Преднизолон (5 мг)

МНН: Преднизолон
Производитель: Пабяницкий фармацевтический завод Польфа АО
Анатомо-терапевтическо-химическая классификация: Prednisolone
Номер регистрации в РК: № РК-ЛС-5№001162
Период регистрации: 06.06.2016 - 06.06.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 7.01 KZT

Инструкция

Саудалық атауы

Преднизолон

Халықаралық патенттелмеген атауы

Преднизолон

Дәрілік түрі

5 мг таблеткалар

Құрамы

Бір таблетканың құрамында

белсенді зат: 5 мг преднизолон,

қосымша заттар: картоп крахмалы, магний стеараты, лактоза,

фармацевтикалық желатин.

Сипаттамасы

Д өңгелек пішінді, жалпақ беткейлі, бір жағында өрнегі бар, ақ немесе ақ дерлік түсті таблеткалар.

Фармакотерапиялық тобы

Жүйелік пайдалануға арналған кортикостероидтар. Глюкокортикостероидтар. Преднизолон.

АТХ коды Н02АВ06

Фармакологиялық қасиеттері

Фармакокинетикасы

Ішу арқылы қабылдаудан кейін преднизолон биожетімділігі 70-90% құрайды. Ас ішу бастапқы фазада преднизолон сіңуін баяулатады, бірақ дәрілік заттың жалпы биожетімділігіне ықпал етпейді. Плазмада ең жоғары концентрациясы 1-2 сағат ішінде байқалады.

Преднизолон плазма ақуыздарымен, ең алдымен, глобулиндермен, аз дәрежеде альбуминдермен байланысады. Глюкокортикостероидтардың глобулиндермен қосылыстары үлкен ұқсастығымен, бірақ керісінше альбуминдермен қосылу байланыстарының аз көлемімен сипатталады. Преднизолонның бос фракциясының таралу көлемі шамамен 1,5 л/кг құрайды.

Преднизолон, ең алдымен, бауырда, аз дәрежеде бүйректе метаболизденеді. Плацентарлық бөгет арқылы өтеді. Преднизолон дозасының 1%-дан азы емшек сүтіне бөлінеді.

Преднизолонның жартылай шығарылу кезеңі плазмада 2,1-3,5 сағат, тіндерде 18-36 сағат құрайды. Белсенді емес метаболиттер түрінде, сондай-ақ аздаған мөлшерде өзгеріссіз күйде несеппен шығарылады. Әсер ету ұзақтығы 1,25 күннен 1,5 күнге дейін созылады.

Фармакодинамикасы

Преднизолон айқын қабынуға қарсы, аллергияға қарсы, иммунодепрессиялық әсері бар синтетикалық глюкокортикостероид болып табылады. 5 мг преднизолон 4 мг метилпреднизолонға немесе 0,75 мг дексаметазонға, 0,6 мг бетаметазонға және 20 мг гидрокортизонға тең қабынуға қарсы әсер көрсетеді.

Оның минералокортикоидты әсері гидрокортизон белсенділігінің 60% шамасын құрайды. Преднизолон қабыну үдерісінің дамуын оның себебіне әсер етпестен кідіртеді. Қабыну ошағында макрофагтардың, лейкоциттердің және басқа жасушалардың жиналуын тежейді. Фагоцитозды, лизасомалық энзимдердің босап шығуын, сондай-ақ қабыну медиаторларының синтезі мен босап шығуын бәсеңдетеді. Қылтамырлардың кеңеюі мен өткізгіштігін, лейкоциттердің қылтамырлар эндотелийіне адгезиясын азайтады. Лейкоциттердің көшуін тежейді.

Липомодулин синтезін жеделдетіп, фосфолипаза A2 тежейді, бұл простагландиндер мен лейкотриендер синтезінің бәсеңдеуіне әкеледі.

Преднизолон жасушалық иммунологиялық реакцияларды, сондай-ақ иммунологиялық жауаппен байланысты спецификалық механизмдерді тежейді. T-лимфоциттер, моноциттер және қышқыл сіңіретін гранулоциттер санын азайтады.

Сонымен бірге, иммуноглобулиннің жасушалар беткейіндегі рецепторларға қосылуын азайтады және T-лимфоциттер бластогенезін азайту және ерте иммунологиялық жауапты азайту жолымен интерлейкиндер синтезін немесе босап шығуын тежейді. Иммунологиялық кешендердің жасуша арқылы тасымалдануын тежеп, антиденелер синтезін азайтуы да мүмкін.

Преднизолон дистальді бүйрек өзекшелеріне әсер ету арқылы натрийдің қайта сіңірілуін, калий мен сутегінің шығарылуын, сондай-ақ су ретенциясын арттырады. Басқа секреторлық жасушалардағы катиондар тасымалына ықпал етуі ұқсас. Аз дәрежеде жуан ішектен су мен электролиттердің, тер және сілекей бездерінің шығарылуына ықпал етеді. Преднизолон жағдайында бұл әсері оны «Қолдануға болмайтын жағдайлар» бөліміне қосуға негіз болып табылмайды.

Гипофиз адренокортикотропты гормон секрециясын тежеп, бұл бүйрек үсті бездері қыртысында кортикостероидтар мен андрогендердің аз өндірілуіне әкеледі.

Бүйрек үсті бездері қыртысы жеткіліксіздігінің дамуы мен оның функциясының жаңғыру уақыты, бәрінен бұрын, емдеу ұзақтығына және аз дәрежеде преднизолон дозасына, уақытына және қабылдау жиілігіне, сондай-ақ препараттың жартылай шығарылу кезеңіне байланысты. Бүйрек үсті бездерінің жеткіліксіздігі 20-30 мг преднизолонды ішке қабылдаудан кейін шамамен 5-7 күн, ал аз дозаларын қабылдаған жағдайда шамамен 30 күн ішінде басталуы мүмкін. Ұзаққа созылмайтын емнен кейін (5 күнге дейін) преднизолонның үлкен дозаларын қабылдауды тоқтатқан жағдайда бүйрек үсті бездері функциясының қалыпқа келуі шамамен апта өткенде басталуы мүмкін. Ұзақ уақыт көп дозаларын қабылдаудан кейін бүйрек үсті бездері функциясының қалыпқа келуі шамамен бір жыл ішінде басталуы, ал кейбір пациенттерде ешқашан басталмауы мүмкін.

Преднизолон ақуыздар катаболизмін күшейтеді және амин қышқылдары метаболизміне қатысатын энзимдерді индукциялайды. Ақуыздар синтезін тежейді және олардың лимфоидты, дәнекер, бұлшықет тініндегі және терідегі ыдырауын күшейтеді. Ұзақ уақыт қолдану осы тіндердің ыдырауына әкелуі мүмкін.

Бауырда глюконеогенез энзимдерін индукциялау, ақуыздар катаболизмін жеделдету (бұл глюконеогенезге қатысатын амин қышқылдарының санын көбейтеді) және тіндерде глюкозаның жұмсалуын азайту арқылы глюкоза жетімділігін арттырады. Бұл бауырда гликогеннің жиналуына, қанда глюкоза концентрациясының ұлғаюына және инсулинге төзімділіктің артуына алып келеді.

Преднизолон липолизді күшейтеді және май тінінен май қышқылдарын шоғырландырады, бұл плазмадағы май қышқылдарының концентрациясын арттырады. Ұзақ уақыт емделгенде май көбінесе дененің жоғарғы жартысында жиналумен қайта таралады. Плазмада кальций концентрациясын төмендетеді, балалар мен жасөспірімдерде сүйектердің өсу кідірісін және кез келген жаста остеопороз дамуын туындатады.

Эндо- және экзогенді катехоламиндер әсерін күшейтеді.

Қолданылуы

Глюкокортикостероидтармен жүйелі емдеуді талап ететін аурулар:

  • бүйрек үсті бездерінің бастапқы және салдарлы жеткіліксіздігі, соның ішінде Аддисон ауруы, адреногенитальді синдром

  • тиреоидит (іріңді емес)

  • басқа ем әдістеріне берілмейтін ауыр сипатта өтетін аллергиялық аурулар: сарысу құю ауруы, дәрілік препараттарға жоғары сезімталдық реакциялары, жыл бойғы немесе маусымдық аллергиялық ринит, ангионевроздық ісіну

  • ревматизм, ревматоидты артрит, ревматизмдік миокардит, дерматомиозит, жүйелік қызыл жегі, аса ірі жасушалық гранулематозды мезоартериит, түйінді периартериит, қайталанатын полихондрит, шорбуынданатын спондилит, псориаздық артрит

  • васкулит, ауыр дәрежедегі себореялық дерматит, ауыр дәрежедегі полиморфты эритема (Стивенс-Джонсон синдромы), атопиялық жанаспалы және эксфолиативті дерматит, сулы бөртпе, ойық жаралы колит, Крон ауруы

  • аутоиммундық гемолиздік анемия, туа біткен апластикалық анемия, ересектердегі салдарлы тромбоцитопения, ересектердегі идиопатиялық тромбоцитопениялық пурпура (Верльгоф ауруы), жедел немесе созылмалы лимфобластты лейкемия, лимфогранулематоз

  • нефроздық синдром

  • өршу фазасындағы шашыраңқы склероз

  • басқа дәрілермен емдеуге берілмейтін Леффлер синдромы, аспирациялық пневмония, симптоматикалық саркоидоз, бронх демікпесі, бериллиоз

  • ирит, көру жүйкесінің невриті, иридоциклит, увеит, ретинит, хориоидит, торқабықтың симпатикалық қабынуы, склерит, кератит (герпес жұқтырумен немесе зең жұқтырумен байланысты емес)

Қолдану тәсілі және дозалары

Доза ауру типіне және емдеуге болатын реакцияға қарай әркімге жеке тағайындалады. Дозаны мезгіл-мезгіл бағалау қажет, өйткені негізгі аурудың айқындылығы өзгеруі мүмкін немесе ем кезінде асқыну дамуы мүмкін. Қалаулы нәтижеге жеткен соң дозаны ең төмен тиімдісіне дейін біртіндеп азайту керек.

Егер преднизолонмен ұзаққа созылатын ем (әдетте 3 аптадан аса) тоқтатылуы тиіс болса, тоқтатуды біртіндеп және «тоқтату синдромынан» сақтану үшін қадамдап атқару қажет. Емді күрт тоқтату өліммен аяқталуға әкелуі мүмкін. Дозаның шамасына, ем ұзақтығына, пациенттің негізгі ауруына және пациенттің емдеуге жекеше реакциясына қарай апталар немесе тіпті айлар бойы азайту керек. Преднизолонмен 3 аптадан аз жүргізілген емді күрт тоқтатудың пациенттердің көпшілігінде гипоталамус-гипофиз-бүйрек үсті бездері жүйесінің клиникалық мәнді бәсеңдеуіне әкелу ықтималдығы аз, алайда кортикостероидтарға болатын реакцияның және оларды тоқтату көтерімділігінің кең ауқымда өзгеруі мүмкін екенін ескеру керек. Осылайша, қысқа курстардан соң препараттарды тоқтатқанда және адренокортикальді жеткіліксіздік дамуының басқа қауіп факторлары бар пациенттерде де жоғарырақ дозаларын қабылдағанда дозаны біртіндеп азайту мәселесін қарастыру қажет.

Дозалау режимі дозаны біртіндеп азайту кезінде әркімге жеке таңдалуы тиіс. Пациенттердің көпшілігінде преднизолон дозасын тәулігіне 5-10 мг дозаға жеткізгенше әр 3-7 күн сайын 2,5 мг азайту жақсы көтерімді. Одан жоғары дозаларын 9-12 ай ішінде біртіндеп азайту керек.

Қолдану тәсілі: тамақтанудан кейін аздаған сұйықтық мөлшерімен бірге ішке қабылданады.

Ересектер: емдеу бағытталған ауруға байланысты, әдетте, тәулігіне 5 мг-ден 60 мг дейін. Преднизолонды тәуліктік ырғаққа сәйкес қабылдау ұсынылады, таңертеңгі сағаттарда үлкен (немесе бүкіл) доза тағайындалады.

Пациенттердің ерекше топтарына арналған дозалар

Гипотиреозбен пациенттерде дозалануы: гипотиреозбен науқастарда дозаны азайту қажет болуы мүмкін.

Бауыр функциясының бұзылуы бар пациенттерде дозалануы: бауыр функциясы бұзылған пациенттерде гипоальбуминемия себебінен ақуыздармен төмен байланысуы салдарынан ауыр жағымсыз реакциялардың дамуы ықтималдырақ. Дозаны түзету қажет болуы мүмкін.

Бүйрек функциясының бұзылуы бар пациенттерде дозалануы: бүйрек жеткіліксіздігінен зардап шегетін пациенттерде дозаны түзету қажет емес.

Егде жастағы пациенттерде дозалануы: дозаны түзету қажет емес, алайда кортикостероидтарды ұзақ уақыт қолданудың егде жастағы пациенттерде қант диабетінің, артериялық гипертензияның, іркілісті жүрек ауруларының, остеопороз немесе депрессияның өршуін, сондай-ақ инфекцияларға сезімталдықтың артуын, гипокалиемия, терінің жұқаруын туындатуы мүмкін екенін ескеру керек.

Балаларға арналған дозалары: балаларда қолдану тәжірибесі жоқ. Балалар өсу кідірісіне қатысты қауіпке ерекше бейім болып саналады, сондықтан препаратты пайдалану көрсетілімі балалардың жағдайын ерекше қатаң бағалауды талап етеді.

Балалардағы өсу кезеңінде емдеу негізінен мезгіл-мезгіл немесе үзілістермен болуы тиіс. Дозаны қанағаттанарлық клиникалық жауапты қамтамасыз ететін және ең аз жағымсыз әсерлерді туындататын дозаға дейін азайту қажет болып табылады.

Преднизолон дозасы, әдетте, 0,14-2 мг/кг/тәулік құрайды. Ең аз тиімді дозасы, әдетте, клиникалық жауапқа қарай белгіленеді.

Жағымсыз әсерлері

Өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10000, <1/1000), өте сирек (<1/10000), белгісіз (қолда бар деректер негізінде бағалау мүмкін емес).

Жалпы, гипоталамус-гипофиз-бүйрек үсті безі жүйесінің бәсеңдеуін қоса, болжанатын жағымсыз әсерлердің даму жиілігі дозаға, қабылдау уақытына және емдеу ұзақтығына байланысты. Егер, мүмкіндігінше, ең аз уақыт кезеңінде ең төмен тиімді доза пайдаланылса, жағымсыз әсерлерді жоққа тән азайтуға болады.

Өте жиі

  • инфекцияға жоғары сезімталдық, бұрыннан бар инфекцияның өршуі, жасырын инфекцияның белсенділенуі және инфекция симптомдарының бүркемеленуі (преднизолонның иммуносупрессиялық және

қабынуға қарсы әсерінің салдарынан)

  • эозинофилдер мен лимфоциттер санының азаюы

  • бұрыннан бар аурудың бүркемеленуі немесе өршуі

  • преднизолонды ішу арқылы тұрақты қолдану кезінде бүйрек үсті бездерінің жеткіліксіздігі (гипоталамус жұмысының бәсеңдеуінен басталатын және бүйрек үсті бездері қыртысының нағыз атрофиясымен аяқталатын), бүйрек үсті бездері жеткіліксіздігі салдарынан болатын тоқтату синдромы (бас ауыру, жүрек айну, бас айналу, анорексия, әлсіздік, эмоциялық орнықсыздық, апатия және стресс жағдайларына талапқа сай емес реакция), инсулинге төмен сезімталдықпен «стероидты қант диабеті», қант диабетінен зардап шегіп жүрген пациенттерде қандағы қант деңгейінің жоғарылауы (100%), өсу гормоны секрециясының бұзылуы және оған сезімталдықтың төмендеуі нәтижесінде балаларда өсудің кідіруі

  • көзішілік қысымның көтерілуі (ішу арқылы препаратпен ем алған 40% дейінгі пациенттерде), катаракталар (препаратпен ұзақ уақыт ішу арқылы емдегенде 30% дейінгі пациенттерде)

  • өкпе абсцессі (12%)

  • ауыз қуысының кандидозы, әсіресе онкологиялық аурулармен

науқастарда (33%)

  • шырышты қабықтардың зеңді инфекциялары (30%)

  • жоғары дозалармен емдеу кезінде арқаның ауыруымен, қимыл-қозғалыс шектелісімен, жедел ауыру, омыртқа бағандарының компрессиялық сынуларымен және өсудің азаюымен, ұзын сүйектер сынуларымен (ішуге арналған препаратпен ұзақ уақыт емдегенде 25%), миопатиямен (10%) көрініс беретін остеопороз

Жиі

  • лейкоциттер мен тромбоциттер cанының көбеюі

  • Кушинг синдромы, физиологиялық тұрғыдан жоғары ішуге арналған дозаларды (әдетте, тәулігіне 50 мг-ден көп) тұрақты қабылдағанда майдың жиналу сипатының өзгеруін (ай тәріздес бет, дененің семіруі, «өгіз өркеш») қоса, натрий кідірісі және калийдің шығарылуы салдарынан болатын гипокалиемия, бала туу жасындағы әйелдердегі аменорея, ішке қабылданатын жоғары дозалармен емдеу кезіндегі холестерин, триглицеридтер мен липопротеиндер деңгейінің жоғарылауы, тәбеттің жоғарылауы және салмақтың артуы

  • эйфория, депрессия, психоз (кортикостероидтармен индукцияланған)

  • гипертензия (сұйықтық іркілісіне әкелетін натрий кідірісі салдарынан), іркілісті жүрек жеткіліксіздігінің өршуі (натрий іркілісі нәтижесінде)

  • туберкулездің жоғары даму қаупі

  • асқазан-ішек тесілулерінің, колит, илеит, дивертикулиттің даму

қаупінің артуы және симптомдарының күшеюі

  • созылу, безеу тәрізді бөртпе, көгерулердің түзілуі, дерматит, экхимоз, бет эритемасы, атрофия, гирсутизм, жаралардың баяу жазылуы, қатты терлеу, телеангиэктазиялар және терінің жұқаруы, бұрыннан бар тері ауруларының бүркемеленуі немесе нашарлауы

  • түнгі несеп шығару жиілігінің артуы

Жиі емес

  • аллергиялық реакциялар

  • ішуге арналған аз дозалармен емдеу кезіндегі қант диабеті (<1%), ішуге арналған төмен дозалармен емдеу кезіндегі холестерин,

триглицеридтер мен липопротеиндер деңгейінің жоғарылауы

  • ұйқысыздық, көңіл-күйдің құбылуы, тұлғаның өзгеруі, мания және елестеулер

  • тыныс алу бұлшықеттерінің миопатиясы

  • ацетилсалицил қышқылын немесе қабынуға қарсы стероидты емес дәрілерді (ҚҚСД) бір мезгілде қабылдау кезіндегі асқазанның немесе он екі елі ішектің ойық жаралары, асқазан-ішектен қан кетулер (0,5%), асқазан-ішек тесілулері

  • сүйек тінінің асептикалық некрозы

  • кальций мен фосфаттың жоғары экскрециясы салдарынан болатын несеп тастары

Сирек

  • қан ұюының жоғарылауы салдарынан болатын тромбоз қаупі

  • қалқанша без функциясының өзгеруі

  • церебральді малярия кезінде команың болжамды ұзаққа созылуы,

когнитивтік бұзылулар (мысалы, нашар жады), деменция,

эпидуральді липоматоз

  • бір мезгілдегі көздің герпестік инфекциясы кезінде көздің мөлдір

қабығының жоғары бұзылу қаупі (осы инфекцияның бүркемеленуіне орай), глаукома (препаратпен ұзақ уақыт ішу арқылы емделу кезінде)

Өте сирек

  • кетоацидоз және гиперосмолярлы кома, жасырын гиперпаратиреоз көрінісі, порфирияларға бейімділік, ісік лизисі синдромы, жыныс гормоны секрециясының бұзылуы (етеккір бұзылыстары, гирсутизм, импотенция)

  • жасырын эпилепсия көрінісі, жалған ми ісігі (бас ауыру, анық көрмеу және көрудің бұзылуы сияқты симптомдары бар қатерсіз

бассүйекішілік гипертензия)

  • экзофтальм (ұзақ емдеуден кейін)

  • жүрек қызметінің төмендеу қаупімен болатын кардиомиопатия,

гипокалиемия салдарынан болатын аритмиялар, тамыр коллапсы

  • панкреатит (жоғары дозалармен ұзақ уақыт емделуден кейін)

  • эпидермалық некролиз, Стивенс-Джонсон синдромы

  • ахилл сіңірінің және тізе үсті сіңірінің тендинопатиясы

Белгісіз

  • атеросклероз және тромбоздың жоғары даму қаупі, васкулит (ұзақ уақыт емдеуден кейін тоқтату синдромы сияқты болуы да мүмкін)

  • өңеш ойық жарасы мен кандидозы

  • бұлшықет атрофиясы, сіңірлер аурулары, тендинит, сіңірлердің

үзілуі

  • жараның баяу жазылуы, тәбеттің бұзылуы

Ескертпе:Ұзақ уақыт емдеуден кейін дозаны шектен тыс тез азайтқанда бұлшықет және буын ауыруы, қызба, ринит, конъюнктивит және салмақ жоғалту сияқты мәселелер дамуы мүмкін.

Қолдануға болмайтын жағдайлар

  • препараттың белсенді затына немесе қосымша компоненттеріне

жоғары сезімталдық

  • қазіргі кезде орын алған немесе таяуда өткерілген паразиттік және вирустық, зеңдік немесе бактериялық тектегі инфекциялық аурулар: қарапайым герпес, офтальмологиялық герпес, белдемелі герпес (виремиялық фаза), желшешек, қызылша, амебиаз, стронгилоидоз (анықталған немесе күдік тудыратын), жүйелік микоз, белсенді және жасырын туберкулез

  • жүктілік

  • тірі вирустық немесе бактериялық вакциналармен вакцинация

  • ауыр миопатия (жүктілер миастениясын қоспағанда)

  • психиатриялық сыртартқы

  • созылмалы белсенді гепатит (Нbs Ag-оң реакциясымен)

  • глаукома

  • БЦЖ екпесінен кейінгі лимфаденит

  • вакцина алдындағы және одан кейінгі кезең (вакцинацияға дейінгі

8 апта және одан кейінгі 2 апта)

  • АИТВ инфекциясы тудырған иммундық тапшылық жағдайлары

  • галактозаны көтере алмаушылықтың сирек тұқым қуалайтын түрлері, лактаза жеткіліксіздігі немесе глюкоза-галактозалық мальабсорбция синдромы бар пациенттер

  • асқазан-ішек жолының аурулары: асқазан мен он екі елі ішектің ойық жаралы ауруы, эзофагит, гастрит, жедел немесе жасырын пептидті ойық жара, таяуда жасалған ішек анастомозы, тесілу немесе абсцеске айналу қатерімен спецификалық емес ойық жаралы колит, дивертикулит

  • жүрек-қантамыр жүйесінің аурулары: таяуда бастан өткерген миокард инфарктісі, декомпенсацияланған созылмалы жүрек жеткіліксіздігі, артериялық гипертензия, тромбоэмболия ауруына бейімділік

  • эндокринді жүйе аурулары: қант диабеті және көмірсуларға төзімділіктің бұзылуы, тиреотоксикоз, гипотиреоз, Иценко-Кушинг ауруы

  • созылмалы ауыр бүйрек және/немесе бауыр жеткіліксіздігі,

нефроуролитиаз

  • гипоальбуминемия

  • жүйелік остеопороз

  • gravis миастениясы

  • жедел психоз

  • семіру (III-IV саты)

  • полиомиелит (бульбарлы энцефалит түрін қоспағанда)

Дәрілермен өзара әрекеттесуі

Преднизолон қабынуға қарсы стероидты емес дәрілердің (ҚҚСД) қабынуға қарсы әсерін күшейтеді. Преднизолон, ҚҚСД немесе алкогольді бір мезгілде қолдану асқазан-ішек жолының тесілу және одан қан кету қаупін арттырады.

Преднизолон, амфотерицин В, карбоангидраза тежегіштерін бір мезгілде қолдану гипокалиемияны, жүрек бұлшықетінің гипертрофиясын, қан айналу жеткіліксіздігін туындатуы мүмкін.

Преднизолон мен парацетамолды бір мезгілде қолдану гипернатриемияны, ісінулерді, кальций шығарылуын арттырады, гипокальциемия, остеопороз, бауырдың зақымдану қаупін жоғарылатады.

Анаболиялық стероидтар, андрогендер және преднизолонды бір мезгілде қолдану ісінулерді, безеу бөртпесін тудыруы мүмкін.

Преднизолонды М-холинолитикалық дәрілік заттармен, нитраттармен қолдану көзішілік қысымның көтерілуіне ықпал етеді.

Аталған препараттардың тиімділігі преднизолонды тромбозға қарсы дәрілік заттармен, кумарин, индандион туындыларымен, гепаринмен, стрептокиназамен, урокиназамен қолданғанда төмендейді, ал кейбір науқастарда артады; ас қорыту жолының тесілу және одан қан кетудің даму қаупі жоғарылайды.

Доза протромбин уақытының негізінде белгіленуі тиіс.

Үш циклды антидепрессанттар преднизолон қолданумен байланысты психикалық бұзылуларды күшейтуі мүмкін. Оларды осы асқынуларды емдеу үшін қолдануға болмайды.

Преднизолон инсулиннің және ішуге арналған гипогликемиялық дәрілердің әсерін әлсіретеді. Дозаны өзгерту қажеттілігі туындауы мүмкін.

Преднизолонды қалқанша без ауруларын емдеуге арналған дәрілік заттармен, қалқанша без гормондарымен қолдану олардың қалқанша без функциясына ықпалын өзгертуі мүмкін. Қалқанша без ауруларын емдеуге арналған дәрілік заттарды немесе қалқанша без гормондарын қабылдауды тоқтату немесе дозасын өзгерту қажеттілігі туындауы мүмкін.

Құрамында эстроген бар ішуге арналған ұрықтануға қарсы дәрілер преднизолон метаболизмін және оның ақуыздармен байланысын өзгертуі мүмкін, бұл преднизолонның жартылай ыдырау кезеңінің ұзаруына және әсерінің күшеюіне алып келеді.

Преднизолон жүрек ырғағының бұзылу қаупін және жүрек гликозидтерінің (оймақгүл гликозидтері) уыттылығын арттырады.

Преднизолон диуретиктер әсерін әлсіретеді, сондай-ақ несеп айдағыш дәрілерден болатын гипокалиемияны күшейтеді.

Эфедрин глюкокортикостероидтар метаболизмін жеделдете алады. Преднизолон дозасын өзгерту қажеттілігі туындауы мүмкін.

Празиквантел бір мезгілде қолданылғанда оның қандағы концентрациясы азаюы мүмкін.

Гипотензиялық дәрілер бір мезгілде қолданылғанда олардың тиімділігі төмендеуі мүмкін.

Преднизолон фолий қышқылына қажеттілікті арттырады.

Бауыр энзимдерін индукциялайтын қосылыстар глюкокортикостероидтар әсерін әлсіретеді. Рифампицин, фенитоин, барбитураттарды бір мезгілде қолданғанда преднизолон әсері әлсіреуі мүмкін.

Преднизолон мен иммуносупрессиялық дәрілік заттарды бір мезгілде қолдану жұқпа жұқтыру, лимфа түйіндерінің ұлғаюы және басқа лимфопролиферациялық аурулар қаупін арттырады.

Преднизолон бауырдағы изониазид метаболизмін және оның шығарылуын жеделдетеді, бұл плазмадағы изониазид концентрациясының азаюына алып келеді. Дозаны өзгерту қажеттілігі туындауы мүмкін.

Преднизолон мексилетин метаболизмін жеделдетеді және плазмада оның концентрациясын азайтады.

Преднизолон мен миорелаксанттар қолданудан болатын гипокальциемия жүйке-бұлшықет бөгелісін күшейтіп, сол арқылы тыныс алу депрессиясы уақытын ұзартады.

Преднизолон салицилаттардың шығарылуын арттырады және олардың плазмадағы концентрациясын азайтады, асқазан-ішек жолында ойық жаралардың пайда болу және одан қан кету қаупін арттырады. Преднизолон организмде натрий жиналуына ықпал етеді, ісінулерді, артериялық қысымның көтерілуін туындатады. Диетада натрий мөлшерін шектеу қажеттілігі туындауы мүмкін.

Тірі вирустары бар вакциналарды және глюкокортикостероидтардың иммуносупрессиялық дозаларын қолданғанда вирустар репликациясы және вирустық аурулар дамуы мүмкін. Екпеге реакция ретінде антиденелердің өндірілуі азаяды.

Преднизолонды басқа вакциналармен қолдану неврологиялық асқынулар қаупін арттырады, сондай-ақ антиденелер өндірілуін төмендетеді.

Айрықша нұсқаулар

Емдеуді бастар алдында болуы мүмкін қарсы көрсетілімдерді анықтау мақсатында науқасты тексеруден өткізу қажет. Клиникалық тексеруде жүрек-қантамыр жүйесін зерттеу, өкпені рентгенологиялық зерттеу, асқазан және он екі елі ішекті; несеп шығару жүйесін және көру мүшелерін зерттеу қамтылуы тиіс. Зертханалық тексеру қанның, қандағы және несептегі глюкоза концентрациясының, қан плазмасындағы электролиттердің жалпы талдауын қамтуы тиіс.

Глюкокортикоидтармен ұзақ уақыт бойы емдеу кезінде артериялық қысымды жүйелі бақылау, қандағы және несептегі глюкоза деңгейін анықтау, нәжіске жасырын қанға талдау, қан ұю көрсеткіштерінің талдауларын жасау, омыртқа бағанын рентгенологиялық бақылау, офтальмологиялық тексеру (3 айда 1 рет) ұсынылады.

Ауыр инфекциялық аурулар кезінде микробқа қарсы спецификалық ем аясында ғана қолдануға болады.

Глюкокортикостероидтармен ем тағайындалған пациенттер үшін жоғары стресс жағдайларында глюкокортикостероид дозасын арттыру қажеттілігі туындауы мүмкін.

Преднизолонмен емделу кезінде алкоголь тұтынуға болмайды.

Емдеуді күрт тоқтату бүйрек үсті бездері қыртысы жеткіліксіздігін тудыруы мүмкін, сондықтан преднизолон дозасын біртіндеп азайту керек.

Тропикалық елдерден келген тұлғаларда немесе белгісіз себептерден болатын диареямен науқастарда глюкокортикостероидтармен емдеу басталғанша дизентериямен жұқпаланудан сақтану керек.

Преднизолонды ұзақ уақыт қолдану көру жүйкелерінің зақымдану мүмкіндігімен катаракта, глаукоманы туындатуы, сондай-ақ салдарлы зеңдік немесе вирустық жұқпалану қаупін арттыруы мүмкін.

Преднизолон үлкен дозаларында артериялық қысымның көтерілуін, организмде натрий мен судың іркілісін, сондай-ақ калийдің көп шығарылуын туындатуы мүмкін. Диетада натрийді шектеу, сондай-ақ калийді қосу қажеттілігі туындауы мүмкін. Преднизолон кальций шығарылуын да арттырады.

Преднизолонмен емдеу тағайындалған пациенттерге тірі вирустармен екпелер жасауға болмайды. Белсенділігі жойылған вирустық немесе бактериялық вакцина енгізу, егер вакцинация глюкокортикостероидтарды субституциялық ем ретінде, мысалы, Аддисон ауруы кезінде алатын пациенттерге жасалса ғана, антиденелер санының күтілімді артуын туындатпауы мүмкін. Туберкулезге қарсы спецификалық ем бір мезгілде жүргізілгенде белсенді туберкулезі бар пациенттерге преднизолон тағайындау диссеминацияланған туберкулез немесе шұғыл сипатта дамитын туберкулез жағдайларымен шектелуі тиіс. Туберкулездің жасырын түрлері немесе оң туберкулин сынамасы бар, преднизолон қабылдайтын пациенттер туберкулездің даму қаупі себебінен қатаң дәрігерлік бақылауда болуы тиіс. Глюкокортикостероидтар ұзақ уақыт қолданылған жағдайда бұл пациенттерге профилактикалық тұрғыда туберкулезге қарсы препараттар тағайындау керек.

Дәрілік затты ұзақ уақыт қабылдаудан кейін емдеуді күрт тоқтату дене температурасының көтерілуі, бұлшықет және буын ауыруы, нашар хал-ахуал сияқты глюкокортикостероидтарды тоқтату синдромы симптомдарын туындатуы мүмкін. Бұл симптомдар тіпті бүйрек үсті бездері қыртысы жеткіліксіздігі болмаса да білінуі мүмкін.

Қалқанша без гипофункциясы немесе бауыр циррозы бар пациенттерде преднизолон күштірек әсер етеді.

Преднизолон ең аз тиімді дозаларда қабылдану керек. Егер дозаны азайту мүмкіндігі бар болса, оны біртіндеп атқару керек.

Преднизолон қолдану кезінде эйфория, ұйқысыздық, көңіл-күйдің кенеттен құбылуы, тұлға бұзылыстары, ауыр депрессия, психоз белгілері сияқты психикалық бұзылыстар білінуі мүмкін. Бұрыннан бар эмоциялық орнықсыздық немесе психопатияға бейімділіктер емделу кезінде күшеюі мүмкін. Пациенттер және/немесе қамқоршылар психика тарапынан күрделі жағымсыз әсерлердің даму мүмкіндігіне қатысты сақтандырылуы тиіс. Осындай симптомдар дамығанда дәрігерге қаралу қажет. Психикалық бұзылыстарды глюкокортикоидтарды тоқтату кезінде де байқауға болады.

Гипопротромбинемиядан зардап шегетін пациенттер преднизолонмен бірге ацетилсалицил қышқылымен емделу кезінде сақ болуы тиіс.

Преднизолонның үлкен дозаларын қабылдайтын пациенттерде ас қорыту жолының тесілуі жағдайында құрсақ қуысының қабыну симптомдары мардымсыз болуы мүмкін немесе мүлде көрініс бермеуі мүмкін.

Препарат бас сақинасы, эпилепсиясы, бүйрек және/немесе бауыр жеткіліксіздігі, жедел немесе белсенді гепатиті, циррозы бар, тұқым қуалайтын сыртартқысында глаукома және/немесе қант диабеті болған, сыртартқысында стероидты миопатиясы және/немесе туберкулезі болған пациенттерге, сыртартқысында ағымдағы немесе сыртартқысында болған ауыр аффектілі бұзылыстары (әсіресе, стероидты психоздарымен) бар пациенттерге, эмоциялық тұрақсыздық немесе психоздық үрдістер кезінде жағдайға тұрақты мониторинг жасаумен сақтықпен қолданылу керек.

Аддисон ауруында барбитураттармен бір мезгілде қолданудан аулақ болу керек.

Кортикостероидтармен қабыну реакциясын және иммундық функцияны бәсеңдету инфекцияларға төзімділіктің төмендеуіне, олардың ауырлығының күшеюіне, жасырын инфекцияның белсенділенуіне немесе интеркуррентті инфекцияның өршуіне, сондай-ақ олардың симптомдарының бүркемеленуіне әкелуі мүмкін.

Преднизолон қолданылғанда қызылша, желшешек сияқты аурулар ауырлау түрде өтеді. Сондықтан осы аурулармен ауырған тұлғаларға барынша жұқпа жұқтырып алмас үшін сақ болу керек. Науқастармен қатынас жағдайында бірден дәрігерге қаралу қажет. Иммуноглобулинмен профилактикалық емдеу ұсынылады.

Кейбір пациенттерде глюкокортикостероидтар сперматозоидтардың қозғалғыштығын жеделдетуі немесе баяулатуы, сондай-ақ олардың санына ықпал етуі мүмкін.

Препарат құрамында лактоза бар, сондықтан сирек кездесетін галактозаны тұқым қуалайтын көтере алмаушылығы, Лапп типті лактаза тапшылығы немесе глюкоза-галактозаның мальабсорбция синдромы бар пациенттерді емдеуде қолданылмауы тиіс.

Дәріні тамақтану кезінде қабылдау ас қорытудың бұзылуын және ас қорыту жолының тітіркенуін азайта алады. Кортикостероидтар қолданумен байланысты ойық жараның, ас қорыту жолынан қан кетудің немесе ішек тесілуінің профилактикасы үшін тағайындалған дәрілердің тиімділігі расталмаған.

Стероидты миопатия білінген жағдайда, егер глюкокортикоид қабылдауды тоқтатуға болмаса, оны басқа препаратпен ауыстыру симптомдарды азайтуы мүмкін.

Ақуыздар катаболизмінің күшеюімен байланысты ұзаққа созылатын емделу кезінде тағамда ақуызды көбейтуге кеңес беруге болады.

Глюкокортикостероидтарды ұзақ уақыт қолданумен байланысты остеопороз қаупін, егер пациенттің жағдайы бұған мүмкіндік берсе, кальций және Д витаминін тағайындаумен немесе тиісті дене жаттығуларын орындаумен төмендетуге болады.

Әйелдерге менопауза кезінде препаратты сақтықпен қолдану керек, сондай-ақ остеопороздың пайда болу мүмкіндігіне қатысты зерттеу жүргізу қажет.

Кортикостероидтар қолдану кезінде жүк түсіретін дене белсенділігінен соң рабдомиолиз және миоглобинурияның пайда болуы мүмкін. Оның кортикостероидтар қабылдаудан немесе дене белсенділігінің артуынан болатыны белгісіз.

Орталық серозды хориоретинопатиясы бар пациенттерде кортикостероидтармен емдеу торқабықтың экссудатты ажырауының күрделі өршуіне және ұзақ уақыт көрмей қалуға әкелуі мүмкін.

Кортикостероидтардың ісік түзуге тікелей ықпалы туралы хабарланбаған, бірақ иммуносупрессанттармен ем жүргізілетін пациенттерде малигнизацияның аса қарқынды таралу қаупі бар.

Преднизолонды диуретиктермен біріктіріп қолдану кезінде электролит теңгерімін ерекше мұқияттылықпен бақылау керек. Преднизолонмен ұзақ уақыт емделгенде гипокалиемия профилактикасы мақсатында калий препараттарын және көзішілік қысым мен субкапсулярлы катаракта дамуының артуы мүмкін екеніне байланысты тиісті диета тағайындау қажет.

Психоздар немесе депрессия білінген жағдайда, егер бұл мүмкін болса, дозаны азайту немесе дәрі қабылдауды тоқтату керек.

Қажет болған жағдайда,фенотиазин туындыларын немесе литий қосылыстарын қолдануға болады. Кейбір антидепрессанттар қарсы көрсетілімді, өйткені олар глюкокортикостероидтар туғызған психикалық бұзылыстарды күшейтуі мүмкін.

Егер сыртартқысында псориаз болса, преднизолонды ең төмен тиімді дозаларында ғана қолдану керек.

Глюкокортикостероидтарды тоқтату синдромының (гипофиз-бүйрек үсті бездері жүйесінің тежелуінсіз) кейбір көріністерін төмендету мақсатында ацетилсалицил қышқылын немесе басқа ҚҚСП тағайындауға болады.

Преднизолон қабылдауды тоқтатудан кейін (тері сынамасы өткізген соң!) АКТГ енгізу қажеттілігін нақтылау ұсынылады.

Жүктілік және лактация кезеңі

Кортикостероидтарды буаз жануарларға қолдану жарық таңдайды, құрсақішілік өсу кідірісін қоса, шарананың даму аномалияларын тудыруы мүмкін және шарананың дамуы мен миының өсуіне ықпал етеді. Кортикостероидтардың адамда жарық таңдай/қоян жырық сияқты туа біткен аномалиялардың артуына әкелу мүмкіндігінің дәлелдері жоқ. Дегенмен де, жүктілік кезінде ұзаққа созылатын кезең бойы немесе бірнеше рет қолданғанда кортикостероидтар шарананың құрсақішілік өсу кідірісі қаупін арттыруы мүмкін. Теориялық тұрғыда жаңа туған нәрестелерде кортикостероидтардың пренатальді әсер етуінен соң гипоадренализм дамуы мүмкін, бірақ әдетте ол туғаннан кейін өздігінен басылады және клиникалық тұрғыда маңызды болуы сирек. Жүктілік кезінде ұзақ уақыт преднизолон қолданған аналардан туған сәбилерде катаракта жағдайлары байқалды. Кортикостероидтар жүктілік кезінде қарсы көрсетілімді.

Бала емізу кезеңінде анасын 5 мг дозаға дейінгі дозамен емдеу сәбиде қолайсыз зардаптарды туындатпайды деп саналады. Бірақ үлкен дозаларын қолдану сәбиде өсу кідірісін немесе бүйрек үсті бездері қыртысы эндогенді гормондарының іркілісін туындатуы мүмкін. Егер дәрілік затты ұзақ уақыт қолдану міндетті болса, емшекпен қоректендіруді тоқтату қажет.

Педиатрияда пайдалану

Ұзақ уақыт емнен өтетін сәбилер, балалар және жасөспірімдер өсу мен дамудың бұзылу қаупінің мүмкіндігі себепті дәрігердің қатаң қадағалауында болуы тиіс. Балаларда өсу кезеңінде препаратты тек абсолютті көрсетілімдер бойынша қолдану керек.

Егде жастағы пациенттер

Егде жастағы пациенттерде, әсіресе, ұзақ мерзімді жобада емдеу кортикостероидтардың жалпы жағымсыз әсерлерінің едәуір күрделі зардаптарын, атап айтқанда, остеопороз, диабет, гипертония, гипокалиемия, инфекцияларға сезімталдық, терінің жұқаруын ескерумен жоспарлануы тиіс. Пациент жағдайына мониторинг қажет.

Дәрілік заттың көлік құралын немесе қауіптілігі зор механизмдерді

басқару қабілетіне әсер ету ерекшеліктері

Кейбір қолайсыз әсерлер (құрысулар, бас айналу және бас ауырулары, көздегі қосарлану немесе анық көрмеу, психикалық бұзылыстар) автокөлік басқару, машиналарды қызметпен қамту қабілетіне және жалпы психофизикалық жай-күйге ықпал етуі мүмкін. Ондай жағдайларда психофизикалық жай-күй талап етілетін әрекеттерден бас тарту керек.

Артық дозалануы

Симптомдары: артық дозалану нәтижесіндегі жедел уыттылық әсерлері және/немесе өлім туралы хабарламалар сирек. Жағымсыз әсерлер күшеюі.

Емі: симптоматикалық және демеуші ем. Арнайы у қайтарғысы жоқ.

Шығарылу түрі және қаптамасы

Ақ полиэтилен тығынмен тығындалған қызғылт-сары түсті шыны құтыда 30 таблеткадан.

Медициналық қолдану жөніндегі мемлекеттік және орыс тілдеріндегі нұсқаулықпен бірге заттаңбасы бар 1 құты картон қорапқа салынады.

Сақтау шарттары

Жарықтан қорғалған жерде, 25оС-ден аспайтын температурада сақтау

керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Пабяницкий фармацевтикалық зауыты Польфа АҚ

марш. Пилсудский к-сі 5, 95-200 Пабянице, Польша

Тіркеу куәлігі иесі

Пабяницкий фармацевтикалық зауыты Польфа АҚ

марш. Пилсудский к-сі 5, 95-200 Пабянице, Польша

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Пабяницкий фармацевтикалық зауыты Польфа» АҚ ҚР өкілдігі 059000, Алматы қ., Абай даңғылы, 109В үй, «Глобус» бизнес орталығы, 13 қабат, 13-2 кеңсе. Тел./факс: +7(727) 2776977. E-mail: info.kz@adamed.com.pl

 

16

Прикрепленные файлы

738049961477976216_ru.doc 137.5 кб
673641001477977473_kz.doc 191 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники