Оксалиплатин Сандоз® (Оксалиплатин)

Оксалиплатин Сандоз®

Оксалиплатин

Дәрілік түрі, дозасы

Инфузия үшін ерітінді дайындауға арналған 50 мг/10 мл, 100 мг/20 мл концентрат

Антинеопластикалық және иммуномодуляциялаушы препараттар. Антинеопластикалық препараттар. Антинеопластикалық басқа препараттар. Құрамында платина бар препараттар. Оксалиплатин.

АТХ коды L01ХА03

Оксалиплатин 5-фторурацилмен (5-ФУ) және  фолий қышқылымен (ФҚ) біріктірілімде:

- Бастапқы ісікті толық резекциялаудан кейін III сатыдағы (Дьюк бойынша С) жуан ішек обырын адъювантты емдеу

- Метастаздық колоректальді обырды емдеу үшін көрсетілген.

Қолданудың басталуына дейін қажетті мәліметтер тізбесі

- анамнездегі оксалиплатинге жоғары сезімталдық

- бірінші емдеу курсының басталуына дейінгі миелосупрессия  ( 2109/л нейтрофилдер және/немесе  100109/л тромбоциттер санымен)

- бірінші емдеу курсына дейін функционалдық бұзылулары бар шеткері сенсорлы нейропатия

- ауыр бүйрек жеткіліксіздігі (креатинин клиренсі  30 мл/мин)

- лактация кезеңі

- балалар және 18 жасқа дейінгі жасөспірімдер

Қолдану кезіндегі қажетті сақтандыру шаралары

Бүйрек жеткіліксіздігі бар пациенттер

Айқындылығы жеңілден орташа дәрежеге дейінгі бүйрек жеткіліксіздігі бар пациенттерге қатаң мониторинг өткізілуі тиіс және уыттылығы негізінде дозаны түзету жүргізілуі тиіс.

Аса жоғары сезімталдық реакциялары

Анамнезінде платинаның басқа қосылыстарына аллергиялық реакциялары бар пациенттерді қатаң бақылап отыру керек. Оксалиплатин Сандоз® препаратына анафилаксиялық реакция болған жағдайда инфузияны дереу тоқтатып, тиісті симптоматикалық ем тағайындау керек. Оксалиплатин Сандоз® енгізуді жаңғырту қарсы көрсетілімді. Айқаспалы, кейде тіпті өлімге ұшырататын реакциялар құрамында платина бар өнімдердің бәріне қатысты хабарланды.

Экстравазация жағдайында инфузияны дереу тоқтатып, әдеттегі жергілікті симптоматикалық емдеуді бастау керек.

Неврологиялық симптомдар

Оксалиплатин Сандоз® неврологиялық уыттылығы, әсіресе, егер препарат спецификалық неврологиялық уыттылығы бар басқа дәрілік препараттармен бірге енгізілсе,  қатаң бақылануы тиіс. Әр жолы енгізуді бастар алдында, одан кейін мезгіл-мезгіл неврологиялық тексеру өткізу керек.

Инфузия барысында немесе екі сағаттық инфузиядан кейін бірнеше сағат ішінде жедел көмей-жұтқыншақ дизестезиясы дамыған пациенттерге келесі Оксалиплатин Сандоз® инфузиясын 6 сағат бойы жүргізген жөн.

Шеткері нейропатия

Егер неврологиялық симптомдар (парестезия, дизестезия) пайда болса,  кейіннен ұсынылатын Оксалиплатин Сандоз® дозасын түзету осы симптомдардың ұзақтығына және ауырлық дәрежесіне негізделуі тиіс:

- егер симптомдар жеті күннен аса сақталса және қолайсыздық тудырса,

кейінгі Оксалиплатин Сандоз® дозасын  85-тен 65 мг/м2 дейін

(метастаздық сызба) немесе  75 мг/м2 дейін (адъювантты емдеу

сызбасы) төмендету керек

- егер функционалдық бұзылуларсыз парестезия келесі циклға дейін

сақталса,  кейінгі Оксалиплатин Сандоз® дозасын  85-тен 65 мг/м2

дейін (метастаздық сызба) немесе  75 мг/м2 дейін (адъюванттық

сызба) төмендету керек

- егер функционалдық бұзылуларымен парестезия келесі циклға дейін

сақталса, Оксалиплатин Сандоз® тоқтатылу керек

- егер осы симптомдар Оксалиплатин Сандоз® емін тоқтатудан кейін

әлсіресе, емді жалғастыру мәселесін қарастыруға болады.

Пациенттерді емдеу аяқталған соң шеткері сенсорлы нейропатияның тұрақты симптомдарының болуы мүмкін екенінен хабардар ету керек. Жергілікті шоғырланған орташа парестезиялар немесе функционалдық белсенділікке кедергі келтіруі мүмкін парестезиялар адъюванттық сызба бойынша жүргізілген емдеу аяқталған соң 3 жылға дейін персистирленуі мүмкін.

Қайтымды артқы лейкоэнцефалопатия синдромы (ҚАЛС)

Оксалиплатинді химиялық еммен біріктіріп алатын пациенттерде қайтымды артқы лейкоэнцефалопатия синдромы (немесе қайтымды артқы энцефалопатия синдромы (ҚАЭС) жағдайлары хабарланды. ҚАЛС жылдам неврологиялық үдеумен бірге эпилепсия ұстамалары, гипертензия, бас ауыру, сананың шатасуын, соқырлық әрі басқа көру қабілетінің және неврологиялық бұзылуларды қамтуы мүмкін сирек қайтымды бұзылу түрінде болады («Жағымсыз реакцияларын» қараңыз).

ҚАЛС диагнозы миды көріністеу көмегімен, дұрысы, магнитті-резонансты томография (МРТ) арқылы расталады.

Жүрек айну, құсу, диарея, дегидратация және гематологиялық бұзылулар

Жүрек айну және құсу түрінде көрініс беретін асқазан-ішек уыттылығы профилактикалық және/немесе құсуға қарсы емдік шараға негіздеме бола алады («Жағымсыз реакциялар»).

Сусыздануды ауыр диарея және/немесе құсу туындатуы мүмкін, әсіресе, оксалиплатинді 5-фторурацилмен біріктіргенде салданған илеус, ішек бітелісі, гипокалиемия, метаболизмдік ацидоз және бүйрек функциясының бұзылуы туындайды.

Гематологиялық уыттылық пайда болған жағдайда [нейтрофилдер саны  1,5109/л және/немесе тромбоциттер саны  50109/л] келесі емдеу курсын жүргізуді гематологиялық параметрлер тиімді деңгейлерге жететін сәтке дейін кейінге қалдыру керек. Толық қан көрінісі емнің басталуына дейін және әр келесі курс алдында айқындалу керек.

Миелосупрессиялық әсерлер қатарлас химиялық ем әсерлеріне аддитивті болуы мүмкін. Ауыр және орныққан миелосупрессия бар пациенттер инфекциялық асқынулардың жоғары қаупіне ұшырайды. Оксалиплатин қабылдаған пациенттерде, өліммен аяқталғандарын қоса, сепсис, нейтропениялық сепсис және сепсистік шок хабарланды. Егер осы оқиғалардың қандай да бірі болса, оксалиплатин тоқтатылу керек.

Оксалиплатин Сандоз® және 5-фторурацил енгізуден кейін пациенттерді, олар талапқа сай емделу мақсатында өз емдеуші дәрігеріне шұғыл қаралу үшін диарея немесе құсу, мукозит немесе стоматит және нейтропения қаупі туралы тиісті үлгіде хабарландыру қажет.

Егер нейтропениямен немесе онсыз  мукозит немесе стоматит туындаса, ондай жағдайда мукозит (немесе стоматит) айқындылығы 1 дәрежеге дейін немесе одан аз сатыға дейін төмендегенше және/немесе нейтрофилдер саны ≥1,5109/л мәндеріне дейін қалпына келгенше келесі емдеуді кейінге қалдыру керек.

5-фторурацилмен біріктірілген (фолин қышқылымен немесе онсыз) Оксалиплатин Сандоз® бойынша 5-фторурацилмен байланысты уыттылығына орай әдеттегі дозасын түзету керек.

4 дәрежедегі диарея, 3-4 дәрежедегі нейтропения (нейтрофилдер саны  1109/л) немесе 3-4 дәрежедегі тромбоцитопения (тромбоциттер саны  50109/л) туындағанда оксалиплатин дозасын 85-тен 65 мг/м2 дейін (метастаздық сызба) немесе 75 мг/м2 дейін (адъюванттық сызба) төмендетіп, қосымша 5-фторурацил дозасын азайту қажет.

Респираторлық бұзылулар

Өнімсіз жөтел, ентігу, сырылдар немесе рентгенограммадағы өкпе  инфильтраттары сияқты этиологиясы түсініксіз респираторлық симптомдар жағдайында өкпені әріқарай тексеру барысында өкпенің интерстициальді ауруы немесе өкпе фиброзы жоққа шығарылатын сәтке дейін Оксалиплатин Сандоз® емін тоқтата тұру керек («Жағымсыз әсерлерін» қараңыз).

Қан бұзылыстары

Гемолиздік-уремиялық синдром (ГУС) өмірге қауіпті жағымсыз әсер болып табылады (жиілігі белгісіз).

Оксалиплатин микроангиопатиялық гемолиздік анемияның қатарлас тромбоцитопениямен гемоглобиннің тез түсіп кетуі немесе сарысулық билирубин, қан сарысуындағы креатинин, қандағы мочевина азоты немесе ЛДГ деңгейінің жоғарылауы сияқты алғашқы белгілерінде тоқтатылу керек. Бүйрек жеткіліксіздігі емді тоқтату кезінде қайтымсыз болуы мүмкін, әрі диализ қажет болуы мүмкін.

Оксалиплатинмен емдеуге байланысты, өліммен аяқталғандарын қоса, диссеминацияланған тамырішілік қан ұю (ДТҰ-синдром) хабарланды. ДТҰ-синдром бар болса, оксалиплатинмен емдеуді тоқтатып, тиісті емдеу тағайындалу керек. ДТҰ-синдроммен байланысты инфекциялар, сепсис және т.б. сияқты бұзылыстары бар пациенттерде сақтық шарасын қадағалау керек.

QT аралығының ұзаруы

QT аралығының ұзаруы, torsades de pointes қоса, қарыншалық аритмиялардың жоғары қаупіне әкелуі мүмкін, олардың өліммен аяқталуға әкелуі ықтимал. QT аралығын оксалиплатин енгізуге дейін және одан кейін жүйелі негізде мұқият бақылап отыру керек. Анамнезінде QT аралығының ұзаруы немесе оған бейімділігі бар, QT аралығын ұзартатыны белгілі дәрілік заттар қабылдап жүрген пациенттерде, сондай-ақ гипокалиемия, гипокальциемия немесе гипомагниемия сияқты электролиттік бұзылулары бар пациенттерде сақтық шарасын қадағалау керек. QT аралығының ұзаруы жағдайында оксалиплатинмен емдеу тоқтатылу керек.

Рабдомиолиз

Оксалиплатин қабылдаған пациенттерде, өліммен аяқталғандарын қоса, рабдомиолиз туралы хабарланды. Әлсіздік, қызба немесе несеп қараюымен біріккен бұлшықет ауырсынуы мен ісіну жағдайында оксалиплатинмен емдеуді тоқтату керек. Егер рабдомиолиз расталса, тиісті шаралар қабылдау керек. Егер рабдомиолизбен байланысты дәрілік заттар оксалиплатинмен бір мезгілде тағайындалса, сақ болуға кеңес беріледі.

Асқазан-ішек жолының ойық жарасы/асқазан-ішек қан кетуі және тесілуі

Оксалиплатинмен емдеу асқазан-ішек жолының ойық жарасын және өліммен аяқталуға әкелетін асқазан-ішек қан кетуі мен тесілуі сияқты ықтималды асқынуларды туындатуы мүмкін. Асқазан-ішек жолының ойық жарасы жағдайында оксалиплатинмен емдеуді тоқтатып, тиісті шаралар қабылдау керек.

Бауыр функциясының бұзылуы

Бауыр функциясын талдаудың патологиялық нәтижелері жағдайында немесе бауыр метастаздарының айқын нәтижесі емес портальді гипертензияда дәрілік тектес өте сирек кездесетін бауырдың тамырлық бұзылулары болуы мүмкін.

Басқа дәрілік препараттармен өзара әрекеттесуі

Оксалиплатиннің бір реттік 85 мг/м2 дозасын тікелей қабылдаған пациенттерде 5-фторурацил енгізер алдында 5-фторурацилмен экспозиция деңгейінде өзгерістер байқалмады.

Іn vitro келесі қосылыстарды: эритромицин, салицилаттар, гранисетрон, паклитаксел және натрий вальпроатын қолдану кезінде оксалиплатиннің плазмалық ақуыздармен байланыстан елеулі ығыстырылуы байқалмады.

Оксалиплатинді QT аралығының ұзаруын тудыруы белгілі басқа дәрілік заттармен бір мезгілде қолдану кезінде сақ болу керек. Басқа дәрілік заттармен біріктірілген жағдайда QT аралығын мұқият бақылап отыру керек. Оксалиплатинді рабдомиолизбен байланысты екені белгілі басқа дәрілік заттармен бір мезгілде қолдану кезінде сақ болу керек.

Арнайы сақтандырулар

Жүктілік

Бүгінгі таңда жүкті әйелдерде қолдану қауіпсіздігі туралы қолжетімді ақпарат жоқ. Жануарларда жүргізілген зерттеулерде тұқым өрбіту уыттылығы байқалды. Демек, оксалиплатин жүктілік кезінде және ұрықтануға қарсы дәрілер пайдаланбайтын бала туу қуаты бар әйелдерде қолдануға ұсынылмайды. Оксалиплатин қолдану тек пациенттің шаранаға төнетін қауіпті тиісті бағалауынан кейін және пациенттің келісімімен ғана қарастырылу керек.

Әйелдер үшін емдеу уақытында және емді тоқтатудан кейін 4 ай бойы тиісті контрацепция шаралары қабылдануы тиіс.

Бала емізу

Емшек сүтімен экскрециясы зерттелмеген. Оксалиплатинмен ем кезінде бала емізу қарсы көрсетілімді.

Фертильділік

Оксалиплатиннің клиникаға дейінгі зерттеулерінде гендік уытты әсерлері байқалды. Соның салдарынан, Оксалиплатинмен емделіп жүрген ерлерге емделген уақытта және ем аяқталған соң 6 ай бойы балалы болмау, сондай-ақ емдеудің басталуына дейін шәуһетті консервациялау мүмкіндігі туралы кеңес алу ұсынылады, себебі оксалиплатин белсіздік тудырып, ал ол қайтымсыз сипатта болуы мүмкін.

Оксалиплатинмен емделу кезінде әйелдер жүктіліктен сақтану және тиімді контрацепция әдісін пайдалану керек.

Тиісті контрацепция шараларын ем кезінде және емді тоқтатудан кейін: әйелдерге 4 ай бойы, ал ерлерге 6 ай бойы қолдану керек, оксалиплатин фертильділікке теріс ықпалын тигізуі мүмкін. Препараттың емшек сүтіне өтуі зерттелмеді. Оксалиплатинмен емделу кезінде бала емізу қарсы көрсетілімді.

Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері

Автокөлік пен жұмыс механизмдерін басқару қабілетіне көрсететін әсерлеріне зерттеулер жүргізілмеген. Дегенмен де, оксалиплатинмен емдеу бас айналу, жүрек айну және құсу, сондай-ақ жүріс-тұрыс пен тепе-теңдікке ықпал ететін басқа неврологиялық симптомдар қаупінің артуына алып келіп, автокөлік пен жұмыс механизмдерін басқару қабілетіне әлсіз немесе орташа айқын әсерін көрсетуі мүмкін.

Көру бұзылулары, атап айтқанда, өткінші көрмей қалу (емді тоқтатудан кейін қайтымды) пациенттің автокөлік және жұмыс механизмдерін басқару қабілетіне ықпал етуі мүмкін. Осыған орай, пациенттерге осы құбылыстардың автокөлік және жұмыс механизмдерін басқару қабілетіне әсер етуі мүмкін екенін ескерту керек.

Қолдану жөніндегі нұсқаулар

Дозалау режимі

Инъекцияға арналған цитоуытты ерітінділерді дайындауды үнемі дәрілік препараттың бүтіндігі, қоршаған ортаның қорғалуы, атап айтқанда, ауруханалық практикаға сәйкес дәрілік препараттармен жұмыс істейтін маманды қорғау қамтамасыз етілген жағдайларда пайдаланылатын дәрілік препараттар туралы білім жинақтаған үйретілген білікті қызметкер орындауы тиіс. Цитоуытты заттар ерітінділерін дайындауға шылым шегуге, тамақ немесе сусындар әзірлеуге тыйым салынатын бөлек орынжай қажет болады.

Тек ересектер үшін.

Адъювантты емдеуде ұсынылған Оксалиплатин Сандоз® дозасы вена ішіне 85 мг/м2 құрап, 12 цикл (6 ай) бойы әр екі апта сайын қайталанады.

Метастаздық колоректальді обырды емдеуге ұсынылған Оксалиплатин Сандоз® дозасы ауру үдеуінің немесе қолайсыз уыттылықтың басталуына дейін әр екі апта сайын қайталанатын вена ішіне 85 мг/м2 құрайды. Дозаны жағымдылығына қарай түзетіп отыру қажет.

Оксалиплатин Сандоз® үнемі фторопиримидиндерге дейін, яғни  5-фторурацилді енгізуге дейін енгізілу керек.

Оксалиплатин Сандоз® 0,2 мг/мл және 0,7 мг/мл арасындағы диапазонда концентрация алу үшін 250-500 мл 5% глюкоза ерітіндісінде (50 мг/мл) 2-6 сағаттық венаішілік инфузиялар түрінде енгізіледі, 0,7 мг/мл концентрация 85 мг/м2 оксалиплатин дозасы үшін клиникалық практикада қолданылатын ең жоғары концентрацияға баламалы.

Оксалиплатин Сандоз® көбінесе 5-фторурацилдің үздіксіз инфузиясымен біріктірілімде пайдаланылады. Екі апталық емдеу сызбасында болюсті және үздіксіз инфузиялық енгізуді біріктіретін 5-фторурацил режимдері пайдаланылды.

Пациенттердің ерекше топтары

Бүйрек жеткіліксіздігі бар пациенттер

Оксалиплатин Сандоз® бүйрек жеткіліксіздігі ауыр пациенттерге тағайындалмауы тиіс.

Бүйрек функциясының жеңілден орташа дәрежеге дейінгі бұзылуы бар пациенттерде  ұсынылатын оксалиплатин дозасы  85 мг/м2 құрайды.

Бауыр функциясының бұзылуы бар пациенттер

Бауыр функциясының әртүрлі дәрежедегі бұзылуы бар пациенттерде гепатобилиарлы бұзылулар жиілігі мен ауырлығы  аурудың үдеуіне және бауыр функциясының бастапқы патологиялық ауытқуларына байланысты болды. Клиникалық даму уақытында бауыр функциясының бұзылуы бар пациенттер үшін дозаны түзету жүргізілмеді.

Егде жастағы пациенттер

Оны монотерапия ретінде немесе 5-фторурацилмен біріктірілімде қолданғанда 65 жастан асқан пациенттерда ауыр уыттылық күшеюі байқалмады. Сондықтан егде жастағы пациенттер үшін дозаны түзету қажет емес.

Педиатриялық қауым

Оксалиплатин Сандоз® балаларда қолдануға көрсетілмеген. Педиатриялық қауымда ауқымды ісіктердің монотерапиясы ретіндегі Оксалиплатин Сандоз® тиімділігі анықталмады.

Қолдану тәсілі

Оксалиплатин Сандоз® венаішілік инфузия жолымен енгізіледі.

Оксалиплатин енгізу  гипергидратацияны талап етпейді.

Оксалиплатин Сандоз® кемінде 0,2 мг/мл концентрация алу үшін  250-500 мл 5% глюкоза ерітіндісінде  (50 мг/мл) сұйылтылып, 2-6 сағат ішінде орталық вена жүйесіне немесе шеткері венаға енгізілу керек.  Оксалиплатин Сандоз® инфузиясы үнемі 5-фторурацил енгізу алдында жасалуы тиіс.

Экстравазация жағдайында препарат енгізу дереу тоқтатылу керек.

Пайдалануға арналған нұсқаулық

Пайдаланар алдында Оксалиплатин Сандоз® сұйылтылу керек. Инфузиялық ерітіндіге арналған концентратты сұйылту үшін тек қана  5%  глюкоза ерітіндісін (50 мг/мл) пайдалануға болады.

Енгізу кезіндегі айрықша сақтандыру шаралары

• Құрамында алюминий бар инъекциялық құрылғыны қолдануға БОЛМАЙДЫ.

• Сұйылтылмаған күйде енгізуге БОЛМАЙДЫ.

• Сұйылту үшін тек 5% глюкоза ерітіндісін қолдану керек. Инфузияны әзірлегенде натрий хлориді ерітінділерінің немесе құрамында хлорид бар ерітінділердің көмегімен сұйылтуға БОЛМАЙДЫ.

• Бір ғана инфузиялық ыдыста басқа дәрілік препараттармен араластыруға және бір ғана құю жүйесі арқылы бір мезгілде енгізуге БОЛМАЙДЫ.

• Сілтілік дәрілік препараттармен немесе ерітінділермен, әсіресе, 5-фторурацилмен, құрамында қосымша зат ретіндегі трометамол бар фолин қышқылы препараттарымен, трометамол тұздарымен басқа дәрілік препараттарды араластыруға БОЛМАЙДЫ. Сілтілік дәрілік препараттар мен ерітінділер Оксалиплатин Сандоз® тұрақтылығына теріс ықпал етеді.

Фолин қышқылымен (кальций фолинаты немесе динатрий фолинаты түрінде) қолдану жөніндегі нұсқаулар

Глюкозаның 250-500 мл 5% ерітіндісіндегі (50 мг/мл) 85 мг/м2 оксалиплатиннің венаішілік инфузиясы 5% глюкоза ерітіндісіндегі (50 мг/мл) фолин қышқылының венаішілік инфузиясымен бір мезгілде тікелей инфузия орнының алдында орналасқан Y тәрізді құю жүйесін пайдаланып, 2-6 сағат бойы енгізіледі.

Осы екі дәрілік препаратты бір инфузиялық ыдыста араластыруға болмайды. Фолин қышқылында қосымша зат ретінде  трометамол болмауы тиіс және тек қана 5% глюкоза ерітіндісімен (50 мг/мл) сұйылтылуы тиіс, бірақ ешқандай жағдайда сілтілік ерітінділермен немесе құрамында хлорид бар ерітінділермен сұйылтылмайды.

5-фторурацилмен қолдану жөніндегі нұсқаулар

Оксалиплатин Сандоз® үнемі фторпиримидиндерді, яғни 5-фторурацилді енгізуге дейін енгізілу керек. Оксалиплатин Сандоз® енгізілуінен кейін жүйені жуып-шайып, одан кейін  5-фторурацилді енгізу керек.

Оксалиплатин Сандоз® біріктірілген дәрілік препараттар жөніндегі қосымша ақпаратты тиісті өндіруші препаратының сипаттамаларына шолудан қараңыз.

Ұсынылатын еріткіштерді ҒАНА ПАЙДАЛАНЫҢЫЗ (төменде көрсетілген).

Шөгінді іздері белгілі болған кез келген қалпына келтірілген ерітіндіні енгізуге болмайды және уытты қалдықтарды жоюға арналған нормативтік талаптарға сәйкес жою қажет (төменнен қараңыз).

Ерітіндіні қалпына келтіру

• Ерітіндіні қалпына келтіру үшін инъекцияға арналған суды немесее 5% глюкоза ерітіндісін (50 мг/мл) пайдалану қажет

• 20 мг құты: 5 мг/мл концентрация алу үшін 4 мл еріткіш қосыңыз

• 50 мг құты: 5 мг/мл концентрация алу үшін 10 млл еріткіш қосыңыз

• 100 мг құты: 5 мг/мл концентрация алу үшін 20 мл еріткіш қосыңыз

Микробиологиялық және химиялық тұрғыда қалпына келтірілген ерітіндіні бірден 5% глюкоза ерітіндісінде (50 мг/мл) сұйылту қажет.

Пайдаланар алдында оны мұқият қарап тексеріңіз. Құрамында қосылыстар жоқ мөлдір ерітінділерді ғана пайдалану керек.

Дәрілік препарат тек қана бір рет қолдануға арналған. Пайдаланылмаған концентраттың кез келген мөлшерін жою керек.

Венаішілік инфузия үшін сұйылту

Құтыдан концентраттың қажетті мөлшерін шығарып, 0,2 мг/мл және 0,7 мг/мл аралығында оксалиплатин концентрациясын алу үшін 250-500 мл 5% глюкоза ерітіндісімен сұйылтады. Оксалиплатиннің физика-химиялық тұрақтылығы дәлелденген концентрациялар диапазоны 0,2 мг/мл және 2,0 мг/мл аралығында болады. Венаішілік инфузияда енгізіледі.

Глюкозаның 5% ерітіндісімен сұйылтудан кейін физика-химиялық тұрақтылығы +2 ºС-ден  +8 ºС дейінгі температурада 48 сағат немесе  +25 ºС тұсында 24 сағат бойы көріністелді. Микробиологиялық тұрғыдан осы инфузиялық препаратты бірден пайдалану керек.

Егер препарат бірден пайдаланылмаса, қолданар алдындағы препаратты сақтау ұзақтығы мен сақтау шарттары үшін жауапкершілік пайдаланушыға жүктеледі; егер сұйылту бақыланатын және валидацияланған асептикалық жағдайларда жүргізілмеген болса, сақтау + 2 ºС - + 8 ºС тұсында 24 сағаттан аспауы тиіс.

Пайдаланар алдында оны мұқият қарап тексеріңіз. Бөлшектерсіз тек мөлдір ерітінділерді пайдалану керек.

Дәрілік препарат тек қана бір рет қолдануға арналған. Пайдаланылмаған ерітіндінің кез келген мөлшері жойылуы тиіс (6.6 бөлімін төменнен қараңыз).

ешқашан еріту үшін натрий хлоридін немесе құрамында хлорид бар ерітінділерді пайдаланбаңыз.

Инфузия үшін Оксалиплатин Сандоз® ерітіндісінің үйлесімділігі ПВХ негізіндегі құюға арналған типтік жиынтықтармен тестіленді.

Медициналық қызметкерге арналған нұсқаулық

Медициналық маман осы цитоуытты затты қолданғанда онымен жұмыс істейтін адамның және оны қоршаған қауымның қорғалуына кепілдік беру үшін қатаң сақтандыру шараларын қадағалау талап етіледі.

Артық дозалану жағдайында қабылдау қажет болатын шаралар

Симптомдары: жағымсыз әсерлер күшеюі.

Емдеу: басқа уыттылықтарды симптоматикалық емдеумен бірге гематологиялық параметрлерге мониторинг өткізу керек. Антидот белгісіз.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Дәрілік препаратты қолдану тәсілін түсіндіру үшін медициналық қызметкерден кеңес алу ұсынылады.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі

инфекциялар

- анемия, нейтропения, тромбоцитопения, лейкопения, лимфопения

- аллергия/аллергиялық реакция++

- анорексия, гипергликемия, гипокалиемия, гипернатриемия

- шеткері сенсорлы невропатия, бас ауыру, сенсорлы бұзылулар, дисгевзия

- ентігу, жөтел, мұрыннан қан кету

- диарея, жүрек айну, құсу, стоматит/мукозит, іштің ауыруы, іш қату

- тері аурулары, алопеция

- арқаның ауыруы

- қызба+++, инъекция орнындағы реакция ++++, шаршау, астения, ауырсыну

- қандағы сілтілік фосфатазаның жоғарылауы, қанда билирубин жоғарылауы, қанда лактатдегидрогеназа (ЛДГ) жоғарылауы, бауыр ферменттерінің жоғарылауы, салмақтың артуы (адъюванттық ұсыным)

Жиі

- ринит, жоғарғы тыныс жолдарының инфекциясы, нейтропениялық сепсис+

- фебрильді нейтропения

- сусыздану, гипокальциемия

- депрессия, ұйқысыздық

- бас айналу, қозғалыс невриті, менингизм

- конъюнктивит, көру бұзылуы

- қан кету, қан кернеулер, терең веналар тромбозы, гипертония

- ықылықтау, өкпе артериясының тромбоэмболиясы

- диспепсия, гастроэзофагеальді рефлюкс, асқазан-ішектен қан кету, ректальді қан кету

- терінің қабыршақтануы (яғни қол мен аяқ синдромы), эритематозды бөртпе, бөртпе, гипергидроз, тырнақ бұзылысы.

- сүйектердің ауыруы, артралгия

- қанда креатинин көтерілуі, салмақ төмендеуі (метастаздық күй)

Жиі емес

- сепсис+

- метаболизмдік ацидоз

- күйгелектік

- отоуыттылық

- ішек бітелісі

Сирек

- гемолиздік анемия, иммуноаллергиялық тромбоцитопения

- дизартрия, қайтымды артқы лейкоэнцефалопатия синдромы (RPLS - PRES ретінде де белгілі)**

- көру өткірлігінің қысқа мерзімді төмендеуі, көру өрісінің бұзылулары, көру жүйкесінің невриті, өткінші көрмей қалу (емді тоқтатудан кейін қайтымды)

- кереңдік

- өкпенің интерстициальді ауруы, кейде өліммен аяқталуымен, өкпе фиброзы**

- колит, Clostridium difficile диареясын қоса, панкреатит

Белгісіз

- аутоиммундық панцитопения

- сезімталдық жоғары болатын васкулит

* Толық ақпаратты төмендегі бөлімнен қараңыз

** 4.4 бөлімін қараңыз.

+ Өліммен аяқталатын оқиғаларды қоса.

++ Негізінен инфузия кезінде туындайтын, кейде өліммен аяқталатын өте кең таралған  аллергиялар/аллергиялық реакциялар.

Кең таралған аллергиялық реакцияларға тері бөртпесі, әсіресе, есекжем, конъюктивит және ринит жатады.

Жалпы анафилаксиялық немесе  анафилактоидты реакциялар бронх түйілуін, ангионевроздық ісіну, гипотензия, кеуденің ауыруын сезіну мен  анафилаксиялық шокты қамтиды. Инфузиядан кейін бірнеше сағаттан немесе тіпті күннен соң оксалиплатинге аса жоғары сезімталдықтың баяулауы да хабарланды.

+++ Әлде инфекциядан (фебрильді нейтропениямен немесе онсыз), әлде иммунологиялық механизмнен болуы мүмкін өте кең таралған қызба, шайқалу (тремор).

++++Жергілікті ауырсыну, қызару, ісіну және тромбозды қоса, инъекция орнындағы реакциялар хабарланды. Экстравазация күрделі болуы мүмкін жергілікті ауырсынуға және қабынуға да әкеліп, әсіресе оксалиплатинді шеткері вена арқылы енгізу кезіндегі некрозды қоса, асқынуларға әкелуі мүмкін.

Кейбір жағымсыз әсерлер сипаттамасы

Қан және лимфа жүйесі тарапынан бұзылулар

Ауруға шалдығу пациенттер бойынша (%), кластар бойынша

Сирек

• Диссеминацияланған тамырішілік коагуляция (ДТК), өліммен аяқталған жағдайларды қоса (4.4 бөлімін қараңыз).

Белгісіз

• Гемолиздік-уремиялық синдром.

• Аутоиммундық панцитопения.

• Панцитопения

• Салдарлы лейкоз

Инфекциялар және инвазиялар

Бір пациентке шаққанда ауруға шалдығу (%)

Белгісіз

- Сепсистік шок, өліммен аяқталған жағдайларды қоса

Иммундық жүйе тарапынан бұзылулар

Бір пациентке шаққанда аллергиялық реакциялар жиілігі (%),

кластар бойынша

Жүйке жүйесінің бұзылыстары

Оксалиплатиннің неврологиялық уыттылығы дозалау үшін шектеу сипатында болады, олар өзінде суық әсерінен жиі туындайтын құрысулармен немесе онсыз аяқ-қол дизестезиясымен және/немесе парестезиясымен сипатталатын шеткері сенсорлық нейропатияны қамтиды. Бұл симптомдар емделуші пациенттердың 95%-да дерлік кездеседі. Әдетте, емдеу курстары арасында регрессияланатын осы симптомдар ұзақтығы емдеу курстарының санына қарай артады. Ауырсыну және/немесе функционалдық бұзылулардың пайда болуы дозаны түзету немесе емдеуді тоқтату үшін (симптомдар ұзақтығына байланысты) көрсетілім болып табылады.

Осы функционалдық бұзылулар қимылдарды дәл орындауға қиындық тудырады және сезімталдық бұзылуының ықтималды салдары болып табылады. Жалпы 850 мг/м2 дозасында (яғни 10 цикл) персистирленетін симптомдардың даму қаупі шамамен 10% құрап, жалпы 1,020 мг/м2 доза (яғни 12 цикл) жағдайында 20% шамасына жетеді.

Көптеген жағдайларда неврологиялық шағымдар мен симптомдар емдеуді тоқтатудан кейін азаяды немесе толық басылады. Колоректальді обырды адъювантты емдегенде емдеу аяқталған соң 6 ай өткенде пациенттердің  87%-да симптомдар болмады немесе олар әлсіз білінді. 3 жыл қадағалаудан кейін пациенттердің 3% шамасында әлде қарқындылығы орташа жергілікті персистерленетін парестезиялар (2,3%), әлде функционалдық белсенділікке ықпал етуге қабілетті парестезиялар (0,5%) байқалды.

Жедел нейросенсорлы көріністер тіркелді. Олар препаратты енгізуден кейін бірнеше сағат ішінде басталады және суық әсерінен жиі пайда болады. Олар, әдетте, өтпелі парестезиялар, дизестезиялар немесе гипестезиялар түрінде көрініс береді. Көмей-жұтқыншақ дизестезиясының жедел синдромы пациенттердің 1-2%-да кездеседі және респираторлық дистрестің (цианоз немесе гипоксия жоқ) немесе ларингоспазм әлде бронх түйілуінің (стридор немесе ысылдап дем алусыз) қандай да бір объективті белгілері болмайтын дисфагия немесе ентігуді субъективті сезінулермен (тұншығу сезімімен) сипатталады.  Осындай жағдайларда антигистаминдік дәрілер мен бронходилататорлар қолданылса да, симптомдар тіпті емдеу жүргізілмесе де жылдам қайтымды болады. Құю емшарасын ұзарту осы синдром жиілігін қысқартуға көмектеседі. Кейде байқалған басқа симптомдар арасында жақсүйек бұлшықеттерінің түйілуі, бұлшықеттердің еріктен тыс жиырылуы, миоклонус, қимыл-қозғалыс үйлесімінің бұзылуы, жүріс-тұрыс бұзылуы, атаксия, тепе-теңдік бұзылуы, тамақтың немесе кеуде қуысының қысылуы, қан қысымы, жайсыздану мен ауырсынуды сезіну болды. Бұдан бөлек, бассүйек-ми жүйкелерінің дисфункциясы қатар жүруі мүмкін немесе пальпебральді птоз, диплопия, афония, дисфония, сырылдау (кейде дауыс байламдарының салдануы ретінде сипатталатын), тілдегі патологиялық түйсіктер және кейде афазия ретінде сипатталатын дизартрия, үш тармақты жүйке невралгиясы, бет немесе көз ауырсынуы, көру өткірлігінің төмендеуі, көру өрісінің бұзылуы сияқты оқшау құбылыс ретінде туындауы мүмкін.

Оксалиплатинмен емдеу кезінде дизартрия, терең сіңір рефлекстерін жоғалту және  Лермитт симптомы сияқты басқа да неврологиялық симптомдар тіркелді. Көру жүйкесі невритінің бірнеше жекелеген жағдайы тіркелген.

Жиі емес

- Конвульсиялар

- Ишемиялық немесе геморрагиялық инсульт

Жүрек-қантамыр жүйесі тарапынан бұзылулар

Белгісіз

Өліммен аяқталуы мүмкін torsades de pointes қоса, қарыншалық аритмияға әкелуі мүмкін QT аралығының ұзаруы (4.4 бөлімін қараңыз).

Оксалиплатинді 5-ФУ және бевацизумабпен біріктірілімде қабылдаған пациенттердегі, миокард инфарктісін және коронарлық атероспазм және стенокардияны қоса, жедел коронарлық синдром.

Тыныс алу ағзалары, кеуде қуысы және көкірек ортасы тарапынан бұзылулар

Белгісіз

- Ларингоспазм

- Пневмония және бронхопневмония, өліммен аяқталған оқиғаларды қоса.

Асқазан-ішек жүйелері тарапынан бұзылулар

Ауруға шалдығу пациенттер бойынша (%), кластар бойынша

Құсуға қарсы күшті дәрілермен профилактикалық және/немесе емдік мақсаттағы емдеу көрсетілген.

Сусыздану, салдануға алып келетін бітеліс, ішек бітелісін, гипокалиемия, метаболизмдік ацидоз және бүйрек функциясының бұзылуын ауыр диарея және/немесе құсу, атап айтқанда, оксалиплатинді 5-фторурацилмен (5-FU) біріктіргенде тудыруы мүмкін (4.4 бөлімін қараңыз).

Белгісіз

- Ішек ишемиясы, өліммен аяқталған жағдайларды қоса (4.4 бөлімін қараңыз).

- Өліммен аяқталуға алып келуі мүмкін асқазан-ішек жолының ойық жарасы және АІЖ ойық жарасының тесілуі (4.4 бөлімін қараңыз).

- Эзофагит.

Бауыр және өт шығару жолдары тарапынан бұзылулар

Өте сирек

Бауырлық веноокклюзиялық ауру ретінде де белгілі бауырдың синусоидтық обструкция синдромы немесе бауыр пелиозын, регенерациялық түйінді гиперплазияны перизинусоидты фиброзды қоса, синдромның осы типімен байланысты гистологиялық аномалиялар. Клиникалық көріністер портальді гипертензияға және/немесе трансаминазалардың артуына алып келуі мүмкін.

Тірек-қимыл аппараты және дәнекер тін тарапынан бұзылулар

Белгісіз

- Рабдомиолиз, өліммен аяқталған жағдайларды қоса (4.4 бөлімін қараңыз).

Бүйрек және несеп шығару жолдары тарапынан бұзылулар

Өте сирек

Жедел өзекшелік некроз, жедел интерстициальді нефрит және жедел бүйрек жеткіліксіздігі.

Тері және тері асты тіні тарапынан бұзылулар

Белгісіз

- Аса жоғары сезімталдық васкулиті

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Қосымша мәліметтер

Дәрілік препарат құрамы

1 мл препарат құрамында

белсенді зат – 5,0 мг оксалиплатин,

қосымша заттар - инъекцияға арналған су

Сыртқы түрінің, иісінің, дәмінің сипаттамасы

Түссізден бозғылт-сары түске дейінгі мөлдір ерітінді

Шығарылу түрі және қаптамасы

10 мл (50 мг) препараттан flip off типті пластик қақпағы бар алюминий қаусырмамен қапсырылған, сұр түсті резеңке тығынмен тығыздалған сыйымдылығы 10 мл түссіз шыны құтыға (І класс) құйылады.

20 мл (1000 мг) препараттан flip off типті пластик қақпағы бар алюминий қаусырмамен қапсырылған, сұр түсті резеңке тығынмен тығыздалған сыйымдылығы 20 мл түссіз шыны құтыға (І класс) құйылады.

Құтыға өздігінен желімденетін қағаз заттаңба жапсырылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

2 жыл

Препарат тек бір рет қолдануға арналған.

Препараттың пайдаланылмаған ерітіндісі жойылуы тиіс.

Жарамдылық мерзімі өткеннен кейін қолдануға болмайды.

25 0С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

ФАРЕВА Унтерах ГмбХ, Австрия 

Mondseestraβe 11, 4866 Унтерах-ам-Аттерзее, Австрия 

Тел.:+ 386 1 5802111, + 386 1 5683517  

info.sandoz@sandoz.com 

Тіркеу куәлігінің ұстаушысы

Эбеве Фарма Гес.м.б.Х. Нфг. КГ, Австрия 

Mondseestraβe 11, 4866 Унтерах-ам-Аттерзее, Австрия 

Тел.:+ 386 1 5802111, + 386 1 5683517  

info.sandoz@sandoz.com 

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Сандоз Фармасьютикалс д.д.» акционерлік қоғамының өкілдігі,

Қазақстан Республикасы, Алматы қ., 050000, Құрманғазы к-сі 95.

Тел.: +7 (727) 258-24-47

e-mail: drugsafety.cis@novartis.com