Обетимус

Обетимус

Обетихол қышқылы

Дәрілік түрі, дозалануы

Үлбірлі қабықпен қапталған таблеткалар, 5 мг және 10 мг

Ас қорыту жолы және зат алмасу. Бауыр мен өт шығару жолдарының ауруларын емдеуге арналған препараттар. Өт шығару жолдарының ауруларын емдеуге арналған препараттар. Өт қышқылдары және туындылары. Обетихол қышқылы.

ATХ коды A05AA04

Обетимус препараты бастапқы билиарлық холангитті (ББХ) (сондай-ақ бастапқы билиарлық цирроз ретінде белгілі) ересектерде урсодезоксихол қышқылымен (УДХҚ) біріктіріп емдеу үшін, егер оны монотерапия ретінде қолдану оң нәтиже бермеген жағдайда немесе УДХҚ пайдаланатын емді көтере алмайтын ересектерде монотерапия ретінде көрсетілген.

Қолданудың басталуына дейінгі қажетті мәліметтер тізбесі

- препараттың құрамына кіретін әсер етуші затқа немесе «Құрамы» бөлімінде берілген қосымша заттардың кез келгеніне аса жоғары сезімталдық

- өт шығару жолдарының толық бітелуі

Басқа дәрілік  препараттармен өзара әрекеттесуі

Обетихол қышқылына әсер ететін дәрілік заттар

Өт қышқылдарын байланыстыратын шайырлар

Өт қышқылдарын байланыстыратын шайырлар (мысалы, холестирамин, колестипол немесе колесевелам) өт қышқылдарын сіңіреді және сіңуін төмендетеді және обетихол қышқылының тиімділігін төмендетуге көмектеседі. Өт қышқылдарын байланыстыратын шайырларды бір мезгілде енгізген кезде обетихол қышқылын өт қышқылдарын байланыстыратын шайырларды қабылдағанға дейін кемінде 4-6 сағат бұрын немесе қабылдағаннан кейін 4-6 сағаттан кейін немесе мүмкіндігінше кешірек қабылдаған жөн.

Обетихол қышқылының әсеріне ұшырайтын дәрілік препараттар

Варфарин

Варфарин мен обетихол қышқылын бір мезгілде қабылдағаннан кейін халықаралық қалыпты қатынас (ХҚҚ) төмендейді. ХҚҚ-ны бақылау және қажет болған жағдайда обетихол қышқылы мен варфаринді бір мезгілде қолданған кезде ХҚҚ-ның мақсатты диапазонын ұстап тұру үшін варфариннің дозасын түзету керек.

Терапиялық индексі тар CYP1A2 субстраттарымен өзара әрекеттесу

Обетихол қышқылы CYP1A2 субстраты болып табылатын ілеспе дәрілік препараттардың әсерін арттыруы мүмкін. Терапиялық индексі тар CYP1A2 субстраттарының терапиялық мониторингі ұсынылады (мысалы, теофиллин және тизанидин).

Арнайы сақтандырулар

Бауырмен байланысты жағымсыз реакциялар

Аланинаминотрансфераза (АЛТ) және аспартатаминотрансфераза (АСТ) деңгейінің жоғарылауы обетихол қышқылын қабылдаған пациенттерде байқалды. Бауыр декомпенсациясының клиникалық белгілері мен симптомдары да байқалды. Бұл оқиғалар емдеудің бірінші айында болды. Бауырмен байланысты жағымсыз әсерлер негізінен тәулігіне бір рет 10 мг - ең жоғары ұсынылатыннан асатын дозаларда байқалды. Тіркеуден кейінгі кезеңде бауыр функциясы орташа және ауыр дәрежеде төмендеген пациенттердің обетихол қышқылын жиі қабылдауымен байланысты бауырдың ауыр зақымданулары және өліммен аяқталғаны туралы хабарланды.

Терапия басталғаннан кейін барлық пациенттерге дозаны түзету қажеттілігін анықтау үшін зертханалық және клиникалық бағалаумен ББЦ ауруының өршуіне мониторинг жүргізілуі тиіс. Бауыр функциясының нашарлауын және/немесе цирроздың өршуін куәландыратын зертханалық көрсеткіштері бар пациенттерді қоса алғанда, бауыр декомпенсациясының жоғары қаупі бар пациенттер неғұрлым мұқият бақылауда болуы тиіс. Дозалау жиілігі үдемелі ауруы бар пациенттер үшін төмендетілуі тиіс (Чайлд-Пью бойынша А класынан Чайлд-Пью жіктемесі бойынша В немесе С класына дейін).

Қатты қышу

Ауыр дәрежедегі қышыну жағдайлары туралы 10 мг дозада обетихол қышқылын қабылдаған пациенттердің 23%-ында, обетихол қышқылын титрлеу тобындағы пациенттердің 19%-ында және плацебо тобындағы пациенттердің 7%-ында хабарланды. Ауыр қышудың басталуына дейінгі орташа уақыт 10 мг обетихол қышқылын қабылдаған пациенттер үшін 116 158 және 75 күнді құрады, сәйкесінше обетихол қышқылын титрлеу және плацебо. Емдеу стратегиясына өт қышқылдарын байланыстыратын шайырларды немесе антигистаминді препараттарды қосу, дозаны азайту, дозалау жиілігін азайту және/немесе уақытша тоқтату кіреді.

Қосымша заттар

Обетимус препаратының құрамында бір таблеткада 1 ммольден аз натрий бар, осы ең аз мөлшерге сүйене отырып, препарат «натрийден бос» деп санауға болады.

Жүктілік немесе лактация кезеңінде

Жүкті әйелдерде обетихол қышқылын қолдану туралы деректер жоқ. Жануарларға жүргізілген зерттеулер репродуктивтік уыттылық түріндегі тікелей немесе жанама зиянды әсерді көрсетпейді. Сақтық шарасы ретінде жүктілік кезінде обетихол қышқылын қолданудан аулақ болған жөн.

Обетихол қышқылының емшек сүтімен бөлінетіні белгісіз. Жануарларды зерттеу және болжамды фармакология негізінде обетихол қышқылы бала емізуге, сондай-ақ емшек сүтімен қоректенетін баланың өсуіне немесе дамуына кедергі келтірмейді деп күтілуде. Баланы емізудің пайдасы мен әйелге емнің пайдасын ескере отырып, бала емізуді тоқтату туралы немесе обетихол қышқылымен емдеуді тоқтату/тоқтата тұру туралы шешім қабылдаған жөн.

Фертильділік

Адамдарда фертильділікке әсері туралы деректер жоқ. Клиникаға дейінгі деректер фертильділікке немесе туылуға қандай да бір тікелей немесе жанама әсерін көрсетпейді.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Обетихол қышқылы көлік құралын және қауіптілігі зор механизмдерді басқару қабілетіне әсер етпейді немесе болмашы әсер етеді.

Қолдану жөніндегі нұсқаулар

Дозалау режимі

Обетихол қышқылымен емдеуді бастамас бұрын пациенттің бауырының жағдайы туралы білу керек.

ББЦ бар пациенттер популяциясы үшін бастапқы доза және дозаларды титрлеу 1-кестеде көрсетілген.

1-кесте: ББЦ бар пациенттердің популяциясы бойынша дозалау режимі

Обетихол қышқылын алатын пациенттерде ілеспелі УДХҚ дозасын түзету талап етілмейді.

Қатты қышыну кезінде емдеу және дозаны түзету

Емдеу стратегиялары өт қышқылдарын байланыстыратын шайырларды немесе антигистаминді препараттарды қосуды қамтиды.

Қышудың салдарынан ауыр төзімсіздігі бар пациенттер үшін келесі нұсқалардың біреуін немесе бірнешеуін ескерген жөн:

Бауыр циррозы жоқ немесе Чайлд-пью бойынша жіктеу бойынша А класының бауыр жеткіліксіздігі бар пациенттер үшін:

• Обетихол қышқылының дозасын азайту:

- күніне бір рет 5 мг дейінгіні көтере алмайтын пациенттер үшін күнара 5 мг қабылдауға

- күніне бір рет 10 мг дейінгіні көтере алмайтын пациенттер үшін күніне бір рет 5 мг қабылдау

• 2 аптаға дейінгі мерзімге обетихол қышқылын қабылдауды уақытша тоқтату, кейіннен азайтылған дозада қабылдауды қайта бастау.

• Оңтайлы жауапқа қол жеткізу үшін жағымдылығына қарай дозаны тәулігіне бір рет 10 мг-ға дейін ұлғайтуды жалғастыру қажет.

Чайлд-Пью жіктемесі бойынша B немесе C класты бауыр жеткіліксіздігі бар пациенттер немесе декомпенсацияланған циррозы бар пациенттер үшін:

• Обетихол қышқылының дозасын азайту:

- аптасына екі рет 5 мг дейінгіні көтере алмайтын пациенттер үшін аптасына бір рет 5 мг қабылдау

- аптасына екі рет 10 мг дейінгіні көтере алмайтын пациенттер үшін аптасына бір рет 10 мг қабылдау.

• 2 аптаға дейінгі мерзімге обетихол қышқылын қабылдауды уақытша тоқтату, кейіннен азайтылған дозада қабылдауды қайта бастау, егер бұл мүмкін болса.

• Оңтайлы жауапқа қол жеткізу үшін жағымдылығына қарай дозаны аптасына екі рет 10 мг-ға дейін ұлғайтуды жалғастыру қажет.

Тұрақты төзімсіз қышуды бастан кешіретін пациенттерде обетихол қышқылымен емдеуді тоқтату туралы мәселені қарастыру қажет.

Өт қышқылдарын байланыстыратын шайырлар

Өт қышқылдарын байланыстыратын шайырларды қабылдайтын пациенттер үшін Обетимусты өт қышқылдарын байланыстыратын шайырды қабылдаудан 4-6 сағат бұрын немесе 4-6 сағаттан кейін немесе барынша мүмкін болатын аралықпен қабылдаған жөн.

Пациенттердің ерекше топтары

Бауыр  функциясының жеткіліксіздігі бар пациенттер

Қараңыз. Дозалау жөніндегі ұсынымдарға арналған 1-кесте. Әрі қарай, «Арнайы сақтандырулар» бөлімін қараңыз.

Егде жастағы пациенттер (> 65 лет)

Пациенттердің осы тобы үшін шектеулі деректер бар. Дозаны түзету қажет емес.

Бүйрек  функциясының жеткіліксіздігі бар пациенттер

Бүйректің жеңіл және орташа жеткіліксіздігі бар пациенттер туралы шектеулі деректер бар, бүйректің ауыр жеткіліксіздігі бар пациенттер туралы деректер жоқ. Пациенттердің осы тобы үшін дозаны түзету талап етілмейді.

Балалар

Обетихол қышқылы педиатриялық практикада бастапқы билиарлы холангитті (ББХ) емдеу үшін пайдаланылмайды.

Енгізу әдісі мен жолы

Пероральді, тамақтану кезінде немесе онсыз.

Артық дозалану жағдайында қабылдау қажет болатын шаралар

Дені сау еріктілердегі обетихол қышқылының ең жоғары дозасы 500 мг құрады. 250 мг қайталама дозалары қатарынан 12 күн бойы енгізілді, ал кейбір субъектілерде қышыну және бауырдағы трансаминазалар деңгейінің қайтымды жоғарылауы байқалды. Обетихол қышқылын тәулігіне бір рет 25 мг (ұсынылғаннан 2,5 есе артық) немесе тәулігіне бір рет 50 мг (ұсынылған дозадан 5 есе артық) қабылдаған ББЦ бар пациенттерде бауыр тарапынан жағымсыз реакциялар жиілігінің дозаға тәуелді ұлғаюы (мысалы, асцит), бастапқы билиарлық холангиттің өршуі, алғаш рет пайда болған сарғаю), сондай-ақ трансаминазалар мен билирубин деңгейінің жоғарылауы (қалыптың жоғарғы шегінен 3 есе артық) байқалды. Артық дозаланған жағдайда мұқият мониторинг жүргізу және қажет болған жағдайда демеуші ем тағайындау қажет.

Дәрілік препараттың бір немесе бірнеше дозасын өткізіп алған кезде қажетті шаралар

Дозаны қабылдауды өткізіп алған жағдайда, өткізіп алған дозаны толықтыру үшін қос дозаны қабылдауға болмайды. Белгіленген кестеге сәйкес дәрі қабылдауды жалғастырыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Қауіпсіздік бейінінің қысқаша сипаттамасы

Ең жиі жағымсыз реакциялар қышыну (63%) және шаршау (22%) болды. Препаратты қабылдауды тоқтатуға әкелген жағымсыз реакциялар обетихол қышқылын титрлеу тобында 1%-ды және 10 мг дозада обетихол қышқылы тобында 11%-ды құрады. Препаратты қабылдауды тоқтатуға әкелетін ең көп таралған жанама реакция қышыну болды. Қышудың көптеген жағдайлары емнің бірінші айы ішінде пайда болды және емді жалғастырған кезде уақыт өте келе қайтымды болды.

Жағымсыз реакциялардың кестелік тізімі

III фазаның клиникалық зерттеуінде обетихол қышқылын қолдану кезінде хабарланған жағымсыз реакциялар MedDRA бойынша жүйелік-ағзалық жіктеу және жиілігі бойынша төмендегі кестеде берілген. Жиіліктер келесідей анықталады: өте жиі (≥ 1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10 000-нан <1/1000-ға дейін), өте сирек (<1/10 000) және белгісіз (қолда бар деректер бойынша бағалау мүмкін емес).

2-кесте. ББЦ бар пациенттерде гіжағымсыз реакциялардың жиілігі

Таңдалған жағымсыз реакциялардың сипаттамасы

Препаратты қабылдауды тоқтату

Емдеуді тоқтатуға алып келетін жағымсыз реакциялар обетихол қышқылын титрлеу тобында 1%-ды (қышыну) және 10 мг обетихол қышқылын қабылдау тобында 11%-ды (қышыну және шаршау) құрады.

Қышыну

III фазаны зерттеуге енгізген кезде пациенттердің шамамен 60%-ының анамнезінде қышыну болған. Емдеуден туындаған қышыну, әдетте, емдеу басталғаннан кейінгі бірінші айда пайда болады.

10 мг обетихол қышқылы тобында тәулігіне бір рет 10 мг қабылдауды бастаған пациенттермен салыстырғанда обетихол қышқылын титрлеу тобындағы пациенттерде қышынудың пайда болу жиілігі неғұрлым төмен (тиісінше 70% және 56%) және қышынумен байланысты қабылдауды тоқтатудың неғұрлым төмен пайызы (тиісінше 10% және 1%) болды.

Араласуды қажет еткен пациенттердің пайызы (мысалы, дозаны түзету, емдеуді тоқтату немесе антигистаминді препараттарды немесе өт қышқылдарын байланыстыратын шайырларды енгізу) 10 мг обетихол қышқылы тобында 41%, обетихол қышқылын титрлеу тобында 34% және плацебо тобында 19%-ды құрады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Үлбірлі қабықпен қапталған әрбір таблетканың құрамында:

белсенді зат – 5.00 мг немесе 10.00 мг обетихол қышқылы;

қосымша заттар: микрокристалды целлюлоза 102 типі (Farmacel 102), натрий крахмалының гликоляты (Primojel Type-A), магний стеараты (Ligamed MF-2-V);

Опадрай® II сары (85F520340) үлбірлі қабығы: поливинил спирті, ішінара гидролизденген, титанның қостотығы (Е171), макрогол (ПЭГ), тальк, темірдің сары тотығы (E 172).

Сыртқы түрінің, иісінің, дәмінің сипаттамасы

Сары түсті үлбірлі қабықпен қапталған, бір жағында «5», екінші жағында «ОР» нақышталған, дөңгелек пішінді таблеткалар (5 мг доза үшін).

Сары түсті үлбірлі қабықпен қапталған, бір жағында «6», екінші жағында «ОР» нақышталған, дөңгелек пішінді таблеткалар (10 мг доза үшін).

Шығарылу түрі және қаптамасы

30 таблеткадан тығыздығы жоғары полиэтилен контейнерге салынған.

Контейнерге өздігінен желімденетін заттаңба жапсырылады.

1 контейнерден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Optimus Pharma Private Limited, Үндістан

Plot No.: 73/B, 73/B/2, EPIP, Pashamylaram Village/Пашамыларам Виллидж, Patancheru Mandal, Sangareddy District - 502307, Telangana State, Үндістан

Тел. +914033889898, электронды пошта info@optimuspharma.com

Тіркеу куәлігінің ұстаушысы

Optimus Pharma Private Limited, Үндістан

Plot No.: 73/B, 73/B/2, EPIP, Pashamylaram Village/ Пашамыларам Виллидж, Patancheru Mandal, Sangareddy District - 502307, Telangana State, Үндістан

Тел. +914033889898, электронды пошта info@optimuspharma.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан, 050043,

Алматы қ., Мирас ш.а., 157, 2-блок, 819 т.е.,

тел.: (727) 311-81-96/97,

электронды пошта: office.secretary@rogersgroup.in

Қазақстан Республикасы дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Канумуру И.Г., Қазақстан, 050043,

Алматы қ., Мирас ш.а., 157, 2-блок, 819 т.е.,

тел.: (727) 311-81-96/97,

электронды пошта: irina.volovnikova@gmail.com