Парацетамол (Б.Браун, 100 мл)

Парацетамол Б. Браун

Парацетамол

Инфузияға арналған ерітінді, 10 мг/мл, 50 мл, 100 мл

100 мл ерітіндінің құрамында

белсенді зат - парацетамол 1.000 г

қосымша заттар: маннитол, натрий цитраты дигидраты, мұзды сірке қышқылы, инъекцияға арналған су

Көрінетін механикалық қоспаларсыз түссізден солғын қызғылт-сарғыш түске (түсі өзгеруі мүмкін) дейінгі мөлдір ерітінді.

Жүйке жүйесі. Анальгетиктер. Басқа  анальгетиктер-антипиретиктер. Анилидтер. Парацетамол

АТХ коды N02BE01

Фармакокинетикасы

Ересектер

Сіңірілуі

Парацетамол фармакокинетикасы 24 сағ ішінде бір рет немесе қайта енгізгеннен кейін 2 г дейінгі дозада дозаға тәуелді.

Парацетамолдың биожетімділігі Парацетамол Б. Браун препаратының 500 мг және 1 г дозалық инфузиясынан кейін пропацетамолдың 1 г және 2 г инфузиясынан (тиісінше 500 мг және 1 г парацетамол бар) кейінгі биожетімділікке ұқсас. Парацетамолдың плазмадағы ең жоғарғы (Сmax) концентрациясына 500 мг және 1 г препараттың венаішілік инфузиясынан кейін 15 мин соң жетеді және тиісінше 15 мкг/мл және 30 мкг/мл жуықты құрайды.

Таралуы

Парацетамолдың таралу көлемі 1 л/кг жуық. Парацетамол аздаған дәрежеде плазма ақуыздарымен байланысады. Жұлын-ми сұйықтығында парацетамолдың 1 г венаішілік инфузиясынан кейін 20 мин соң парацетамолдың едәуір концентрациясы (1,5 мкг/мл жуық) анықталды.

Метаболизмі

Парацетамол негізінен бауырда екі негізгі бауыр жолымен метаболизденеді: глюкурон қышқылымен конъюгация және күкірт қышқылымен конъюгация. Метаболизмнің соңғы жолы емдік дозаларды арттырғанда басым болады. Аздаған бөлігі (4 % кем) реактивті аралыққа (N-ацетилбензохинонимин) дейін P450 цитохромымен метаболизденеді, ол қалыпты жағдайларда қалпына келген глутатионмен жылдам зарарсызданады және цистеинмен және меркаптур қышқылымен конъюгацияланудан кейін несеппен шығарылады. Дегенмен, едәуір артық дозалану кезінде осы уытты метаболиттің мөлшері ұлғаяды.

Шығарылуы

Парацетамол метаболиттері негізінен несеппен шығарылады. Енгізілген дозаның 90 % организмнен 24 сағ ішінде, негізінен глюкуронид конъюгаттары (60 – 80 %) және сульфаттар (20 – 30 %) түрінде шығарылады. 5 % кемі өзгермеген күйде шығарылады. Қан плазмасынан жартылай шығарылу кезеңі 2,7 сағ, ал жалпы клиренсі 18 л/сағ құрайды.

Нәрестелер, сәбилер және балалар

Сәбилер мен балаларда байқалған парацетамолдың фармакокинетикалық параметрлері қан плазмасынан жартылай шығарылу кезеңін қоспағанда, ересектермен бірдей, ол ересектерге қарағанда біраз қысқа (1,5 сағаттан 2 сағ. дейін). Нәрестелерде плазмадан жартылай шығарылу кезеңі сәбилерге қарағанда ұзақ (3,5 сағ. жуық). Нәрестелерде, сәбилерде және 10 жасқа дейінгі балаларда ересектерге қарағанда глюкуронид конъюгаттары біршама аз және сульфат конъюгаттары көп шығарылады.

Фармакокинетикалық параметрлерінің мәндері жас шамасына байланысты (стандартталған клиренс, CLстд/Fперор×(л×сағ-1×70 кг-1)*

* CLстд – популяция үшін клиренсінің есептік мәні,

Fперор – парацетамолдың пероральді қабылдау кезіндегі биожетімділігі.

Пациенттердің ерекше топтары

Бүйрек жеткіліксіздігі бар пациенттер

Бүйректің ауыр жеткіліксіздігінде (креатинин клиренсі 10 – 30 мл/мин) парацетамолдың шығарылуы аздап баяулайды, жартылай шығарылу кезеңі 2 сағаттан 5,3 сағ. дейін. Бүйрек жеткіліксіздігі ауыр пациенттерде конъюгаттардың глюкоронидтармен және сульфаттармен шығарылу жылдамдығы дені сау адамдарға қарағанда 3 есе төмен, сондықтан парацетамолды бүйрек жеткіліксіздігі ауыр (креатинин клиренсі ≤ 30 мл/мин) пациенттерге енгізгенде енгізулер арасындағы минималды аралық 6 сағ. дейін ұзартылуы тиіс.

Егде пациенттер

Парацетамолдың егде пациенттердегі фармакокинетикасы мен метаболизмі өзгермейді, сондықтан дозаны түзету керек емес.

Фармакодинамикасы

Парацетамолдың ауыруды басатын және ыстық түсіретін әсерінің нақты механизмі осы уақытқа дейін анықталмаған; оған орталық және шеткері әсер кіруі мүмкін.

Парацетамол Б. Браун енгізу басталғаннан кейін 5-10 мин ішінде ауырудың басылуын қамтамасыз етеді. Ең жоғарғы анальгетикалық әсеріне 1 сағ ішінде жетеді, ал бұл әсердің ұзақтығы, әдетте 4 сағаттан 6 сағ. дейінді құрайды.

Парацетамол Б. Браун енгізу басталғаннан кейін 30 мин ішінде температураны төмендетеді, ыстық түсіретін әсері кемінде 6 сағ. созылады.

Препарат вена ішіне енгізудің аса қажеттілігі клиникалық тұрғыдан расталса, оның ішінде басқа енгізу тәсілдерін қолдану мүмкін болмаған жағдайларда ауыруды және қызбалық синдромды жою үшін қолданылады.

- қарқындылығы орташа ауыру синдромын емдеудің қысқа курсы, әсіресе операциядан кейінгі кезең

- қызбалық синдромды емдеудің қысқа курсы.

Қолдану тәсілі

Вена ішіне.

Парацетамол ерітіндісін 15 минут ішінде енгізеді.

Дозалар

Қажетті доза мен қаптаманың жарамды өлшемін пациенттің дене салмағын назарға алып белгілейді. Пациентке енгізілетін препарат көлемі есептелген дозадан асатын парацетамол мөлшерін қамтымауы тиіс. Қажет болса енгізер алдында препаратты инфузияға арналған сай келетін ерітіндімен талап етілген көлемге дейін сұйылтуға немесе шприцтік инфузиялық сорғыны пайдалануға болады.

Парацетамол Б. Браун 0,9% натрий хлоридінің ерітіндісінде немесе 5% глюкоза ерітіндісінде немесе бірдің онға (Парацетамол Б. Браун препаратының бір көлемі еріткіштің он көлемінде) арақатынасынан аспайтын көлемдегі екі ерітіндінің біріктірілімінде сұйылтуға болады. Сұйылтылған ерітіндіні инфузия уақытын қоса, дайындалғаннан кейін бір сағат ішінде пайдалану қажет.

Пациенттің дене салмағына қарай дозалау

* Мерзімі жетпей туған нәрестелер: мерзімі жетпей туған нәрестелер үшін қауіпсіздік және тиімділік деректері жоқ.

** Ең жоғарғы тәуліктік доза: кестеде құрамында парацетамол бар басқа препараттарды қабылдамайтын пациенттер үшін ең жоғарғы тәуліктік доза келтірілген; егер ондай препараттар қолданылса бұл дозаны құрамында парацетамол және пропарацетамол бар басқа дәрілік препараттар қабылдауын ескеріп, тиісті түрде түзету керек.

*** Дене салмағы анағұрлым төмен пациенттерге ерітіндінің төмен көлемдері керек.

Енгізулер арасындағы минималды аралық 4 сағ. құрайды.

Бүйрек жеткіліксіздігі ауыр пациенттер үшін енгізулер арасындағы минималды аралық кемінде 6 сағ.

24 сағ ішінде препаратты 4 реттен асырмай енгізуге жол беріледі.

Бүйректің ауыр жеткіліксіздігі:

Бүйрек функцияы ауыр бұзылған (креатинин клиренсі ≤ 30 мл/мин) пациенттерде парацетамол дозасын азайтқан жөн, ал енгізулер арасындағы минималды аралықты 6 сағ. дейін ұлғайтқан жөн.

Гепатоцеллюлярлық жеткіліксіздіктен, созылмалы алкоголизмнен, созылмалы жүдеуден (бауырдағы глутатион қорының аздығы), сусызданудан зардап шегетін ересектер:

Ең жоғарғы тәуліктік доза 3000 мг аспауы тиіс.

Парацетамолдың қажетті дозасын таңдауда қателікке бой алдырмау үшін препаратты пациенттердің келесі топтары үшін тиісті қаптама түрлерін пайдаланған дұрыс:

- 100 мл бөтелкелерде – ересектерге, сондай-ақ дене салмағы 33 кг асатын балаларға

- 50 мл бөтелкелерде – дене салмағы 33 кг дейінгі балаларға

Жағымсыз әсерлер

Парацетамолдың басқа препараттарындағы сияқты осы препаратты қолдану аясында жағымсыз әсерлер, жағымсыз реакциялар сирек (≥ 1/10 000, < 1/1000) немесе өте сирек (< 1/10 000) туындауы мүмкін.

Жағымсыз әсерлер олардың туындау жиілігі тәртібімен тізілген:

Өте жиі (≥ 1/10)

Жиі (≥ 1/100 — < 1/10)

Жиі емес (≥ 1/1000 — < 1/100)

Сирек (≥ 1/10 000 — < 1/1000)

Өте сирек (< 1/10 000)

Белгісіз (қолда бар деректер негізінде бағалау мүмкін емес)

Сирек

• артериялық гипотония

• бауыр аминотрансферазалары белсенділігінің жоғарылауы

• дімкәстік

Өте сирек

• тромбоцитопения

• лейкопения

• нейтропения

• аса жоғары сезімталдық(1),(3)

• күрделі тері реакциялары(3)

Белгісіз

• тахикардия(2)

• гиперемия(2)

• қышыну(2)

• эритема(2)

(1)Қарапайым тері бөртпесінен немесе есекжемнен анафилаксиялық шокқа дейінгі аса жоғары сезімталдық реакцияларының өте сирек жағдайлары белгіленді; мұндай реакциялар емді тоқтатуды талап етеді.

(2)Жекелеген жағдайлар.

(3)Күрделі тері реакцияларының өте сирек жағдайлары белгіленді.

Клиникалық зерттеулер барасында енгізу орнындағы жағымсыз реакциялар (ауыру және шымылдату) жиі байқалды.

- парацетамолға, пропацетамол гидрохлоридіне (парацетамолдың ізашары) немесе қосымша заттардың кез келгеніне аса жоғары сезімталдық

- бауырдың ауыр жеткіліксіздігі

Пробенецид, глюкурон қышықылымен конъюгациялануын басу есебінен парацетамол клиренсінің екі еседей төмендеуін туындатады. Пробенецидпен бір уақытта қолданған жағдайда парацетамол дозасын төмендету мәселесін қарастыру керек.

Салициламид парацетамолдың жартылай шығарылу кезеңін ұлғайтуы мүмкін.

Ферменттерді индукциялайтын препараттарды бір уақытта қабылдаған жағдайда сақ болу керек.

Парацетамолды (кемінде 4 тәулік бойы тәулігіне 4000 мг дозада) ішуге арналған антикоагулянттармен бір уақытта қолдану халықаралық қалыптасқан қатынас (ХҚҚ) мәндерінің аздап ауытқуына әкелуі мүмкін. Парацетамол мен антикоагулянттарды бір уақытта қолдану кезеңінде, сондай-ақ парацетамолды тоқтатқаннан кейін 1 апта бойы ХҚҚ мәндерін мұқият қадағалау керек.

Парацетамол Б. Браун 0,9% натрий хлоридінің ерітіндісінде немесе 5% глюкоза ерітіндісінде немесе бірдің онға арақатынасынан аспайтын көлемдегі екі ерітіндінің біріктірілімінде сұйылтуға болады.

Ұзақ немесе жиі қолдануға кеңес берілмейді. Пациентті, мүмкіндік болу бойына, ауыруды басатын препараттарды пероральді қабылдауға ауыстыру керек.

Ұсынылған дозалардың абайсыз арттырылуы бауыр функциясының ауыр бұзылуына әкеп соғуы мүмкін. Бауыр зақымының клиникалық симптомдары (соның ішінде, шұғыл дамитын гепатит, бауыр функциясының жеткіліксіздігі, холестаздық сарғаю, цитолитикалық гепатит) препаратпен артық дозаланғаннан кейін 2 тәуліктен соң білінеді және ең жоғары шегіне 4–6 күні жетеді. Антидотпен емдеу мүмкіндігінше тезірек жүргізілуі қажет.

Дене салмағы ≤ 10 кг пациенттер:

- Препаратты 0,9% натрий хлоридінің ерітіндісінде немесе 5% глюкоза ерітіндісінде немесе бірдің онға (Парацетамол Б. Браун препаратының бір көлемі еріткіштің он көлемінде) арақатынасынан аспайтын көлемдегі екі ерітіндінің біріктірілімінде енгізуді және сұйылтуды талап ететін көлемде алу қажет. Алынған ерітінді көлемі 15 мин ішінде енгізіледі.

- Баланың дене салмағына және талап етілген көлемге сай келетін дозаны өлшеп алу үшін көлемі 5 немесе 10 мл шприц пайдалану керек. Алайда талап етілген көлемі ешқашан бір енгізуге 7,5 мл-ден аспауы тиіс.

- Дозаны анықтау үшін қолдану жөніндегі нұсқаулықта қамтылған дозаны таңдау бойынша көрсетілімдерге қарау қажет.

Үйлесімді ерітінділерде сұйылтудан кейінгі химиялық және физикалық тұрақтылығы бөлме температурасында инфузия уақытын қоса, 48 сағат бойы сақталады.

Микробиологиялық қауіпсіздік тұрғысынан басқа препараттарды қосқаннан кейін Парацетамол Б. Браун дереу пайдалану қажет. Егер препаратты дереу пайдаланбаса препараттың сақталу мерзімі мен сақтау шарттары үшін препаратты қолданған қызметкер жауап береді.

Тәуліктік дозаны, пациент қолданатын басқа препараттардағы парацетамол мөлшерін ескеріп анықтайды.

Ерітінді мөлдір, механикалық қоспалары жоқ, түссізден аздаған қызғылт-сарғыш түске дейін, ал бөтелке және қалпақша бүлінбеген болса ғана пайдалану керек. Препараттың түсі әркімге әр қалай көрінуі мүмкін.

Ішінде ауа болатын, қаптамада жеткізілетін инфузияға арналған кез келген ерітіндідегі сияқты инфузия енгізу тәсіліне қарамастан, енгізу жолына қарамастан, әсіресе инфузияның соңында мұқият қадағалаумен жүргізілуі тиіс екенін есте сақтау керек. Инфузия соңындағы мұндай қадағалау орталық веналарға инфузияға қатысты және ауа эмболиясын болдырмауға бағытталған.

Инфузиялық жүйемен біріктіргеннен кейін дереу инфузияны бастау керек.

Бөтелке тек бір рет пайдалануға арналған.

Препараттың пайдаланылмай қалған көлемдерін жою керек.

Сақтықпен препаратты келесі жағдайларда қолдану керек:

- бауыр жеткіліксіздігі

- бүйректің ауыр жеткіліксіздігі (креатинин клиренсі ≤ 30 мл/мин)

- созылмалы алкоголизм

- созылмалы жүдеу (бауырдағы глутатион қорының аздығы)

- дегидратация

- генетикалық тұрғыдан негізделген глюкозо-6-фосфатдегидрогеназа тапшылығынан (фавизм) зардап шегетін пациенттерде гемолиздік анемияның туындауы парацетамолды енгізгеннен кейін глутатион таралуының төмендеуі салдарынан болуы мүмкін.

Парацетамол Б. Браун іс жүзінде «натрийден бос», өйткені кез келген көлемдегі қаптама ішіндегі натрий 1 ммольдан (23 мг) кем.

Жүктілік

Жүктілік кезінде вена ішіне енгізуге арналған парацетамолды қолдану шектелген.

Парацетамолды жоғарғы дозаларда жүкті әйелдерде қолдану шаранада даму ақаулары қаупінің ұлғаюын анықтамады.

Парацетамол Б. Браун жүктілік кезінде күтілетін пайда ана мен балаға төнетін ықтимал қауіптен басым болса ғана қолдану керек.

Емшек емізу кезеңі

Парацетамолды ішке қабылдағанда оның аздаған мөлшері емшек сүтіне түседі. Препаратты емшек емізу кезеңінде қолдануға болады: емшек еметін балаларда жағымсыз реакциялар байқалмады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қатысы жоқ.

Симптомдары

Әсіресе егде пациенттерде, кішкентай балаларда, бауыры ауыратын пациенттерде, созылмалы алкоголизмі немесе созылмалы жүдеуі бар, сондай-ақ фермент индукторларын қабылдайтын пациенттерде бауырдың зақымдану қаупі (шұғыл дамитын гепатитті, бауыр жеткіліксіздігін, холестаздық гепатитті, цитолитикалық гепатитті қоса) бар. Осындай жағдайларда артық дозалану өліммен аяқталуға әкелуі мүмкін.

Симптомдар әдетте алғашқы 24 сағат ішінде пайда болады және оған жүрек айнуы, құсу, анорексия, тері жабындардың бозаруы және іш ауыруы кіруі мүмкін. Парацетамолмен артық дозалану жағдайында, тіпті симптомдар болмаса да дереу шұғыл шаралар қабылдау қажет.

Бауыр функциясының бұзылуы бар болуына және оның ауырлығына қарамастан артық дозалану жағдайында бүйрек функциясының жедел бұзылу симптомдары дамуы мүмкін.

Парацетамолмен артық дозалану (ересектерде бір енгізуге 7,5 г немесе одан артық немесе балаларда бір енгізуге дене салмағына 140 мг/кг) бауыр жасушаларының лизисін туындатады, соңынан бауыр жеткіліксіздігі, метаболизмдік ацидоз және энцефалопатиямен жалғасатын олардың толық және қайтымсыз некрозына әкелуге қабілетті, бұл комаға және өлімге әкелуі мүмкін. Бұл ретте (енгізгеннен кейін 12-48 сағ. соң), билирубин деңгейінің жоғарылауымен және протромбин деңгейінің төмендеуімен қатар бауыр аминотрансферазаларының (АсАт, АлАт) және лактатдегидрогеназаның жоғары белсенділігі байқалды. Бауыр зақымдануының клиникалық симптомдары әдетте екі күннен соң пайда болады және ең жоғары әсеріне 4-6 күннен соң жетеді.

Емі

Дереу ауруханаға жатқызу.

Емді бастар алдында қан плазмасындағы парацетамол мөлшерін анықтау үшін қан үлгісін барынша жылдам алу қажет.

Ем барынша ерте, артық дозаланудан бастап 10 сағатқа дейін N-ацетилцистеин антидотын вена ішіне немесе пероральді енгізуден тұрады. Дегенмен, тіпті 10 сағат өткенде де N-ацетилцистеин белгілі бір қорғаныс әсерін көрсетеді, алайда бұл жағдайда ұзақ ем керек болады.

Симптоматикалық ем.

Бауыр функциясының биохимиялық көрсеткіштерін емнің басында анықтау, сосын талдауды 24 сағат сайын қайталау керек. Көптеген жағдайда бауыр аминотрансферазаларының белсенділігі 1-2 апта ішінде қалпына келеді; бауыр функциясы бұл ретте толық қалпына келеді. Алайда, өте ауыр жағдайларда бауыр трансплантациясы талап етілуі мүмкін.

Шығарылу түрі және қаптамасы

Инфузияға арналған ерітінді 10 мг/мл.

50 мл немесе 100 мл қоспасыз полиэтиленнен жасалған бөтелкелерде. Бөтелкеде өздігінен түсетін корпус және ілетін сақина бар. Бөтелкеге үстінде екі жеке стерильді портымен полиэтилен қалпақша дәнекерленген, оның астында резеңке диск бар; порттардың әр қайсысы жекелей фольгамен бекітілген. Бөтелке қалпақшасы «Экофлак Микс» ерітінділерін араластыратын екі жақты канюлямен үйлеседі.

50 мл немесе 100 мл 10 бөтелкеден медициналық қолдану жөніндегі мемлекеттік және орыс тілдеріндегі нұсқаулықтарының тиісті санымен картон қорапта.

Жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

B.Braun Medical S.A., Испания

Carretera de Terrassa, 121 08191 Руби (Барселона)

Тіркеу куәлігінің ұстаушысы

B.Braun Melsungen AG, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері:

«Б.Браун Медикал Қазақстан» ЖШС

Алматы қ-сы,Тимирязев к-сі, 26/29

Телефон: +7 (727) 220 00 02

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Б.Браун Медикал Қазақстан» ЖШС

Алматы қ-сы,Тимирязев к-сі, 26/29

Телефон: +7 (727) 220 00 02

эл.пошта: pharmacovigilance.kz@bbraun.com