Папазол (Ирбитский ХФЗ)

• русский
• қазақша

• Скачать инструкцию медикамента

Саудалық атауы

Папазол

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді заттар: 0.030 г дибазол,

0.030 г папаверин гидрохлориді

қосымша заттар: картоп крахмалы, кальций стеараты, тальк

Сипаттамасы

Ақ немесе сұр реңді ақ түсті, сызығы бар жалпақ цилиндрлі таблеткалар. Болмашы ғана білінетін теңбілі болуы мүмкін.

Фармакотерапиялық тобы

Басқадай шеткергі вазодилятаторлар.

АТЖ коды С04АХ

Фармакологиялық қасиеттері

Фармакокинетикасы

Папаверин 25 мг/кг дозада біршама жылдам (20-60 минут), 94-100%-ға толықтай дерлік сіңеді. Сарысу ақуыздары in vitro жағдайында папавериннің әсерін ішектің оқшауланған бөлігінде 7 есе төмендетеді.

Ішу арқылы қабылдаудан 4 сағат өткеннен соң жекелеген мүшелер арасында өкпе мен бауыр, 12-24-48-72 сағаттан кейін – бауыр мен бүйрек сарысумен салыстырғанда анағұрлым жоғары радиобелсенділік береді. Осы уақыт ішінде несеппен дозаның шамамен 30%-ы, ал нәжіспен 40-50%-ы бөлінеді.

Бауыр препаратты метаболиздейді және өтпен шығарады, ол ағзадан нәжіс арқылы шығарылады.

Препараттың дене мүшелеріне бөлінуі, сондай-ақ метаболикалық өзгеруі көктамыр ішілік немесе ішу арқылы қабылдаудағы дозалауға байланысты емес (ерекшелік ретінде: дозалаудан кейінгі ерте мерзім).

Шығарылу несеп арқылы жүреді.

Фармакодинамикасы

Біріктірілген препарат, спазмолитикалық, гипотензивтік, артериодилатациялаушы әсері бар. Бендазол – миотропты әсері бар спазмолитикалық дәрі: гипотензивті, вазодилатациялаушы әсер береді, жұлын-ми қызметін көтермелейді, орташа иммунитет көтермелеуші белсенділікке ие. Папаверин – спазмолитикалық дәрі, гипотензивті әсер етеді. ФДЭ тежейді, жасушада цАМФ жиналуын және құрамында Ca2+ төмендеуін туғызады, тонусты төмендетеді және ішкі ағзалар (АІЖ, тыныс алу және несепжыныс жүйесінің) мен қан тамырларының тегіс бұлшықеттерін босаңсытады. Үлкен дозада жүрек бұлшықеттері қозғыштығын төмендетеді және жүрекішілік өткізгіштікті баяулатады. ОЖЖ әсері әлсіз ғана білінген (үлкен дозада седативті әсер етеді).

Қолданылуы

- шеткергі артериялардың және бас миы қан тамырларының тарылуында

- ішкі мүшелер бұлшықеттерінің түйілуінде (оның ішінде асқазанның және 12 елі ішектің ойық жара ауруы, пилорус түйілуі, ішек шаншуы, холецистит, спастикалық колит)

Қолдану тәсілі мен дозалары

Ішке. Ересектер мен 14 жастан асқан балаларға күніне 2-3 рет 1-2 таблеткадан. Емдеу курсы жекелей белгіленеді, әдетте 2-4 апта.

Жағымсыз әсерлері

• аллергиялық реакциялар

• жүрек айнуы, құсу, іш қатуы

• қатты тершеңдік

• бас айналу

• ұйқышылдық

• атриовентрикулярлық бөгет, жүрек ырғағының бұзылуы (соның ішінде қарыншалық аритмия)

• миокард жиырылғыштығының төмендеуі

• бауыр трансаминазасы деңгейінің жоғарылауы, эозинофилия

Қолдануға болмайтын жағдайлар

• препараттың құрамдас бөліктеріне жоғары сезімталдықта

• атриовентрикулярлы өткізгіштіктің бұзылуында

• тыныс алудың бәсеңдеуі немесе коматозды жағдайда

• эпилепсиялық синдромда

• бронхобструктивті синдромда

• глаукомада

• 14 жасқа дейінгі балаларға

Дәрілермен өзара әрекеттестігі

Спазмолитиктермен, седативті дәрілермен, диуретиктермен, үшциклді антидепрессанттармен, прокаинамидпен, резерпинмен, хинидинмен бір мезгілде қолданған кезде гипотензивті әсерінің күшеюі мүмкін.

Антихолинэстеразды препараттардың (галантамин, прозерин, физиостигмин және т.б.) тегіс бұлшықеттерге әсерін нашарлатады, леводопаға антипаркинсондық әсерін азайтады.

Адсорбенттер, тұтқыр және бүркемелегіш дәрілер препараттың асқазан-ішек жолына сіңуін азайтады.

β-адренобөгегіштердің гипотензиялық әсеріне ықпал етпейді, бірақ шеткергі тамырлардың β-адренобөгегіштер түрткі болған кедергісінің артуын болғызбайды.

Айрықша нұсқаулар

Сақтықпен қолдану керек:

- төмендеген ішек перистальтикасында

- бас сүйек - ми жарақатында

- бауыр және/немесе бүйрек жеткіліксіздігінде

- гипотиреозда

- бүйрек үсті безі жеткіліксіздігінде

- қуық асты безі гиперплазиясында

- 75 жастан асқандарға

Емдеу кезінде алкоголь қабылдаудан шығарылуы тиіс.

Жүктілік және лактация

Жүктілік және лактация кезінде препаратты қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Анықталмаған.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 10 таблеткадан немесе полиэтилен жабындысы бар қағаздан жасалған пішінді ұяшықсыз қаптамаға 10 таблеткадан.

300, 500 пішінді ұяшықсыз қаптамадан немесе пішінді ұяшықты қаптамадан мемлекеттік және орыс тілдерінде жазылған медицинада қолданылуы жөніндегі нұсқаулықпен бірге қораптық картоннан жасалған қорапқа салады.

Сақтау шарттары

Жарықтан қорғалған жерде 25ºС -ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Ирбит химиялық-фармацевтикалық зауыты» ААҚ, Ресей

623856, Ресей, Свердлов обл., Ирбит қ., Киров к-сі, 172

Тел/факс (34355) 3-60-90

Тіркеу куәлігінің иесі

«Ирбит химиялық-фармацевтикалық зауыты» ААҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Ирбит химиялық-фармацевтикалық зауыты» ААҚ, Ресей

623856, Свердлов обл., Ирбит қ., Киров к-сі, 172

Тел/факс (34355) 3-60-90

Электронды пошта: info@ihfz.ru