Пантор 40

• русский
• қазақша

• Скачать инструкцию медикамента

Саудалық атауы

Пантор 20

Пантор 40

Халықаралық патенттелмеген атауы

Пантопразол

Дәрілік түрі

Ішекте еритін қабықпен қапталған 20 мг, 40 мг таблеткалар

Құрамы

Бір таблетканың құрамында:

белсенді зат: пантопразол натрий (сесквигидрат түрінде) бар (пантопразолға баламалы)

қосымша заттар: маннитол, кросповидон, сусыз натрий карбонаты, гидроксипропилцеллюлоза, кальций стеараты, гипромеллоза (3 срs), титанның қостотығы (Е171), темірдің сары тотығы (Е172), пропиленгликоль, метакрил қышқылы мен этилакрилат Сополимері (1:1) 30% дисперсия, триэтилцитрат, тальк, тазартылған су.

Сипаттамасы

Екі жағы дөңес, сопақша пішінді, екі жақ беті тегіс, сары түсті ішекте еритін қабықпен қапталған таблеткалар.

Фармакотерапиялық тобы

Қышқылдылықтың бұзылуымен байланысты ауруларды емдеуге арналған препараттар. Ойық жараға қарсы препараттар мен гастроэзофагальді рефлюксті емдеуге арналған препараттар. Протонды сорғы тежегіштері. Пантопразол.

АТХ коды A02BC02

Фармакологиялық қасиеттері

Фармакокинетикасы

Сіңуі және таралуы

Пантопразол ішу арқылы ішекте еритін қабығы бар таблетка түрінде қолданылады.

Сіңуі аш ішекте жүреді. %. Қан плазмасындағы ең жоғарғы концентрациясына 40 мг - 2-3мкг/мл дозасын қабылдағаннан кейін 2,5 сағаттан соң жетеді және бірнеше рет қолданғаннан кейін тұрақты болып қалады. Пантопразолдың абсолюттік биожетімділігі шамамен 77 %-ды құрайды.

Фармакокинетикасы 10-80 мг дозалары ауқымында дозаға тәуелді (дозасының артуына AUC және Cmax пропорциональді арта түседі). Қан плазмасы ақуыздарымен байланысуы – шамамен 98%.

Метаболизмі

Пантопразол бауырда толығымен дерлік метаболизденеді. Негізгі метаболиті сульфаттармен конъюгацияланатын диметилпантопразол.

Шығарылуы

Көбінесе несеппен (80 %) метаболиттер түрінде шығарылады, азғантай мөлшерде нәжісте анықталады. Негізгі метаболитінің жартылай ыдырау кезеңі 1,5 сағатқа жуықты құрайды.

Бауыр циррозымен науқастарда жартылай ыдырау кезеңі 7 - 9 сағатқа дейін артады. AUC мәні 6-дан 8-ге дейін артады, ол кезде ең жоғарғы серологиялық концентрациясы тек жартылай ғана артады.

Бүйрек жеткіліксіздігі кезінде негізгі метаболитінің жартылай ыдырау кезеңі елеусіз артады, бірақ негізгі метаболитінің Т1/2 2-3 сағатқа жетеді. Пантопразол нашар диализденеді. AUC пен Cmax үлкен жас тобындағыларда біраз жоғарырақ.

Фармакодинамикасы

Пантопразол асқазандағы тұз қышқылының секрециясын париетальді жасушалардың протондық сорғысына спецификалық әсер ету арқылы баяулататын орынбасқан бензимидазол болып табылады,.

Париетальді жасушалардың қышқылды ортасында пантопразол өзінің белсенді түріне – циклдік сульфенамидке айналады, онда ол H+, K+-АТФаза ферментін бәсеңдетеді.

Протондық сорғыны бөгей отырып, пантопразол асқазандағы тұз қышқылы синтезінің ақырғы сатысы деңгейінде қышқыл түзу үдерісіне араласады. Тежегіштік әсері дозасына тәуелді және тұз қышқылы секрециясының базальді және стимуляцияланған деңгейіне (тітіркендіргіш түріне байланыссыз) әсер етеді. Асқазан мен он екі елі ішектің Неlicobacter pylori-мен астасқан ойық жаралы ауруы кезінде, асқазан секрециясының мұндай төмендеуі микроорганизмнің антибиотиктерге сезімталдығын арттырады.

Пантопразолды ішу арқылы қабылдағаннан кейін антисекреторлық әсері 1 сағаттан соң басталады және 2 - 4 сағаттан соң ең жоғарғысына жетеді. Асқазан-ішек жолының моторикасын әсер етпейді. Секреторлық белсенділігі бастапқы деңгейіне қабылдауды аяқтағаннан кейін 3 - 4 күннен соң қайта келеді.

Пантопразолдың бейтарап рН кезінде химиялық тұрақтылығы жоғары және басқа дәрілік препарттармен өзара әрекеттесу потенциалы аз.

Қолданылуы

- рефлюкс-эзофагитте

- асқазан мен он екі елі ішектің ойық жаралы ауруында

- бактерияға қарсы препараттармен біріктіріліп Helicobacter pylori эрадикациясында

- Золлингер-Эллисон синдромында немесе асқазанның патологиялық аса жоғары сөлінісімен сипатталатын басқа да жағдайларда

Қолдану тәсілі және дозалары

Пантопразолды күн сайын таңертең бір рет қабылдау ұсынылады. Пантопразол таблеткаларын ішке тұтасымен (ұнтақтамай және ерітпей), сұйықтықтың жеткілікті мөлшерімен іше отырып таңғы астан 1 сағат бұрын қабылдайды.

Гастроэзофагеальді рефлюкс ауруы: Ересектерге 20 мг/40 мг пантопразолды 4 апта бойы күнделікті бір рет қабылдау, курсын арттыру қажет болған жағдайда 8 аптаға дейін тағайындалады. Демеуші ем үшін препарат күніне 20 -дан 40 мг дейінгі дозада тағайындалады.

Асқазан мен он екі елі ішектің ойық жаралы ауруы: әдетте күніне бір рет 40 мг. Емдеу курсының ұзақтығы он екі елі ішектің ойық жаралы ауруы кезінде 2-ден 4 аптаға дейінді, асқазанның ойық жаралы ауруы кезінде - 4-тен 8 аптаға дейінді құрайды.

Асқазан мен 12 елі ішектің ойық жаралы ауруының рецидивіне қарсы емдеу кезінде ұсынылатын дозасы – тәулігіне 20 мг.

Helicobacter pylori эрадикациясы: Пантопразолды антибиотиктермен біріктіруге болады:

• Пантопразол тәулігіне 2 рет 40 мг + амоксициллин тәулігіне 2 рет 1г + кларитромицин тәулігіне 2 рет 500 мг

• Пантопразол тәулігіне 2 рет 40 мг + метронидазол тәулігіне 2 рет 400 - 500 мг (немесе 500 мг тинидазол) + кларитромицин тәулігіне 2 рет250 - 500 мг

• Пантопразол тәулігіне 2 рет 40 мг + амоксициллин тәулігіне 2 рет 1г + метронидазол тәулігіне 2 рет 400 - 500 мг (немесе 500 мг тинидазол).

  H. pylori эрадикациясы үшін біріктірілген ем жағдайында, екінші таблеткасы кешкі ас ішуден 1 сағат бұрын қабылдануы тиіс.

  Біріктірілген ем 7 күн бойы жүргізіледі және тағы 7 күнге ұзартылуы мүмкін (жалпы емдеу ұзақтығы 2 аптаға дейін).

  Ары қарайғы емді препараттың он екі елі ішек пен асқазанның ойық жарасы кезіндегі дозасы бойынша ұсынымдарды қарастырғаннан кейін жүргізуге болады.

  Золлингер-Эллисон синдромы: бастапқы дозасы 80 мг. Препаратты тәулігіне 80 мг артық қабылдағанда, препаратты 2 рет қабылдау ұсынылады.

  Бауыр жеткіліксіздігі кезінде қолданылуы: күн сайын 20 мг немесе күн ара 40 мг. Бауырдың айқын жеткіліксіздігі кезінде препараттың дозасын азайту немесе препаратты күн ара қабылдау керек. Ең жоғарғы 40 мг дозасы дәрігердің қадағалауымен қабылдануы тиіс.

Жағымсыз әсерлері

Төменде байқалған жағымсыз реакциялар кездесу жиілігіне байланысты атап келтірілген: өте жиі ( 1/10); жиі ( 1/00 -  1/10); жиі емес ( 1/1000 -  1/100); сирек ( 1/10000 -  1/1000); өте сирек ( 1/10000); белгісіз (қолда бар мәліметтер бойынша баға беру мүмкін емес).

Жиі емес

• бас ауыруы, бас айналуы

• ауыздың құрғауы, жүрек айнуы, құсу, іштің кебуі, абдоминальді ауыру және жайсыздық, диарея, іштің қатуы

• тері бөртпесі, қышыну, экзантема

• астения, қажығыштық және дімкәстану

• бауыр ферменттері (трансаминазалар, -GT) белсенділігінің жоғарылауы

• ұйқының бұзылуы

Сирек

• агранулоцитоз

• препараттың белсенді және қосымша компоненттеріне жоғары сезімталдық (анафилактикалық реакциялар мен анафилактикалық шокты қоса)

• гиперлипидемия, триглицеридтер, холестерин деңгейінің жоғарылауы

• билирубин мөлшерінің жоғарылауы

• дене салмағының өзгеруі, дәм сезудің бұзылуы

• депрессия (және барлық қатарлас нашарлаулар)

• көрудің бұзылуы / анық көрмеу

• есекжем, ангионевротикалық ісіну

• артралгия, миалгия

• гинекомастия

• дене температурасының жоғарылауы, шеткергі ісінулер

Өте сирек

• тромбоцитопения, лейкопения, панцитопения

• бағдарсыздық (және барлық қатарлас нашарлаулар)

Белгісіз

• гипонатриемия, гипомагниемия

• елестеулер, сананың шатасуы (әсіресе осы жағдайларға бейім науқастарда, сондай-ақ, егер олар емдеу басталғанға дейін болған болса, бұл симптомдардың нашарлауы)

• гепатоцеллюлярлық зақымданулар, сарғаю, гепатоцеллюлярлық жеткіліксіздік

• Стивенс-Джонсон синдромы, Лайелл синдромы, экссудативтік көп түрлі эритема, жарыққа сезімталдық

• интерстициальді нефрит

- анафилактикалық шок.

Қолдануға болмайтын жағдайлар

- пантопразолға немесе препараттың басқа компоненттеріне жоғары сезімталдық

- жүктілік және лактация кезеңі

- 18 жасқа дейінгі балалар мен жасөспірімдерге

- бауыр және бүйрек функцияларының айқын бұзылулары

- пантопразолды атазанавирмен бірге қолдану.

Дәрілермен өзара әрекеттесуі

Пантопразолдың Р450цитохромымен өзара әрекеттестігі аз. Пантопразолды антипиринмен, диазепаммен, фенитоинмен, пироксикаммен, карбамазепинмен, кофеинмен, диклофенакпен, нифедипинмен, этанолмен, метопрололмен, напроксенмен, теофилинмен бірге қабылдағанда метаболизмінің бәсеңдегені байқалған жоқ.

Гормональді контрацептивтердің тиімділігіне әсер етпейді.

Кетоконазол мен басқа дәрілік заттардың рН-тәуелді сіңірілуі азаюы мүмкін.

Пантопразол мен варфаринді бірге қолданғанда, Пантопразолды қолдану басталғаннан, аяқталғаннан кейін немесе жүйесіз қабылданған кезде, протромбиндік уақытты/ХҚҚ қадағалап отыру ұсынылады.

Бір мезгілде қабылданған кезде антацидтік препараттармен өзара әрекеттесуі білінбеген.

Айрықша нұсқаулар

Пантопразол жүйкелік диспепсияны емдеуге қолданылмайды. Препаратпен емдеу басталғанға дейін асқазанның ойық жаралы ауруының малигнизациясын немесе өңештің қатерлі жаңа түзілімінің бар-жоқтығын анықтап алу керек, өйткені Пантопразолмен емдеу симптомдардың айқындығын азайтуы және бұл дұрыс диагноз қойылуын кешеуілдетуі мүмкін. Рефлюкс эзофагит диагнозын растау үшін міндетті түрде эндоскопиялық бақылау жүргізу керек.

Асқорыту бұзылуларының ұзаққа созылған қайталанатын симптомдары немесе қыжыл байқалған науқастар дәрігерге қаралуы тиіс.

Асқазандағы қышқыл секрециясын бөгейтін препарат ретінде Пантопразолды ұзақ уақыт қабылдауды талап ететін Золлингер-Эллисон синдромы және басқа да патологиялық гиперсекреторлық жағдайлары бар емделушілерде гипо- немесе ахлоргидрия салдарынан В12 витаминінің (цианокобаламин) сіңуі азаюы мүмкін. Мұны сәйкесінше клиникалық симптомдар болған кезде ескеру керек.

Препаратты бауыр жеткіліксіздігі кезінде сақтықпен тағайындайды.

Педиатрияда қолданылуы

Пантопразол препаратын 18 жасқа дейінгі балалар мен жасөспірімдерде асқазан мен он екі елі ішектің ойы жаралы ауруында, Helicobacter pylori эрадикациясында, рефлюкс-эзофагитте және Золлингер-Эллисон синдромында қолдану жөніндегі мәліметтер жоқ.

Жүктілік және лактация кезеңі

Пантопразолды жүктілік кезінде пайдалану туралы нақты мәліметтер жоқ. Жануарларға жүргізілген зерттеулер препараттың репродуктивтік уыттылығын көрсеткен. Егер анық қажеттілігі болмаса, Пантопразол жүктілік кезінде қолданылмауы тиіс.

Препаратпен емдеу кезінде лактация тоқтатылады.

Дәрілік заттың көлік құралдарын және қауіпті механизмдерді басқару қабілетіне әсер ету ерекшеліктері

Бас айналулар мен көрудің бұзылу ықтималдығына байланысты, көлік құралдары мен жоғары зейін шоғырландыруды қажет ететін басқа механизмдерді басқарудан бас тартқан дұрыс.

Артық дозалануы

Симптомдары: көрудің бұзылуы, ұйышылдық, қозу, бас ауыруы, қатты терлеу, ауыздың құрғауы, жүрек айнуы, тахикардия.

Емі: препаратты тоқтату. Арнайы у қайтарғысы жоқ. Симптоматикалық ем. Препарат гемодиализ арқылы шығарылмайды.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға салады.

3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Торрент Фармасьютикалс Лтд., Үндістан

Тіркеу куәлігінің иесі

Торрент Фармасьютикалс Лтд., Үндістан

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

«Торрент Фармасьютикалс Лимитед» Компаниясының өкілдігі 050010, Алматы қ., Қазақстан Республикасы, заңды мекенжайы: Д.А. Қонаев к-сі 135, 56 кеңсе, тел: +7 (727) 266 27 93, 261 55 01,

факс: +7 (727) 272 80 01, E-mail: office@torrent.kz