Оптифлокс

• русский
• қазақша

• Скачать инструкцию медикамента

Саудалық атауы

Оптифлокс

Халықаралық патенттелмеген атауы

Офлоксацин

Дәрілік түрі

Көз тамшы дәрісі, 3 мг/мл, 5 мл

Құрамы

1 мл препараттың құрамында

белсенді зат - 3,0 мг офлоксацин

қосымша заттар: бензалконий хлориді, натрий хлориді, гидроксипропилметиллцеллюлоза, 1 М хлорлы сутек қышқылы немесе

1 М натрий гидроксиді, инъекцияға арналған су.

Сипаттамасы

Мөлдір, жасыл реңді ақшыл сары түсті сұйықтық.

Фармакотерапиялық тобы

Көз ауруларын емдеуге арналған препараттар. Микробқа қарсы басқа да препараттар

АТЖ коды S01AX11С05СХ

Фармакологиялық қасиеттері

Фармакокинетикасы

Жергілікті қолданғанда көз тіндеріндегі препараттың емдік концентрациясына 30-60 минуттан кейін жетеді. Элиминация кезеңі – 6-7 сағат. Жүйелік сіңірілуі төмен.

Фармакодинамикасы

Фторхинолондар тобының кең ауқымды әсер ететін микробқа қарсы дәрісі, ДНҚ бактерияларының жоғары спиралдануы мен тұрақтылығын қамтамасыз ететін ДНҚ-гираза бактериялық ферментіне әсер етеді (ДНҚ тізбектері тұрақсыздануы олардың қырылуына алып келеді). Бактерицидті әсер береді.

Грамтеріс микроорганизмдердің көпшілігіне қатысты алғанда белсенділігі жоғары: Esherichia coli, Salmonella spp., Proteus spp., Morganella morganii, Shigella spp., Klebsiella spp., Enterobacter spp., Serratia spp., Citrobacter spp., Yersinia spp., Providencia spp., Legionella pneumophilla, Acinetobacter spp., Chlamydia spp.

Кейбір грамоң микроорганизмдерге, оның ішінде Staphylococcus spp., Streptococcus spp. қатысты алғанда белсенді.

Enterococcus faecalis, Streptococcus pheumoniae, Pseudomonas spp. офлоксацинге сезімталдығы орташа.

Офлоксациннің бета-лактамаза өндіретін микроорганизмдерге сезімталдығы бар. Препаратқа анаэробты бактериялар сезімтал емес (B. Urealiticus-ден басқа).

Қолданылуы

• көздің алдыңғы бөлігінің жұқпалы-қабыну ауруларында (блефарит, теріскен, конъюнктивит, дакриоцистит, кератит, мөлдір қабық ойық жарасы, көздің хламидийлі жұқпасы)

• көз жарақаттары және хирургиялық араласулардан кейінгі бактериялық жұқпалардың алдын алу мен емдеуде

Қолдану тәсілі және дозалары

Оптифлокс тамшыларын конъюнктивальді қапқа алғашқы 2 күн бойы әр сағат сайын, одан кейінгі 2-3 күндері – 7 күн бойы тәулігіне 6-7 рет (іріңді бөлініс тоқтағаннан кейін 3 тәулік бойы) 1-2 тамшыдан тамызады. Емдеу курсы – 2 аптадан көп емес. Науқас тамызғаннан кейін 5 минут бойы «қырынан жатқан» күйде болуы және қалуы тиіс.

Жағымсыз әсерлері

• препаратқа жоғары асқын сезімталдық

• көздің ашуы мен жайсыздануын сезіну, гиперемия, конъюнктиваның қышуы мен құрғауы, жарықтан қорқу, жас ағу

Қолдануға болмайтын жағдайлар

• препарат компоненттеріне жоғары сезімталдықта (соның ішінде басқа хинолон туындыларына)

• созылмалы бактериялық емес конъюнктивитте

• 18 жасқа дейінгі балаларға

• жүктілікте және лактация кезеңінде

Дәрілермен өзара әрекеттесуі

Анықталмаған

Айрықша нұсқаулар

Көз тамшы дәрілерін тек жергілікті қолдануға болады, препарат субконъюнктивальді немесе тікелей көздің алдыңғы камерасына қолданылмайды.

Оптифлокс көз тамшылары мен басқа да офтальмологиялық ерітінділерді қолданған кезде оларды енгізудің арасындағы аралық 5 минуттан кем болмауы тиіс.

Егер Оптифлокс тамшыларын қолданудан гиперемия немесе конъюнктива тітіркенуі тоқтамаса, онда препаратты қолдануды тоқтатып, дәрігерге жүгінген жөн.

Оптифлокс құрамында бензалконий хлориді болғандықтан жұмсақ (гидрофильді) жанаспалы линзаны тақпаған не тамызған кезде оны алып қойған дұрыс. Линзаны препараттарды қолдану арасындағы үзілістерде тағуға және тамызғаннан соң кем дегенде 15 минуттан кейін көзге салуға болады. Бұл ретте препараттың мерзімділік нұсқамасынан ауытқымаған абзал.

Күннен қорғайтын көзілдірік тағып (жарықтан қорқудың даму ықтималдығына байланысты), қатты жарықтың ұзақ әсерінен сақтану керек.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Тамшыларды қолданғаннан кейінгі көрудің айқынсыздығы немесе өзге де көзбен шолудағы мазасыздықтар, бұл өз кезегінде автомобильді немесе басқа да қауіптілігі зор механизмдерді басқару қабілетіне жағымсыз әсер етуі мүмкін. Мұндай жағдайда көздің көруі қалпына келгенше тоса тұру қажет.

Артық дозаланғанда

Анықталмаған

Шығарылу түрі және қаптамасы

5 мл алғашқы ашылуы бақыланатын бұралатын қақпағы бар полиэтиленді құтыға салынған. 1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 15С-ден 25С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Құты ашылғаннан кейін сақтау мерзімі 30 күн.

Дәріханалардан босатылу шарттары

Рецепт арқылы

Өндіруші

«Jamjoom Pharmaceuticals Co. Ltd», Сауд Арабиясы

Жауапты Салман Хусейн

Сауд Арабиясы,

Жедах қ., Индустриялық алаңы 5 фаза,

тел./факс +966 2 6081111 / +966 2 6081222

e-mail: www.jamjoompharma.com, salmanhussain@jamjoompharma.co

Тіркеу куәлігі иесінің атауы мен елі

«Jamjoom Pharmaceuticals Co. Ltd», Сауд Арабиясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Қазақстан Республикасы, Алматы қаласы, Әл-Фараби көшесі,

15 ПФО "Нұрлы тау", 4 "В" блок, №18 кеңсе.

Телефон нөмірі: 8701 712 36 27

Электронды поштасы: pharmacovigilance@jamjoompharma.com