Польсуксан

МНН: Суксаметония хлорид
Производитель: Химфарм АО
Анатомо-терапевтическо-химическая классификация: Suxamethonium
Номер регистрации в РК: № РК-ЛС-5№021409
Период регистрации: 22.05.2015 - 22.05.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 181.55 KZT

Инструкция

Саудалық атауы

Польсуксан

Халықаралық патенттелмеген атауы

Суксаметоний хлориді

Дәрілік түрі

Инъекцияға арналған 100 мг/5мл ерітінді

Құрамы

5 мл ерітіндінің құрамында

белсенді зат – 115.5 мг суксаметоний хлориді

(100.0 мг сусыз затқа шаққанда),

қосымша заттар: натрий хлориді, инъекцияға арналған су.

Сипаттамасы

Мөлдір, түссіз немесе сәл боялған сұйықтық.

Фармакотерапиялық тобы

Шеткергі әсері бар миорелаксанттар. Холин туындылары. Суксаметоний хлориді

АТХ коды М03АВ01

Фармакологиялық қасиеттері

Фармакокинетикасы

Суксаметоний хлоридінің қысқа уақыттық әсері оның сарысулық холинэстеразамен белсенділігінің тез жойылу нәтижесі болып табылады: көктамыр ішіне енгізілу бойына қимыл-қозғалыс жүйкелерінің ұшындағы пластинкаларға жеткенге дейін суксометоний хлоридінің үлкен бөлігі плазма холинэстеразасымен белсенділігін жойып, холин және сукцинилмонохолин түзеді. Сукцинилмонохолин деполяризацияламайтын миорелаксант болып табылады, оның белсенділігі бастапқы затпен салыстырғанда 20-50 есе төмен. Әрі қарай, метаболизм жылдамдығы баяулайды және сукцинилмонохолин янтар қышқылына (белсенді емес метаболит) және холинге (белсенді метаболит) ыдырайды.

Препараттың қалған бөлігі қимыл-қозғалыс жүйкелерінің ұшындағы пластинкаларға жеткен кезде суксаметоний жасушадан диффузияланады. Осылайша, шығарылу жылдамдығы плазманың суксаметоний холинэстеразамен гидролизденуімен анықталады, өйткені шығарылудың негізгі факторы гидролиз болып табылады. Плазмадан жартылай шығарылу кезеңі – 1 минуттан аз, шамамен 10%-ы өзгермеген күйінде несеппен бірге шығарылады. Сукцинилхолин плацента арқылы өтпейді.

Фармакодинамикасы

Польсуксан деполяризацияланатын миорелаксант болып табылады және қимыл-қозғалыс жүйкелерінің ұштарындағы пластинкаларға импульстің өтуін бөгеу жолымен қаңқа бұлшықеттерінің сәл-пәл салдануын тудырады. Классикалық мысалы Польсуксан болып табылатын, ацетилхолинге ұқсас, деполяризацияланатын миорелаксанттар никотинергиялық рецепторлармен байланысып, алдымен агонистік әсер көрсетеді. Алайда, ацетилхолиннен айырмашылығы, Польсуксанның әсер етуінің нәтижесі ұзағырақ деполяризация (деполяризациялайтын блок, немесе І фазаның блогы) болып табылады. Суксаметоний рецептормен байланысып тұрған шақта, стимуляцияның болуы мүмкін емес. Осы фаза кезінде суксаметоний өзінің антагонистік әсерін тигізеді. Жарғақшаның деполяризациясы суксаметоний мен рецепторды ажыратқаннан кейін ғана мүмкін болады.

Польсуксан ұзақ әсер ететін деполяризацияламайтын миорелаксанттардан әсерінің тез дамуымен (минут ішінде) және әсер ету ұзақтығының – 2-ден 6 минутқа дейін қысқалығымен ерекшеленеді. Бұл хирургия талаптарына сәйкес бұлшықет релаксациясының тез өзгеруіне, сондай-ақ миорелакция мерзімінің шамадан аспауына мүмкіндік береді.

Бұлшықеттің босаңсуы келесі ретпен жүреді: көздің шеңберлі бұлшықеті, шайнау бұлшықеті, аяқ-қолдың, құрсақ қабырғасының, жұтқыншақтың бұлшықеттері және, соңында, диафрагма.

Қолданылуы

- жалпы анетезияда бұлшықетті релакциялауда (хирургияда, акушерлікте және гинекологияда оперативті араласым кезінде кеңірдек интубациясын жеңілдетуде )

- электроқұрысу емінде (ЭҚЕ) құрысу қарқындылығын төмендетуде

Қолдану тәсілі және дозалары

Жалпы анестезияда Польсуксанды бір реттік көктамырішілік инъекция түрінде енгізеді, жалпы анестезиядан кейін тыныс алуды бақылау қажет.

Әсері 30‑60 секундтан кейін басталады және шамамен 2-6 минутқа созылады.

Айрықша нұсқаулар

Операцияны бастағанға дейін препаратқа сезімталдығын көктамырішілік тесттік аздаған 0,05 мг/кг дозаның жәрдемімен анықтау керек.

Дозалау емделушінің салмағына және бұлшықетті босаңсытудың қажет етілетін дәрежесіне байланысты.

12 жастан асқан балаларда және ересектерде дозалау режимі

Интубация үшін бір реттік доза: дене салмағының әр кг-на шаққанда 1-1.5 мг.

1 жастан 12 жасқа дейінгі балаларда дозалау режимі: дене салмағының әр кг-на шаққанда 1 мг.

Жаңа туған нәрестелерде және 1 жасқа дейінгі балаларда: дене салмағының әр кг-на шаққанда 1-2 мг.

Қажет болған кезде препарат бұлшықет ішіне ересектерде дене салмағының әр кг-на шаққанда 2,5 мг дозада және балаларда ең жоғары 150 мг дозаға дейін енгізілуі мүмкін.

Әсер ету күші жөнінен бірдей Польсуксан дозаларының, 6 айлыққа дейінгі жаста плазмадағы холинэстераза белсенділігінің ересектермен салыстырғанда тек 40-50%-ды ғана құрайтынына қарамастан, барлық жас топтарында әсер ету уақыты ұқсас («Дәрілермен өзара әрекеттесуі» тарауын қараңыз).

Семіздікке шалдыққан емделушілерде дозалау режимі

Мұндай емделушілер үшін дозалау режимі дененің нақты салмағының емес, ұтымды салмағына сай есептелуі тиіс.

Бауыр, бүйрек функциялары бұзылғанда және жүрек ауруларында дозалау режимі

Арнайы режимдерде дозалау қажеттілігі жоқ, бірақ «Қолдануға болмайтын жағдайлар» және «Айрықша нұсқаулар» тараулары есепке алынуы тиіс.

Енгізу әдістері

Бір реттік қолдануға ғана арналған. Пайдалану үдерісінде стерильді заттың микроорганизмдермен ластанбағанына көз жеткізу қажет.

Жағымсыз әсерлері

Өте жиі (≥ 1/10)

  • сарысуда калий деңгейінің жоғарылауы (өте жиі – 0,05 ммоль/л-ге болмашы жоғарылау)

  • миоглобинемия (балалардың 20%-да, ересектерде жиі табылды). Бұл әсер дозаға байланысты емес және бұлшықет фасцикуляциясымен/онсыз дамуы мүмкін.

  • миалгия бұлшықет фасцикуляциясының нәтижесі ретінде (барлық емделушілердің шамамен 60%-ы), мойында, кеуде қуысында, иықтарда және арқада, әсіресе орта жастағы емделушілерде (20-дан 50 жасқа дейін) жиірек, бұлшықет фасцикуляциясы (90%)

  • аритмиялар (балалардың 50%-да және ересектердің 20%-да алғашқы көктамырішілік инъекциядан кейін табылды, кішкентай балаларда жиірек), «Айрықша нұсқаулар» тарауын қараңыз.

Жиі (≥ 1/100, <1/10)

  • аллергиялық реакциялар (гистаминнің босап шығуынан болатын қан тебулер, есекжем, терінің қызаруы)

  • көзішілік қысымның жоғарылауы

  • қарыншаішілік қысымның жоғарылауы (регургитация қаупі жүкті әйелдерде, дифрагманың өңеш саңылауында жарығы бар емделушілер, қарын және ішек атониясы, асцит, сондай-ақ құрсақ қуысының ісіктері), сілекейдің көп бөлінуі

  • гипотензия, гипертензия

  • бас сүйекішілік қысымның жоғарылауы

Жиі емес (≥1/1,000, <1/100)

  • тризмнің елеусіз жоғарылауы (60 секундқа дейін), ол ұйықтататын дәрілерді (пропофол) немесе деполяризацияламайтын миорелаксанттың аздаған дозасын тағайындаумен төмендетілуі мүмкін

  • өткінші артериялық гипертензия, тахикардия

Сирек (≥1/10,000, <1/1,000)

  • бронхтың түйілуі

  • плазмадағы холинэстераза мөлшері бұзылған емделушілерде ұзаққа созылатын апноэ, бронхоспазм, ларингоспазм

  • бұлшықеттің босаңсудың орнына жиырылуы (дистрофиялық миотониямен немесе іштен туа болатын миотониямен жиі қатар жүреді). Жүйке-бұлшықет ауруларында қосарлы блоктың дамуы нәтижесінде ұзаққа созылатын салдану пайда болуы мүмкін, ол да идиосинкразияға (тұқым қуалайтын холинэстеразды вариант), артық дозалануына немесе плазмадағы холинэстераза деңгейінің төмендеуіне байланысты пайда болады

  • миоглобинурия және креатинфосфокиназа деңгейінің жоғарылауы

Өте сирек (<1/10,000)

  • анафилактикалық шок

  • порфирия

  • дене температурасының жоғарылауы

  • бұлшықеттің сіресуімен/онсыз қатерлі гипертермия (шайнау бұлшықетінің түйілуі)

  • жүрек-бұлшықет асқынулары (тахиаритмиялар, тұрақсыз артериялық қысым)

  • Польсуксанды енгізу аясында, әсіресе қаңқа бұлшықеттерінің анықталмаған аурулары (Дюшенн миопатиясы) бар балаларда, қарыншалық аритмиялар, гиперкалиемияға, гиперкальциемияға байланысты қарыншалардың фибрилляциясы, гиперкалиемия салдарынан жүректің тоқтап қалуы

  • анафилактоидтық реакциялардың нәтижесі ретінде жүрек қызметінің жеткіліксіздігі

  • дем шығару соңында CO2 концентрациясының жоғарылауы

  • ауыр ацидоз

  • гемоглобинурия, миоглобинурияның бүйрек қызметінгің жеткіліксіздігіне әкеп соғуы, негізінен, (жасырын) бұлшықет дистрофиясы бар емделушілерде

  • жүйке-бұлшықет өткізгіштігі ауруларында тыныс алу қызметінің кешірек болатын жеткіліксіздігі

  • көмейдің ісінуі, өкпелердің ісіну

  • жүйке-бұлшықет өткізгіштігінің анықталған және анықталмаған ауруларымен бірге жедел рабдомиолиз.

Қолдануға болмайтын жағдайлар

- суксаметоний хлоридіне немесе препараттың қосымша компоненттерінің кез келгеніне аса жоғары сезімталдық

- қатерлі гипертермия

- гиперкалиемия және бүйрек қызметінің ауыр жеткіліксіздігі бар емделушілерде гиперкалиемия қаупі

- ауыр күйіктер және жарақаттар

- ұзаққа созылатын иммобилизация

- салдарлық бұлшықет атрофиясына әкеп соғатын иннервация бұзылуы

- бұлшықеттің Дюшенн дистрофиясы, миотония, полиомиелит, бүйірлік амиотрофиялық склероз, шашыранды склероз, ауыр миастения

- холинэстеразаның туа біткен жеткіліксіздігі

- құрсақ қуысының ауыр жұқпалары, сепсис

- көзге енген жаралар,көзішілік қысымның жоғарылауы

- бас сүйекішілік қысымның жоғарылауы

Дәрілермен өзара әрекеттесуі

Суксаметоний хлоридімен келесі дәрілік препараттар өзара әрекеттеседі:

Польсуксанның әсерін күшейтеді немесе ұзартады

  • ұшқыш ингаляциялық анестетиктердің (энфлуран, десфлуран, изофлуран, севоран) көбіне орталық миорелаксантық әсері бар;

  • холинэстераза тежегіштері: деполяризациялайтын блоктың холинэстераза тежегіштерімен (неостигмин) жойылуы мүмкін емес. Осы препараттардың әсер етуімен деполяризациялайтын блок тек күшейеді, бұл холинэстеразаның да, псевдохолинэстеразаның да тежелуімен ғана емес, сондай-ақ сукцинилхолиннің өзінің ыдырауымен де түсіндіріледі. (Холинэстераза тежегіштері қосарлы блокқа да ықпал етуі мүмкін, бірақ мұндай жағдайда сақ болған жөн). Құрамында холинэстераза тежегіштері (экотиопат, эдрофоний, пиридостигмин) бар көз тамшы дәрілері суксометонийдің әсерін де күшейтуі мүмкін;

  • цитостатиктер (циклофосфамид, тиофосфамид) холинэстераза белсенділігінің төмендеуінің нәтижесі ретінде;

  • антибиотиктер, әсіресе аминогликозидтер (гентамицин, неомицин, стрептомицин);

  • жергілікті анестетиктер (прокаин, лидокаин), аритмияға қарсы препараттар (I класс заттары) натрий иондары үшін жарғақшалар өткізгіштігінің төмендеуі нәтижесінде;

  • магний сульфаты: магний тұздарымен инфузияны суксометоний хлоридін енгізуден 20-30 минут бұрын тоқтатқан жөн;

  • кальций антагонистері және ілмектік диуретиктер кальций өзекшелерінің бөгелуіне байланысты;

  • бета-адреноблокаторлар;

  • литий тұздары;

  • кортикостероидтар;

  • окситоцин, циметидин;

  • МАО тежегіштері (фенелзин) және белгілі бір нейролептиктер (перфеназин), метоклопрамид, гормональді контрацептивтер және эстрогендер, симпатомиметиктер холинэстераза белсенділігінің төмендеуіне байланысты;

  • эпилепсияға қарсы препараттар деполяризацияламайтын миорелаксанттардың әсерін төмендетеді. Алайда суксометоний хлориді үшін әсерінің ұзару жағдайлары сипатталған;

  • алкоголь және орталық жүйке жүйесін тежейтін дәрілер суксаметоний хлоридінің әсеріне ықпалын тигізуі мүмкін;

Польсуксанның әсерін төмендетеді

  • суксаметоний хлоридінің парасимпатикалық әсерлері атропинмен төмендетілуі мүмкін;

  • ажыратылмаған қанды немесе плазманы қатар құю суксаметоний хлориінің әсерін азайтады;

Польсуксанның басқа дәрілік препараттарға әсері

  • суксаметоний жүрек гликозидтерінің әсерін потенциялайды, бұл аритмияларға әкеп соғуы мүмкін;

  • ампулалардағы 0,1 г/5 мл суксаметоний хлоридін сілтілік заттармен, мысалы, барбитураттармен (мысалы, тиопенталмен) араластыру суксаметоний хлориді тиімділігінің төмендеуіне немесе әсерінің жоғалуына әкеп соғуы мүмкін;

Польсуксан үйлеседі

  • қанмен, натрий хлоридінің изотониялық ерітіндісімен, Рингер ерітіндісімен, 5% фруктоза ерітіндісімен, 5% декстроза ерітіндісімен, 6% декстран ерітіндісімен

Айрықша нұсқаулар

Польсуксан емделушінің санасына ықпалын тигізбей-ақ, тыныс бұлшықеттерінің салдануын туындатуы мүмкін. Сондықтан жалпы анестезияда Польсуксанды тек тәжірибелі анестезиолог немесе дәрігер енгізуі тиіс, интубациялық наркозға арналған барлық заттар, өкпенің жасанды желдетілуі, ал қажет болғанда реанимация да жеткілікті болуы тиіс.

Парасимпатикалық әсерлер (брадикардия асистолияға дейін, гипотензия, гиперсаливация) көбіне атропинді енгізу арқылы тоқтауы немесе бәсеңдеуі мүмкін. Жүрек және өкпе аурулары бар емделушілерде препаратты абайлап қолдану қажет.

Жүрек ырғағының бұзылулары

Ырғақтың бұзылулары балаларда жиі кездеседі (алдымен брадикардия, содан кейін тахикардия, тораптық ырғақпен алмасуы мүмкін, қарыншалық экстрасистолия болуы мүмкін). Балаларда және жасөспірімдерде өлім жағдайлары емді қабылдамау нәтижесінде орын алды. Осы жағдайлардың кейбіреулерінде емделушілер жүйке-бұлшықет өткізгіштігінің анықталмаған ауруларынан зардап шекті.

Емделушінің жасына байланысты, аритмиялардың пайда болу жиілігі алғашқы дозадан кейін 15 минут ішінде екінші дозаны енгізген кезде артты.

Осыған, сондай-ақ төменде сипатталған себептерге байланысты, Польсуксан ұзақ инфузия түрінде енгізілмеуі тиіс.

Холинэстеразаның жеткіліксіздігі

Суксаметоний хлориді гидролиз барысында плазма холинэстеразасының әсер етуімен белсенділігін жояды. Сондықтан препарат әсерінің ұзақтығы ең алдымен осы ферменттердің концентрацияларына және белсенділігіне байланысты болады.

Холинэстеразаның жеткіліксіздігі Польсуксанның әсерін елеулі ұзартуы, жүйке-бұлшықет блогының ұзаққа созылуына мүмкіндік беруі мүмкін.

Холинэстеразаның туа біткен жеткіліксіздігі, бауыр функциясының ауыр бұзылулары, бүйрек қызметінің терминальді жеткіліксіздігі, гипотиреоз немесе этиологиясы әртүрлі ауыр аурулар (қатерлі ісіктер, туберкулез, сіреспе, ауыр жұқпалар), ашығу, күйіктер, дәрілік препараттарды қабылдау, пламаферез, жасанды қан айналымы аясында дамуы мүмкін. Холинэстераза белсенділігінің физиологиялық тежелуі жаңа туған нәрестелерде, жас кезінде және жүктілік соңында білінеді.

Суксаметоний хлоридінің әсер ету уақытының едәуір артуы, ең алдымен, плазма холинэстеразасының генетикалық жеткіліксіздігі бар емделушілер үшін клиникалық маңызға ие. Белгілі бір жағдайларда мұндай емделушілер бірнеше сағат бойы ӨЖЖ қолдануды жалғастыруы тиіс.

Гиперкалиемия

Суксаметоний хлориді дені сау адамдарда сарысудағы калий деңгейін 0.5 ммоль/л-ге дейін арттырады. Сарысудағы калий деңгейінің жоғарылауы қарыншалар фибрилляциясын және асистолияны дамытып, өмірге қауіп төндіретін гиперкалиемияға әкеп соғуы мүмкін. Бүйрек қызметінің жеткіліксіздігі, ауыр күйіктері немесе көптеген жарақаттары, сепсисі бар емделушілерге қаупі жоғары.

Көзішілік қысымның жоғарылауы

Суксаметоний хлориді көзішілік қысымды қысқа мерзімге арттырады және, оны қолданудың пайдасы көз үшін қаупінен асып кететін жағдайлардан басқасында, көзге еніп кеткен жарақатта пайдаланылмауы тиіс.

Бұлшықеттердің ауыруы

Польсуксанды енгізгеннен кейін милагияға немесе бұлшықеттің ауыруына әкелетін уақытша бұлшықет фасцикуляциялары пайда болуы мүмкін. Прекурареризация (деполяризацияламайтын миорелаксанттардың төмен дозалары енгізу) алғашқы бұлшықет фасцикуляциясын және миалгияны азайту мүмкіндігін береді.

Ұзақ қолдану

Аналогиясы бойынша ұзақ инфузияда препаратты қайталап енгізу заттың жүйке-бұлшықет блогын тудыру қабілетін өзгертуі мүмкін (қажет етілетін жиынтық доза дене салмағының әр кг-на шаққанда 5-10 мг). Бастапқы ұзаққа созылатын деполяризациялық блок (І фазаның блогы) ұзаққа созылатын деполяризациялық емес блокқа (ІІ фазаның блогы, немесе қосарлы блок) ауысады. Егер Польсуксан атипиялық холинэстеразамен гидролиздене алмаса, қосарлы блок дамиды, сондықтан синапстық саңылауларға жиналады. Клиникалық деректер негізінде блоктың екі типін айыру мүмкін емес; ол үшін релаксографияны пайдаланады. Деполяризациялық блоктан айырмашылығы холинэстераза тежегіштеріның қосарлы блокқа қатысты ішінара антагонизмі бар.

Миастения

Препаратты миастениясы бар емделушілерге тағайындамау керек, өйткені оларда ІІ блок жағдайы дамиды, бұл қалыпқа келудің кідіруіне әкелуі мүмкін. Миастениялық Итон-Ламберт синдромы бар емделушілер суксаметоний хлоридіне сезімталдау, бұл препарат дозасын төмендетуді қажет етеді.

Айқаспалы сезімталдық

Суксаметоний хлоридінің басқа миорелаксанттармен (деполяризациялайтын да, сонымен қатар деполяризацияламайтын да) айқаспалы сезімталдылығы байқалады. Осыған байланысты, қажет болғанда Польсуксанды, сыртартқысында миорелаксанттарға емделушілердің сезімталдығы жоғары болғаны айтылса, сақтықпен тағайындаған жөн.

Препаратты қайталап енгізгенде тахифилаксия дамуы мүмкін.

Гипотермия физикалық және биохимиялық жарғақшалық үдерістердің баяулауы есебінен Польсуксанның әсерін потенциялауы және ұзартуы мүмкін.

Польсуксанның әсері ацетилхолиннің пресинапстық босап шығуының тежелуімен байланысты гипермагниемиямен және гипокальциемиямен, және тыныш кезде жарғақшалық потенциалдың төмендеуі есебінен болатын гипокалиемиямен күшеюі және ұзаруы мүмкін.

Басқа препараттармен бірге пайдаланылуы

Суксаметоний хлориді бір еккіште басқа дәрілік заттармен (атап айтқанда, натрий тиопенталымен бірге) араластырылмауы тиіс.

Педиатрияда қолданылуы

Препаратты педиатриялық іс-тәжірибеде сақтықпен тағайындаған жөн, өйткені балаларда анықталмаған миопатиялар немесе қатерлі гипертермияға, брадикардияға бейімділіктер болуы мүмкін.

Жүктілік және лактация кезеңі

Польсуксан жүктілік кезінде тек қажет болғанда, оны пайдалану ұрық үшін қауіптен басым болған кезде ғана, тағайындалуы тиіс.

Суксаметоний хлоридінің фертильділікке және жүктілік барысына ықпалы жөнінде деректер жоқ. Суксаметоний хлориді жатырға тікелей әсерін тигізбейді, қалыпты емдік дозаларда плаценталық бөгет арқылы өтпейді.

Суксаметоний хлоридінің әсер ету уақыты жүктілік кезеңінде қан плазмасындағы холинэстераза деңгейінің төмендеуі есебінен артуы мүмкін. Плазмада холинэстеразаның деңгейі қалыпты мәндеріне босанғаннан кейін шамамен 6-8 аптадан соң жетеді.

Суксаметоний хлоридінің және оның метаболиттерінің емшек сүтіне өту-өтпеуі белгісіз. Алайда препаратты енгізу қажет болғанда препаратты енгізер алдында бала емізуді тоқтату керек және оны анестезиядан кейін ең кемінде 24 сағат бойы жаңғыртпаған жөн.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Препарат мамандандырылған бөлімде пайдаланылады.

Артық дозалануы

Симптомдары: ұзақ миорелаксация, тыныс алудың тоқтап қалуы.

Емі: өкпелерді жасанды желдету. Антихолинэстеразалық препараттар (прозерин, эдрофоний, неостигмин, атропин) енгізілуі, ажыратылмаған жаңа қан, жаңадан қатырылған плазма құйылуы мүмкін.

Шығарылу түрі және қаптамасы

Бейтарап шыны ампулаларда 5.0 мл-ден немесе еккішпен толтырылатын стерильді ампулалар.

Әрбір ампулаға заттаңбалық немесе жазу жазатын қағаздан жасалған заттаңба желімделеді немесе мәтінді ампуланың тікелей өзіне шыны бұйымдарға арналған терең мөрлі бояумен жазады.

Поливинилхлоридті үлбірден және алюминий фольгадан жасалған пішінді ұяшықты қаптамаға 5 ампуладан салынады.

Пішінді 2 қаптамадан медицинада қолданылуы жөнінде мемлекетттік және орыс тілдерінде бекітілген нұсқаулықпен бірге қораптық картон немесе хром-эрзац қорапшаға салады. Әрбір қорапшаға ампулалық скарификатор салынады. Кертіктері, сақиналары және нүктелері бар ампулаларды қаптағанда сакарификатор салынбайды.

Картонды қаптамаларды (қорапшаға салынбаған) тұтынушыларға арналған немесе гофрланған картон қорапқа салуға рұқсат етіледі. Әрбір қорапқа медицинада қолданылуы жөнінде мемлекетттік және орыс тілдерінде бекітілген нұсқаулық салынады. Нұсқаулықтар саны қаптама саны бойынша салынады.

Сақтау шарттары

Жарықтан қорғалған жерде, 2°С-ден 8°С-ге дейінгі температурада сақтау керек!

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан

Шымкент қ-сы, Рашидов к-сі, 81

Тіркеу куәлігінің иесі

«Химфарм» АҚ, Қазақстан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«Химфарм» АҚ, Қазақстан

Шымкент қ-сы, Рашидов к-сі, 81,

Телефон нөмірі 7252 (561342)

Факс нөмірі 7252 (561342)

Электронды поштасы infomed@santo.kz

 

Прикрепленные файлы

896787981477976488_ru.doc 103.5 кб
137483561477977651_kz.doc 135.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники