Панавир® (200 мкг)

МНН: Полисахариды побегов Solanum tuberosum
Производитель: ООО "Альтфарм"
Анатомо-терапевтическо-химическая классификация: Прочие противовирусные препараты
Номер регистрации в РК: № РК-ЛС-5№016555
Период регистрации: 28.06.2016 - 28.06.2021

Инструкция

Саудалық атауы

Панавир®

Халықаралық патенттелмеген атауы

Жоқ

Дәрілік түрі

Ректальді суппозиторийлер, 200 мкг

Құрамы

Бір суппозиторийдің құрамында

белсенді зат – Панавир® (Salanum tuberosum полисахаридтердің өркені) 200 мкг,

қосымша заттар: кондитер майы немесе қатты май, парафин, эмульгатор Т-2.

Сипаттамасы

Өзіне тән иісі бар конус тәрізді немесе цилиндр түріндегі, сарғыш реңді ақшыл түсті суппозиторийлер. Сарғыш-сұр теңбіл болуына жол беріледі.

Фармакотерапиялық тобы

Басқадай вирустарға қарсы препараттар

АТХ коды J05AX

Фармакологиялық қасиеттері

Фармакокинетикасы

Панавир® ректальді суппозиторий 200 мкг, дәрілік препаратының құрамындағы белсенді зат 2·10-4 г құрайды. Бұл биоматериалдағы препараттың концентрациясын (жоғары молекуладағы полисахаридті) анықтауға мүмкіндік бермейді. Биоматериалда оның концентрациясын анықтау мүмкін емес, сондай-ақ оған қоса жануарлардың биологиялық сұйықтығында, атап айтқанда қант қан плазмасында 3 %-ға дейін бар.

Фармакодинамикасы

Панавир®– гексозды гликозидтер класына жататын жоғары молекулярлық полисахарид. Вирустарға қарсы және иммунмодуляциялаушы әсері бар. Организмнің түрлі инфекцияларға спецификалық емес төзімділігін жоғарылатады және интерферон синтезін индукциялайды.

1 және 2 типтердегі қарапайым герпес вирусы, Varicella zoster вирусы, адам папилломасының вирусы, кене энцефалиті вирусына қатысты препараттың белсенді екені анықталған.

Панавир® зақымданған жасушалардағы вирустық ДНҚ синтезін бөгей отырып, вирустардың репликациясын және полимеразалық реакцияларын бәсеңдетеді.

Экспериментальді экссудативті ісіну моделінде препараттың қабынуға қарсы әсер ететіні анықталған.

Қолданылуы

- әртүрлі орныққан герпес вирусы инфекциясында, оның ішінде қайталанған генитальді герпесте, Зостер герпесінде және офтальмогерпесте

- инфекциялық аурулар аясындағы салдарлы иммун тапшылығы жағдайында

- цитомегаловирустық инфекцияда, оның ішінде әдетте жиі түсік тастайтын әйелдерде. Созылмалы вирустық инфекциясы бар және жүктілікке дайындық кезеңіндегі интерферон тапшылығы жағдайында қолданылады.

- папилломавирустық инфекция (аногенитальді сүйел) кешенді ем құрамында

- вирус жүктемесін төмендету мақсатымен кене энцефалитінде және неврологиялық симптоматикаларды (анизорефлексияны, рефлекстің төмендеуін, бассүйек-ми жүйкелерінен шығатын ауыру нүктелерін, нистагмды) кетіру үшін жүргізілген кешенді ем құрамында

- ЖРВИ және тұмауда кешенді ем құрамында

Қолдану тәсілдері және дозасы

Ересектерге. Ректальді түрде қолданылады.

Герпес вирусы инфекцияларын және кене энцефалитін емдеу үшін 48 немесе 24 сағаттық аралықпен 1 суппозиторийден екі рет қолданады. Қажет болғанда емдеу курсын бір айдан соң қайталауға болады.

Цитомегаловирусы (оның ішінде әдетте жиі түсік тастайтын пациент әйелдерде) және папилломавирусы инфекцияларын емдеу үшін бірінші аптада 48 сағаттық аралықпен 1 суппозиторийден үш рет және екінші аптада 72 сағаттық аралықпен екі рет қолданады.

ЖРВИ және тұмауды емдеу үшін 5 күн бойы 24 сағаттық аралықпен 1 суппозиторийден қолданады.

Жағымсыз әсерлері

Емдік дозада препарат жақсы көтерімді.

Болуы мүмкін:

- аллергиялық реакция өте сирек

- аздап бас айналумен байқалатын артериялық қысымның қысқа мерзімге төмендеуі

Қолдануға болмайтын жағдайлар

- препарат компоненттеріне жоғары сезімталдық

- жүктілікте, лактация кезеңі

- 18 жасқа дейінгі балалар мен жасөспірімдер

- бүйректің (креатинин клиренсі 30 мл/мин төмен), көкбауырдың ауыр патологиясы

Дәрілермен өзара әрекеттесуі

Тіркелмеген.

Айрықша нұсқаулар

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшелігі

Препараттың көлік құралдарын басқару және ерекше көңіл қоюды және психомоторлық реакцияларды жылдамдығын талап ететін аса қауіпті қызмет түрлерін жүзеге асыру қабілетіне теріс ықпал ету мүмкіндігі туралы деректер жоқ.

Артық дозалануы

Артық дозалану жағдайы сипатталмаған.

Шығарылу түрі және қаптамасы

5 суппозиторийден поливинилхлорид үлбірден жасалған пішінді ұяшықты қаптамада. 1 пішінді ұяшықты қаптамадан мемлекеттік және орыс тілдерінде медициналық қолдану жөніндегі нұсқаулықпен бірге картон қорапшада.

Сақтау шарттары

Құрғақ, жарықтан қорғалған жерде, 2 С-ден 8 С-ге дейінгі температурада.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Альтфарм» ЖШҚ, Ресей, 142073, Мәскеу обл., Домодедовский ауданы, Судаково ауылы, «Лесное» д/ү

Тіркеу куәлігінің иесі

«Ұлттық Зерттеу Компаниясы» ЖШҚ, Ресей, 301404, Тула облысы, Суворовский ауданы, Варущицы ау., 104 үй

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Шамсун» ЖШС Қазақстан Республикасы, 050052, Алматы қ-сы, Тепличная к-сі 12/16, 1 кв.

тел: 8(727) 239-19-59 e-mail: AAmanzholov.Shamsun@gmail.com

 

Прикрепленные файлы

496902971477976223_ru.doc 46.5 кб
567211321477977489_kz.doc 29.53 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники