Пиридоксина гидрохлорид (Витамин В6) (Химфарм) (Пиридоксин)

Пиридоксин гидрохлориді (В6 дәрумені)

Пиридоксин

Дәрілік түрі, дозалануы

Инъекцияға арналған ерітінді, 5 %, 1 мл

Ас қорыту жолы және зат алмасу. Дәрумендер. Басқа қарапайым дәрумендер. Пиридоксин (В6 дәрумені).

АТХ коды A11HA02

Ересектер мен балалардағы кешенді ем құрамында:

• B6 гипо - және авитаминозы (емдеу және профилактикасы)

• изониазидпен индукцияланған шеткері неврит

• идиопатиялық сидеробластты анемия.

Жаңа туған нәрестелер

• жаңа туған нәрестелердегі туа біткен пиридоксинге тәуелді құрысу

синдромы

Қолданудың басталуына дейінгі қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• бауырдың ауыр жеткіліксіздігі

Қолдану кезіндегі қажетті сақтандыру шаралары

Пиридоксинді асқазан мен он екі елі ішектің ойық жаралы ауруы (асқазан сөлі қышқылдылығы артуы мүмкін болғандықтан), жүректің ишемиялық ауруы бар пациенттерге тағайындағанда сақ болу қажет, өйткені препаратты қабылдау аталған аурулар ағымының нашарлауына түрткі болуы мүмкін.

Бауыр жеткіліксіздігі

Бауырдың ауыр зақымданулары кезінде жоғары дозалардағы пиридоксин оның функциясының нашарлауын туғызуы мүмкін.

Уробилиногенді Эрлих реагенті көмегімен анықтаған кезде нәтижелерді бұрмалауы мүмкін.

Пиридоксин алмасуы алкогольді үнемі қолданғанда бұзылады.

Басқа дәрілік препараттармен өзара әрекеттесуі

Диуретиктердің әсерін күшейтеді, ДОФА - декарбоксилаза тежегішімен бірге пайдаланылатын, Паркинсон ауруын емдеуде қолданылатын дәрілік препарат леводопаның белсенділігін әлсіретеді. Изониазидтің, гидралазиннің, циклосериннің және D-пеницилламиннің нейроуытты әсерін әлсіретеді. Бұл жүрек гликозидтерімен (миокардтың жиырылу ақуыздарының синтезіне ықпал етеді), глутамин қышқылымен, аспаркаммен (гипоксияға төзімділік жоғарылайды) жақсы үйлеседі.

Кортикостероидты гормондар организмдегі В6 дәруменінің азаюына әкелуі мүмкін.

Пиридоксин резорбциялық әсері бар левомицетин препараттарын ұзақ уақыт қолданғанда пайда болатын офтальмологиялық асқынулардың алдын алады.

Препарат трициклді антидепрессанттардың олардың антихолинергиялық белсенділігімен (ауыздың құрғауы, несептің іркілуі) байланысты жағымсыз әсерлерін жояды.

Бір инфузиялық жүйеде немесе бір шприцте адреномиметиктермен, ампициллин натрий тұзымен, В амфотерицинмен, аскорбин қышқылымен, фитоменадионмен, дипиридамолмен, натрий оксиферрискорбонмен, фенотиазин туындыларымен (хлорпромазин), фуросемидпен, этамзилатпен, эуфиллинмен араластыру ұсынылмайды.

Жанама антикоагулянттардың (фениндион, варфарин, неодикумарин) және гепариннің әсерін күшейтеді.

Метамизол, ацетилсалицил қышқылы, трамадол және нефопамның анальгетикалық әсерін күшейтеді.

Пиридоксин гидрохлоридінің ерітіндісін фармацевтикалық үйлесімсіздікке байланысты В1 және В12 дәрумендерімен бір шприцте енгізуге болмайды.

Пиридоксин инъекциясын тиамин инъекциясынан кейін 12 сағаттан ерте жасамаған дұрыс болады.

Арнайы сақтандырулар

Педиатрияда қолдану

Препаратты педиатриялық тәжірибеде жаңа туған сәбилердегі туа біткен пиридоксинге тәуелді құрысу синдромын кешенді емдеуде қолданады.

Жүктілік немесе лактация кезінде

Пиридоксин плацента арқылы өтеді және емшек сүтіне бөлініп шығады

Препаратты жүктілік кезінде жүкті әйелдердегі токсикозда тағайындайды.

Жүктілік кезінде пиридоксинге физиологиялық қажеттілік нормасынан (тәулігіне 2-2,3 мг) асыру ұсынылмайды.

Препаратты бала емізу кезінде тағайындағанда лактация төмендеуі мүмкін.

Препараттың көлік құралын және қауіптілігі зор мехнаизмдерді басқару қабілетіне әсер ету ерекшеліктері

Емдеу кезінде жүйке жүйесі тарапынан жағымсыз әсерлердің даму мүмкіндігіне байланысты көлік құралдарын басқару және күрделі механизмдермен жұмыс істеу кезінде сақ болу керек.

Қолдану жөніндегі нұсқаулар

Дозалану режимі

Ересектерге

В6 гипо- және авитаминозында емдік дозалар 1-2 қабылдауға тәулігіне 50-100 мг құрайды. Емдеу курсы – 1 ай.

Изониазидпен қатар емдеу кезінде тәулігіне 5-10 мг-ден.

Анемияны емдеу үшін 100 мг б/і аптасына 2 рет тағайындайды. Бір мезгілде фолий қышқылын, цианокобаламинді, рибофлавинді қабылдаған дұрыс.

Емдеу курсы әркімге жеке және аурудың түрі мен ауырлығына қарай анықталады.

Пациенттердің ерекше топтары

Балалар

B6 гиповитаминозы: дәрігер препараттың дозасын тәулігіне дене салмағының 1-2 мг / кг есебінен жеке тағайындайды. Емдеу курсы – 2 апта.

Жаңа туған нәрестелер

Пиридоксинге тәуелді құрысу: препарат тәулігіне 50-100 мг (1-2 мл) дозада бұлшықет ішіне немесе вена ішіне ағынмен тағайындалады. Вена ішіне 50 мг/мин жылдамдықпен енгізіледі. Балаларға арналған ең жоғары дозалары белгіленбеген.

Егде жастағы пациенттер

Деректер жоқ

Бауыр жеткіліксіздігі бар пациенттер

Деректер жоқ

Бүйрек жеткіліксіздігі бар пациенттер

Деректер жоқ

Енгізу әдісі және жолы

Егер құсқан кезде және ішекте сіңуі бұзылғанда ішке қабылдау мүмкін болмаса, тері астына, бұлшықет ішіне, вена ішіне тағайындайды.

Фармацевтикалық тұрғыдан үйлесімсіз болғандықтан, пиридоксин гидрохлоридінің ерітіндісін В1 және В12 дәрумендерімен бір шприцте енгізуге болмайды.

Емдеу ұзақтығы

Емдеу ұзақтығын дәрігер анықтайды

Артық дозалану жағдайында қабылдау қажет болатын шаралар

Артық дозалануы пиридоксинді үлкен дозаларда (тәулігіне 200-2000 мг және одан көп) енгізгенде туындайды.

Симптомдары: жағымсыз әсерлердің күшеюі, ақуыздар, көмірсулар және липидтер алмасуының бұзылуы, ОЖЖ (шеткері нейропатия) және паренхиматозды органдардағы дегенеративті өзгерістер (НАД және НАДФ никотинамидтік коферменттер белсенділігінің елеулі төмендеуімен және никотин қышқылының тапшылығымен байланысты алмасу процестерінің бұзылуы). Шеткері нейропатияның симптомдары гиперестезияны, парестезияны, бұлшықет әлсіздігін қамтиды. Жүрістің үдемелі бұзылуымен, аяқ пен қолдағы ұйып қалу және шаншу сезімімен сенсорлық нейропатиялар, ішінара таз болу, инфекцияларға төзімділіктің төмендеуі, қанның ұюға қарсы жүйесінің белсенділігінің төмендеуі туындауы мүмкін. Үлкен дозада ұзақ уақыт қолданғанда В6 гипервитаминозы дамиды, ол бұлшықет тінінде және ішкі ағзаларда ақуыз құрамының елеулі төмендеуімен сипатталады. В6 гипервитаминозының алғашқы сатыларында терідегі бөртпе, бас айналу, құрысулар пайда болуы мүмкін. Дәрілік затты тоқтатқан кезде бұл белгілер қайтымды болды.

Емі: препаратты тоқтату, симптоматикалық ем (нейробұлшықеттік берілісті жақсарту үшін неостигминнің немесе галантаминнің аздаған дозаларын енгізу). Арнайы антидоты жоқ.

Дәрілік препараттың бір немесе бірнеше дозаларын өткізіп алғанда қажет болатын шаралар

Өткізіп алған дозасының орнын толтыру үшін қосарлы дозасын қабылдамаңыз.

Тоқтату симптомдары қаупінің болуына нұсқау

Қатысты емес

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында кеңес алу үшін дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Белгісіз (қолда бар деректер негізінде баға беру мүмкін емес)

• тахикардия, жүрек тұсының ауыруы

• бас ауыруы, бас айналуы, әлсіздік, ұйқышылдық, қозу, қимыл-қозғалыс үйлесімінің бұзылулары, парестезиялар, аяқ-қолдардың ұюы, «шұлық және қолғап» симптомдары (аяқ-қолдарда жағымсыз сезімдердің дамуы), жылдам енгізген кезде естен тану және құрысулардың дамуы

• тыныстың қиындауы

• жүрек айнуы, эпигастрийдің ауыруы, қыжыл, асқазан секрециясының жоғарылауы

• фолий қышқылы деңгейінің төмендеуі

• анафилаксиялық шок, есекжем, бөртпе, қышыну, ангионевроздық ісіну

• тері гиперемиясы, дене температурасының жоғарылауы, дерматит, фотосенсибилизация

• гиперемия, қышыну және енгізген жердегі күйдіру сезіну

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік

препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препараттың құрамында

белсенді зат - 50.0 мг пиридоксин гидрохлориді

(100% затқа шаққанда)

қосымша заттар - инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссіз немесе сәл боялған сұйықтық.

Шығарылу түрі және қаптамасы

1 мл препараттан сындыру нүктесі немесе сақинасы бар шприцпен толтырылатын шыны ампулаларға құйылады.

Әр ампулаға заттаңба жапсырылады.

10 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.

Фольгасыз блистерлік қаптамаға рұқсат етіледі: 10 ампуладан поливинилхлоридті үлбірден жасалған пішінді ұяшықты қаптамаға қапталады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі бекітілген нұсқаулығымен бірге картон қорапшаға салынады.

Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі: пішінді ұяшықты қаптамалар медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны қаптамалардың санына қарай қоса салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 30С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz