Олиместра® (20 мг)

• русский
• қазақша

• Скачать инструкцию медикамента

Саудалық атауы

ОЛИМЕСТРА®

Халықаралық патенттелмеген атауы

Олмесартан медоксомилі

Дәрілік түрі

Үлбірлі қабықпен қапталған 10 мг, 20 мг және 40 мг таблеткалар

 

Құрамы

Бір таблетканың құрамында

белсенді заттар: 10 мг, 20 мг немесе 40 мг олмесартан медоксомилі,

қосымша заттар: лактоза моногидраты, микрокристалды целлюлоза, орнын алмастыру дәрежесі төмен гидроксипропилцеллюлоза, магний стеараты,

қабықтың құрамы: Opadry 85F28751 II HP White : ішінара гидролизденген поливинил спирті, титанның қостотығы (Е 171), макрогол 3000, тальк.

 

Сипаттамасы

Дөңгелек пішінді, екі жақ беті сәл дөңес, ақ түсті үлбірлі қабықпен қапталған таблеткалар (10 мг және 20 мг дозалар үшін).

Сопақша пішінді, екі жақ беті дөңес, ақ түсті үлбірлі қабықпен қапталған таблеткалар (40 мг доза үшін).

Фармакотерапиялық тобы

ІІ ангиотензин антагонистері.

АТЖ коды C09CA08.

 

Фармакологиялық қасиеттері

Фармакокинетикасы

Олмесартан медоксомилі – дәрілердің тегі. Ол ішектің шырышты қабығындағы және асқазан-ішек жолынан сіңу кезінде портальді қандағы эстеразаның жәрдемімен фармакологиялық тұрғыдан белсенді метаболит олмесартанға айналады. Өзгеріске ұшырамаған олмесартан медоксомилі немесе медоксомилді құрайтын өзгермеген жағымсыз тізбектер плазмадан немесе бөлінділерден табылған жоқ. Бір дозасын қабылдағаннан кейін олмесартанның абсолюттік биожетімділігі 25.6 %-ға жуықты құрайды.

Олмесартан медоксомилі дозасын ішу арқылы қабылдағаннан кейін 2 сағаттан соң олмесартан плазмада ең жоғары шектегі орташа концентрациясына (Cmax) жетеді.

Олмесартанның плазмадағы концентрациясы дозаға байланысты, бір реттік дозаның шамамен артуына қарай, шамамен 80 мг-на дейін артады.

Ас қабылдау олмесартанның биожетімділігіне өте аз ықпал етеді, сондықтан олмесартан медоксомилін ас қабылдауға қарамай-ақ қолдана беруге болады.

Жынысқа байланысты олмесартанның фармакокинетикасында клиникалық тұрғыдан ешқандай да маңызды айырмашылықтар байқалмайды.

Олмесартан плазма ақуыздарымен 99.7%-ға байланысады, бірақ олмесартан мен бір мезгілде қабылданатын басқа препараттары арасындағы ақуыз байланысының клиникалық тұрғыдан маңызды өзара әрекеттесіп ығысу потенциалы төмен (бұл олмесартан, медоксомил және варфарин арасында клиникалық тұрғыдан маңызды өзара әрекеттесудің жоқтығымен айғақталады). Көктамыр ішіне енгізгеннен кейінгі таралу көлемі төмен (16 - 29 л).

Метаболизмі және шығарылуы

Қан плазмасының жалпы клиренсі сағатына 1.3 л-ге жуықты құрайды және бауырдағы қан ағысымен салыстырғанда біршама баяу (шамамен сағатына 90 л).

Бүйректер арқылы шығарылуы шамамен 40%-ды, өтпен бірге шығарылуы 60%-ға жуықты құрайды. Олмесартанның ішек-бауырлық рециркуляциясы өте аз.

Олмесартанның ең жоғары жартылай шығарылу кезеңі оны ішу арқылы көп рет қабылдағаннан кейін 10 сағат пен 15 сағат арасында өзгеріп отырады. Алғашқы бірнеше дозалардан кейін тұрақты жағдайға жетеді және дозаларды 14 күні қайталағаннан кейін жиналып қалу байқалған жоқ. Бүйректік клиренсі сағатына шамамен 0.5 - 0.7 л құрайды және дозаға байланысты емес.

Егде жастағы емделушілер

Гипертензиясы бар емделушілерде тұрақты жағдайда фармакокинетикалық қисық астындағы аудан (AUC) жас адамдарға қарағанда егде жастағы (65 – 75 жас) емделушілерде шамамен 35%-ға, өте егде жастағы (75 жастан асқан) емделушілерде 44%-ға артты. Бұл осы топтағы емделушілерде, қалай дегенде де, бүйрек қызметінің ішінара төмендеуімен байланысты.

Бүйрек қызметінің жеткіліксіздігі

Бүйрек қызметі бұзылған, AUC тұрақты күйде болатын, бүйрек қызметінің жеңіл, орташа және ауыр дәрежелі жеткіліксіздігінде, тиісінше, 62%-ға, 82%-ға және 179%-ға артады.

Бауыр қызметінің жеткіліксіздігі

Олмесартанды ішу арқылы бір рет қабылдағаннан кейін, бауыр қызметінің жеңіл және орташа жеткіліксіздігі бар емделушілерде AUC, тиісінше, 6%-ға және 65%-ға жоғары болды.

Олмесартанның байланыспаған фракциясы дозаны қабылдағаннан кейін 2 сағаттан соң бауыры сау емделушілерде, бауыр қызметінің жеңіл және орташа жеткіліксіздігі бар емделушілерде, тиісінше, 0.26%-ға, 0.34%-ға және 0.41%-ға жуықты құрайды. Бауыр қызметінің орташа жеткіліксіздігі бар емделушілерде бірнеше қайтара дозалағаннан кейін олмесартанның AUC мәні, бауыры сау емделушілерге қарағанда, шамамен 65%-ға жоғары болды. Олмесартанның Cmax орташа деңгейі бауыр қызметі бұзылған емделушілерде және дені сау емделушілерде бірдей болды. Олмесартан медоксомилінің әсері бауыр қызметінің ауыр жеткіліксіздігі бар емделушілерде зерттелген жоқ.

Фармакодинамикасы

Олиместра® - ішу арқылы қабылдаған кезде күшті әсер ететін, ІІ ангиотензин рецепторларының (AT1 типі) селективті антагонисі. Ол ІІ ангиотензин көзі немесе синтезделу маршруттарына қарамай, AT1 рецепторлары арқылы ІІ ангиотензиннің барлық әсерін бөгейді. II ангиотензин рецепторларының (AT1) селективті антагонизмі плазмадағы ренин деңгейінің және І және ІІ ангиотензин концентрацияларының артуына, және кейбір жағдайларда альдостеронның плазмалық концентрацияларының төмендеуіне әкеп соғады.

ІІ ангиотензин ренин-ангиотензин-альдостерон жүйесінің негізгі вазобелсенді гормоны болып табылады және 1 типті рецептор (AT1) жәрдемімен гипертензияның патофизиологиясында елеулі рөл атқарады.

Гипертензия кезінде Олиместра® артериялық қысымды дозаға байланысты ұзақ уақытқа төмендетеді. Алғашқы дозаны қабылдағаннан кейін гипотензия белгілерінің, ұзақ уақыт емделу кезеңінде тахифилаксияның және емдеуді аяқтағаннан кейін гипертензияның пайда болуы жөнінде мәліметтер жоқ.

Олиместраның® тәулігіне бір реттік дозасы 24 сағаттық аралық ішінде артериялық қысымның тиімді және біркелкі төмендеуін қамтамасыз етеді. Тәулігіне бір рет Олиместраның® бір реттік дозасы, толық тәуліктік доза қосындысын құрайтын тәулігіне екі реттік сияқты, артериялық қысымның төмендеуіне ықпал етеді.

Қысымның елеулі төмендеу әсері 2 апта емдегеннен кейін-ақ байқалса да, үздіксіз емдеген кезде артериялық қысымның барынша төмендеуі емдеуді бастағаннан кейін 8 аптадан соң байқалады. Гидрохлоротиазидпен бірге қабылдаған кезде артериялық қысым бірлесе төмендейді, сондықтан препараттарды бірге қабылдаудың жағымдылығы жақсы.

Қолданылуы

- эссенциальді гипертензияда

Қолдану тәсілі және дозалары

Ересектер

Олиместраның® ұсынылатын бастапқы дозасы тәулігіне бір рет 10 мг құрайды. Артериялық қысымы бастапқы дозасымен тиісінше бақылауға келмейтін емделушілерде Олиместра® дозасы тиімді доза ретінде тәулігіне бір реттік 20 мг-ға дейін арттырылуы мүмкін. Артериялық қысымды қосымша төмендету қажет болған кезде Олиместра® дозасын тәулігіне ең жоғары доза 40 мг-ға дейін арттыруға болады, немесе, гидрохлоротиазидпен емдеуді қосуға болады.

Олиместраның® гипертензияға қарсы әсері емдеуді бастағаннан кейін 2 апта ішінде елеулі дәрежеде білінеді және ең жоғары әсерге емдеуді бастағаннан кейін 8 аптадан соң жетеді. Бұған кез келген емделуші үшін дозалау режимін өзгерткен кезде көңіл бөлген жөн.

Өте жақсы нәтижеге қол жеткізу үшін Олиместра® таблеткаларын ас қабылдауға қарамай, тәулік сайын белгілі бір уақытта, мысалы, таңғы ас кезінде қабылдау керек.

Егде жастағылар

Егде жастағы емделушілер үшін дозаны түзетудің қажеті жоқ (төменде бүйрек қызметінің жеткіліксіздігі бар емделушілерге арналған нұсқауларды қараңыз). Дозаны тәулігіне ең жоғары 40 мг-ға дейін арттыру қажет болған кезде артериялық қысымды мұқият тексерген жөн.

Бүйрек қызметінің жеткіліксіздігі

Бүйрек қызметінің жеңіл және орташа жеткіліксіздігі бар (креатинин клиренсі 20 - 60 мл/мин) емделушілерге өте жоғары дозада қолдану тәжірибесі шектеулі болғандықтан, Олиместраның® ең жоғары дозасы осындай емделушілерде тәулігіне бір рет 20 мг құрайды. Олиместраны® бүйрек қызметінің жеткіліксіздігі ауыр (креатинин клиренсі <20 мл/мин) емделушілер үшін пайдалануға болмайды, өйткені емделушілердің осы топтары үшін қолдану тәжірибесі шектеулі.

Бауыр қызметінің жеткіліксіздігі

Бауыр қызметінің жеңіл жеткіліксіздігі бар емделушілер үшін дозаны түзетудің қажеті жоқ. Бауыр қызметінің орташа жеткіліксіздігі бар емделушілер үшін күн сайын Олиместраның® бастапқы 10 мг дозасы ұсынылады және ең жоғары дозасы тәулігіне бір реттік 20 мг-нан аспауы тиіс. Диуретиктерді және/немесе гипертензияға қарсы басқа да препараттарды қабылдап жүрген, бауыр қызметінің жеткіліксіздігі бар емделушілерде артериялық қысымды және бүйрек қызметін мұқият бақылап отыру керек. Олиместраны® бауыр қызметінің ауыр жеткіліксіздігі бар емделушілерге қолдану тәжірибесі жоқ, сондықтан препаратты емделушілердің осы тобына қолдануға болмайды. Олиместраны® өт жолдарының обструкциясы бар емделушілерді емдеу үшін қолданбаған жөн.

Жағымсыз әсерлері

Жиі (≥1/100, <1/10)

- бас айналу

- бронхит, жөтел, фарингит, ринит

- жүректің айнуы, іштің ауыруы, диарея, диспепсия, гастроэнтерит,

- гематурия, несеп жолдарының жұқпалары

- артрит, арқаның ауыруы, сүйектердің ауыруы

- көкіректің ауыруы, шаршағыштық, жергілікті ісінулер, ауыру, тұмауға ұқсас симптомдар

- фосфокиназа креатині деңгейінің артуы, гипертриглицеридемия, гиперурикемия

- бауыр ферменттері деңгейлерінің жоғарылауы

Жиі емес(≥1/1,000, <1/100)

- стенокардия

- бөртпе

Сирек (≥1/10,000, <L/L,000)

- гипотензия

- гиперкалиемия

Постмаркетингтік тәжірибеде келесі жағымсыз реакциялар жөнінде мәлімделді:

Өте сирек (<1/10,000)

• тромбоцитопения

• гиперкалемия

• бас айналу, бас ауыру

• жөтел

• ауыру, жүректің айнуы, құсу

• қышу, экзантема, бөртпе, аллергиялық реакциялар (ангионевротикалық ісіну, аллергиялық дерматит, беттің ісінуі, есекжем

• бұлшықеттің құрысулары, миалгия

• бүйрек қызметінің жедел жеткіліксіздігі, бүйрек қызметінің бұзылуы

• астениялық жағдайлар, мысалы, әлсіздік, шаршау, енжарлық, үрейленгіштік

• бүйрек қызметі сынамасының қалыпты болмауы, қанда мочевинаның артуы және қанда креатининнің артуы, бауыр ферменттерінің артуы

ІІ ангионтензин рецепторлары бөгегіштерін қолданумен байланысты- байланысты еместігі белгісіз (нақты деректер арқылы баға беру мүмкін емес)

- қаңқа бұлшықеттерінің жедел некрозы (бірлі-жарым жағдай).

Егде жастағы емделушілер арасында гипотензиялар жиілігі сиректен жиі емеске дейін аздап артқан.

 

Қолдануға болмайтын жағдайлар

- препараттың белсенді затына немесе кез келген компонентіне жоғары сезімталдық

- өт жолдарының бітелуі

- жүктілік және лактация кезеңі

- балалар және 18 жасқа дейінгі жасөспірімдер  (тиімділігі және қауіпсіздігі зерттелген жоқ).

Дәрілермен өзара әрекеттесуі

Басқа дәрілік заттардың Олиместраға® әсер етуі.

Калий үстемелері және калий жинақтаушы диуретиктер

Калий жинақтаушы диуретиктерді, калий үстемелерін, құрамында калий бар тұздың орнын алмастырғыштар немесе қан сарысуында калий деңгейін арттыратын басқа да препараттар (мысалы, гепарин) қан сарысуында калийдің артуына әкеп соғуы мүмкін. Демек, бұларды бір мезгілде қолдануға болмайды.

Гипертензияға қарсы басқа да препараттар:

Олиместраның® жәрдемімен артериялық қысымның төмендеу әсері гипотензияға қарсы басқа да препараттарды қолданған кезде артады.

Қабынуға қарсы стероидты емес препараттар (ҚҚСП)

ҚҚСП (ацетилсалицил қышқылын күніне 3 г-нан астам дозада, сондай-ақ ЦОГ-2 тежегіштерін қоса есептегенде) және ІІ ангиотензин рецепторының антагонистері, шумақтық сүзілудің азаюы есебінен, синергиялық әсер етуі мүмкін. ҚҚСП және ІІ ангиотензин антагонистерін қатарластыра қолдану бүйрек қызметінің жедел жеткіліксіздігінің пайда болуына себеп болуы мүмкін. Емнің басында емделушінің, жүйелі гидратациясы сияқты, бүйрек қызметін де бақылап отыру керек. Бұдан басқа, қатарластыра емдеу ІІ ангиотензин рецепторы антагонистерінің гипертензияға қарсы әсерін төмендетіп, олардың тиімділігінің ішінара жоғалуына әкелуі мүмкін.

Басқа да біріктірулер

Антацидтермен (магний, алюминий гидроксиді) емдегеннен кейін олмесартан биожетімділігінің аздап төмендегені байқалды. Варфаринмен және дигоксинмен бір мезгілде емдеудің олмесартанның фармакокинетикасына ешқандай да әсері болған жоқ.

Олиместраның® басқа дәрілік заттарға әсер етуі

Литий

Литийді ангиотензинге өзгертуші фермент тежегіштерімен және ІІ ангиотензин антагонистерімен қатарластыра қабылдау кезінде қан сарысуында литий концентрациясының және уыттылықтың қайтымды түрде артқаны жөнінде мәлімделді. Сондықтан Олиместраны® және литий препараттарын біріктіріп қолдануға болмайды. Ұқсас біріктірулерді пайдалану қажет болған кезде қан сарысуындағы литий деңгейін қатаң бақылауға алу керек.

Басқа да біріктірулер

Варфаринмен, дигоксинмен, антацидтермен (магний, алюминий гидроксиді), гидрохлоротиазидпен және правастатинмен ешқандай да клиникалық тұрғыдан маңызды өзара әрекеттесулер байқалған жоқ, және Олиместра® варфариннің фармакодинамикасына немесе дигоксиннің фармакодинамикасына елеулі ықпалын тигізген жоқ.

Олиместра® зертханалық жағдайларда адамның P450 цитохромының 1A1/2, 2A6, 2C8/9, 2C19, 2D6, 2E1 және 3A4 ферменттеріне клиникалық тұрғыдан басым әсер еткен жоқ. Олиместраның® және жоғарыда көрсетілген P450 цитохромының ферменттері арқылы сіңетін препараттар арасында ешқандай да клиникалық тұрғыдан маңызды өзара әрекеттесулер күтілмейді.

Айрықша нұсқаулар

Натрий және/немесе жасушааралық сұйықтық деңгейі төмендеген емделушілер

Диуретиктермен қарқынды емдеу, тұзы шектелген диета, диарея немесе құсу салдарынан натрий және/немесе жасушааралық сұйықтық деңгейі төмендеген емделушілерде әсіресе алғашқы дозадан кейін симптоматикалық гипотензия пайда болуы мүмкін. Олиместра® препаратымен емдеуді бастаудан бұрын натрий және/немесе жасушааралық сұйықтық деңгейлеріне бақылау жүргізу қажет.

Ренин-ангиотензин жүйесі стимуляциясының басқа да жағдайлары

Қантамырлық тонусы және бүйрек қызметі ренин-ангиотензин-альдостерон жүйесінің белсенділігіне байланысты болатын емделушілерде (мысалы, бүйрек артериясының тарылуын қоса есептегенде, жүрек қызметінің іркілген ауыр жеткіліксіздігі бар және бүйрек қызметі бұзылған емделушілерде) осы жүйеге әсер ететін басқа препараттармен емдеген жағдайда бұл жедел гипотензияға, азотемияға, олигурияға немесе, сирек, бүйрек қызметінің жедел жеткіліксіздігіне әкеп соғады. ІІ ангиотензин рецепторларының антагонистерін қолданудың осындай әсерлерді тудыратындығын жоққа шығаруға болмайды.

Реноваскулярлы гипертензия

Бүйрек артериялары екі жағында да тарылған немесе жалғыз қызмет жасап тұрған бүйректің артериясы тарылған емделушілер ренин-ангиотензин-альдостерон жүйесіне ықпалын тигізетін дәрілік препараттармен ем қабылдаса, ауыр гипотензияның және бүйрек қызметінің жеткіліксіздігінің пайда болу қаупі бар.

Бүйрек қызметінің жеткіліксіздігі және бүйрек трансплантациясы

Олиместраны® бүйрек қызметі нашарлаған емделушілерге қолданған жағдайда калийдің қан плазмасындағы деңгейін және креатинин деңгейін мезгіл-мезгіл бақылап отыру керек. Олиместраны® бауыр қызметінің жеткіліксіздігі бар (креатинин клиренсі <20 мл/мин) емделушілерге қолданбау керек. Олиместраны® бүйректері ауыстырылған емделушілерге, немесе бүйрек қызметінің жеткіліксіздігі терминальді сатыда болатын (яғни креатинин клиренс минутына <12 мл) емделушілерге қолдану тәжірибесі жоқ.

Бауыр қызметінің жеткіліксіздігі

Бауыр қызметінің жеткіліксіздігі ауыр болатын емделушілер арасында емдеу тәжірибесінің жоқ болуына байланысты, бұл топтағы емделушілерге Олиместраны® қолданбау керек.

Гиперкалиемия

Ренин-ангиотензин-альдостерон жүйесіне ықпалын тигізетін дәрілік препараттарды пайдалану гиперкалиемияны тудыруы мүмкін.

Фатальді болуы мүмкін қауіп бүйрек қызметінің жеткіліксіздігі бар егде емделушілерде және қант диабеті бар емделушілерде, қалий деңгейін арттыруы мүмкін басқа да дәрілік заттарды қатарластыра қабылдап жүрген емделушілерде және/немесе интеркуррентті аурулары бар емделушілерде артты.

Ренин-ангиотензин-альдостерон жүйесіне ықпалын тигізетін дәрілік препараттарды қатарластыра қолданудан бұрын қаупі мен пайдасына баға беру және басқа да альтернативтерді қарастыру қажет. Бәрінен бұрын гиперкалиемия үшін мына негізгі қауіпті факторларды ескеру қажет:

- диабет, бүйрек қызметінің жеткіліксіздігі, жастың ұлғаюы (> 70 жас);

- ренин-ангиотензин-альдостерон жүйесіне ықпал ететін бір немесе одан да көп дәрілік препараттармен біріктіру және/немесе калийді қосу

Кейбір дәрілік препараттар немесе дәрілік препараттардың емдік класы гиперкалиемияны тудыруы мүмкін: құрамында калий бар тұздың орнын алмастырғыштар, калий жинақтаушы диуретиктер, АӨФ тежегіштері, ІІ ангиотензин рецепторының антагонистері, қабынуға қарсы стероидты емес препараттар (ЦОГ-2 селективті тежегішін қоса есептегенде), гепарин, иммунодепрессант - циклоспорин немесе такролимус, триметоприм;

- интеркуррентті аурулар, атап айтқанда сусыздану, жүрек қызметінің жедел жеткіліксіздігі, метаболиялық ацидоз, бүйрек қызметінің нашарлауы, бүйрек жағдайының кенеттен нашарлауы (мысалы, жұқпалы аурулар), жасушалық лизис (мысалы, аяқ-қолдардың жедел ишемиясы, қаңқа бұлшықеттерінің жедел некрозы, ұзаққа созылған жарақат).

Қауіпті топқа жататын емделушілерде қан плазмасындағы калий деңгейін қатаң түрде бақылау керек.

Литий

ІІ ангиотензин рецепторының басқа антагонистеріндегі жағдайдағыдай, литий мен олмесартан медоксимилін біріктіруге болмайды.

Қолқа және митральді қақпақша сағасының стенозы, гипертрофиялық обструктиві кардиомиопатия

Басқа да вазодилататорлар сияқты, қолқа және митральді қақпақша сағасының стенозы, гипертрофиялық обструктиві кардиомиопатиясы (ГОКМ) бар емделушілерді емдеген кезде сақ болу қажет.

Алғашқы гиперальдостеронизм

Алғашқы альдостеронизмі бар емделушілер ренин-ангиотензин жүйесін тежеу есебінен әсер ететін антигипертензиялық препараттарға тіпті әсер бермейді. Сондықтан мұндай емделушілерге олмесартан медоксомилін қолдануға болмайды.

Этникалық айырмашылықтары

Қара нәсілді емделушілерде ІІ ангиотензиннің барлық басқа да антагонистері сияқты, Олиместраның® жәрдемімен артериялық қысымды төмендету әсері қалған емделушілерден біршама төмен, бұл қара терілі гипертониялық адамдарда төмен ренин жағдайының таралуының өте жоғарылығына байланысты болуы ықтимал.

Жүктілік

Жүктілік кезеңінде ІІ ангиотензин рецепторларының антагонистерін (ІІ АРА) қабылдауға болмайды. ІІ ангиотензин рецепторларының антагонистерімен емдеу қажет болғанға дейін, жүкті болуды жоспарлаған емделушілер артериялық қысымды төмендету үшін гипертензияға қарсы альтернативті препараттарды қабылдауға ауысуы тиіс, жүктілік кезінде оларды қолдану қауіпсіздігінің профилі анықталған. Жүктілік анықталғаннан кейін ІІ ангиотензин рецепторларының антагонистерімен емдеуді дереу тоқтатқан жөн, және қажет болған кезде альтернативті емді бастау керек.

Басқалар

Гипертензияға қарсы басқа да препараттардағы сияқты, жүректің ишемиялық ауруы немесе ишемиялық цереброваскулярлы бұзылулары бар емделушілерде артериялық қысымның шамадан тыс түсіп кетуі миокард инфарктісіне немесе инсультқа әкеп соғуы мүмкін.

Олиместраның® құрамында лактоза бар. Тұқым қуалаған галактозаның жақпаушылығы, Лаппа лактазаның тапшылығы немесе глюкоза-галактоза мальабсорбциясы синдромы бар емделушілер бұл дәріні қабылдамауы тиіс.

Дәрілік заттың көлікті немесе қауіпті механизмерді басқару қабілетіне ықпал ету ерекшеліктері

Автокөлікті басқару және механизмдермен жұмыс жасау қабілетіне ықпалы зерттелген жоқ. Автокөлікті немесе басқа да механизмдерді басқарған кезде гипертензияға қарсы препараттарды қабылдап жүрген емделушілер бас айналудың және шаршағыштықтың пайда болуы мүмкін екендігін ескергені жөн.

Артық дозалануы

Артық дозалануға қатысты мәлімдемелер шектеулі.

Симтомдары: артық дозаланудың ең ықтимал әсері – гипотензия.

Емі: мұқият тексеру, симптоматикалық және демеуші ем жүргізу. Олмесартанда диализге қатысты нақты мәлімдеме жоқ.

Шығарылу түрі және қаптамасы

ОРА/Al/PVC үлбірден және алюминий фольгадан жасалған пішінді ұяшықты қаптамаға 14 таблеткадан (10 мг және 20 мг дозалар үшін) немесе 7 таблеткадан (40 мг доза үшін) салынған.

Пішінді ұяшықты 1, 2 қаптама (14 таблеткадан) немесе пішінді ұяшықты 2, 4 қаптама (7 таблеткадан) медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Дәріханадан босатылу шарттары

Рецепт арқылы

Өндіруші

КРКА, д.д. , Ново место, Словения

Тіркеу куәлігінің иесі

КРКА, д.д., Ново Место, Словения

 

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

ҚР-дағы «KRKA, tovarna zdravil, d.d., Novo mesto» өкілдігі

ҚР, 050059,

Алматы қ-сы, Әл-Фараби д-лы 19, секция 1б, 2-ші қабат

тел.: 8 (727) 311 08 09

факс: 8 (727) 311 08 12