Омесайз

Омесайз

Омепразол

20 мг капсулалар

Бір капсула құрамында

белсенді зат – ішекте еритін қабықпен қапталған омепразол пеллеті, 8.5 %

235.00 (омепразолға баламалы) (20.00)

Капсуланың ішіндегісінің салмағы 235.0

Желатинді капсулалар 63.0

Корпусы

Желатин 81.50 %

Тазартылған су*** 14.00 %

Метилпарагидроксибензоат 0.40 %

Пропилпарагидроксибензоат 0.10 %

Натрий лаурилсульфаты 0.10 %

Поливинилпирролидон К 30 0.30 %

Титанның қостотығы (Е 171) 3.50 %

Қақпақшасы

Желатин 81.50 %

Тазартылған су*** 14.00 %

Метилпарагидроксибензоат 0.40 %

Пропилпарагидроксибензоат 0.10 %

Натрий лаурилсульфаты 0.10 %

Поливинилпирролидон К 30 0.30 %

Темірдің (III) қызыл тотығы (Е 172) 3.00 %

Капсуланың жалпы салмағы 298.00 мг

Корпусы ақ түсті және қақпақшасы қоңыр түсті қатты желатинді капсулалар №2. Капсулалардың ішіндегісі – ақ немесе ақ дерлік түсті түйіршіктер.

Ойық жараға қарсы препараттар және гастроэзофагеальді рефлюксті емдеуге арналған (GORD) препараттар. Протондық сорғы тежегіштері. Омепразол.

АТХ коды А02ВС01

Фармакокинетикасы

Омепразол қышқыл ортаға төзімсіз, сондықтан ішу арқылы қолдану үшін, ішінде препарат түйіршіктері бар, қабығы асқазан сөлінің әсеріне төзімді таблеткалар пайдаланылады. Препарат жылдам сіңіріледі: плазмадағы ең жоғарғы концентрациясына қабылдағаннан кейін 1-2 сағаттан соң жетеді. 40 мг дозасын бір рет қабылдағаннан кейін омепразолдың абсолюттік биожетімділігі 64% құрайды және күн сайын тәулігіне бір рет қабылдаудың аясында 89%-ға дейін артады. Омепразолдың 20 мг дозасы үшін бұл көрсеткіштер сәйкесінше 50% және 68% құрайды. Дені сау адамдарда тепе-теңдік концентрациясы кезіндегі таралу көлемі дене салмағының шамамен 0,22 л/кг құрайды. Омепразол плазма ақуыздарымен 97%-ға байланысады.

Ас ішу омепразолдың асқазанда сіңірілуін баяулатады және төмендетеді, алайда бұл тұз қышқылы секрециясының тежелу тиімділігіне айтарлықтай әсер етпейді.

Омепразол Р450 (CYP) цитохромы жүйесінің қатысуымен метаболизмге ұшырайды. Негізгі бөлігі спецификалық полиморфты СYР2С19 изоформасының көмегімен метаболизденеді, сонымен қатар омепразолдың гидрокси- және деметилденген метаболиттері түзіледі. Қалған бөлігінің метаболизмі басқа спецификалық CYP3A4 изоформасы арқылы жүзеге асады; сонымен қатар, омепразолдың плазмада анықталатын негізгі метаболиті болып табылатын сульфотуындысы түзіледі.

Төменде келтірілген параметрлер, негізінен, CYP2C19 ферменті белсенді пациенттердегі (метаболизмі белсенді пациенттер) фармакокинетикасының сипатын көрсетеді.

Жалпы клиренсі шамамен препаратты бір рет қабылдағаннан кейін 17 л/сағатты және бірнеше рет қабылдағаннан кейін – 9 л/сағатты құрайды. Жартылай шығарылу кезеңі жүйелі түрде тәулігіне бір рет қабылдағанда 1,3 сағатты құрайды. «Концентрация–уақыт» қисығы астындағы ауданы (AUC) омепразолды қайталап қабылдағанда артады. Омепразолды қайталап қабылдағанда AUC дозаға тәуелді артуы дозаға байланысты сипатта емес, бұл бауыр арқылы “бірінші өтуі” кезінде метаболизмі төмендеуінің, сондай-ақ, омепразолдың және/немесе оның сульфоқұрамды метаболитінің CYP2C19 ферментін тежеуінен туындауы ықтимал жүйелі клиренсінің төмендеуінің салдары болып табылады. Тәулігіне бір рет күн сайын қабылдағанда омепразол қан плазмасынан қабылдаулар арасындағы үзілісте шығарылады және жинақталмайды.

Омепразолдың негізгі метаболиттері асқазан қышқылының секрециясына әсер етпейді. Ішу арқылы қолданғанда дозасының 80%-ға дейінгісі метаболиттер түрінде несеппен шығарылады, қалған мөлшері нәжіспен шығарылады. Несепте өзгермеген омепразолдың 1%-дан азы анықталады.

Пациенттердің кейбір топтарындағы фармакокинетикасының ерекшеліктері: Халықтың шамамен 2,9±1,5%-ында CYP2C19 изоферментінің белсенділігі төмен. Ондай пациенттерде омепразолдың метаболизмі, негізінен, CYP3A4 әсерінің нәтижесінде жүзеге асады. 40 мг омепразолды тәулігіне бір рет жүйелі түрде қабылдағанда АUС орташа мәні CYP2C19 изоферментінің белсенділігі жоғары пациенттердегі бұл параметрдің мәнінен 100% артық болады. Изофермент белсенділігі төмендеген пациенттерде плазмадағы ең жоғарғы концентрацияларының орташа мәндері шамамен 60%-ға жоғарылаған. Көрсетілген ерекшеліктер омепразолдың дозасы мен қолдану тәсіліне әсер етпейді.

Егде жастағы пациенттерде (71-80 жас) омепразолдың метаболизмі елеулі өзгерістерге ұшырамайды.

40 мг омепразолды бір рет қабылдағаннан кейін әйелдерде АUС орташа мәні ерлердегі осындайдан 30%-ға артық болады. Препаратты тәулігіне бір рет күн сайын қабылдағанда ерлер мен әйелдердегі фармакокинетикасында айырмашылықтар білінбейді. Көрсетілген ерекшеліктер омепразолдың дозасы мен қолдану тәсіліне әсер етпейді.

Бауырдың жеңіл және орташа жеткіліксіздігі бар пациенттерде омепразолдың метаболизмі бұзылуы мүмкін. Бауырдың ауыр жеткіліксіздігі бар пациенттерде метаболизмінің жылдамдығы төмен, бұл омепразол үшін АUС мәнінің 2 есе артуына алып келеді.

Бүйрек жеткіліксіздігі бар пациенттерде фармакокинетикасын зерттеу жүргізілген жоқ. Бүйрек арқылы омепразолдың өзінің емес, оның метаболиттерінің шығарылуы жүзеге асатындықтан, бүйрек жеткіліксіздігі бар пациенттерде омепразолдың метаболизмі өзгермейді деп шамалауға болады.

12-18 жас шамасындағы балаларда 20 мг және 40 мг омепразолды қайталап қабылдағаннан кейін АUС мәні мен қан плазмасындағы ең жоғарғы концентрациясына жету уақыты (tmax) ересектердегі АUС және tmax мәндеріне ұқсас болды.

Фармакодинамикасы

Омесайз асқазандағы қышқыл секрециясын париетальді жасушалардағы протондық сорғыны спецификалық тежеу жолымен төмендетеді. Омепразолдың S- және R-изомерлерінің фармакодинамикалық белсенділіктері ұқсас.

Әсер ету механизмі

Омесайз әлсіз негіз болып табылады, қышқыл ортадағы париетальді жасушалардың секреторлық өзекшелерінде жинақталады, ол жерде белсенділенеді және протондық сорғы –Н+,К+-АТФаза ферментін тежейді. Омепразол қышқылдың базальді секрециясын да, стимуляцияланған секрециясын да тежейді. Омепразолдың әсері 20 мг немесе 40 мг ішу арқылы қабылдағаннан кейін 1 сағат ішінде дамиды. Препаратты 5 күн бойы 20 мг дозада тәулігіне бір рет күн сайын қабылдағанда қышқылдың пентагастринмен стимуляциялағаннан кейінгі орташа ең жоғарғы концентрациясы 90%-ға төмендейді (қышқыл концентрациясын емдеудің 5-ші күні препаратты қабылдағаннан кейін 6-7 сағаттан соң өлшегенде). Гастро-эзофагеальді рефлюкстік ауруы (ГЭРА) және омепразолды 20 мг немесе 40 мг дозада күн сайын ішу арқылы қабылдағаннан кейін 5 күннен соң клиникалық симптомдары бар пациенттерде асқазанішілік рН 4-тен жоғары мәні, орташа алғанда, 24 сағаттың 13 және 17 сағаттары бойына сақталды. Омепразолды тәулігіне 20 мг дозада қабылдау аясында асқазанішілік рН 4-тен жоғары мәні 76%, 54% және 24% пациенттерде сәйкесінше, кемінде 8, 12 және 16 сағат бойына сақталды. 40 мг омепразол үшін бұл арақатынас сәйкесінше 97%, 92% және 56% құрайды.

- гастро-эзофагеальді рефлюкстік ауруда: эрозиялы рефлюкс-эзофагит, эрозиялы рефлюкс-эзофагит жазылғаннан кейінгі демеуші емде, қайталануын болдырмас үшін, гастро-эзофагеальді рефлюкстік ауруды симптоматикалық емдеу үшін

- асқазан мен он екі елі ішектің Helicobacter pylori-мен астасқан ойық жара ауруы кезінде Helicobacter pylori эрадикациясы үшін бактерияға қарсы біріктірілген емнің құрамында

- пептидік ойық жарадан қан кетуді бастан өткерген пациенттерде ұзақ уақыт бойы қышқылды бәсеңдету емінде (асқазан бездерінің секрециясын төмендететін препараттарды вена ішіне қолданғаннан кейін, қайталануының профилактикасы үшін)

- қабынуға қарсы стероидты емес дәрілерді ұзақ уақыт қабылдаумен байланысты гастропатияда

- Золлингер-Эллисон синдромында немесе патологиялық гиперсекрециямен сипатталатын басқа жағдайларда, соның ішінде, идиопатиялық гиперсекрецияда

- қауіп тобына жататын пациенттердегі асқазан мен он екі елі ішектің қабынуға қарсы стероидты емес дәрілерді қабылдаумен байланысты ойық жарасының профилактикасы үшін

Ішке. Капсуланы тұтастай, сумен ішіп жұту керек. Капсулаларды шайнауға немесе ұсақтауға болмайды. Жұтуға қиналатын пациенттер үшін капсуланы газдалмаған жарты стақан суда капсула ыдырағанша ерітуге болады (басқа сұйықтықтарды пайдаланбаған дұрыс, өйткені микротүйіршіктердің қорғағыш қабығы еріп кетуі мүмкін), сондан кейін микротүйіршіктердің жүзіндісін бірден немесе 30 минут ішінде ішу керек, содан кейін стақанға қайтадан су толтырып, қалдықтарын араластыру және ішу керек. Микротүйіршіктерді шайнауға немесе ұсақтауға болмайды. Жұта алмайтын пациенттер, капсуланы суда ерітуі және назогастральді зонд арқылы енгізуі керек.

Ересектер және 12 жастан асқан балалар

Гастро-эзофагеальді рефлюкстік ауру

4 апта бойы тәулігіне бір рет 40 мг. Алғашқы емдеу курсынан кейін эзофагиттің жазылуы басталмаған немесе симптомдары сақталып қалған жағдайларда, қосымша 4 апталық емдеу курсы ұсынылады.

Эрозиялы рефлюкс-эзофагит жазылғаннан кейін қайталануын болдырмас үшін ұзаққа созылатын демеуші ем

Тәулігіне бір рет 20 мг-ден.

Гастроэзофагеальді рефлюкстік аурудың симптоматикалық емі

Тәулігіне бір рет 20 мг – эзофагиті жоқ пациенттерге. Егер 4 апта емдеуден кейін симптомдары жойылмаса, пациентті қосымша тексеру жүргізу керек. Ауру симптомдарын басқаннан кейін препаратты “қажеттілігіне қарай” қабылдау режиміне көшуге, яғни симптомдары қайта басталған жағдайда Омесайзды тәулігіне бір рет 20 мг қабылдауға болады. ҚҚСП қабылдап жүрген және асқазан немесе он екі елі ішектің ойық жарасының даму қаупі бар топқа жататын пациенттер үшін, емдеуді «қажеттілігіне қарай» режимінде ұзарту ұсынылмайды.

Ересектер

Он екі елі ішектің Helicobacter pylori-мен астасқан ойық жарасын емдеуде Helicobacter pylori-мен эрадикациясы үшін біріктірілген ем құрамында: Омесайз 20 мг, амоксициллин 1 г және кларитромицин 500 мг. Барлық препараттар 1 апта бойы тәулігіне екі рет қабылданады.

Пептидік ойық жарадан қан кетуді бастан өткерген пациенттердегі ұзақ уақыт бойы қышқылды бәсеңдету емі (асқазан бездерінің секрециясын төмендететін препараттарды вена ішіне қолданғаннан кейін, қайталануының профилактикасы үшін)

Асқазан бездерінің секрециясын төмендететін препараттармен венаішілік емдеу аяқталғаннан кейін Омесайз 40 мг 4 апта бойы тәулігіне 1 рет.

ҚҚСП ұзақ уақыт қабылдап жүрген пациенттер

Асқазанның ҚҚСП қабылдаумен байланысты ойық жарасын емдеу: Омесайз 20 мг немесе 40 мг тәулігіне бір рет. Емдеу ұзақтығы 4-8 аптаны құрайды.

Асқазан мен он екі елі ішектің ҚҚСД қабылдаумен байланысты ойық жарасының профилактикасы

Омесайз 20 мг немесе 40 мг тәулігіне бір рет.

Золлингер-Эллисон синдромы немесе патологиялық гиперсекрециямен сипатталатын басқа жағдайлар және идиопатиялық гиперсекреция

Ұсынылатын бастапқы доза - тәулігіне екі рет Омесайз 40 мг.

Ары қарай дозасы жекелей таңдалады, емдеу ұзақтығы аурудың клиникалық көрінісіне қарай белгіленеді.

Препаратты 120 мг дейінгі дозаларында тәулігіне 2 рет қолдану тәжірибесі бар.

Препаратты назогастральді зонд арқылы енгізу

1. Таблетканы шприцке салыңыз және шприцке 25 мл су мен шамамен 5 мл ауа толтырыңыз. Зондтың таблетка түйіршіктерімен бітеліп қалуын болдырмау мақсатында, кейбір зондтар үшін препаратты 50 мл ауыз суда сұйылту қажет болуы мүмкін.

2. Таблетканы еріту үшін, шприцтің ішіндегісін шамамен екі минут бойы шайқаңыз.

3. Шприцті ұштығын жоғары қаратып ұстаңыз және ұштығының бітеліп қалмағанына көз жеткізіңіз.

4. Шприцтің ұштығын жоғары қаратып ұстап тұрып, оны зондқа енгізіңіз.

5. Шприцті сілкіңіз және оны ұштығын төмен қаратып төңкеріңіз. Зондқа дереу 5-10 мл ерітілген препаратты енгізіңіз. Енгізгеннен кейін шприцті бұрынғы қалпына қайта әкеліңіз және шайқаңыз (ұштығы бітеліп қалмауы үшін, шприц ұштығы жоғары қаратып ұсталуы тиіс).

6. Шприцтің ұштығын төмен қаратып төңкеріңіз және зондқа тағы 5-10 мл препаратты енгізіңіз. Бұл операцияны шприц бос қалғанша қайталаңыз.

7. Препараттың бір бөлігі шприцте тұнба түрінде қалып қойған жағдайда, шприцке 25 мл су және 5 мл ауа толтырыңыз және 5 тармақта сипатталған операцияларды қайталаңыз.

Жиі (>1/100, <1/10)

- бас ауыруы

- іш ауыруы, диарея, метеоризм, жүрек айнуы, құсу, іш қатуы

Жиілігі аз (>1/1000, <1/100)

- дерматит, қышыну, есекжем, бөртпе

- бас айналуы

- ауыздың құрғауы

- ұйқысыздық, парестезия, ұйқышылдық

- “бауыр” ферменттері белсенділігінің жоғарылауы

- шеткері ісінулер

- анық көрмеу

Сирек (>1/10000, <1/1000)

- лейкопения, тромбоцитопения

- аллергиялық реакциялар: қызба, ангионевроздық ісіну, анафилактоидтық реакция/шок

- қозу, депрессия, дімкәстану, абыржу

- дәм сезудің бұзылуы

- гипонатриемия

- бронх түйілуі

- стоматит және асқазан-ішек кандидозы

- сарғаюмен жүретін (немесе онсыз) гепатит

- фотосенсибилизация, алопеция

- артралгиялар, миалгиялар, омыртқа бағаны, ортан жілік мойны, білезік сынуларының даму қаупі

- тершеңдік

Өте сирек (<1/10000)

- агранулоцитоз, панцитопения

- елестеулер (көбінесе әлсіз пациенттерде), озбыр мінез-құлық

- бауыр жеткіліксіздігі, бауыр энцефалопатиясы

- мультиформалы экссудативтік эритема

- Стивенс-Джонсон синдромы

- уытты эпидермальді некролиз

- бұлшықет әлсіздігі

- интерстициальді нефрит

- гинекомастия

- гипомагнезиемия, ауыр гипомагнезиемия гипокальциемияға алып келуі мүмкін

- микроскопиялық колит

Қатер шегіндегі пациенттерде жоғары дозаларын қабылдағанда көрудің қайтымсыз бұзылуларының жекелеген жағдайлары туралы хабарланды, препаратты қабылдаумен себеп-салдарлық байланысы анықталған жоқ.

- эзомепразолға, орынбасқан бензимидазолдарға немесе препарат құрамына кіретін басқа ингредиенттерге жоғары сезімталдық

- тұқым қуалайтын фруктозаны көтере алмаушылық

- глюкоза-галактоза мальабсорбциясы немесе сахараза-изомальтаза жеткіліксіздігі

- нелфинавирмен бір мезгілде қабылдау

- 12 жасқа дейінгі балаларға ГЭРА кезінде

- балалар мен 18 жасқа дейінгі жасөспірімдерге, гастроэзофагеальді рефлюкстік аурудан басқа, басқа көрсетілімдер бойынша

Сақтықпен

- бүйректің ауыр жеткіліксіздігі

Омепразолмен және басқа протондық помпа тежегіштерімен емдеу аясында асқазан сөлінің қышқылдылығын бәсеңдету, сіңірілуі қышқыл ортаға тәуелді препараттардың сіңірілуінің өзгеруіне алып келуі мүмкін. Омепразол, асқазандағы қышқыл секрециясын төмендететін басқа препараттар сияқты, кетоконазолдың, итраконазолдың және эрлотинибтің сіңірілуінің төмендеуіне алып келуі мүмкін. Сонымен қатар, омепразолды дигоксинмен бірге қабылдағанда, соңғысының концентрациясы артуы мүмкін. ППТ мен метотрексатты бірге қабылдағанда, кейбір пациенттерде концентрациясының артқаны байқалады. Метотрексатты жоғары дозаларында қолданғанда омепразолды қабылдауды тоқтата тұру қажет.

Атазанавир мен нелфинавир омепразолмен бір мезгілде қабылданған жағдайларда, бұл препараттардың сарысудағы деңгейінің төмендегені байқалды, сондықтан олардың бірге қолданылуын болдырмау керек. Омепразолды тәулігіне бір рет 40 мг дозада және 300 мг атазанавирді / 100 мг ритонавирді бірге тағайындау атазанавирдің AUC, сондай-ақ ең жоғарғы және ең төменгі концентрациялары мәндерінің едәуір төмендеуіне алып келді. Атазанавирдың дозасын 400 мг дейін арттыру омепразолдың атазанавир концентрациясына әсерінің орнын толтыра алған жоқ. Сондықтан, омепразолды атазанавирмен бірге тағайындамау керек, ал омепразол мен нелфинавирді бір мезгілде тағайындауға болмайды.

Омепразол өзінің метаболизміне қатысатын негізгі фермент - CYP2C19 тежейді. Сәйкесінше, омепразолды басқа, метаболизміне CYP2C19 қатысатын диазепам, циталопрам, имипрамин, кломипрамин, фенитоин және т.б. сияқты препараттармен бірге қолдану бұл препараттардың плазмадағы концентрацияларының жоғарылауына алып келуі мүмкін, бұл, өз кезегінде, дозасын төмендетуді қажет етуі мүмкін. Бұл өзара әрекеттестік туралы әсіресе, Омесайзды «қажеттілігіне қарай» режимде тағайындаған кезде ескеру маңызды. 30 мг омепразол мен CYP2C19 цитохромының субстраты болып табылатын диазепамды бірге қабылдағанда, диазепам клиренсінің 45%-ға төмендегені байқалады.

Омепразолды 40 мг дозада тағайындау эпилепсиясы бар пациенттерде фенитоиннің қалдықтық концентрациясының 13%-ға жоғарылауына алып келді. Осыған байланысты, омепразолмен емдеудің басында және оны тоқтатқан кезде фенитоиннің плазмадағы концентрациясын бақылау ұсынылады.

Варфаринді 40 мг омепразолмен бірге қабылдау варфаринді ұзақ уақыт бойы қабылдап жүрген пациенттерде коагуляция уақытының өзгеруіне алып келмейді. Алайда, варфарин мен омепразолды бірге қолданғанда ХҚҚ (халықаралық қалыптастырылған қатынас) индексінің клиникалық елеулі жоғарылауының бірнеше жағдайлары туралы хабарланды. Сондықтан, бұл препараттарды бірге қолданудың басында және аяғында ХҚҚ бақылау ұсынылады.

Цизапридті 40 мг омепразолмен бірге қабылдау дені сау еріктілерде цизапридтің фармакокинетикалық параметрлері мәндерінің жоғарылауына: AUC - 32%-ға және жартылай шығарылу кезеңінің 31%-ға алып келеді, алайда, бұл кезде цизапридтің плазмадағы ең жоғарғы концентрациясы айтарлықтай өзгермейді. QT аралығының цизапридпен монотерапия кезінде байқалған елеусіз ұзаруы Омесайзды қосқан кезде ұлғайған жоқ.

Омесайз амоксициллин мен хинидин фармакокинетикасының клиникалық елеулі өзгерістерін туғызбайды.

Омепразолмен бірге тағайындау такролимустың сарысудағы концентрациясының артуына алып келді.

Омепразол мен напроксенді немесе рофекоксибті қысқа мерзімде бірге қолданылуын бағалауға қатысты зерттеулерден клиникалық тұрғыдан елеулі фармакокинетикалық өзара әрекеттесулер анықталған жоқ.

Омепразолдың метаболизміне CYP2C19 бен CYP3A4 қатысады. Омепразолды CYP3А4 тежейтін кларитромицинмен (тәулігіне 2 рет 500 мг) бірге қолдану, омепразолдың AUC мәнінің 2 есе артуына алып келеді. Омепразол мен CYP3А4 пен CYP2C19 біріккен тежегішін, мысалы, вориконазолды бірге қолдану, омепразол үшін AUC мәнінің 2 еседен артық артуына алып келуі мүмкін. Ондай жағдайларда омепразолдың дозасын түзету қажет емес.

Омепразол мен клопидогрелдің бірге қолданылуын болдырмау керек.

Кез келген үрейлі симптомдар (мысалы, дене салмағының өздігінен едәуір төмендеуі, қайта-қайта құсу, дисфагия, қан аралас құсу немесе мелена) болса, сондай-ақ асқазанның ойық жарасы болса (немесе асқазанның ойық жарасына күдік болса) қатерлі жаңа түзілімнің бар-жоқтығын анықтау керек, өйткені Омесайзбен емдеу симптоматикасының басылуына алып келуі және диагноз қойылуын кейінге шегеруі мүмкін.

Препаратты ұзақ уақыт бойы қабылдап жүрген пациенттер (әсіресе, бір жылдан артық), дәрігердің жүйелі қадағалауында болуы тиіс.

Омесайзды «қажеттілігіне қарай» қабылдап жүрген пациенттер симптомдардың сипаты өзгерген жағдайда, өз дәрігерімен хабарласу қажеттілігінен құлағдар болуы тиіс. «Қажеттілігіне қарай» ем тағайындаған кезде омепразолдың плазмадағы концентрациясының ауытқуына көңіл бөле отырып, препараттың басқа дәрілік заттармен өзара әрекеттесуін ескеру керек.

Омесайзды Helicobacter pylori эрадикациясы үшін тағайындаған кезде, емнің барлық компоненттері үшін өзара дәрілік әрекеттесулер мүмкіндігі ескерілуі тиіс. Кларитромицин CYP3А4 күшті тежегіші болып табылады, сондықтан, басқа CYP3А4 қатысуымен метаболизденетін препараттарды (мысалы, цизапридті) қабылдап жүрген пациенттерге эрадикация емін тағайындаған кезде, болуы мүмкін қарсы көрсетілімдерін және кларитромициннің аталған дәрілік заттармен өзара әрекеттесуін ескеру қажет.

Омесайз капсулаларының құрамында сахароза бар, сондықтан олар тұқым қуалайтын фруктозаны көтере алмаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге қарсы көрсетілімді.

Протондық помпа тежегіштерімен емдеу Salmonella және Campylobacter туғызатын асқазан-ішек инфекцияларының туындау қаупінің елеусіз артуына алып келуі мүмкін.

Секрецияға қарсы препараттарды ұзақ уақыт аралығы бойына қабылдап жүрген пациенттерде, көбінесе асқазанда безді кисталардың түзілгені байқалады. Бұл құбылыстарға қышқыл секрециясының айқын тежелуі нәтижесіндегі физиологиялық өзгерістер түрткі болады. Кисталар қатерсіз және қайтымды сипатқа ие.

Ранитидинмен салыстырмалы зерттеулерін жүргізу барысында Омесайз циклоксигеназа-2 (ЦОГ-2) селективті тежегіштерін қоса, қабынуға қарсы стероидты емес препараттарды (ҚҚСП) қабылдап жүрген пациенттерде асқазанның ойық жараларының жазылуына қатысты үздік тиімділігін көрсетті.

Бүйрек жеткіліксіздігі: препараттың дозасын түзету қажет емес.

Бүйректің ауыр жеткіліксіздігі бар пациенттерде Омесайзды қолдану тәжірибесі шектеулі; осыған байланысты, препаратты ондай пациенттерге тағайындағанда сақтық таныту керек.

Бауыр жеткіліксіздігі: бауырдың жеңіл және орташа жеткіліксіздігі кезінде препараттың дозасын түзету қажет емес.

Бауырдың ауыр жеткіліксіздігі бар пациенттер үшін ең жоғарғы тәуліктік дозасы - 20 мг арттырмау керек.

Егде жастағы пациенттер: препараттың дозасын түзету қажет емес.

Жүктілік және лактация

Препаратты жүкті әйелдерге тек, анасы үшін күтілетін пайдасы шарана үшін болуы мүмкін қауіптен асып түсетін жағдайда ғана тағайындауға болады.

Омепразолдың емшек сүтімен бөлініп шығатын-шықпайтындығы белгісіз, сондықтан Омесайзды бала емізу кезінде тағайындамау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың жағымсыз әсерлерін ескере отырып, көлік құралын немесе қауіптілігі зор механизмдерді басқаруда сақтық таныту керек.

Симптомдары: жағымсыз әсерлері симптомдарының күшеюі

Емі: симптоматикалық. Спецификалық антидоттары белгісіз. Омепразол плазма ақуыздарымен байланысады, сондықтан диализдің тиімділігі аз.

Шығарылу түрі және қаптамасы

10 капсуладан алюминий фольгадан жасалған пішінді ұяшықсыз 1 қаптамаға салынған. 10 пішінді қаптама қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Пресайз Хемифарма Пвт. Лтд.

Гат№ 215/1, 215/2, Хатвад Фата, пост Талегаон,

Талука Диндори, Нашик ауданы – 422 202,

Махараштра, Үндістан

«Medical House «AKZHOL» ЖШС, Қазақстан

Қазақстан Республикасы, Алматы қаласы, 050060, Витебская көшесі, 46 үй.

Тел.: 8/727/302-12-08

Факс: 8/727/302-16-55

e-mail: mh_akzhol@mail.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсынымдарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Medical House «AKZHOL» ЖШС,

Қазақстан Республикасы, Алматы қаласы, 050060, Витебская көшесі, 46 үй.

Тел.: 8/727/302-12-08

Факс: 8/727/302-16-55

e-mail: mh_akzhol@mail.ru