Палора® (сироп, 100 мл)

МНН: Страстоцвета мясо-красного травы экстракт
Производитель: Нобел Илач Санаи ве Тиджарет А.Ш
Анатомо-терапевтическо-химическая классификация: Прочие снотворные и седативные препараты
Номер регистрации в РК: № РК-ЛС-5№015044
Информация о регистрации в РК: 12.09.2014 - 12.09.2019

Инструкция

Саудалық атауы

Палора®

Халықаралық патенттелмеген атауы

Жоқ

Дәрілік түрі

Шәрбат, 100 мл

Құрамы

5мл шәрбаттың құрамында

белсенді зат - 694,444 мг пассифлора шөбінің сұйық сығындысы,

қосымша заттар: кристалды қант, глицерин, 96% этил спирті, метилпарабен, пропилпарабен, тазартылған су

Сипаттамасы

Күңгірт-қоңыр түсті мөлдір сұйықтық

Фармакотерапиялық тобы

Психопропты препараттар. Ұйықтатын және тыныштандыратын басқа да препараттар

АТХ коды N05CM

Фармакологиялық қасиеттері

Пассифлора сығындысы (страстоцвет) Passiflora incarnata өсімдігінен алынады. Пассифлора сығындысының құрамында гарман, гармол, гармалин (галлюциноген), гармин, гармалол және арибин сияқты алколоидтер тобы және кейбір витексин, ориентин сияқты флавоноидтер бар. Сонымен қатар, сығынды құрамында спазмолитикалық белсенділікке ие апигенин бар.

Бұл заттар тыныштандыратын, ұйықтататын, ауруды басатын, анксиолитикалық және спазмолитикалық қасиеттерді иеленген.

Табиғи пассифлора сығындысы тәуелділік және жағымсыз құбылыстар тудырмайтындықтан транквилизаторлар және барбитураттармен салыстырғанда анағұрлым қауіпсіз болып саналады.

ПАЛОРА® орталық жүйке жүйесіне абстиненция кезеңінде тыныштандыратын әсер береді. Препарат невротикалық бұзылуларды жояды, көңіл күйді, ұйқыны жақсартады, еңбекке қабілеттілігін көтереді, бас айналуын, құлақтың шуылын азайтады.

Қолданылуы

- неврастенияда- вегето – қантамырлық дистонияда- климакс және климакс алдындағы кезеңдерде - қатты ашушаңдықта - ұйқының бұзылуында - симптоматикалық артериялық гипертензияда - Меньер ауруында (кешенді ем құрамында)

Қолдану тәсілдері және дозалары

Ересектерге

Тыныштандыратын әсерге қол жеткізу үшін - 5-10 мл-ден /1-2 өлшеуіш қасықпен тамақтанар алдында күніне 3 рет.

Ұйқы бұзылғанда 10 мл препараттан, ұйықтар алдында қабылдау керек. Емнің орташа ұзақтығы – 20 - 30 күн.

Ең жоғары бір реттік дозасы – 10 мл, тәуліктік – 30 мл.

Жағымсыз әсерлері

- ұйқышылдық

- шаршау сезімі

- бас айналу

- бұлшықет әлсіздігі

- аллергиялық реакциялар

- экзантема

- асқазан-ішек жолы бұзылыстары (жүрек айну, құсу, түйілулер, қыжыл, диарея, іш қату)

Қолдануға болмайтын жағдайлар

- препарат компоненттерінің біріне жеке сезімталық

- бауыр ауырулары

- созылмалы маскүнемдік

- созылмалы бүйрек жеткіліксіздігі

- ми жарақаттары

- 18 жасқа дейінгі балалар мен жасөспірімдерге

- жүктілік және лактация кезеңі

Дәрілермен өзара әрекеттесуі

Препаратты орталық жүйке жүйесінің жұмысын бәсеңдететін заттармен (алкоголь, барбитураттар, транквилизаторлар) бірге қабылдау тыныштандыратын және ұйықтататын әсерін күшейтуі мүмкін. Палора® препаратын дисульфираммен бірге қолданудан сақтанған жөн. Аспартам қабылдайтын (фенилкетонурия кезінде) адамдар несебінде шөгінді пайда болуы мүмкін.

Айрықша нұсқаулар

Асқазан-ішек жолының ауыр органикалық ауруларында (ойық жара ауруы, гастроэзофагеальді рефлюкс ауруы (ГЭРА), қатерлі ісіктер, өт-тас ауруы, созылмалы панкреатит), қант диабеті кезінде абайлап тағайындау керек.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Емделу кезеңінде зейінді жұмылдыруды және психомоторлы реакциялардың шапшаңдығын қажет ететін қауіптілігі зор қызмет түрлерімен айналысуды тоқтата тұру қажет.

Артық дозалануы

Симптомдары: бас кезінде – ұйқышылдық, жабырқаушылық сезімі, кейіннен – жүрек айнуы, асқазандағы ауырлық сезімі.

Емі: симптоматикалық. Арнайы у қайтарғысы жоқ.

Шығарылу түрі және қаптамасы

100 мл препараттан алғашқы ашылуы бақыланатын бұрандалы қақпағы бар күңгірт шыны құтыға құйылған.

Құтыға өздігінен желімделетін заттаңба жапсырылады.

1 құты өлшеуіш қасығымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге

салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада

сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«НОБЕЛ ИЛАЧ Санаи ва Тиджарет А.Ш.», Түркия

Қаптаушы

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ., Шевченко к-сі 162 Е.

Тіркеу куәлігінің иесі

«Нобел Алматы Фармацевтикалық Фабрикасы» АҚ

Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel-aff.kz

 

Прикрепленные файлы

536551831477976709_ru.doc 56.5 кб
231253881477977861_kz.doc 51.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники