Папаверин (0.04 г)

• русский
• қазақша

• Скачать инструкцию медикамента

Саудалық атауы

Папаверин

Халықаралық патенттелмеген атауы

Жоқ

Дәрілік түрі

0.04 г таблеткалар

Құрамы

Бір таблетканың құрамында

белсенді зат – 0.040 г папаверин гидрохлориді,

қосымша заттар: картоп крахмалы, сахароза, стеарин қышқылы.

Сипаттамасы

Ақ түсті, сызығы мен ойығы бар жалпақ цилиндрлі таблеткалар.

Фармакотерапиялық тобы

АІЖ тарапынан қызметтік бұзылуын емдеуге арналған препараттар. Папаверин және оның туындылары.

АТЖ коды А03АD01

Фармакологиялық қасиеттері

Фармакокинетикасы

Ішке қабылдағаннан кейін асқазан-ішек жолына жылдам сіңіріледі. Биожетімділігі 29-57% құрайды. Препараттың қан плазмасындағы емдік тиімді концентрациясы 0.2-2.0 мкг/мл құрайды. Препаратты бірнеше мәрте қолданудан оның фармакокинетикасы өзгермейді. Қан плазмасы ақуыздарымен 90% байланысады. Гистогематикалық бөгеттер арқылы жеңіл өтеді. Бауыр мен майлы тінде жинақталады. Бауырда өзгеріске ұшырайды. Папавериннің жартылай шығарылу кезеңі (T½) – 0.5-2 сағат.

Глюкурон қышқылымен конъюгияцияланған фенольды метаболиттер түрінде несеппен шығарылады, папавериннің аз ғана бөлігі (0.5 % аздау) өзгермеген күйінде шығарылады.

Фармакодинамикасы

Папаверин гипотензивті және миотропты спазмолитикалық әсер етеді.

Әсер ету механизмі папавериннің IV типі фосфодиэстеразасы белсенділігін бөгеу қабілеттілігімен байланысты. Фермент бөгеті цАМФ гидролизінің тоқтауына және қан тамырлары тегіс бұлшықеттері, ішкі мүшелер жасушаларында оның концентрациясының артуына әкеледі. цАМФ кальций иондарының бұлшықет жасушаларына түсуін шектейді және бұлшықет қысқаруын қамтамасыз ететін миозин – қысқарту ақуызы тізбесінің белсенділігін жояды.

Папаверин тонусты төмендетіп, ішкі ағзалар (асқазан-ішек жолы, тыныс алу жолдары және несепжыныс жүйесінің) мен қан тамырларының тегіс бұлшық еттерін босаңсытады. Папаверин негізінен артериялық қан тамырларын кеңейтеді және қан ағысының, соның ішінде церебральді

ұлғаюына ықпал етеді. Гипотензивті әсерге ие. Үлкен дозаларда жүрек бұлшық етінің қозғыштығын төмендетеді және жүрекішілік өткізгіштікті бәсеңдетеді. Емдеудің орташа дозаларын қолданғанда папавериннің орталық жүйке жүйесіне әсері жоқ.

Қолданылуы

- холесцистит, спастикалық колит, пилороспазм кезінде ішкі мүшелердің тегіс бұлшықеттері түйілуінде (алдын алу және басу)

- қан тамырлық генездегі энцефалопатияда (кешенді ем құрамында)

Қолдану тәсілі және дозалары

Аш қарынға ішке қолданады. Ересектерге 0.04-0.06 г-ден (1-1½ таблетка) тәулігіне 3-5 рет. Бір реттік жоғары дозасы 0.4 г (10 таблетка), ең жоғары тәуліктік дозасы – 0.60 г (15 таблетка). Емделу курсының ұзақтығы 10-14 күн, қажеттілігіне қарай препаратты қолданудың қайталау курстарын 7-10 күн аралықпен жүргізуге болады. 70 жастан асқан кісілерге бастапқы бір реттік доза 0.01 г (¼ таблетка) артық емес.

Балаларға 10 жастан бастап 0.3-0.5 мг/кг дозада күніне 2-3 рет тағайындайды.

Жағымсыз әсерлері

• жүрек айнуы, іш қатуы

• ұйқышылдық

• жоғары тершеңдік

• трансаминазалар деңгейінің жоғарылауы, эозинофилия

• гипотензия, антриовентрикулярлы бөгеліс, қарыншалық экстрасистолия

Қолдануға болмайтын жағдайлар

• папаверинге және препараттың басқа құрамдас бөліктеріне жоғары сезімталдықта

• тыныс алуды бәсеңдету немесе коматозды жағдайда

• антриовентрикулярлы бөгелісте

• глаукомада

• 10 жасқа дейінгі балаларға

• 75-тен үлкен жастағыларға (гипертермия қаупі)

Дәрілермен өзара әрекеттесуі

Леводопаның паркинсонға қарсы әсерін және метилдопаның гипотензиялық әсерін төмендетеді. Барбитураттармен біріктірген кезде папаверин гидрохлоридінің спазмолитикалық әсері күшейеді. Үшциклдық антидепрессанттармен, прокаинамидпен, резерпинмен, хинидин сульфатымен бірге қолданған кезде гипотензиялық әсері күшеюі мүмкін.

Айрықша нұсқаулар

Папаверинді бас сүйек пен ми жарақаты, бүйрек пен бауыр қызметі бұзылулары, гипотиреоз, бүйрек үсті безі қызметінің жеткіліксіздігі бар адамдарға сақтық сақтап, тек аз дозада қолдану керек, өйткені оларда папавериннің гипотензивті әсері күшейеді. Қуық асты безінің қатерлі емес гиперплазиясы бар адамдарда папавериннің жоғары дозасы жедел несеп кідірісінің дамуына түрткі болады.

Папаверин гидрохлоридін қолдану кезінде алкоголі бар сусындарды, сондай-ақ этил спирті бар дәрілік заттарды қолданбаған жөн.

Педиатрияда қолданылуы

Папаверин гидрохлориді таблеткаларын 10 жасқа дейінгі балалардың қолданбағаны дұрыс.

Жүктілік және лактация

Жүктілік пен лактация кезеңіндегі папаверин гидрохлоридінің қауіпсіздігі мен тиімділігі анықталмаған.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерін ескере отырып, автокөлікті немесе өзге де механизмдерді басқару кезінде сақ болу қажет.

Артық дозаланғанда

Симптомдары: диплопия, әлсіздік, ұйқышылдық, гипотензия.

Емдеу: арнайы уқайтарғысы жоқ. Көмек шараларына препаратты тоқтату, асқазанды сүтпен және белсенділендірілген көмірмен шаю мен туындаған бұзылуларды жою мен артериялық қысымды жоғарылатуға бағытталған симптоматикалық ем жүргізу кіреді.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

Полимер жабыны бар қағаздан немесе қағаз және картон негізінде біріктірілген материалдан жасалған пішінді ұяшықты емес қаптамаға 10 таблеткадан.

800 пішінді ұяшықты немесе 700 пішінді ұяшықты емес қаптамаларды тең мөлшерде медицинада қолданылуы жөніндегі мемлекеттік және орыс тілдеріндегі нұсқаулықпен бірге топтық қаптамаға салады.

Сақтау шарттары

Құрғақ, жарықтан қорғалған жерде, 25 0С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Ирбит химия-фармацевтикалық зауыты» ААҚ, Ресей

623856, Свердлов обл., Ирбит қ., Киров көш., 172

Тел/факс (34355) 3-60-90

Тіркеу куәлігінің иесі

«Ирбит химия-фармацевтикалық зауыты» ААҚ, Ресей

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Ирбит химия-фармацевтикалық зауыты» ААҚ, Ресей

623856, Свердлов обл., Ирбит қ., Киров көш, 172

Тел/факс (34355) 3-60-90

Электрондық пошта: info@ihfz.ru