Панавир® (0.04 мг/мл)

МНН: Полисахариды побегов Solanum tuberosum
Производитель: Эллара ООО
Анатомо-терапевтическо-химическая классификация: Прочие противовирусные препараты
Номер регистрации в РК: № РК-ЛС-5№017930
Период регистрации: 07.09.2016 - 07.09.2021

Инструкция

Саудалық атауы

Панавир®

Халықаралық патенттелмеген атауы

Жоқ

Дәрілік түрі

Көктамыр ішіне енгізуге арналған ерітінді 0,04 мг/мл

Құрамы

5 мл ерітіндінің құрамында

белсенді зат * Панавир®, 200 мкг;

қосымша заттар: натрий хлориді, инъекцияға арналған су.

* Solanum tuberosum өсімдігі өркенінің тазартылған экстракты; негізгі әсер етуші зат - глюкозадан, рамнозадан, арабинозадан, маннозадан, ксилозадан, галактозадан, уронды қышқылдан тұратын гексозды гликозид

Сипаттамасы

Мөлдір немесе сәл бұлыңғырланатын, түссіз немесе ақшыл қоңыр реңді иіссіз сұйықтық.

Фармакотерапиялық тобы

Басқа да вирусқа қарсы препараттар.

АТХ коды J05AX

Фармакологиялық қасиеттері

Фармакокинетикасы

Көктамыр ішіне енгізгенде полисахаридтер енгізгеннен кейін қанда 5 мин кейін-ақ анықталады, бауыр мен көкбауырдың ретикуло-эндотелиальді жүйесінің жасушаларымен қамтылады. Шығарылуы жылдам басталады, 20-30 мин кейін полисахаридтер несепте және деммен шығарылған ауада анықталады.

Фармакодинамикасы

Панавир® Solanum tuberosum өсімдігі желектерінің тазартылған экстракты; негізгі әсер етуші зат - глюкозадан, рамнозадан, арабинозадан, маннозадан, ксилозадан, галактозадан, уронды қышқылдан тұратын гексозды гликозид.

Панавир® вирусқа қарсы және иммуномодуляциялаушы дәрі болып табылады.

Вирусқа қарсы әсерінің негізгі механизмі препараттың 1 және 2 типтегі қарапайым герпес вирусының өте ертедегі және ертедегі ақуыздары синтезін бәсеңдету қабілетіне байланысты. Организмнің әртүрлі инфекцияларға арнайы емес төзімділігін жоғарылатады, -альфа және -гамма интерферондары индукциясына қан лейкоциттерімен және вирус инфекцияларында иммунограмманың қалыпқа келуіне ықпал етеді.

Сынақтар Панавирдің® мутагендік, тератогендік, канцерогендік, аллергизирлейтін және эмбриоуыттылық әсері жоғын көрсетті.

Жануарларға жүргізілген клиникаға дейінгі зертханалық зерттеулерде тұқым өрбіту функциясы мен ұрықтың дамуына жағымсыз әсерлері анықталмаған.

Панавир® емдік дозаларда жақсы көтерімді.

Экссудативтік ісіну, созылмалы пролиферациялық қабынудың іс-тәжірибелік модельдеріне және конканавалин А қатысты жалған аллергиялық қабыну реакциясы тестісінде қабынуға қарсы қасиеттері бар.

Нейрогенді ауырулар және қабыну үдерісі мен термиялық тітіркенуге негізделген ауырулар моделдеріне ауырғанды басатын әсері көрсетілген. Ыстықты түсіретін әсері бар.

Нейротоксиннің 1-метил-4-фенил-1,2,3,6-тетрагидропиридинін жүйелі енгізу туындатқан паркинсондық синдром моделінде нейропротектілік қасиеттері көрсетілген.

Торлы қабық пен көру жүйкесінің функциясын жақсарту қабілеті бар.

Асқазан ойық жарасы моделінің жағдайында жараны жазатын қасиеттері болады.

Қолданылуы

- әртүрлі орналасқан герпес вирусының инфекциясында (оның ішінде қайталанған генитальді герпес, зостер герпесі және офтальмогерпес)

- инфекциялық аурулар аясында салдары иммун тапшылық жағдайларында

- цитомегаловирусты инфекция, оның ішінде жүктілікті аяғына жеткізе алмауы үйреншікті пациенттерде

- созылмалы вирусты инфекциясы бар және интерферонтапшылығы жағдайындағы әйелдерде жүктілікке даярлық кезеңінде қолданылады

- жүктіліктің II және III триместрі кезінде өршу сатысындағы созылмалы цитомегаловирусты инфекцияда кешенді ем құрамында

- папилломавирус инфекциясында (аногенитальді сүйелдерде) кешенді ем құрамында

- вирустық жүктемені төмендету және неврологиялық симптоматиканы қайтару мақсатында кене энцефалитінде (анизорефлексия, рефлекстердің төмендеуі, бассүйек-ми жүйкелерінің шығу нүктесінің ауыруы) кешенді ем құрамында

- ревматоидты артриті бар иммунитеті төмендеген пациенттердегі герпесвирусты инфекцияда (негізгі емнің анальгетикалық және қабынуға қарсы әсерін күшейту үшін) кешенді ем құрамында

- тұмау, ЖРВИ кешенді ем құрамында

- этиологиясы бактериялық созылмалы простатитте кешенді ем құрамында

- гастродуоденальді аумақтың ойық жаралы ақауларын эпителизациялау үшін кешенді ем құрамында

Қолдану тәсілі және дозалары

Панавирді® көктамыр ішіне баяу сорғалатып енгізу керек.

Ересектерге

Препараттың бір реттік емдік дозасы күніне 1 рет енгізілетін, әсер ететін заттың (бір ампуланың құрамындағы) 200 мкг құрайды.

Герпесвирусты инфекцияны және кене энцефалитін емдеу үшін Панавир® препаратын 24-48 сағат аралықпен екі рет қабылдайды. Қажет болған жағдайда емдеу курсын 1 айдан кейін қайталауға болады.

Ревматоидты артриті бар иммунитеті төмендеген пациенттердегі герпесвирусты инфекцияда 24-48 сағ. аралықпен 5 көктамырішілік инъекция қолданады, қажет болған жағдайда емдеу курсын 2 айдан кейін қайталайды.

Инфекциялық аурулар аясында салдары иммун тапшылық жағдайларын емдеу үшін Панавир® 48 сағ. аралықпен үш рет, содан соң 72 сағ. аралықпен екі рет қабылдайды.

Цитомегаловирусты және папилломавирусты инфекцияны емдеу үшін Панавир® 48 сағ. аралықпен бірінші аптада үш рет, содан соң 72 сағ. аралықпен екінші аптада екі рет қолданылады.

Жүктіліктің II және III триместрі кезінде өршу сатысындағы созылмалы цитомегаловирусты инфекцияда алғашқы апта ішінде 48 сағ. аралықпен үш рет және екінші апта ішінде 72 сағ аралықпен екі рет қолданады.

Гастродуоденальді аумақтың ойық жаралы ақауларын эпителизациялау үшін 10 күн бойы күнара 5 көктамырішілік инъекция қолданады.

ЖРВИ және тұмауды емдеу үшін 18-24 сағ. аралықпен 2 көктамырішілік инъекция қолданады.

Бактериялық созылмалы простатитпен науқастарды емдеу үшін 48 сағ. аралықпен 5 көктамырішілік инъекция қолданады.

12 жастан асқан балаларға

ПанавирÒ балаларға бір реттік дозада 100 мкг көктамыр ішіне баяу сорғалатып тәулігіне 1 рет енгізуге тағайындалады.

Герпесвирусты инфекцияны емдеу үшін ПанавирÒ 24-48 сағ. аралықпен екі рет қабылданады. Қажет болған жағдайда емдеу курсын 1 айдан кейін қайталауға болады.

Кене энцефалитін емдеу үшін Панавир® 24 сағ. аралықпен екі рет қабылданады.

Цитомегаловирусты және папилломавирусты инфекцияны емдеу үшін Панавир® препаратын 48 сағ. аралықпен бірінші аптада үш рет, содан соң 72 сағ. аралықпен екінші аптада екі рет қабылдайды.

Жағымсыз әсерлері

Препарат жақсы көтерімді, ықтимал асқынулар препараттың құрамдас бөліктерінің жеке көтере алмаушылық пен жоғары сезімталдығымен байланысты болуы мүмкін.

Сонымен қатар, қандай болсын қолайсыз жағымсыз әсерлері пайда болғанда препаратты енгізуді тоқтатып, дәрігермен кеңесу қажет.

Сирек (≥1/10 000 және <1/1 000)

- аллергиялық реакциялар (бөртпе, есекжем, қышыну)

Өте сирек (<1/10 000)

- артериялық қысымның аз уақытқа төмендеуі

- жеңіл бас айналуы

Егер Сіз нұсқаулықта көрсетілмеген кез-келген басқа да жағымсыз әсерлерін байқасаңыз, бұл жайында дәрігерге хабарлаңыз.

Қолдануға болмайтын жағдайлар

- жүктіліктің І триместрі және лактация кезеңі (асқыну сатысындағы созылмалы цитомегаловирусты инфекцияда)

- жүктілік және лактация кезеңі (қалған көрсеткіштер бойынша)

- 12 жасқа дейінгі балаларға (герпесвирусты инфекция, кене энцефалиті, цитомегаловирусты және папилломавирусты инфекция)

- 18 жасқа дейінгі балалар мен жасөспірімдер (қалған көрсеткіштер бойынша)

- препарат компоненттеріне жоғары сезімталдық

Дәрілермен өзара әрекеттесуі

Анықталмаған

Айрықша нұсқаулар

Қандай да бір жағымсыз әсерлер пайда болғанда препаратты енгізуді тоқтатып, дәрігермен кеңесу керек.

Ерітінді бұлыңғырланған жағдайда препарат қолдануға жарамсыз деп саналады. Созылмалы вирусты инфекциясы бар әйелдерде және жүктілікке дайындау сатысында интерферон тапшылығы жағдайында қолданылады.

Жүктілікке дайындау сатысында цитомегаловирусты және герпесвирусты инфекция жағдайында пайдалануда ұрпақ өрбітуді жоғалтудың жиілігін төмендетуге ықпал етеді.

Педиатрияда қолданылуы

Препарат 12 жастан бастап балаларға герпесвирусты инфекция, кене энцефалиті, цитомеголовирусты және папилломавирусты инфекцияларда тағайындалады. Қалған көрсетілімдер бойынша 18 жасқа дейінгі балалар мен жасөспірімдерде препараттың қауіпсіздігі және тиімділігі анықталмаған.

Жүктілік және бала емізу кезеңі

Өршу сатысындағы созылмалы цитомегаловирусты инфекция көрсетілімі бойынша II және III триместрде кешенді ем құрамында қолдануға болады. Басқа жағдайларда, егер ана үшін болжамды пайдасы шаранаға төнетін қауіптен асып түскенде ғана қолданылуы мүмкін.

Лактация кезеңінде препаратты қолдану қажет болғанда препаратты қолданған кезеңде бала емізуді тоқтата тұру керек.

Панавир® препаратын препараттың құрамындағы компоненттері: глюкоза, манноза, рамноза, арабиноза, ксилозаға аллергиясы болған жағдайда қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын басқару және ерекше зейін қою мен жоғары психомоторлық реакция жылдамдығын талап ететін қауіптілігі зор қызмет түрлерін жүзеге асыру қабілетіне жағымсыз әсер ету мүмкіндігі туралы деректер жоқ.

Артық дозалануы

Артық дозалану жағдайы тіркелмеген. Клиникаға дейінгі зерттеулер нәтижесі препараттың уыттылығы төмендігін көрсетеді.

Шығарылу түрі және қаптамасы

Бейтарап шыныдағы ампулада 5 мл ерітіндіден.

Поливинилхлоридті үлбірден жасалған пішінді ұяшықты қаптамада 2 немесе 5 ампуладан қапталады. 1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге ампула пышағы немесе ампулалық керамикалық дискілі скарификатормен бірге картон қорапшаға салынады.

Кертігі бар ампуланы қаптағанда скарификатор немесе ампулалық пышақ салынбайды.

Сақтау шарттары

Жарықтан қорғалған жерде, 2 °С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші/қаптаушы

«Эллара» ЖШҚ

Ресей, 601122, Владимир обл., Петушинск ауданы, Покров қ.,

Франц Штольверк к., 20 үй, 2-бет

Тіркеу куәлігінің иесі

«Ұлттық Зерттеу Компаниясы» ЖШҚ

Ресей, 301414, Тула обл., Суворов ауданы, Варушица үйі, 104-үй.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Шамсун» ЖШС, Қазақстан Республикасы, 050052, Алматы қ-сы, Тепличная к-сі, 12/16-үй, 1-пәтер, тел: 8(727) 239-19-59, e-mail: Amanzholov.Shamsun@gmail.com.

 

 

 

 

 

6

 

Прикрепленные файлы

649724071477976132_ru.doc 60.5 кб
730720561477977472_kz.doc 93 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники