Окумед
Инструкция
-
русский
-
қазақша
Саудалық атауы
Окумед
Халықаралық патенттелмеген атауы
Тимолол
Дәрілік түрі
0,5 көз тамшы дәрісі
Құрамы
1 мл препараттың құрамында
белсенді зат - 5,0 мг тимололға баламалы тимолол малеаты,
қосымша заттар: бензалконий хлориді, екі орын басқан натрий фосфаты, бір орын басқан натрий фосфаты, инъекцияға арналған су.
Сипаттамасы
Түссіз мөлдір ерітінді
Фармакотерапиялық тобы
Көз ауруларын емдеуге арналған препараттар. Глаукомаға қарсы препараттар және миотиктер. Бета-адреноблокаторлар. Тимолол
АТХ коды S01ED01
Фармакологиялық қасиеттері
Фармакокинетикасы
Тимолол бета-адренорецепторлардың селективті емес блокаторы болып табылады. Ішкі симпатомиметикалық және жарғақшаны тұрақтандыратын белсенділігі жоқ.
Көз тамшылары түрінде жергілікті қолданған кезде көзішілік сұйықтықтың түзілуін азайту есебінен қалыпты және жоғары көзішілік қысымды төмендетеді. Қарашықтың өлшеміне және аккомодацияға ықпалын тигізбейді.
Жергілікті қолданған кезде тимолол көздің мөлдір қабығы арқылы тез өтеді. Көз тамшы дәрісінің инстилляциясынан кейін 1-2 сағаттан соң көздің алдыңғы камерасындағы сулы ылғалда тимолол ең жоғары концентрациясына жетеді.
Аздаған мөлшерде конъюнктиваның қан тамырлары, мұрын шырышы және көз жасы жолы арқылы сіңу жолымен жүйелік қан ағысына түседі.
Тимололдың 60-80 -ына жуығы қан плазмасында метаболизмге ұшырайды.
Тимололдың метаболиттерінің шығарылуы көбіне бүйрек арқылы жүзеге асады.
Фармакодинамикасы
Глаукомаға қарсы дәрі. Бета-адреноблокаторлар тобына жатады. Препараттың әсер етуі конъюнктивальды қуысқа тамызғаннан кейін 20 минуттан соң білінеді. Көзішілік қысымның ең жоғары шектегі төмендеуі 1-2 сағаттан соң басталады және 24 сағат бойы сақталады. Көзішілік қысымның төмендеуі бастапқы деңгейдің 25 -ын құрайды.
Қолданылуы
-
көзішілік қысым жоғарылаған кезде (офтальмогипертензияда)
-
ашық бұрышты глаукомада
-
салдарлы глаукомада
-
жабық бұрышты глаукомада көзішілік қысымды төмендету үшін қосымша дәрі ретінде (миотиктермен біріктіріп)
-
туа біткен глаукомада (басқа емдік шаралар жеткіліксіз болғанда)
Қолдану тәсілі және дозалары
Ерсектерге конъюнктивальді қапқа – 0,5 % ерітіндіні 1 тамшыдан күніне 2 рет.
Көзішілік қысым қалпына келген кезде демеуші доза – 1 тамшы күніне 1 рет.
Окумед препаратымен емдеу, әдетте, ұзақ уақыт бойы жүргізіледі. Үзіліс немесе дозаны өзгерту тек емдеуші дәрігердің тағайындауымен ғана жүргізіледі.
Жағымсыз әсерлері
Жергілікті реакциялар
-
қабақ терісінің, конъюнктиваның тітіркенуі және гиперемиясы
-
блефарит
-
көздің шымылдап ашуы және қышуы
-
көзден жас ағу немесе көз жасының азаюы
-
жарыққа қарай алмау
-
мөлдір қабық эпителийінің ісінуі
-
нүктелік беткейлік кератопатия
-
мөлдір қабықтың гипостезиясы
-
мөлдір қабықтың сезімталдығы төмендеуі
-
диплопия
-
птоз
-
көру өткірлігінің қысқа мерзімді бұзылуы
-
көздің құрғауы
-
конъюнктивит
-
кератит
Антиглаукоматоздық операция жасаған кезде операциядан кейін көздің қан тамырлы қабығының ажырауы мүмкін.
Жүйелі реакциялар
-
жүрек қызметінің жеткіліксіздігі, брадикардия, брадиаритмия, артериялық қысымның төмендеуі, коллапс, атриовентрикулярлы блокада, жүректің тоқтап қалуы, ми қан айналымының өткінші бұзылуы
-
ентігу, бронхтың түйілуі, өкпе қызметінің жеткіліксіздігі
-
бас ауыруы, бас айналуы, миастения, депрессия, парестезиялар, ұйқышылдық, елестеулер, құлақтың шуылдауы, психомоторлы реакция жылдамдығының баяулауы, қажығыштық, мазасыздық, шым-шытырықтар, астения
-
есекжем, аллергиялық жанаспалы дерматит, уытты эпидермальді некролиз
- гипопигментация, тырнақ зақымдануы, шаштың түсуі, псориаз, қызыл жалпақ теміреткі, экзема, эритродермия
- стоматит
-
жүректің айнуы, құсу, диарея
-
ринит, мұрыннан қан кету
-
кеуденің ауыруы
-
потенцияның төмендеуі
Жағымсыз әсерлер пайда болған жағдайда, препарат қабылдауды тоқтатқан және емдеуші дәрігерге мүмкіндігінше ертерек қаралған жөн.
Қолдануға болмайтын жағдайлар
-
тимололға және препараттың қосымша компоненттеріне жекелей жоғары сезімталдық
Сыртартқысында төмендегідей аурулары бар емделушілерге:
-
бронх демікпесі немесе басқа да тыныс жолдарының обструктивті созылмалы ауыр аурулары
-
синустық брадикардия
-
ІІ немесе ІІІ дәрежелі атриовентрикулярлы блокада
-
жүрек қызметінің жедел жеткіліксіздігі
-
қалпына келмейтін сатыдағы жүректің созылмалы жеткіліксіздігі (III-IV функционалдық класс)
-
кардиогенді шок
-
денеге жайылған тері бөртпелерін беретін аллергиялық реакциялар
-
атрофиялық ринит
-
мөлдір қабықтың дистрофиялық аурулары
-
18 жасқа дейінгі балалар және жасөспірімдер
Дәрілермен өзара әрекеттесуі
Окумед препаратын құрамында эпинефрині бар көз тамшы дәрілерімен бірге тағайындау қарашық ұлғауын туындатуы мүмкін.
Препараттың өзіне тән ерекше әсері - көзішілік қысымды төмендетуі құрамында эпинефрин мен пилокарпин болатын көз тамшы дәрілерімен бір мезгілде қолданған кезде күшейеді; көзге екі бета-адреноблокаторды тамызуға болмайды.
Артериялық қысымның төмендеуі және жүрек ырғағының баяулауы препаратты баяу кальций өзекшелері блокаторларымен, резерпинмен және басқа бета-адреноблокаторлармен бірге қолданған кезде күшеюі мүмкін.
Инсулинмен немесе диабетке қарсы ішу арқылы қабылданатын дәрілермен бір мезгілде қолдану гипогликемияға әкелуі мүмкін.
Антипсихотикалық дәрілік заттармен (нейролептиктермен) және анксиолитикалық дәрілік препараттармен (транквилизаторлармен) бір мезгілде қолдануға болмайды.
Емделу кезінде этанол қабылдау ұсынылмайды (артериялық қысым күрт төмендеуі мүмкін).
Окумед шеткергі миорелаксанттардың әсерін күшейтеді, сондықтан препаратты жалпы анестезия жасалып, жоспарланған хирургиялық араласымнан 48 сағат бұрын тоқтату қажет.
Бұл деректер осыған дейін қолданғанына көп уақыт өтпеген дәрілік препараттарға да қатысты.
Айрықша нұсқаулар
Көзішілік қысымды өлшеу және көздің мөлдір қабығын тексеру үшін дәрігерге тұрақты қаралып тұру керек.
Егер емделуші жұмсақ жанаспалы линза киетін болса, онда ол 0,5 Окумед көз тамшы дәрісін қолданбағаны жөн, өйткені консервант жұмсақ жанаспалы линзаларға жиналып қалуы және көз тіндеріне жағымсыз әсер етуі мүмкін.
Препаратты тамызар алдында қатты жанаспалы линзаларды шешіп алып қойғаны және оларды 15 минуттан соң ғана қайта кигені жөн.
Науқастарды Окумед препаратымен емдеуге көшірген кезде бұрын миотиктерді қолданудан болған әсерлерден кейінгі рефракцияны түзету қажет болуы мүмкін.
Жалпы анестезияны қолдана отырып, жасалатын алдағы операциялық араласу жағдайында препарат қолдануды одан 48 сағат бұрын тоқтату қажет.
Сақтықпен
Окумедті өкпе қызметінің жеткіліксіздігі, ауыр цереброваскулярлық жеткіліксіздігі, қалпына келу сатысындағы жүрек жеткіліксіздігі, синоатриальдық блокадасы бар, артериялық гипотензиясы, гипогликемиясы, миастениясы, Рейно синдромы, феохромоцитомасы, атрофиялық риниті бар емделушілерге, сондай-ақ эпинефрин бөлінуін күшейтетін басқа да бета-адренблокаторлар мен психобелсенді дәрілік препараттарды бір мезгілде тағайындағанда сақтықпен қолдану керек.
Окумед қант диабеті бар емделушілерде гипогликемия симптомдарын және қалқанша безі гиперфункциясы бар науқастарда тиреотоксикоз симптомдарын бүркемелеуі мүмкін.
Окумед инстилляциясынан кейін көру жітілігі төмендеуі және психикалық реакциялар баяулауы байқалуы мүмкін, бұл көше қозғалысына белсенді араласу қабілетін, машинамен жұмыс жасау немесе сенімді тірексіз жұмыс істеу қабілетін төмендетуі мүмкін.
Жүктілік және лактация кезеңі
Окумед көз тамшы дәрісі жүктілік кезінде пайдаланылмауы тиіс.
Тимолол емшек сүтіне бөлініп шығарылады. Тимололға емшек еметін балаларда күрделі жағымсыз реакциялар болуы мүмкін болғандықтан, не ана сүтімен қоректендіруді тоқтату, не емшек емізетін ана үшін маңыздылығын ескере отырып, препаратты пайдалану туралы шешім қабылдануы тиіс.
Дәрілік заттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері
Автокөлікті және қауіптілігі зор механизмдерді басқару кезінде сақ болу қажет.
Артық дозалануы
Симптомдары: бас айналуы, бас ауыруы, аритмия, брадикардия, бронх түйілуі, жүрек айнуы, құсу.
Емі: көзді дереу сумен немесе 0,9 натрий хлориді ерітіндісімен жуу керек, симптоматикалық ем.
Шығарылу түрі және қаптамасы
5 мл және 10 мл препараттан пластик тамшылатқыш-құтыда.
Ішінде құтыны ашуға арналған құрылғысы және бұрандалы қалпақшасы бар 1 тамшылатқыш-құтыдан және медицинада қолданылуы жөніндегі мемлекеттік және орыс тілдеріндегі нұсқаулығымен бірге картон пәшкеге салынады.
Сақтау шарттары
Жарықтан қорғалған жерде, 25оС-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Құтыны ашқаннан кейінгі қолданылу кезеңі 45 күн.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
СЕНТИСС ФАРМА ПВТ. ЛТД.
212/Д-1, Грин Парк, Нью Дели, Үндістан
Зауытта: Виллидж Кхера Нихла, Техсил Налагарх, р-н Солан, Химачал Прадеш 174 101, Үндістан
Тіркеу куәлігі иесінің атауы мен елі
СЕНТИСС ФАРМА ПВТ. ЛТД., Үндістан
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасы, 050000, Алматы қ., Бөгенбай батыр к-сі 132,
309 кеңсе
Тел./факс: +7 (7272) 96-45-99
Email: sentiss_kz@land.ru