Перам

Перам (периндоприл/амлодипин)

Жоқ

Дәрілік түрі, дозасы

Таблеткалар, 4 мг/5 мг, 4 мг/10 мг, 8 мг/5 мг, 8 мг/10 мг

Жүрек-қантамыр жүйесі. Ренин-ангиотензин жүйесіне әсер ететін препараттар. Басқа препараттармен біріктірілімде ангиотензин-өзгертетін фермент (АӨФ) тежегіштері. Антиотензин-өзгертетін фермент (АӨФ) тежегіштері және кальций өзекшелерінің блокаторлары. Периндоприл және амлодипин.

АТХ коды C09BB04

- эссенциальді гипертензия

- жүректің тұрақты ишемиялық ауруы

Қолдану басталғанға дейін қажетті мәліметтер тізбесі

Периндоприлмен байланысты

- периндоприлге немесе кез келген басқа АӨФ тежегішіне жоғары сезімталдық

- анамнезінде АӨФ тежегішімен жүргізілген алдыңғы еммен байланысты ангионевроздық ісінудің болуы

- тұқым қуалайтын немесе идиопатиялық ангионевроздық ісіну

- жүктіліктің екінші және үшінші триместрі

- ангионевроздық ісінудің жоғары даму қаупіне байланысты бейтарап эндопептидаза тежегіштерімен (мысалы, құрамында сакубитрил бар препараттармен) бір мезгілде қолдану

Амлодипинмен байланысты

- ауыр артериялық гипотензия

- амлодипинге немесе дигидропиридиннің басқа туындыларына аса жоғары сезімталдық

- шок, кардиогенді шокты қоса алғанда

- сол жақ қарыншаның шығу жолының обструкциясы (мысалы, ауыр дәрежедегі аортальді стеноз)

- жедел миокард инфарктісінен кейінгі гемодинамикалық тұрақсыз жүрек жеткіліксіздігі

Периндоприлмен/амлодипинмен байланысты

Жоғарыда көрсетілгендей, әрбір монокомпонентке қатысты барлық қарсы көрсетілімдер сонымен қатар бекітілген периндоприл/амлодипин біріктірілімде қолданылуы тиіс:

- құрамына кіретін кез келген қосымша затқа жоғары сезімталдық

-лактоза төзімсіздік, лактаза тапшылығы және глюкоза-галактоза мальабсорбция синдромы (препарат құрамында лактоза бар)

- қант диабеті немесе бүйрек жеткіліксіздігі бар пациенттерге құрамында алискирен бар препараттармен бір мезгілде қолдануға болмайды (ШСЖ <60 мл/мин/1.73 м2)

- периндоприлдің тиімділігі мен қауіпсіздігі монотерапия құралы ретінде немесе амлодипинмен біріктірілімде анықталмауына байланысты 18 жасқа дейінгі балалар мен жасөспірімдер

- лактация кезеңі.

Қолдану кезінде қажетті сақтық шаралары

Төменде аталған әрбір монокомпонентке қатысты барлық сақтық шаралары, сондай-ақ периндоприлдің/амлодипиннің бекітілген біріктіріліміне де қатысты болуы тиіс.

Периндоприлмен байланысты

Жоғары сезімталдық/ангионевроздық ісіну:

Беттің, аяқ-қолдың, еріннің, шырышты қабықтың, тілдің, дауыс саңылауы және/немесе көмейдің ангионевроздық ісінуі сирек жағдайларда, перинатоприлді қоса алғанда, АӨФ тежегіштерімен ем қабылдаған пациенттерде байқалды. Мұндай жағдайлар емдеу кезінде кез келген уақытта дамуы мүмкін. Мұндай жағдайда периндоприл/амлодипин препаратын қабылдауды дереу тоқтату және симптомдар толық кеткенге дейін тиісті бақылауды жүзеге асыру керек.

Ісіну бет пен еріннің аясымен шектелген жағдайда, мұндай жағдайлар әдетте ем қолданбай басылады, әйтсе де антигистаминді препараттарды қолдану кезінде симптомдардың жеңілдетілуі байқалды.

Көмейдің ісінуін қамтитын ангионевроздық ісіну өліммен аяқталуы да мүмкін. Тіл, дауыс саңылауы немесе көмей аймағына ісіну таралған кезде тыныс алу жолдарының обструкциясы орын алуы мүмкін, бұл ретте шұғыл қарқынды емді қолдану қажет. Мұндай ем адреналин енгізуді және/немесе тыныс алу жолдарының еркін өткізгіштігін сақтауды қамтуы мүмкін. Пациент симптомдар толық және тұрақты басылғанға дейін қатаң медициналық бақылауда болуы тиіс.

Анамнезінде АӨФ тежегіштерімен емге байланысты емес ангионевроздық ісіну бар пациенттерде АӨФ тежегіштерін қолданған кезде ангионевроздық ісінудің даму қаупі жоғары болады.

Сирек жағдайда АӨФ тежегіштерімен ем қабылдаған пациенттерде ішектің ангионевроздық ісінуі туралы хабарланды. Бұл пациенттерде іштің ауыруы (жүрек айнуы немесе құсу немесе оларсыз) байқалды; кейбір жағдайларда бұл ретте бет аймағында алдыңғы ангионевроздық ісіну байқалған жоқ және С-1 эстераза деңгейі қалыпты болды. Құрсақ қуысының компьютерлік томографиясында, сондай-ақ ультрадыбыстық зерттеуде немесе операция кезінде ангионевроздық ісіну диагнозы қойылды; симптомдар АӨФ тежегішін қабылдауды тоқтатқаннан кейін басылды.

Ішектің ангионевроздық ісінуі АӨФ тежегіштерін қабылдайтын және іштің ауыруына шағымданатын пациенттердің дифференциалды диагностикасына қосылуы тиіс.

ТТЛП-аферезі кезіндегі анафилактоидты реакциялар: сирек жағдайда декстран сульфаты бар тығыздығы төмен липопротеиндер аферезі (ТТЛП-аферез) барысында АӨФ тежегіштерін қабылдайтын пациенттерде өмірге қауіпті анафилактоидты реакциялар байқалды. Бұл реакцияларды әр аферез емшарасы алдында АӨФ тежегішін қабылдау уақытша үзіліс арқылы болдырмауға болады.

Десенсибилизация жүргізу кезіндегі анафилактоидты реакциялар:

АӨФ тежегіштерін қабылдаған пациенттерде десенсибилизациялайтын ем жүргізу кезінде (мысалы, жарғаққанаттылардың уымен) анафилактоидты реакциялар байқалды. Бұл пациенттерде АӨФ тежегіштерін уақытша тоқтату кезінде симптомдардың жоғалуы байқалды; бұл симптомдар кездейсоқ қоздыру кезінде қайтадан пайда болды.

Нейтропения/агранулоцитоз/тромбоцитопения/анемия:

АӨФ тежегіштерін қабылдайтын пациенттерде нейтропенияның/агранулоцитоздың, тромбоцитопенияның және анемияның даму жағдайлары туралы хабарланған. Бүйрек функциясы қалыпты және басқа асқындырушы факторлары жоқ пациенттерде нейтропения сирек байқалады. Периндоприлді иммунодепрессанттармен қатарлас емде, аллопуринолмен немесе прокаинамидпен емдеу кезінде немесе осы асқындырушы факторлардың үйлесімінде, әсіресе алдында бүйрек функциясының бұзылулары болғанда, коллагенозға шалдыққан пациенттерде сақтықпен қолданған жөн. Осы пациенттердің кейбіреуінде ауыр инфекциялар дамыды, олар жекелеген жағдайларда антибиотиктермен жүргізілген қарқынды емге жауап бермеді. Егер периндоприл мұндай пациенттерді емдеу үшін пайдаланылса, лейкоциттер санына кезеңдік мониторинг жүргізу ұсынылады; сондай-ақ пациенттер инфекцияның кез келген белгілері (мысалы, тамақ ауруы, қызба) туралы хабарлау қажеттілігі жайында хабардар болуы тиіс.

Жүктілік:

АӨФ тежегіштерін қабылдауды жүктілік кезінде бастамаған жөн. Егер АӨФ тежегіштерімен емді жалғастыру маңызды деп санамаса, жүктілікті жоспарлайтын пациенттерді жүктілік кезеңінде қолдану қауіпсіздігінің бекітілген бейініне ие, баламалы гипертензияға қарсы емге ауыстыру қажет. Егер жүктілік анықталса, АӨФ тежегіштерімен емдеуді дереу тоқтатып, мүмкін болса, баламалы емді бастау керек.

Ренин-ангиотензин-альдостерон жүйесінің (РААЖ) қосарлы блокадасы АӨФ тежегіштерін, ангиотензин II немесе алискирен рецепторларының блокаторларын бір мезгілде қолдану артериялық гипотензия, гиперкалиемия қаупін арттырады және бүйрек функциясын төмендетеді (оның ішінде жедел бүйрек жеткіліксіздігін туындатады). Осыған байланысты АӨФ тежегіштерін, ангиотензин II немесе алискирен рецепторларының блокаторларын бір мезгілде қолдана отырып, РААЖ қосарлы блокадасы ұсынылмайды.

Егер РААЖ қосарлы блокадасын қолдану арқылы ем жүргізу қажет деп есептелсе, емдеу бүйрек функциясына, электролиттер мен артериялық қысымға тұрақты мониторинг жасайтын маманның бақылауымен жүргізілуі тиіс. Диабет нефропатиясы бар пациенттерде АӨФ тежегіштерін және ангиотензин II рецепторларының блокаторларын қолдану ұсынылмайды.

Пайдалану кезіндегі сақтық шаралары

Артериялық гипотензия:

АӨФ тежегіштері артериялық қысымның айқын төмендеуін тудыру мүмкін. Симптоматикалық гипотензия асқынбаған артериялық гипертензиясы бар пациенттерде сирек байқалады және АҚК төмен, мысалы, диуретикалық препараттармен емдеу, диетада тұздың шектелуі, диализ, диарея немесе құсу нәтижесінде немесе ауыр ренин тәуелді гипертензиясы бар пациенттерде жоғары ықтималдылықпен дамиды. Препаратпен емдеу кезінде симптоматикалық гипотензияның даму қаупі жоғары пациенттерде артериялық қысымға, бүйрек функциясына және қан плазмасындағы калий мөлшеріне тұрақты мониторинг жүргізу қажет.

Периндоприл/Амлодипин.

Жүректің ишемиялық ауруы немесе цереброваскулярлық ауруы бар пациенттерде артериялық қысымның шамадан тыс төмендеуі миокард инфарктісіне немесе инсультқа әкелуі мүмкін.

Артериялық гипотензия дамығанда пациентті арқада жату қалпына ауыстыру керек және қажет болған жағдайда, натрий хлоридінің 9 мг/мл (0,9%) ерітіндісін вена ішіне енгізу жолымен АҚК орнын толықтыру керек. Транзиторлы артериялық гипотензияның дамуы препаратты одан әрі қабылдауға қарсы көрсетілім болып табылмайды; бұл ретте егер артериялық қысым АҚК ұлғайған кезде жоғарыласа, препаратты қабылдауды жалғастыруға болады.

Аортальді және митральді клапанның стенозы/гипертрофиялық кардиомиопатия:

АӨФ басқа тежегіштер сияқты, периндоприлді митральді клапанның стенозы және аортальді стеноз немесе гипертрофиялық кардиомиопатия кезінде сол қарыншаның шығу жолының обструкциясына шалдыққан пациенттерге аса сақтықпен қолдану керек.

Бүйрек жеткіліксіздігі:

Бүйрект функциясы бұзылғанда (КК < 60 мл/мин) препараттың жеке компоненттерінің дозаларын жеке титрлеу ұсынылады.

Бүйрек функциясының бұзылуы бар пациенттерге қан сарысуындағы калий мен креатинин концентрациясына тұрақты мониторинг жүргізу ұсынылады.

Бүйрек артериясының екі жақты стенозы немесе АӨФ тежегіштерін қабылдайтын жалғыз бүйрек артериясының стенозы бар кейбір пациенттерде қан сарысуында мочевина мен креатинин концентрациясының өтпелі жоғарылау жағдайлары байқалды. Бұл құбылыстар әдетте қайтымды және емдеуді тоқтатқаннан кейін жоғалып кетті. Бұл құбылыстар бүйрек жеткіліксіздігі бар пациенттерде жиі байқалады. Вазоренальді гипертензия болған кезде ауыр артериялық гипотензия мен бүйрек жеткіліксіздігінің даму қаупі жоғары болады. Артериялық гипертензиясы бар кейбір пациенттерде вазореналдық гипертензияның көрінетін белгілері болмаған кезде қан плазмасында мочевина мен креатинин концентрациясының жоғарылауы байқалды; бұл құбылыстар әдетте әлсіз әрі қайтымды болды және периндоприлді диуретикалық препараттармен бірге қолданған кезде байқалды. Олар бүйрек функциясының бұрынғы бұзылулары бар пациенттерде жиі дамыды.

Бауыр жеткіліксіздігі:

Сирек жағдайларда АӨФ тежегіштерін қолданған кезде холестаздық сарғаюдан басталған және бауырдың фульминантты некрозында өршіген және (кейде) өліммен аяқталатын синдром тіркелді. Бұл синдромның даму механизмі зерттелмеген. АӨФ тежегіштерін қабылдайтын пациенттер сарғаю дамыған кезінде немесе «бауыр» ферменттерінің белсенділігі айқын жоғарылағанда АӨФ тежегішін қабылдауды тоқтатып, тиісті медициналық бақылауда болу керек.

Нәсілдік тиесілігі:

АӨФ тежегіштерін қабылдаған кезде қара нәсілді пациенттерінде басқа нәсілді пациенттермен салыстырғанда ангионевроздық ісінудің үлкен жиілігі байқалады.

Басқа АӨФ тежегіштері сияқты, периндоприлдің басқа нәсілді пациенттермен салыстырғанда қара нәсілді пациенттерде артериялық қысымның төмендеуіне қатысты тиімділігі шамалы болуы мүмкін. Бұл заңдылық қара нәсілге жататын артериялық гипертензиясы бар пациенттердің популяциясында рениннің белсенділігі төмен жағдайлардың анағұрлым жоғары жиілігімен түсіндірілуі мүмкін.

Жөтел:

АӨФ тежегіштерін қолданған кезде пациенттерде жөтел байқалды. Жөтел өнімсіз, тұрақты және емдеуді тоқтатқан кезде жазылып кетеді. АӨФ тежегіштерін қабылдаудан туындаған жөтел дифференциациялық диагностикалау кезінде назарға алынуы тиіс.

Хирургиялық операция/анестезия:

Артериялық гипотензияны тудыратын препараттарды қолдану арқылы кең көлемді операциялық араласымдар немесе жалпы анестезия кезінде Периндоприл/Амлодипин рениннің компенсаторлық лықсу салдарынан ангиотензин ІІ түзілуін бөгеттеуі мүмкін. Ем операцияны жүргізгенге дейін бір күн бұрын тоқтатылуы тиіс. Егер жоғарыда келтірілген механизмнің нәтижесінде артериялық гипотензия дамитын болса, АҚК ұлғайту арқылы түзетуді жүргізуге болады.

Гиперкалиемия:

Қан плазмасындағы калий мөлшерінің жоғарылауы периндоприлді қоса алғанда, АӨФ тежегіштерімен ем қабылдаған кейбір пациенттерде байқалды. Гиперкалиемияның дамуына қауіп факторлары бүйрек жеткіліксіздігі, бүйрек функциясының нашарлауы, егде жас (70 жастан асқан), қант диабеті, интеркурренттік жағдайлар, атап айтқанда дегидратация, жедел жүрек жеткіліксіздігі, метаболизмдік ацидоз және калий сақтайтын диуретикалық препараттарды (мысалы, спиронолактон, эплеренон, триамтерен немесе амилорид) қабылдау, калий негізіндегі тағамдық қоспаларды немесе құрамында калий бар тұз алмастырғыштарды қабылдау, сондай-ақ қан плазмасындағы калий мөлшерін арттыратын басқа препараттарды қабылдауды (мысалы, гепарин) қамтиды. Тағамдық қоспаларды, құрамында калий бар тұз алмастырғыштарды тұтыну немесе калий сақтайтын диуретикалық препараттарды қабылдау, әсіресе бүйрек функциясы бұзылған пациенттерде қан плазмасындағы калий мөлшерінің айтарлықтай артуына әкелуі мүмкін. Гиперкалиемия ауыр аритмияны тудырып, жекелеген жағдайларда өліммен аяқталуы мүмкін. Егер периндоприлді жоғарыда көрсетілген препараттардың кез келгенімен бірге қабылдау қажет деп есептелсе, сақтық танытып, қан плазмасындағы калий мөлшеріне жиі мониторинг жүргізу керек.

Қант диабеті бар пациенттер:

Ішке қабылдауға арналған гипогликемиялық препараттарды немесе инсулинді қабылдайтын қант диабеті бар пациенттерде АӨФ тежегішімен емдеудің бірінші айында қандағы қант мөлшеріне тұрақты мониторинг жүргізу қажет.

Амлодипинмен байланысты:

Пайдалану кезіндегі сақтық шаралары

Бауыр жеткіліксіздігі бар пациенттер:

Кальций өзекшелерінің барлық блокаторларына ұқсас амлодипиннің жартылай шығарылу кезеңі артады, ал бауыр функциясы бұзылған пациенттерде AUC артады. Бауыр функциясы бұзылған пациенттерге препаратты қолданған кезде сақ болу қажет және «бауыр» ферменттерінің белсенділігіне мұқият мониторинг жүргізу керек.

Жүрек жеткіліксіздігі бар пациенттер:

Жүрек жеткіліксіздігі бар пациенттерді емдеу кезінде сақтық таныту қажет.

Ұзақ мерзімді плацебо-бақыланатын зерттеуде ауыр жүрек жеткіліксіздігі бар пациенттерде (NYHA жіктелуі бойынша III-IV функционалдық класы) өкпе ісінуінің даму жиілігі плацебо алған топқа қарағанда амлодипинмен ем қабылдаған топта жоғары болды.

Периндоприлмен/амлодипинмен байланысты:

Пайдалану кезіндегі сақтық шаралары

Өзара әрекеттесуі

Периндоприлді/амлодипинді литиймен, калий сақтайтын диуретиктермен немесе құрамында калий бар тағамдық қоспалармен бір мезгілде қабылдау ұсынылмайды.

Препараттың құрамында лактоза бар, сондықтан оны туа біткен галактоземия, глюкоза-галактозды мальабсорбциялық синдром, сондай-ақ лактаза тапшылығы кезінде қолдануға болмайды.

Басқа дәрілік препараттармен өзара әрекеттесуі

Периндоприлмен байланысты

Пайдалану ұсынылмайды:

Клиникалық сынақ деректері АӨФ тежегіштерін, ангиотензин II немесе алискирен рецепторларының блокаторларын біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы РААЖ-ға әсер ететін бір препаратты қолданумен салыстырғанда гипотензияны, гиперкалиемияны және бүйрек функциясының төмендеуін (жедел бүйрек жеткіліксіздігін қоса алғанда) қоса алғанда, жағымсыз құбылыстардың жоғары жиілігіне байланысты екенін көрсетті.

Калий сақтайтын диуретикалық препараттар, калийлі тағамдық қоспалар немесе құрамында калий бар тұз алмастырғыштар:

Қан сарысуындағы калий мөлшері әдетте нормада шегінде қалса да, периндоприл алатын кейбір пациенттерде гиперкалиемия дамуы мүмкін. Калий сақтайтын диуретикалық препараттарды (мысалы, спиронолактон, триамтерен немесе амилорид) қабылдау калийлі тағамдық қоспалар немесе құрамында калий бар тұз алмастырғыштары қан сарысуындағы калий құрамының айтарлықтай артуына әкелуі мүмкін. Жоғарыда аталған препараттармен бірге периндоприлді бір мезгілде қабылдау ұсынылмайды. Егер айқын гипокалиемияға байланысты қатарлас қолдану көрсетілсе, сақтық таныту және қан сарысуындағы калий мөлшеріне жиі мониторинг жүргізу қажет.

Литий:

Литий препараттарын және АӨФ тежегіштерін бір мезгілде қолданғанда қан плазмасындағы литий құрамының қайтымды жоғарылауы және уыттылығы (ауыр нейроуыттылығы) байқалды. Периндоприлді және литий препараттарын бір мезгілде қабылдау ұсынылмайды. Егер мұндай үйлесім қажет болса, қан плазмасындағы литий мөлшеріне мұқият мониторинг жүргізу ұсынылады.

Эстрамустин:

Эстрамустинмен бір мезгілде қабылдау ангионевроздық ісінудің (angioedema) даму қаупінің артуына әкелуі мүмкін.

Ерекше назар аударуды талап ететін бір мезгілде қабылдау:

аспиринді қоса алғанда, қабынуға қарсы стероидты емес препараттар (ҚҚСП ) күніне ≥ 3 г:

АӨФ тежегіштерін және қабынуға қарсы стероидты емес препараттарды (мысалы, қабынуға қарсы дозаларда ацетилсалицил қышқылын, ЦОГ-2 тежегіштерін және селективті емес ҚҚСП) бір мезгілде қабылдау гипертензияға қарсы әсерді әлсіретуге қабілетті, жедел бүйрек жеткіліксіздігінің даму мен қан плазмасындағы калий мөлшерінің арту мүмкіндігін қоса алғанда, әсіресе бұрыннан бүйрек функциясының бұзылуы бар пациенттерде бүйрек функциясының нашарлау қаупімен қатар жүруі мүмкін. Біріктірілім, әсіресе егде жастағы пациенттерде сақтықпен қолданылуы тиіс. Пациенттер организмнің жеткілікті гидратациялануын қамтамасыз ету қажет, сондай-ақ қатарлас емді бастамашылық еткен кезде бүйрек функциясына мониторинг жүргізу және осы ем жүргізу кезінде тұрақты мониторинг жүргізу қажет.

Гипогликемиялық препараттар (инсулин, гипогликемиялық сульфонамидтер):

АӨФ тежегіштерін және гипогликемиялық препараттарды (инсулиндер, гипогликемиялық сульфонамидтер) бір мезгілде қабылдау гипогликемиялық әсердің күшеюіне әкелуі мүмкін. Гипогликемия эпизодтарының дамуы өте сирек байқалады (инсулинге деген қажеттілік төмендегенде глюкозаға төзімділік жақсаруы мүмкін).

Назар аударуды қажет ететін қатарлас препараттарды қабылдау:

Диуретикалық препараттар:

Диуретикалық препараттарды қабылдайтын пациенттерде, әсіресе айналымдағы қан көлемі (АҚК) және/немесе электролиттік бұзылулары төмен пациенттерде АӨФ тежегішімен ем басталғаннан кейін артериялық қысымның шамадан тыс төмендеуі байқалуы мүмкін. Диуретиктен бас тарту, АҚК толықтыру немесе емдеуді бастамас бұрын электролиттік теңгерімді түзету, сондай-ақ периндоприлдің төменгі бастапқы дозаларын тағайындау және олардың біртіндеп артуы артериялық гипотензияның даму қаупін төмендетеді.

Симпатомиметикалық препараттар

Симпатомиметикалық препараттар АӨФ тежегіштерінің гипертензияға қарсы әсерін төмендетуі мүмкін.

Алтын:

Инъекциялық алтын препараттарын (натрий ауротиомалаты) қабылдайтын пациенттерде, периндоприлді қоса алғанда, АӨФ тежегіштерін бір мезгілде қабылдаған кезде сирек жағдайда нитритоидты реакциялар (беттің қызаруы, жүрек айнуы, құсу және артериялық қысымның төмендеуі) байқалды.

Бейтарап эндопептидазаның тежегіштері:

АӨФ және рацекадотрил тежегіштерін (энкефалиназа тежегіші) бір мезгілде қолданғанда ангионевроздық ісінудің жоғары қаупі туралы хабарланған.

АӨФ тежегіштерін құрамында сакубитрил (неприлизин тежегіші) бар дәрілік препараттармен бір мезгілде қолданғанда ангионевроздық ісінудің даму қаупі артады, осыған байланысты аталған препараттарды бір мезгілде қолдануға болмайды. АӨФ тежегіштерін құрамында сакубитрил бар препараттарды тоқтатқаннан кейін кемінде 36 сағат өткен соң тағайындау керек.

Плазмогеннің тіндік активаторлары:

Обсервациялық зерттеулерде ишемиялық инсультті тромболитикалық емдеу үшін алтеплазаны қолданғаннан кейін АӨФ тежегіштерін қабылдаған пациенттерде ангионевроздық ісінудің жоғары даму жиілігі анықталды.

Амлодипинмен байланысты

Ерекше назар аударуды талап ететін бір мезгілде қабылдау:

CYP3A4 цитохром тежегіштері:

Жас пациенттерде эритромицинмен CYP3A4 тежегішін және егде жастағы пациенттерде дилтиаземмен бірге CYP3A4 тежегішін бір мезгілде қолданғанда, амлодипиннің қан плазмасындағы концентрациясы тиісінше 22% және 50% - ға артты. Алайда, бұл нәтижелердің клиникалық мәні белгісіз. Күшті CYP3A4 тежегіштері (мысалы, кетоконазол, итраконазол, ритонавир) дилтиаземге қарағанда, қан плазмасындағы амлодипиннің концентрациясын арттыруы мүмкін. CYP3A4 тежегіштерімен бірге амлодипинді сақтықпен тағайындау керек.

CYP3A4 индукторлары (рифампицин, шілтер жапырақты шайқурай, құрысуға қарсы дәрілер, яғни карбамазепин, фенобарбитал, фенитоин, фосфенитоин, примидон):

Бір мезгілде қолдану амлодипиннің бауыр метаболизмінің жоғарылауына байланысты амлодипиннің плазмалық концентрациясының төмендеуіне әкелуі мүмкін. Амлодипинді CYP3A4 индукторларымен біріктіргенде сақ болу керек, қажет болған жағдайда амлодипинді дозалау бейімделуі мүмкін.

Ескеруді қажет ететін біріктірілімдер:

Жүрек жеткіліксіздігі кезінде тағайындалатын бета-блокаторлармен (бисопрололол, карведилол, метопрололол), егер жүрек жеткіліксіздігі латентті немесе бақыланбайтын (теріс инотропты әсерді қосу) болса, жүрек жеткіліксіздігі бар пациенттерде гипотензияның, жүрек әлсіздігінің даму қаупі артады. Сонымен қатар, бета-блокатор күшті гемодинамикалық рееркуссия кезінде симпатикалық рефлексті азайтуы мүмкін.

Басқа өзара әрекеттесуі:

Монотерапия кезінде амлодипин тиазидті диуретиктермен, бета-блокаторлармен, АӨФ тежегіштерімен, ұзақ әсерлі нитраттармен, сублингвальді қолдануға арналған нитроглицеринмен, дигоксинмен, варфаринмен, аторвастатинмен, силденафилмен, қышқылға қарсы препараттармен (алюминий гидроксид гелі, магний гидроксиді, симетикон), циметидинмен, қабынуға қарсы стероидты емес препараттармен, антибиотиктермен және пероральді гипогликемиялық препараттармен қауіпсіз тағайындалады.

Кейбір препараттармен жүргізілген арнайы зерттеулер амлодипинге әсерін анықтаған жоқ:

- Амлодипинді циметидинмен бір мезгілде қолдану амлодипиннің фармакокинетикасын өзгертпейді.

- Амлодипин мен силденафил біріктірілімін қолданған кезде әрбір препарат өз бетінше қан қысымын төмендететін әсер етті.

- грейпфрут шырыны: 240 мл грейпфрут шырынын бір рет 10 мг амлодипин дозасымен бір мезгілде қолдану 20 еріктіде амлодипиннің фармакокинетикасына елеулі әсер еткен жоқ.

Сонымен қатар, кейбір препараттармен жүргізілген нақты зерттеулер амлодипиннің фармакокинетикалық параметрлеріне әсер етпейтінін көрсетті:

- Аторвастатин: 10 мг амлодипиннің және 80 мг аторвастатиннің бірнеше дозаларын бір мезгілде қолдану аторвастатиннің фармакокинетикалық параметрлерінің тепе-тең жағдайдағы елеулі өзгерістеріне алып келмеді.

- Дигоксин: амлодипинді дигоксинмен бір мезгілде қолдану дигоксиннің сарысудағы концентрациясын немесе еріктілердегі дигоксиннің бүйрек клиренсін өзгерткен жоқ.

- Варфарин: хал жағдайы ауыр ер еріктілерде амлодипинді бір мезгілде қолдану варфариннің әсерінен протромбиндік уақыттың жауапты өзгерістерін айтарлықтай өзгерткен жоқ. Амлодипинді варфаринмен бір мезгілде қолдану варфариннің әсерімен протромбин уақытының жауапты өзгерістерін өзгерткен жоқ.

- Циклоспорин: циклоспоринмен жүргізілген фармакокинетикалық зерттеулер амлодипиннің циклоспориннің фармакокинетикасын айтарлықтай өзгертпейтінін көрсетті.

Ерекше назар аударуды талап ететін дәрілік заттарды пайдалану:

Баклофен: гипертензияға қарсы әсері күшеюі мүмкін. Қан қысымы мен бүйрек қызметін бақылау керек, қажет болған жағдайда, гипотензивті препараттың дозасын түзету керек.

Назар аударуды талап ететін дәрілік заттарды пайдалану:

- гипотензивті дәрілер (мысалы, бета-адреноблокаторлар) және вазодилататорлар:

- периндоприл мен амлодипиннің гипертензияға қарсы әсері күшеюі мүмкін.

- нитроглицеринмен, басқа нитраттармен немесе басқа вазодилататорлармен бір мезгілде тағайындағанда сақ болу керек, өйткені бұл ретте артериялық қысым қосымша төмендеуі мүмкін.

- кортикостероидтар, тетракозактид: гипертензияға қарсы әсерінің төмендеуі (кортикостероидтардың әсері нәтижесінде сұйықтық пен натрий иондарының тежелуі).

- альфа-адреноблокаторлар (празозин, альфузозин, доксазозин, тамсулозин, теазозин): гипертензияға қарсы әсердің күшеюі және ортостатикалық гипотензия қаупінің жоғарылауы.

- Амифостин: амлодипиннің гипертензияға қарсы әсерінің күшеюі мүмкін.

- трициклді антидепрессанттар/нейролептиктер/жалпы анестезияға арналған дәрілер: гипертензияға қарсы әсердің күшеюі және ортостатикалық гипотензия қаупінің жоғарылауы.

Арнайы ескертулер

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пациенттер автокөлік жүргізген және қауіптілігі зор механизмдермен жұмыс істеген кезде, әсіресе бастапқы емдеу кезеңінде немесе гипотензивті препараттармен біріктірілген ем кезінде артериялық қысымның төмендеуімен байланысты жеке реакциялардың ықтимал дамуына байланысты сақтық танытуы тиіс.

Қолдану бойынша ұсынымдар

Дозалау режимі

Ересектерге Перамды тәулігіне 1 таблеткадан тағайындайды, оны таңертеңгі ас алдында қабылдау жақсырақ. Ең жоғары бір реттік және тәуліктік доза-1 таблетка.

Қажет болған жағдайда, Перам препаратының дозасын жеке өзгерту немесе оны периндоприл мен амлодипиннің еркін біріктірілімімен ауыстыру ұсынылады.

КК ≥ 60мл/мин кезінде дозаны түзету қажет емес.

КК < 60 мл/мин пациенттер үшін жекелеген компоненттердің дозасын жеке өзгерту ұсынылады. Амлодипиннің плазмалық концентрациясының өзгеруі мен бүйрек функциясының бұзылу дәрежесі арасында корреляция байқалмайды.

Емнің ұзақтығы жеке белгіленеді.

Артық дозалану кезінде қабылдануы қажет шаралар

Амлодипин артық дозаланған кезде

Симптомдары: кейіннен айқын және мүмкін, ұзақ жүйелі артериялық гипотензия және рефлекторлық тахикардиямен көрінетін шамадан тыс шеткері вазодилатация. Өліммен аяқталатын шокқа дейінгі айқын және ұзаққа созылуы мүмкін жүйелік артериялық гипотензияның дамуы жөнінде мәлімделді.

Емі: тыныс алу және жүрек-қантамыр жүйесінің функцияларына жиі мониторинг жүргізу, аяқ-қолды жоғары көтерілген қалпында ұстау, айналымдағы қан көлемін және диурезді бақылау. Қан тамырларын тарылтатын препараттарды қолдану мұндай препараттарды қолдануға қарсы көрсетілімдер болмаған кезде қан тамырларының тонусы мен артериялық қысымның қалпына келуіне ықпал етуі мүмкін. Кальций глюконатын вена ішіне енгізу кальций өзекшелерінің блокада симптомдарын жеңілдетуге ықпал етуі мүмкін. Кейбір пациенттерде асқазанды шаю қажет болуы мүмкін. 10 мг амлодипинді қабылдағаннан кейін 2 сағат ішінде белсендірілген көмірді тағайындау соңғысының сіңу жылдамдығын төмендетті.

Амлодипин қан плазмасының ақуыздарымен едәуір дәрежеде байланысты болғандықтан, диализ артық дозалануы кезінде тиімді болуы екіталай.

Периндоприл артық дозаланған кезде

Симптомдары: артериялық гипотензия, циркуляторлық шок, электролиттер тепе-теңдігінің бұзылуы, бүйрек жеткіліксіздігі, өкпенің аса желдетілуі, тахикардия, жүрек соғу сезімі, брадикардия, бас айналу, үрейлену және жөтел.

Емі: физиологиялық ерітіндімен вена ішіне инфузия жүргізу. Тұрақты артериялық гипотензия кезінде пациентті арқада жату қалпына ауыстыру керек. Сондай-ақ, II ангиотензинмен инфузия және/немесе катехоламиндерді вена ішіне енгізу ұсынылады. Периндоприлді гемодиализ арқылы жүйелі қан ағысынан шығаруға болады. Жүргізілетін емге рефрактерлік брадикардия дамыған жағдайда электрокардиостимуляцияны қолдану керек. Өмірлік маңызды функцияларға, қан плазмасындағы электролиттердің құрамына және креатинин концентрациясына тұрақты мониторинг жүргізу керек.

Дәрілік препаратты қолдану тәсілін түсіну үшін медицина қызметкерінен кеңес алу үшін жүгіну бойынша ұсынымдар

Препаратты дәрігердің бақылауымен қолдану керек.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар (қажет болған жағдайда)

Периндоприлмен байланысты

Жиі (≥1/100-ден <1/10)

- бас айналу, бас ауруы

- парестезия

- вертиго

-көру қабілетінің бұзылуы

-құлақтағы шуыл

- гипотензия (және гипотензияға байланысты әсерлер)

- ентігу, жөтел

- іштің ауыруы, жүрек айнуы, құсу, диспепсия, дисгевзия, диарея, іш қату

- қышу, бөртпе

- бұлшықеттің құрысуы

- астения

Жиі емес (≥1/1, 000-нан <1/100-ге дейін)

- аллергиялық реакция: есекжем

- көңіл-күйдің өзгеруі

- ұйқының бұзылуы

- бронх түйілуі

- ауыздың құрғауы

- беттің, аяқ-қолдың, еріннің, шырышты қабықтың, тілдің, дауыс саңылауының және/немесе көмейдің ангионевроздық ісінуі

- тершеңдік

- бүйрек функциясының бұзылуы

- импотенция

Сирек (≥1/10,000-нан <1/1,000-ға дейін)

- сарысудағы билирубин мен бауыр ферменттерінің жоғары болуы­

Өте сирек (<1/10, 000)

- лейкопения /нейтропения,

- агранулоцитоз немесе панцитопения

- тромбоцитопения

- туа біткен G-6PDH жеткіліксіздігі бар пациенттерде гемолитикалық анемия

- гемоглобин мен гематокриттің төмендеуі

- сананың шатасуы

- стенокардия

- жоғары қауіп тобындағы пациенттерде артериялық қысымның шамадан тыс төмендеуі салдарынан миокард инфарктісі

- аритмия (брадикардияны, қарыншалық тахикардияны және жүрекше фибрилляциясын қоса алғанда)

- инсульт, жоғары қауіп тобындағы пациенттерде артериялық қысымның артық төмендеуі салдарынан болуы мүмкін

- ринит

- эозинофильді пневмония

- панкреатит

- цитолитикалық немесе холестаздық гепатит

- көп пішінді эритема

- жедел бүйрек жеткіліксіздігі

Белгісіз (қолда бар деректер бойынша бағалау мүмкін емес)

- гипогликемия

- васкулит

- қандағы мочевина мен сарысудағы креатинин деңгейінің жоғарылауы, гиперкалиемия

Амлодипинмен байланысты

Жиі (≥1/100-ден <1/10)

- ұйқышылдық, бас айналу, бас ауыруы

- жүректің жиі соғуы

- қан кернеуі

- іштің ауыруы, жүрек айнуы

- ісіну, шеткері ісіну

- шаршаңдық

Жиі емес (≥1/1, 000-нан <1/100-ге дейін)

- салмақтың артуы немесе азаюы

- ұйқысыздық, көңіл-күйдің өзгеруі

- тремор, гипестезия, парестезия

- көру қабілетінің бұзылуы

- құлақтағы шуыл

- естен тану

- гипотензия (және гипотензияға байланысты әсерлер), ентігу

- ринит

- құсу, диспепсия, ішек перистальтикасындағы өзгерістер, ауыздың құрғауы, дәмнің бұзылуы

- алопеция, пурпура, терінің түссізденуі, жоғары тершеңдік, қышу, бөртпе

- артралгия, миалгия, бұлшықеттің құрысуы

- арқаның ауыруы, кеуденің ауыруы, астения, әлсіздік

- несеп шығарудың бұзылуы, түнгі полиурия, несеп шығарудың жиілеуі

- импотенция, гинекомастия

Сирек (≥1/10,000-нан <1/1,000-ға дейін)

- ангинальды ауырсыну

Өте сирек (<1/10, 000)

- лейкопения /нейтропения

- тромбоцитопения

- аллергиялық реакция: есекжем

- гипергликемия

- гипертонус

- шеткері нейропатия

- миокард инфаркті, жоғары қауіп тобындағы пациенттерде артериялық қысымның шамадан тыс төмендеуі салдарынан болуы мүмкін

- аритмия (брадикардияны, қарыншалық тахикардияны және жүрекше фибрилляциясын қоса алғанда)

- васкулит

- жөтел

- қызыл иектің гиперплазиясы

- панкреатит, гастрит

- гепатит, холестазды сарғаю

- Квинке ісінуі

- көп пішінді эритема

- Стивенс-Джонсон синдромы

- АЛТ, АСТ бауыр ферменттері деңгейінің жоғарылауы (негізінен холестазға сәйкес келеді)­

Кальций өзекшелерінің блокаторларын қабылдау кезінде экстрапирамидальді синдромның жекелеген жағдайлары туралы хабарланды.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Тауарлар және көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша ақпарат

Дәрілік препараттың құрамы

Бір таблетканың құрамында

белсенді зат: 4 мг/5 мг дозасы үшін 4 мг периндоприл терт-бутиламині (немесе периндоприл эрбумині), 6.935 мг амлодипин бесилаты (5 мг амлодипинге баламалы); 4 мг/10 мг дозасы үшін 4 мг периндоприл терт-бутиламині (немесе периндоприл эрбумині), 13.870 мг амлодипин бесилаты (10 мг амлодипинге баламалы); 8 мг/5 мг дозасы үшін 8 мг периндоприл терт-бутиламині (немесе периндоприл эрбумині), 6.935 мг амлодипин бесилаты (5 мг амлодипинге баламалы); 8 мг/10 мг дозасы үшін 8 мг периндоприл терт-бутиламині (немесе периндоприл эрбумині), 13.870 мг амлодипин бесилаты (10 мг амлодипинге баламалы)

қосымша заттар: лактоза моногидраты, микрокристалды целлюлоза, натрий крахмалы гликоляты (А түрі), коллоидты кремний қостотығы, магний стеараты.

Сыртқы түрінің сипаттамасы

Дөңгелек пішінді, ақ түсті таблеткалар.

Шығарылу түрі және қаптамасы

10 таблеткадан ПВХ/ПЭ/ПВДХ үлбірінен және алюминий фольгадан жасалған пішінді ұяшықты қаптамаға салынады.

3 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

25°С-ден аспайтын температурада сақтау керек.

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Argis Pharmaceuticals Inc.Co.

Batı Sitesi Mah. Gersan San. Sit. 2307.Sok. No:80-82-84 Ergazi- Yenimahalle/ Анкара, Түркия

Тіркеу куәлігінің ұстаушысы

HELBA Pharmaceuticals Inc. Co.

Çamlık Mahallesi, Pamuk Sk. A Blok, Apt. No: 12-16/17 Ümraniye - Стамбул, Түркия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«WELFAR-KAZAKHSTAN» (ВЭЛФАР-КАЗАХСТАН) ЖШС

Қазақстан Республикасы, Алматы қ., 2 Кастекская к-сі, 14 үй.

Телефон/Факс: +7 727 352 71 36

E-mail: info@welfar.kz