ПАСК-Акри

МНН: Аминосалициловая кислота
Производитель: "Акрихин" АО
Анатомо-терапевтическо-химическая классификация: Aminosalicylic acid
Номер регистрации в РК: № РК-ЛС-5№022028
Период регистрации: 19.02.2016 - 19.02.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 263.9 KZT

Инструкция

Саудалық атауы

ПАСК-Акри

Халықаралық патенттелмеген атауы

Аминосалицил қышқылы

Дәрілік түрі

Ішекте еритін қабықпен қапталған таблеткалар, 1 г

Құрамы

Бір таблетканың құрамында:

белсенді зат – натрий аминосалицилат дигидраты – 1000 мг;

қосымша заттар: сорбитол, повидон (Коллидон 90 Ф), кальций стеараты, тальк, лимон қышқылы.

Қабықтың құрамы: қызғылт түсті «АКРИЛ-ИЗ» дайын қоспасы, 1 : 1 этилакрилатпен метакрил қышқылының сополимері, титанның қостотығы (Е 171), тальк, триэтилцитрат, коллоидты кремнийдің қостотығы, натрий гидрокарбонаты, натрий лаурилсульфаты, темір тотығының қызыл бояғышы (Е172), темір тотығының сары бояғышы (Е 172), 30 % симетикон эмульсиясы.

Сипаттамасы

Ішекте еритін үлбірлі қабықпен қапталған, қоңыр реңді қызғылт түсті, сопақша пішінді, екі жағы дөңес таблеткалар. Сынығында таблетка крем реңді ақ түсті.

Фармакотерапиялық тобы

Туберкулезге қарсы препараттар. Аминосалицил қышқылы және оның туындылары. Аминосалицил қышқылы.

АТХ коды J04AA01

Фармакологиялық қасиеттері

Фармакокинетикасы

Сіңірілуі жоғары. Қан плазмасындағы ең жоғарғы концентрациясы 4 г дозаны қабылдағаннан кейін 75 мкг/мл құрайды. Бауырда метаболизденеді. Гистогематикалық бөгет арқылы оңай өтеді және тіндерге таратылады. Препараттың жоғары концентрациясы өкпе, бүйрек және бауырда табылады. Жұлын сұйықтығына қабық қабынуында орташа енеді, бұл жағдайда аминосалицил қышқылының жұлын сұйықтығындағы концентрациясы қан плазмасындағы препараттың 10-50 % концентрациясын құрайды. Оған қоса, көбінесе несеппен (80 % препарат 10 сағат ішінде шығарылады), және де 50 % ацетилденген туынды түрінде шығарылады. Жартылай шығарылу кезеңі 0,5 сағатты құрайды. Бауыр функциясының бұзылулары бар пациенттерде сыртқа шығарылуы төмендетілген.

Фармакодинамикасы

Аминосалицил қышқылы Mycobacterium tuberculosis қатысты бактериостатикалық әсерге ие.

Әсер ету механизмі: аминосалицил қышқылы парааминобензойлық қышқылмен (ПАБҚ) бәсекеге түседі және туберкулездің микобактерияларындағы фолий қышқылының синтезін басады, микобактериялық қабырға компоненті микобактиннің пайда болуын басады, бұл Mycobacterium tuberculosis темірді қамтуын азайтады. Аминосалицил қышқылы белсенді көбею жағдайындағы микобактерияларға әсер етеді және іс жүзінде тыныштық жағдайындағы микобактерияларға әсер етпейді. Жасуша ішінде орналасқан қоздырғышқа әлсіз әсер етеді. Mycobacterium tuberculosis ғана қатысты белсенді, басқа туберкулездік емес микобактерияларға әсер етпейді. Стрептомицинге және изониазидге бактериялық тұрақтылықтың даму мүмкіндігін азайтады.

Бактерияға қарсы белсенділіктен басқа препарат десенсибилизирлеуші және қабынуға қарсы әсер етеді, зақымдануға тіндік реакциялардың сипатын өзгертеді және казеозды массалардың ішінара резорбциялануына ықпал етеді.

Қолданылуы

Туберкулезді (әр түрлі түрлерінде және орналасуында) кешенді емдеуде.

Қолдану тәсілі және дозалары

Ішке, тамақтанудан кейін 0,5-1 сағаттан кейін, қайнатылған сумен, сілтілі минералды сумен ішу.

Ересектерге – 9-12 г/тәулігіне (күніне 3 рет 3-4 г), 6 г/тәулігіне дене массасы 50 кг төмен әлсіреген науқастарға арналған.

Балаларға 0,2 г/кг/тәулігіне 3-4 қабылдау есебінен тағайындайды, ең жоғарғы доза – 10 г/тәулігіне.

Амбулаториялық ем шартында бір қабылдауда бүкіл тәуліктік дозаны тағайындауға болады.

Жағымсыз әсерлері

- тәбеттің төмендеуі, жүрек айну, құсу, метеоризм, іштің ауыруы, диарея немесе іштің қатуы

- гепатомегалия, «бауыр» трансаминазалар белсенділігінің артуы, гипербилирубинемия; протеинурия, гематурия, кристаллурия

Сирек

- тромбоцитопения, лейкопения (агранулоцитозаға дейін), дәрілік гепатит, B12‑тапшылығымен мегалобластты анемия

- аллергиялық реакциялар: қалтырау, дерматит (есекжем, пурпура, энантема), эозинофилия, артралгия, бронх түйілуі

- жоғары дозаларда ұзақ уақыт қолдану - гипотиреоз, зоб, микседема

Қолдануға болмайтын жағдайлар

- аса жоғары сезімталдық

- бауыр және бүйрек жеткіліксіздігі

- гепатит, бауыр циррозы

- ішкі ағзалардың амилоидозы

- асқазан және он екі елі ішектің ойық жара ауруы, энтероколит (асқыну)

- микседема (компенсацияланбаған)

- декомпенсацияланбаған нефрит СЖЖ (соның ішінде жүрек ақауы аясында)

- тромбофлебит, гипокоагуляция

- эпилепсия

- жүктілік және лактация кезеңі

- 3 жасқа дейінгі балалар

Дәрілермен өзара әрекеттесуі

Басқа туберкулезге қарсы дәрілік заттармен үйлеседі. Изониазидпен бірге пайдаланған кезде оның қандағы концентрациясын арттырады. Рифампициннің, эритромициннің және линкомициннің сіңірілуін бұзады. В12 витаминінің (анемияның даму қаупі артады) сіңірілуі бұзылады.

Айрықша нұсқаулар

Туберкулезге қарсы дәрілік заттармен біріктіріліп қолданылады. Емдеу кезінде «бауыр» трансаминазаларының белсенділігін бақылау ұсынылған. Туберкулездік уыттану немесе спецификалық зақымдану аясында бүйрек функциясының төмендеуі тағайындауға қарсы көрсетілім болып табылмайды. Протеинурия және гематурияның дамуы препаратты уақытша тоқтатуды қажет етеді.

Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері

Препараттың жағымсыз әсерлерін ескере отырып, осы қызмет түрлерін орындау кезінде сақ болған жөн.

Артық дозалануы

Симптомдары: жағымсыз әсерлердің күшеюі мүмкін.

Емі: препаратты тоқтату, симптоматикалық ем.

Шығарылу түрі және қаптамасы

Ішекте еритін қабықпен қапталған таблеткалар, 1 г.

50 немесе 100 таблеткадан ұқсас маркалары полиэтиленнен немесе полипропиленнен жасалған қақпақпен тығындалған, полипропиленнен жасалған дәрілік заттарды қаптауға арналған банка немесе полиэтиленнен жасалған банкаға салынады.

Банкадағы бос кеңістікті гигроскопиялық медициналық мақта немесе арнайы таблеткаларға арналған тығыздағыш-амортизатормен (компенсатормен) толтырады. Банкаға заттаңбалық немесе жазба, немесе өздігінен жабысатын қағаздан жасалған заттаңбаны жабыстырады.

Қолдану жөніндегі бекітілген нұсқаулықпен бірге әр банканы картоннан жасалған қорапшаға салады.

500 таблеткадан тұрақтанбаған полиэтилен үлбірден немесе үлбірлі қаптамалы материалдан жасалған пакетке салады. Медициналық қолдану жөніндегі бекітілген нұсқаулықпен бірге полиэтилен пакетті полиэтиленнен немесе ұқсас маркалары (стационарға арналған) полиэтиленнен жасалған қақпақпен тығындалған полипропиленнен жасалған контейнерге немесе полиэтиленнен жасалған контейнерге салынады.

Контейнерге заттаңбалық немесе жазба, немесе өздігінен жабысатын қағаздан жасалған заттаңбаны жабыстырады.

Контейнерлер тасымалдау ыдысына салынады.

Сақтау шарттары

Құрғақ, жарықтан қорғалған жерде, 25о С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл.

Жарамдылық мерзімі өткеннен кейін пайдалаунға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

«АКРИХИН» Химия-фармацевтикалық комбинаты» акционерлік қоғамы («АКРИХИН» АҚ), Ресей

142450, Мәскеу облысы, Ногинский ауданы, Старая Купавна қ., Киров к-сі, 29. Телефон (495) 702-95-06; факс (495) 702-95-03.

Тіркеу куәлігі иесінің атауы және елі

«Химфарм» АҚ, Қазақстан Республикасы

Қаптаушы ұйымның атауы мен елі

«АКРИХИН» Химия-фармацевтикалық комбинаты» акционерлік қоғамы («АКРИХИН» АҚ), Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы,

Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электронды пошта infomed@santo.kz

  

Прикрепленные файлы

045020701477976304_ru.doc 33.48 кб
879331251477977500_kz.doc 81.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники