Омез® (20 мг)

МНН: Омепразол
Производитель: Д-р Редди'с Лабораторис Лимитед
Анатомо-терапевтическо-химическая классификация: Omeprazole
Номер регистрации в РК: № РК-ЛС-5№016563
Период регистрации: 22.01.2016 - 22.01.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 30.19 KZT

Инструкция

Саудалық атауы

Омез®

Халықаралық патенттелмеген атауы

Омепразол

Дәрілік түрі

Ішекте еритін капсулалар, 20 мг

Құрамы

Бір капсуланың құрамында:

белсенді зат – омепразол 20 мг,

қосымша заттар: маннитол, лактоза, натрий лаурилсульфаты, сусыз динатрий гидрофосфаты, сахароза, сахароза (25/30), гипромеллоза (6cps)

негізгі қабық: гипромеллоза (6cps)

ішекте еритін қабық: метакрилді кополимер қышқылы (С типті) (эудрагит L 100-55), натрий гидроксиді, макрогол 6000, тазартылған тальк, титанның қостотығы Е171

капсуланың құрамы:

корпусы: желатин, метилпарабен, пропилпарабен, натрий лаурилсульфаты, кармуазин Е122,

қақпақшасы: желатин, метилпарабен, пропилпарабен, натрий лаурилсульфаты, кармоизин Е122

Сипаттамасы

Түссіз мөлдір корпусы мен мөлдір қызғылт қалпақшасы бар, корпусында «OMEZ» жазуы мен қосарлы бөгегіш қақпақшасымен № 2 қатты желатинді капсулалар. Капсула ішіндегісі – ақ немесе ақ дерлік түсті сфералық пеллеттер.

Фармакотерапиялық тобы

Ойық жараға қарсы қолданылатын препараттар және гастроэзофагеальді рефлюксті емдеуге арналған препараттар. Протон сорғыларының тежегіштері. Омепразол.

ATX коды А02ВС01

Фармакологиялық қасиеттері

Фармакокинетикасы

Омепразол тек ішекте еритін қышқылға төзімді пеллеттердің құрамында болады. Ішке қабылдағаннан кейін асқазан-ішек жолынан жылдам сіңеді. Тамақ ішу препараттың биожетімділігіне әсер етпейді. Омепразолды 20-40 мг қабылдағанда биожетімділігі 40% жуықты құрайды, қайталап қабылдағаннан кейін биожетімділігін 60% жуық арттырады. Омепразол қан плазмасындағы концентрация шыңына 0,5 - 3,5 сағаттың ішінде жетеді. Плазма ақуыздарымен байланысуы - 97%-ға жуық. Омепразол бауырда метаболизденеді. Метаболизмі цитохром Р450 жүйесі (CYР2С19 - S-мефенитоин гидроксилазаның изоформасы) арқылы жүзеге асырылады. Омепразолдың плазмадағы концентрациясының хлорсутек қышқылының сөлінісін бәсеңдету дәрежесі және ұзақтығымен өзара байланысы жоқ (t½ - 0,5-1 сағат, ал секрецияға қарсы тиімділігі 2-3 тәулікке дейін жалғасады).

Препараттың көп бөлігі 80 % дерлік метаболиттер түрінде бүйрекпен шығарылады.

Жартылай шығарылу кезеңі 0,5–1 сағатты құрайды.

Фармакодинамикасы

Омез бензимидазольді туындыларға жатады. Асқазанның париетальді жасушаларының қышқылды ортасында омепразол белсенді метаболитке –Н+,К+-АТФ-азаның цистеинді топтарының бірімен қайтымсыз байланысатын сульфенамидке айналады және ферменттің (протонды помпаның) белсенділігін тежейді. Осылайша, омепразол қышқыл түзу үдерісіне тұз қышқылы синтезінің түпкі сатысы деңгейінде араласады, бұл тітіркендіргіштердің табиғатына қарамастан базальді және стимуляцияланған секреция деңгейінің төмендеуін туғызады.

Фермент белсенділігін тежеу дозаға тәуелді сипатта болады.

Қолданылуы

Ересектерге

- он екі елі ішектің ойық жарасын емдеу, он екі елі ішектің ойық жараларының қайталануларының профилактикасы үшін

- асқазанның ойық жарасын емдеуде, асқазанның ойық жарасынның қайталануларының профилактикасы үшін

- ойық жара ауруында сәйкес антибиотиктермен бірге Helicobacter Pylori (H.Р)  жою үшін

- асқазан мен он екі елі ішектің қабынуға қарсы стероидты емес дәрілерді (ҚҚСП) қабылдаумен байланысты гастропатиясын емдеу үшін, қауіп тобындағы пациенттерде асқазан мен он екі елі ішектің ҚҚСП қабылдаумен байланысты гастропатиясының профилактикасы үшін

- рефлюкс-эзофагитті емдеуде, рефлюкс-эзофагиті бар пациенттерді ұзақ уақыт бойы емдеу үшін

- симптоматикалық асқазан-өңеш рефлюксін емдеуде

- Золлингер-Эллисон синдромын емдеуде

Педиатрияда қолданылуы

1 жастан асқан және ≥ 10 кг балалар

- рефлюкс-эзофагитті емдеуде

- асқазан-өңеш рефлюксіндегі қыжыл мен қышқыл кекіруді симптоматикалық емдеуде

4 жастан асқан балалар мен жасөспірімдік кезең

- асқазан мен он екі елі ішектің H. Pylori-ден туындаған ойық жара ауруын емдеуде антибиотиктермен біріктіріп

Қолдану тәсілі және дозалары

Ересектерге

Омездің он екі елі ішектің ойық жара ауруын емдеу үшін ұсынылатын дозасы – 4 апта бойы күніне бір рет 20 мг (1 капсуладан). Емдеуді тағы 4 аптаға ұзартуға болады. Он екі елі ішектің сезімталдығы әлсіз ойық жарасы бар пациенттер үшін Омез® препаратын тәулігіне бір рет 40 мг қолдану ұсынылады, емдеу курсы 4 апта.

Омездің асқазанның ойық жарасын емдеу үшін ұсынылатын дозасы –4-8 апта бойы күніне екі рет 20 мг (тәулігіне 40 мг).

Омездің гастроэзофагеальді рефлюкстік ауруды (ГЭРА), эрозиялы емес эзофагитті емдеудің қысқа курсы үшін ұсынылатын дозасы – 4 апта бойы күн сайын тәулігіне бір рет 20 мг (1 капсуладан).

Омездің асқазан ойық жарасының қайталануларының профилактикасы үшін ұсынылатын дозасы4 апта бойы тәулігіне бір рет 20 мг. Қажет болса Омез® препаратының дозасын 4 апта бойы тәулігіне бір рет 40 мг дейін арттыруға болады.

Эрозиялы эзофагиті және ГЭРА асқынған түрлері бар науқастар үшін Омез 4 – 8 апта бойы 20 мг дозада (1 капсуладан) тағайындалады.

Жоғарыда көрсетілген емнің нәтижелілігі жеткіліксіз болған жағдайда, ГЭРА I – II сатылары бар пациенттерде 4 - 8 апта бойы тәулігіне екі рет 20 мг қабылдау ұсынылады, ГЭРА III - IV сатылары кезінде 4 - 8 апта бойы тәулігіне бір рет 40 мг қабылдау ұсынылады.

Ұзағырақ емдеген кезде тәулігіне бір рет, таңертең қабылдағанда 20 мг дозасы тағайындалады.

Омездің Золлингер-Эллисон синдромынан зардап шегетін науқастар үшін ұсынылатын бастапқы дозасы – 60 мг. Қажет болса дозасын 2 қабылдауға бөле отырып, тәулігіне 120 мг дейін арттырады.

Асқазанның Нelicobaсter pylori-мен астастқан ауруында кешенді ем құрамында: ұсынылатын дозасы тәулігіне 2 рет 20 мг (қатаң түрде 12 сағат сайын, таңертең және кеште) 7 - 14 күн бойы микробқа қарсы емдеумен біріктіріп.

- Омез 20 мг + кларитромицин 500 мг + амоксициллин 1000 мг, бір апта бойы тәулігіне екі рет, немесе

- Омез 20 мг + кларитромицин 250 мг (немесе 500 мг) + метронидазол 400 мг (немесе 500 мг немесе тинидазол 500 мг), әр препарат бір апта бойы тәулігіне екі рет, немесе

- Омез 40 мг тәулігіне бір рет 500 мг амоксициллинмен және 400 мг метронидазолмен бірге (немесе 500 мг немесе тинидазолмен 500 мг), екеуі де бір апта бойы күніне үш рет.

Асқазан-ішек жолының қабынуға қарсы стероидты емес дәрілерді қабылдаумен байланысты эрозиялы-ойық жаралы зақымданулары - ұсынылатын дозасы - 4-8 апта бойы тәулігіне екі рет 20 мг (40 мг). Жаңа ойық жаралардың пайда болуын болдырмау мақсатында, қабынуға қарсы стероидты емес дәрілерді қолданғанда препаратты ұзақ уақыт бойы 20 мг-ден тәулігіне бір рет, таңертеңгілік қолдану ұсынылады.

Асқазан-ішек жолының қабынуға қарсы стероидты емес дәрілерді қабылдаумен байланысты эрозиялы-ойық жаралы зақымданулары - ұсынылатын дозасы 4 - 8 апта бойы тәулігіне екі рет 20 мг.

Омездің қауіп тобындағы пациенттерде асқазан мен он екі елі ішектің қабынуға қарсы стероидты емес дәрілерді қабылдаумен байланысты ойық жараларының профилактикасы үшін ұсынылатын дозасы (> 60 жас, анамнездегі асқазан мен он екі елі ішектің ойық жарасы, бұрын асқазан-ішек жолынан қан кетулерді бастан өткергендер), ұсынылатын дозасы – тәулігіне бір рет 20 мг.

Омездің рефлюкстік эзофагитті емдеу үшін ұсынылатын дозасы - 4 апта бойы тәулігіне бір рет 20 мг құрайды. Ауыр эзофагиті бар пациенттер үшін Омездің үсынылатын дозасы 8 апта бойы тәулігіне бір рет 40 мг.

Омездің симптоматикалық гастроэзофагеальді рефлюксті емдеу үшін ұсынылатын дозасы - 4 апта бойы тәулігіне бір рет 20 мг.

Омездің Золлингер-Эллисон синдромынан зардап шегіп жүрген науқастар үшін ұсынылатын дозасы – тәулігіне бір рет 60 мг. Қажет болса, дозасын 2 қабылдауға бөле отырып, тәулігіне 120 мг дейін арттыру ұсынылады, егер препараттың дозасы тәулігіне 80 мг асатын болса, ол екіге бөлінуі және тәулігіне екі рет қабылдануы тиіс.

Препаратты тамақтың алдында қолдану ұсынылады, капсуланы бүлдірмей, аздаған мөлшердегі сұйықтықпен ішу керек.

Балалар

1 жастан асқан және >10 кг балалар

Рефлюкстік эзофагитті емдеу

Гастроэзофагеальді рефлюкстік ауру кезінде қыжыл мен қышқыл регургитациясын симптоматикалық емдеу, ұсынылатын доза:

Жас шамасы

Салмақ

Дозасы

> 1 жас

10-20 кг

Тәулігіне бір рет 10 мг. Қажет болса, дозасын тәулігіне бір рет 20 мг дейін арттыруға болады

> 2 жас

> 20 кг

Тәулігіне бір рет 20 мг. Қажет болса, дозасын тәулігіне бір рет 40 мг дейін арттыруға болады

Омездің рефлюктік эзофагитті емдеу үшін ұсынылатын дозасы - 4 - 8 апта бойы 20 мг.

Омездің гастроэзофагеальді рефлюкстік ауру кезінде қыжыл мен қышқыл регургитациясын симптоматикалық емдеу кезінде ұсынылатын дозасы – 2-4 апта бойы 20 мг.

4 жастан асқан балалар мен жасөспірімдер

Омездің асқазан мен он екі елі ішектің Н.pylori-ден туындаған ойық жара ауруын емдеу үшін ұсынылатын дозасы 1 – 2 апта бойы бактерияға қарсы препараттармен біріктіріп:

Салмақ

Дозасы

15-30 кг

Екі антибиотикпен біріктірілімі: Омез 10 мг, дене салмағына 25 мг/кг амоксициллин және дене салмағына 7,5 мг/кг кларитромицин бірге, бір апта бойы тәулігіне екі рет тағайындалады.

31-40 кг

Екі антибиотикпен біріктірілімі: Омез 20 мг, дене салмағына 750 мг амоксициллин және дене салмағына 7,5 мг/кг кларитромицин бірге, бір апта бойы тәулігіне екі рет тағайындалады.

> 40 кг

Екі антибиотикпен біріктірілімі: Омез 20 мг, амоксициллин 1 г және кларитромицин 500 мг бірге, бір апта бойы тәулігіне екі рет тағайындалады.

Тұрғындардың арнайы тобы

Бүйрек жеткіліксіздігі

Бүйрек жеткіліксіздігі бар пациенттер үшін дозасын түзету қажет емес Бауыр жеткіліксіздігі

Бауыр жеткіліксіздігі бар пациенттерде тәуліктік 10-20 мг дозасы жеткілікті болуы мүмкін

Егде жастағы пациенттер (> 65 жас)

Егде жастағы пациенттер үшін дозасын түзету қажет емес

Қолдану тәсілі

Омез таблеткаларын таңертең қабылдау ұсынылады, оларды тұтастай жұтып, жарты стақан сумен ішіп жіберу керек.

Жұтуға қиналатын пациенттер мен жартылай сұйық тамақты іше алатын немесе жұта алатын балалар үшін

Пациенттер оны газдалмаған бір қасық суда ерітуіне және егер қаласа, оны кейбір жеміс шырындарымен немесе алма езбесімен араластыруына болады. Пациенттер дисперсияның дереу (немесе 30 минут бойы) қабылдануы тиіс екендігінен, оны тек тікелей қолданар алдында ғана араластыру және жарты стақан сумен ішіп жіберу керектігінен хабардар болуы тиіс. Сүт немесе газдалған суды ПАЙДАЛАНУҒА БОЛМАЙДЫ. Ішекте еритін түйіршіктерді шайнауға болмайды.

Жағымсыз әсерлері

- кеуде қуысының ауыруы, тахикардия немесе брадикардия, жүрек қағуы, гипертензия, шеткергі ісінулер

- тәбеттің болмауы, дәм сезінудің бұзылуы, тіл шырыш қабатының атрофиясы, тілдің құрғауы, өңеш кандидозы, метеоризм, ішектің тітіркенуі

- трансаминазалар белсенділігінің орташа транзиторлы жоғарылауы, панкреатит

- гипонатриемия, гипогликемия, дене салмағының артуы

- құрысулар, бұлшықет әлсіздігі, буындардың ауыруы, аяқтың ауыруы

- депрессия, озбырлық, елестеулер, ұйқышылдық немесе ұйқысыздық, сананың шатасуы, күйгелектік, тремор, апатия, үрейлену сезімі, бас айналуы, парестезиялар

- көрудің бұзылуы, құлақтағы шуыл, мұрыннан қан кету, тамақтың ауыруы

- геморрагиялық бөртпе және/немесе петехиялар, қабыну, қышыну, тері жабындарының құрғақтығы, гипергидроз, алопеция

- есекжем, қышыну, ангионевроздық ісіну

- интерстициальді нефрит, несеп шығару жолдарының инфекциялары, протеинурия, гематурия, глюкозурия

- аталық бездің ауыруы, гинекомастия

Сирек

- нейтропения, лейкопения, агранулоцитоз, лейкоцитоз, тромбоцитопения, анемия, оның ішінде гемолитикалық анемия, панцитопения

- гепатоцеллюлярлық, холестаздық немесе аралас гепатит

Өте сирек

- Лайелл синдромы, Стивенс-Джонсон синдромы, мультиформалы эритема

- омыртқа бағанының, ортан жілік мойыны, қол білезігі сынуының даму қаупі

Қолдануға болмайтын жағдайлар

- препарат компоненттерінің кез келгеніне аса жоғары сезімталдық

- нелфинавирмен бір мезгілде қолдану

Дәрілермен өзара әрекеттесуі

Омепразолдың басқа да дәрілік препараттармен өзара әрекеттесу мүмкіндігі шектеулі. Омепразол P450 цитохромы жүйесі арқылы бауырда метаболизденеді, сондықтан бауырда, сондай-ақ осы жүйенің қатысуымен метаболизденетін препараттармен бір мезгілде қолданған кезде омепразол олардың шығарылуын төмендетуі мүмкін. Омепразол диазепам, фенитоин және антикоагулянттардың (варфарин) экскрециясын баяулатады. Антикоагулянттармен қатар қолданған кезде қанның талдауына, протромбиндік уақытты бақылау, омепразолдың дозасын түзету қажет.

Нелфинавир, атазанавир

Нелфинавир мен атазанавирдің плазмадағы деңгейлері оларды омепразолмен бірге қолданған жағдайда азаяды.

Омепразолды нелфинавирмен бірге тағайындауға болмайды (бөлімді қара). Омепразолды бір мезгілде қолдану (тәулігіне бір рет 40 мг) нелфинавирдің орташа экспозициясын 40%-ға төмендетеді, және фармакологиялық белсенді метаболиті М8 орташа экспозициясы 75-90%-ға төмендеген. Өзара әрекеттесуіне CYP2C19 тежеуін де кірістіруге болады.

Омепразолды атазанавирмен бірге тағайындау ұсынылмайды.

Дені сау еріктілерде омепразол (тәулігіне бір рет 40 мг) мен 300 мг атазанавирді / 100 мг ритонавирді бірге тағайындау атазанавир экспозициясының 75% төмендеуіне алып келді. Атазанавирдің дозасын 400 мг дейін арттыру омепразолдың атазанавир экспозициясына әсерінің орнын толтырған жоқ. Омепразолды (тәулігіне бір рет 20 мг) 400 мг атазанавирмен / 100 мг ритонавирмен бірге қабылдау дені сау еріктілер үшін тәулігіне бір реттік 300 мг атазанавирмен / 100 мг ритонавирмен салыстырғанда, атазанавир экспозициясының шамамен 30%-ға төмендеуіне алып келді.

Дигоксин

Дені сау субъектілерде омепразолмен (тәулігіне 20 мг) және дигоксинмен бірге емдеу дигоксиннің биожетімділігін 10%-ға арттырды. Дигоксиннің уыттылығы туралы сирек хабарланады. Алайда егде жастағы пациенттерде омепразолдың жоғары дозаларын тағайындаған кезде сақтық таныту керек. Емдік дәрілік мониторингті күшейту керек.

Клопидогрел

Айқаспалы клиникалық зерттеулерде клопидогрел (жүктемелік 300 мг дозасы одан ары қарай тәулігіне 75 мг) өз алдына және омепразолды қолданумен бірге (80 мг сол уақытта, клопидогрел сияқты) 5 күн бойы қабылданды. Клопидогрелдің белсенді метаболитінің экспозициясы клопидогрел мен омепразолді бірге тағайындағанда 46%-ға (1 күні) және 42% (5 күні) төмендеді. Тромбоциттер агрегациясының орташа тежелуі (IPA) клопидогрел мен омепразолды бірге тағайындаған кезде 47% (24 сағатта) және 30%-ға (5 күні) төмендетілді. Басқа зерттеуде, клопидогрел мен омепразолды әр түрлі уақытта қабылдау олардың өзара әрекеттесуіне кедергі келтірмейді, бұған омепразолдың CYP2C19-ға тежегіштік әсері түрткі болуы мүмкін. Обсервациялық және клиникалық зерттеулерде негізгі жүрек-қантамыр оқиғалары кезіндегі бұл ФК/ФД (фармакокинетикалық/фармакодинамикалық) өзара әрекеттесулерінің клиникалық көріністері туралы қарама-қайшы мәліметтер болған.

Басқа белсенді заттар

Позаконазолдың, эрлотинибтің, кетоконазол мен итраконазолдың сіңірілуі айтарлықтай азаяды және сол арқылы, клиникалық тиімділігі бұзылуы мүмкін. Позаконазол мен эрлотиниб үшін бір мезгілде қолданылуын болдырмау керек.

CYP2C19 метаболизденетін белсенді заттар

Омепразол, омепразолды метаболиздейтін негізгі энзим CYP2C19 орташа тежегіші болып табылады. Осылайша, қатарлас белсенді заттардың, сондай-ақ CYP2C19 арқылы метаболизденетін заттардың метаболизмі төмендеуі мүмкін және ол заттардың жүйелі экспозициясы артуы мүмкін. Мұндай препараттарға R-варфарин және К витаминінің басқа антагонистері, цилостазол, диазепам және фенитоин мысал бола алады.

Цилостазол

Айқаспалы зерттеуде дені сау субъектілерде 40 мг дозаларда қабылданған омепразол, цилостазол үшін Cmax пен AUC сәйкесінше 18% және 26%-ға, ал оның белсенді метаболиттерінің бірі үшін сәйкесінше 29% және 69%-ға арттырды.

Фенитоин

Омепразолмен емдеуді бастағаннан кейінгі алғашқы екі апта ішінде плазмадағы фенитоин концентрациясына мониторинг жүргізу ұсынылады, егер фенитоиннің дозасына түзету жүргізілсе, омепразолмен емдеу аяқталғаннан кейін мониторинг және ары қарай дозасын түзету жүргізілуі тиіс.

Саквинавир

Омепразол мен саквинавирді/ритонавирді бірге қолдану АИТВ-инфекциясы бар пациенттердің жақсы көтерімділігіне байланысты, саквинавир үшін плазмадағы деңгейінің шамамен 70%-ға дейін артуына алып келді.

Такролимус

Омепразолды бірге қолданған кезде такролимустың сарысудағы деңгейлерінің артқаны байқалды. Такролимус концентрацияларына, сондай-ақ бүйрек функциясына (креатинин клиренсі) күшейтілген мониторинг жүргізілуі тиіс, қажет болса такролимустың дозасы түзетіледі.

Басқа белсенді заттардың омепразол фармакокинетикасына әсері

CYP2C19 және/немесе СУР3А4 тежегіштері

Омепразол CYP2C19 және CYP3A4 арқылы метаболизденетіндіктен, CYP2C19 немесе СУР3А4 тежегіштері (кларитромицин және вориконазол сияқты) ретінде белгілі белсенді заттар, оның метаболизмінің жылдамдығын азайтудың есебінен омепразолдың сарысудағы деңгейлерінің артуына алып келуі мүмкін. Вориконазолды бірге қолдану омепразол экспозициясының екі еселенуіне алып келді. Егер омепразолдың жоғары дозалары жақсы көтерімді болған жағдайда, омепразолдың дозасын түзету әдетте қажет емес. Алайда дозасын түзетуді бауырдың ауыр жеткіліксіздігі бар пациенттерде және ұзақ уақыт емдегенде қарастыру керек.

CYP2C19 және/немесе СУР3А4 изоферменттерінің индукторлары

CYP2C19 немесе CYP3A4 немесе екеуінің де индукторлары ретінде белгілі белсенді заттар (рифампицин және шайқурай сияқты), метаболизмінің жылдамдығын арттырудың есебінен, омепразолдың қан сарысудағы деңгейінің төмендеуіне алып келуі мүмкін.

Айрықша нұсқаулар

Емдеуді бастаудың алдында және аяқтағаннан кейін қатерлі жаңа түзілісті жоққа шығару үшін эндоскопиялық бақылаудан өту міндетті, өйткені омепразол препаратымен емдеу ауру симптомдарын бүркемелеуі және дұрыс диагностикалау уақытын кешеуілдетуі мүмкін.

Жүктілік

Үш перспективті эпидемиологиялық зерттеудің нәтижелері (1000-нан астам нәтиже расталған) омепразолдың жүктілікке немесе шарананың/ жаңа туған сәбидің денсаулығына жағымсыз салдарлары барын көрсетпейді. Омепразолды жүктілік кезінде қолдануға болады.

Лактация

Емдік дозаларын қолданған кезде, емшек сүтіндегі омепразол балаға әсер етпейді.

Бауыр функциясы бұзылған науқастарда қолданылуы

Омепразол бауырда метаболизденеді және бауыр функциясы бұзылған науқастарда препараттың жартылай шығарылу кезеңі ұзарады, сондықтан мұндай науқастарда препараттың дозасы төмендетілуі тиіс.

Ерекше топтар

Бауыр жеткіліксіздігі

Бауыр дисфункциясы бар пациенттерде омепразолдың метаболизмі бұзылады, бұл AUC артуына алып келеді. Омепразол тәулігіне бір рет қабылдаған кезде жинақталмайды

Бүйрек жеткіліксіздігі

Омепразолдың фармакокинетикасы, соның ішінде биожетімділігі мен шығарылу жылдамдығы бүйрек функциясы төмендеген науқастарда өзгеріссіз қалады.

Ересектер

Омепразолдың метаболизмі егде жастағы (75-79 жастағы) пациенттерде біраз төмендейді.

Балалар

1 жастан бастап балалар үшін ұсынылған дозаларымен емдеу кезінде ересектердегіге ұқсас плазмадағы концентрациялары алынды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып көлік құралдарын басқарғанда немесе психомоторлық реакция жылдамдығы жоғарылығы мен зейін қоюды талап ететін басқа да қызмет түрлерімен айналысқанда сақ болу керек.

Артық дозалануы

Симптомдары: сананың шатасуы, ұйқышылдық, бас ауыруы, көрудің бұзылуы, тахикардия, ауыздың құрғауы, жүрек айнуы, қатты терлеу.

Емі: асқазанды шаю, белсендірілген көмір қабылдау, симптоматикалық ем.

Шығарылу түрі және қаптамасы

10 капсуладан алюминий фольгадан жасалған пішінді ұяшықсыз қаптамада. 3 пішінді ұяшықсыз қаптамадан қолдану жөніндегі мемлекеттік және орыс тіліндегі нұсқаулықпен бірге картон қорапшаға немесе 10 капсуладан алюминий фольгадан жасалған пішінді ұяшықты қаптамаға салынады. 6 пішінді ұяшықты қаптамадан қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Д-р Редди’с Лабораторис Лимитед», Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Д-р Редди’с Лабораторис Лимитед» компаниясының Қазақстан Республикасындағы өкілдігі, 050057 Алматы қ., 22 линия к-сі, 45,

7-ші абоненттік жәшік, тел: 8(727)3941688, факс: 8(727)3941294

Прикрепленные файлы

496916921477976292_ru.doc 95.5 кб
092280941477977537_kz.doc 128 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники