Парамолан С

МНН: Аскорбиновая кислота, Парацетамол
Производитель: Фармалабор - Продуктос Фармасьютикос С.А.
Анатомо-терапевтическо-химическая классификация: Парацетамол в комбинации с другими препаратами (исключая психолептики)
Номер регистрации в РК: № РК-ЛС-5№020757
Период регистрации: 02.09.2014 - 02.09.2019

Инструкция

Саудалық атауы

Парамолан С

Халықаралық патенттелмеген атауы

Жоқ

Дәрілік түрі

Ішке қабылдау үшін ерітінді дайындауға арналған ұнтақ

Құрамы

Бір пакеттің (3.0 г) ішінде

белсенді заттар: парацетамол 500,0

аскорбин қышқылы 250,0

қосымша заттар: лимон қышқылы, натрий цитраты, маннитол, сусыз кремнийдің коллоидты қостотығы, натрий бензоаты, натрий сахарині, хинолинді сары, лимон хош иістендіргіші, неогесперидин

Сипаттамасы

Суда тез еритін, боялған немесе күңгірт дақтары жоқ, лимонның иісі бар, ақтан сарғыш реңді ұнтақ. Дайындалған ерітінді – лимонның өзіне тән иісі бар сарғыш түсті.

Фармакотерапиялық тобы

Анальгетиктер. Басқа да анальгетиктер-антипиретиктер. Анилидтер. Парацетамол басқа препараттармен біріктірілімде (психолептиктерді қоспағанда).

АТХ коды N02BE51

Фармакологиялық қасиеттері

Фармакокинетикасы

Парацетамол жылдам және толық сіңіріледі. Плазмадағы ең жоғарғы концентрациясына 20-30 минуттан кейін жетеді. Парацетамол организмнің барлық тіндеріне тез таралады. Қан плазмасы ақуыздарымен әлсіз байланысады. Бауырдағы метаболизмі 24 сағат ішінде бүйрекпен шығарылатын глюкурон және күкірт қышқылымен байланысқан конъюгаттарды түзумен болады. Парацетамолдың елеусіз бөлігі Р450 цитохромының қатысуымен глутатионмен қосылатын метаболитке айналады және несеппен шығарылады. Артық дозаланғанда бұл метаболиттің мөлшері артады. Пероральді қолданғанда жартылай шығарылу кезеңі шамамен 2 сағатты құрайды.

Егде жастағы адамдар үшін конъюгацияға қабілеті өзгермейді. Бауыр жеткіліксіздігі кезінде парацетамол метаболизмі өзгермейді.

Барлық дерлік аскорбин қышқылы аш ішекте шығарылады.

С витамині өзгермеген күйде не болмаса гидроаскорбин қышқылы, 2-3 дикетогулон қышқылы немесе қымыздық қышқылы түрінде несеппен шығарылады.

Фармакодинамикасы

Парацетамол гематоэнцефалдық бөгет арқылы жақсы өтеді. Мұнымен оның простагландинсинтетаза ферментін бөгеу арқылы терморегуляция орталықтарына және гипоталамустағы ауыруға әсер етумен бұл үдерістердің шектік деңгейін азайту арқылы орталық ауыруды басатын және ыстық түсіретін әсері байланысты, бұл простагландиндер синтезіне кедергі келтіреді. Бұл олардың дене температурасының төмендеуіне әкелетін терморегуляция орталықтарына әсер етуін жояды. Қызба жағдайларында дененің жылуды жоғалтуы тамырлардың кеңеюі мен шеткергі қан ағымы қарсыласуының жоғарылауы нәтижесінде артады. Бұдан бөлек, парацематолдың ауыруды басатын әсері ауырудың туындауына жауап беретін брадикинин сезімтал хеморецепторларға импульстардың шеткергі бөгеуімен байланысты. Жедел қабыну салдарынан микроциркуляция, бәрінен бұрын қылтамырлық қан айналымы бұзылуы болады. Бұл қан тамырлары ағысымен орналасқан ауыру рецепторларының сезімталдығының өзгеруіне әкеледі.

Парацетамолдың ыстық түсіретін әсері басқа да қабынуға қарсы стероидты емес дәрілердегі сияқты қалыпты дене температурасын емес, қызба кезіндегі температураны түсіруге негізделген.

Қабынған тіндерде жасушалық пероксидазалар парацетамолдың циклооксигеназаға әсерін бейтараптандырады, бұл қабынуға қарсы әсердің толық дерлік жоқтығын түсіндіреді.

Аскорбин қышқылы (С витамині) организмдегі тотығу-тотықсыздану реакциялардың көптеген түрлеріне қатысады.

L-аскорбин қышқылы мен оның тотыққан түрі – дегидроаскорбин қышқылы маңызды өкілдер болып табылады. Көрсетілген қоспалардың негізгі қасиеті – антиоксидантты. Аскорбин қышқылы липидтердің, ақуыздардың және басқа жасуша компоненттерінің асқын тотығу үдерістерін тежейді, мұнымен оны зақымданудан қорғайды. С витамині қандағы интерферон концентрациясын арттырады. Мұнымен С витаминінің жарғақша тұрақтандырғыш әсері мен оның иммуномодуляциялайтын әсері байланысты. С витамині лейкоциттерде жинақталуыға қабілетті, олардың фагоцитарлы белсенділігін арттырады, бұл микробқа қарсы және вирусқа қарсы қорғанысын арттырады. Аскорбин қышқылы бүйрек үсті безі гормондарының биосинтезін белсендіреді және сонымен стресс кезінде организмнің бейімділік үдерістерін көтермелейді.

С виамині тапшлығында суық тию ауруларының даму қаупі артады, қандағы холестерин деңгейі өседі, қызыл иектің қанағыштығы, жоғары шаршағыштық және т.б. дамиды.

Қолданылуы

Жұқпалы-қабыну ауруларын симптоматикалық емдеу:

- температураның жоғарылауымен, қалтыраумен және қызбамен, бас ауыруымен, тұмаумен, мұрын бітелуімен, түшкірумен және бұлшықеттегі ауырулармен қатар жүретін жоғарғы тыныс алу жолдарының қабыну үдерістерінде.

Қолдану тәсілі және дозалары

Аурудың алғашқы симптомдары пайда болғанда емді мүмкіндігінше ертерек бастау керек. Пакет ішіндегісін стақандағы ыстық суға ерітіп, жылы күйде ішеді.

Ішке – 1 пакеттен тәулігіне 2-3 рет. Препаратты қабылдау аралықтары 4 сағаттан кем болмауы тиіс.

Ауыр бүйрек жеткіліксіздігі жағдайында препаратты қабылдау аралықтары 8 сағаттан кем болмауы тиіс.

Ең жоғары тәуліктік доза – 3 пакет.

Емдеу мерзімдері симптомдар сипатына және ауру ағымына байланысты, қабылдау ұзақтығы 3-5 күнді құрайды.

Жағымсыз әсерлері

Кейде

- аллергиялық реакциялар (эритема, қышыну, экзема, пурпура, есекжем, Квинке ісінуі, анафилактикалық шок)

- жүрек айнуы, құсу, диарея, іштің ауыруы

- дизурия, олигурия, гемоглобинурия

- гипогликемия, қызба, сарғаю,

- бүйрек/бауыр жеткіліксіздігі

- Лайелл және Стивенс-Джонсон синдромы

Сирек

- лейкоцитопения, нейтропения, тромбоцитопения,

Сиректеу

- ОЖЖ қозуының жоғарылауы, ұйқының бұзылуы, ұйқысыздық, мазасыздық

- панцитопения және метгемоглобинемия (өте сирек кездеседі)

Қолдануға болмайтын жағдайлар

- препарат компоненттерінің біріне жоғары сезімталдық

- гепатоцеллюлярлық жеткіліксіздік, бүйрек функциясының айқын бұзылулары

- қуық асты безі функциясының бұзылуларымен байланысты несептің іркілуі

- құрамында парацетамол бар басқа препараттарды,

деконгестанттарды немесе суық тиюге қарсы препараттарды бір уақытта қабылдау

- МАО тежегіштерін, үш циклді антидепрессанттарды бір уақытта қабылдау

- 18 жасқа дейінгі балаларға

- глюкоза-6-фосфатдегидрогеназа тапшылығы

Дәрілермен өзара әрекеттесуі

Метоклопрамидті, домперидонды немесе холестираминді бір уақытта қабылдағанда парацетамолдың сіңіргіштігі төмендейді. Сондықтан ең жоғары ауыруды басатын әсерге қол жеткізу үшін бұл дәрілік заттарды 1 сағат аралықпен қабылдау керек.

Метоклопрамид пен домперидон парацетамолдың сіңірілуін арттырады. Алайда, бұл дәрілер парацетамолмен бір уақытта пайдаланылуы мүмкін.

Гепатоуытты әсердің даму қаупі барбитураттарды, дифенинді, карбамазепинді, рифампицинді, зидовудинді және басқа да микросомальді бауыр ферменттері индукторларын бір уақытта қабылдағанда артады. Барбитураттар парацетамолдың ыстық түсіретін әсерін төмендетеді.

Парацетамол мен рифампициннің үйлесуі де бауырдың зақымдануын туғызуы немесе өршітуі мүмкін.

Парацетамол плазмадағы хлорамфеникол концентрациясын арттырады.

Парамолан C-ны құрамында парацетамол, салицилаттар немесе басқа да қабынуға қарсы стероидты емес препараттар бар басқа да дәрілермен бір уақытта тағайындауға болмайды.

Парацетамолды зидовудинмен (АЗТ) бір уақытта қабылдағанда нейтропенияның туындау немесе асқыну қаупі артады.

Парацетамолды тағайындау фосфорновольфрам қышқылы әдісімен қандағы несеп қышқылы деңгейін анықтауға және глюкоза- оксидазалық-пероксидазалық әдіс бойынша гликемияны анықтауға әсер етуі мүмкін.

Ұсынылған емдік дозаларда парацетамолдың антикоагулянттармен өзара әрекеттесу ықтималдығы аз. Алайда парацетамолды жоғары дозалармен ұзақ емдеу варфарин әсерін күшейтуі мүмкін.

Аскорбин қышқылы қандағы бензилпенициллин мен тетрациклин концентрациясын жоғарылатады. Ішектегі темір препараттарының сіңірілуін жақсартады (үш валентті темірді екі валенттіге көшіреді), дефероксаминмен бір уақытта қолданғанда темірдің шығарылуын жоғарылатуы мүмкін.

Айрықша нұсқаулар

Ұсынылған дозаларда парацетамол салыстырмалы түрде уытты емес. Дегенмен, аллергиялық тері реакциялары, соның ішінде анафилактикалық реакциялар байқалуы мүмкін. Бауыр некрозы жағдайлары парацетамолды жоғары дозаларда қабылдаған емделушілерде тіркелген. Жүрек, тыныс алу жолдары, бауыр немесе бүйрек жеткіліксіздігі немесе анемиясы бар емделушілерге бұл препаратты тек дәрігердің бақылауымен және қысқа мерзім ішінде қабылдау керек. Парацетамолды сыртартқысында алкоголизм бар емделушілерге сақтықпен қолдану керек. Бұл емделушілер парацетамолды ұдайы немесе шамадан тыс қолданудан аулақ болуы тиіс немесе керісінше, оны қабылдаған кезде алкогольді қолданудан бас тарту керек. Анальгетиктермен ұзақ емдеу, жекелей алғанда бір мезетте анальгетиктің бірнеше түрін қабылдау бүйрек жеткіліксіздігінің даму қаупін (анальгетиктік нефропатия) болдыратын қайтымсыз бүйрек зақымдануларына әкелуі мүмкін. Ауыруды басу үшін өз бетімен емдеген кезде егер дәрігер тағайындамаса бұл дәрілік затты (ересектерге) 7 күннен артық немесе (балаларға) 5 күннен артық қабылдауға болмайды, себебі қарқынды немесе ұзақ ауырсынулар медициналық тексеруді және емдеуді қажет етуі мүмкін.

Егер қызба 3 күннен ұзаққа созылса немесе қайталанатын қызба байқалса, егер дәрігер тағайындамаса бұл дәрілік затты жоғары температураны өз бетімен емдеуге қолдануға болмайды (температура 39 º C-ден жоғары), себебі бұл жағдайлар медициналық тексеруді және емдеуді қажет етеді. Ұсынылған дозадан асыруға болмайды. Ұсынылған дозадан асатын дозалануда және ұзақ уақыт емдегенде психологиялық тәуелділік қаупі туындауы мүмкін.

ПАРАМОЛАН C құрамында сашеге 28 мг-ге жуық натрий бар. Бұл тұзсыз емдәм қабылдап жүрген емделушілердің назарында болуы тиіс.

Жүктілік және лактация кезеңі

Жүктілік және лактация кезеңінде препаратты қабылдар алдында емдеуші дәрігерден кеңес алу керек. Парацетамол емшек сүтіне өтеді, бірақ клиникалық елеусіз мөлшерде.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: әдетте алғашқы тәуліктерде пайда болатын жүрек айнуы, құсу, анорексия, бозару, іштің ауыруы. Ересектерде бір рет қабылдағанда 10 г парацетамолдан көп артық дозалану гепатоцеллюлярлық жеткіліксіздікке, метаболизмдік ацидозға, энцефалопатия мен өлімге әкелетін гепатоциттер некрозын туғызуы мүмкін. Артық дозаланғаннан кейін 12-48 сағаттан соң бауыр трансаминазалары, лактатдегидрогеназа мен билирубин деңгейінің жоғарылауы, сондай-ақ, протромбин деңгейінің төмендеуі анықталуы мүмкін.

Емі: улану симптомдары байқалған кезде жедел түрде дәрігерге қаралыңыз. Плазмада парацетамол деңгейін анықтауға қан талдауын жүргізу, асқазанды шаю, дәрілік затты қабылдағаннан кейін 10 сағат ішінде көктамыр ішіне немесе пероральді түрде N-ацетилцистеин антидотын қабылдау, симптоматикалық ем ұсынылады.

Шығарылу түрі және қаптамасы

Алюминий қағаздан жасалған пакеттерде 3 г-ден.

4 немесе 20 пакеттен медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Фармалабор Продуктос Фармасьютикос, С.А., Португалия

Кондексия-а Нова Индустриальді аймағы 3150-194 Кондекция-а-Нова Португалия

Тіркеу куәлігінің иесі

Брюфармэкспорт с.п.р.л., Бельгия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы Қазақстан Республикасы, 050034 Алматы қ., Қабдолов к-сі 22 б, 2 кеңсе

Тел/факс: 7 (727) 356-47-01/7 (727) 356-47-01

Электронды поштасы bruphbe@brupharm.skynet.be

Прикрепленные файлы

814151811477976693_ru.doc 86 кб
452754521477977833_kz.doc 103 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники