емес.

Құрамында периндоприл мен амлодипин бар біріктірілген препаратқа қатысты ескертулер

Жоғарыда айтылып кеткендей, жекелеген компоненттеріне қатысты барлық ескертулер, құрамында периндоприл мен амлодипин бар кешенді өнімге қатысты да қолданылады.

Жүктілік және лактация кезеңі

Жүктіліктің алғашқы триместрінде АӨФ әсер етуінен кейінгі тератогенділік қаупіне қатысты эпидемиологиялық мәліметтер нақты болмаған, бірақ, қауіптің аздап жоғарылайтындығын жоққа шығаруға болмайды. Егер АӨФ тежегіштерімен емдеуді жалғастыру қажет болмаса, жүктілікті жоспарлап жүрген пациент әйелдерге, жүкті әйелдердегі қауіпсіздік бейіні анықталған, гипертензияға қарсы баламалы ем қолданылуы тиіс. Жүктілік расталғаннан кейін, АӨФ тежегіштерін қолдануды дереу тоқтату, қажет болған жағдайда, басқа емді бастау керек.

АӨФ тежегіштерінің жүктіліктің екінші және үшінші триместрлерінде әсер етуі шарана организміне уытты әсерін (бүйрек функциясының төмендеуі, су аздығы, бассүйектің сүйектенуінің баяулауы) және неонатальді уыттылықты (бүйрек жеткіліксіздігі, гипотензия, гиперкалиемия) туғызатыны белгілі.

АӨФ тежегіштері жүктіліктің екінші және үшінші триместрі кезінде әсер еткен жағдайда, бүйрек пен бассүйекке УДЗ жүргізу ұсынылады.

Аналары АӨФ тежегіштерін қабылдаған нәрестелерді гипотензия мүмкіндігіне байланысты мұқият бақылау керек.

Амлодипинмен өзара әрекеттесуі

Амлодипиннің жүкті әйелдерде қолданылуының қауіпсіздігі анықталмаған.

Жоғары дозаларын қолданғаннан кейін ұрпақ өрбіту қабілетіне зиянды әсер еткені байқалған. Амлодипинді жүктілік кезінде тек, егер бұдан басқа қауіпсіздеу емі болмаған кезде, және негізгі ауру ана мен шарана үшін үлкен қауіп төндірмеген жағдайда ғана қолдануға болады.

Лактация

Периндоприлмен өзара әрекеттесуі

Периндоприлдің бала емізу кезінде қолданылуы жөнінде мәліметтердің жоқтығына байланысты, аталған кезеңде периндоприлді қолдану ұсынылмайды. Емдеудің басқа әдістері, әсіресе, жаңа туған нәрестені немесе шала туған баланы емшекпен қоректендіру жағдайында бала емізу кезіндегі қауіпсіздік бейіндері өте жақсы әдістер ұсынылады.

Амлодипинмен өзара әрекеттесуі

Амлодипиннің емшек сүтіне бөлінетін-бөлінбейтіндігі белгісіз. Емшекпен қоректендірудің бала үшін артықшылықтарын және амлодипинмен емдеудің анасы үшін пайдасын ескере отырып, амлодипинмен емдеуді жалғастыру немесе тоқтату керектігін шешу қажет.

Фертильділік:

Кальций антагонистерін қабылдаған кейбір пациенттерде сперматозоидтардың басындағы қайтымды биохимиялық өзгерістер тіркелген. Амлодипиннің фертильділікке әсер ету ықтималдығы жөніндегі клиникалық мәліметтер жеткіліксіз.

Дәрілік заттың көлік құралын және қауіптілігі зор механизмдерді басқару қабілетіне ықпал ету ерекшеліктері

Құрамында периндоприл мен амлодипин бар біріктірілген препараттың көлік құралдарын басқару және механизмдермен қызмет атқару қабілетіне ықпалын зерттеулер жүргізілімеген. Амлодипиннің көлік құралдарын басқару және механизмдермен қызмет атқару қабілетіне ықпалы орташа немесе елеусіз. Егер пациент бас айналуын, бас ауыруын, шаршау, қажу немесе жүрек айнуын сезінсе, реакцияға қабілеттілігі төмендеуі мүмкін. Әсіресе, емдеудің басында сақтық таныту керек.

Симптомдары: гипотензия, циркуляторлық шок, электролиттік теңгерімнің бұзылулары, бүйрек жеткіліксіздігі, гипервентиляция, тахикардия, жүрек қағуының күшеюі, брадикардия, бас айналуы, үрейлену және жөтел.

Емі: натрий хлоридінің физиологиялық ерітіндісін вена ішіне енгізу. Гипотензия дамыған жағдайда пациентті шокқа қарсы жағдайға келтіріп жатқызу (аяқтарын жүрек деңгейінен жоғары 20-30 см-ге көтеріп, шалқасынан жатқызу). Мүмкіндігінше ангиотензин II инфузиясын және/немесе катехоламиндерді вена ішіне енгізуді бастаған жөн. Периндоприл гемодиализ кезінде жүйелік қан айналымынан шығарылуы мүмкін. Емдеуге резистентті брадикардия жағдайында электрокардиостимуляция жүргізу қолданылады. Өмір сүру қызметінің негізгі көрсеткіштерін, сарысудағы креатинин және электролиттер деңгейін үнемі бақылап отыру керек.

Шығарылу түрі және қаптамасы

Полиамид/алюминий/поли-винилхлоридті үлбір мен алюминий фольгадан жасалған пішінді ұяшықты қаптамада 10 таблеткадан.

3 пішінді қаптама медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынады.

Түпнұсқалық қаптамасында 250С-ден аспайтын температурада сақтау керек. Балалардың қолы жетпейтін жерде сақтау керек!

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

Pharmaceutical Works Polfa in Pabianice Joint-Stock Co.

марш. Пилсудский к-сі 5, 95-200 Пабянице, Польша

Тіркеу куәлігінің ұстаушысы

Adamed Pharma S.A.

Пенькув, Мариан Адамкевич к-сі 6А, 05-152 Чоснув, Польша

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Адамед Фарма» АҚ ҚР өкілдігі 050009, Алматы қ., Бөгенбай батыр к-сі, 150 үй, «Қадам Инвест» бизнес орталығы, 9 қабат. Тел.: +7(727) 2776977, е-mail: info.kz@adamed.com