Нупента (40 мг)

Нупента

Пантопразол

Ішекте еритін қабықпен қапталған таблеткалар, 20 мг және 40 мг

Бір таблетканың құрамында:

белсенді зат – 42.292 мг натрий пантопразолы

(40.00 мг пантопразолға баламалы),

21.146 мг натрий пантопразолы

(20.00 мг пантопразолға баламалы),

қосымша заттар: маннитол, кросповидон, сусыз натрий карбонаты,

түйіршіктеуге арналған құрам: сусыз натрий карбонаты,

алдын ала майлауға арналған құрам: кросповидон,

майлауға арналған құрам: кальций стеараты,

қабықтың жабынына арналған құрам: гипромеллоза, повидон, пропиленгликоль, титанның қостотығы (Е171), темірдің (III) сары тотығы (Е172),

ішекте еритін қабықтың құрамы: ұсақталатын метилакрил қышқылы кополимер (Эудрагит L 30 D 55), триэтилцитрат,

сияның құрамы: Black Inc Opacode Black S-1-17823.

Сопақша пішінді, екі жақ беті дөңес, ішекте еритін сары түсті қабықпен қапталған таблеткалар (20 мг дозасы үшін).

Сопақша пішінді, екі жақ беті дөңес, ішекте еритін сары түсті қабықпен қапталған таблеткалар (40 мг дозасы үшін).

Қышқылдық бұзылуына байланысты ауруларды емдеуге арналған препараттар. Ойық жараға қарсы препараттар және гастроэзофагальді рефлюксті емдеуге арналған препараттар. Протонды сорғы тежегіштері. Пантопразол.

АТХ коды А02ВС02

Фармакокинетикасы

Сіңірілуі

Пантопразол ішке қабылданғаннан кейін жылдам және толық сіңіріледі.

Плазмадағы ең жоғары концентрациясына пантопразолдың 40 мг таблеткасын ішу арқылы бір рет қабылдағанда жетеді. Қан плазмасындағы ең жоғары концентрациясына (Сmax) пантопразолдың 40 мг бір таблеткасын қабылдаған соң 2-4 сағаттан кейін (орта есеппен, 2.7 сағаттан кейін) жетеді. Фармакокинетикасы бір рет немесе көп рет қолданғаннан кейін өзгермейді. Абсолютті биожетімділігі 70-80% (орташа 77%). Қатарлас тамақ ішу пантопразолдың биожетімділігіне (AUC немесе Cmax) ықпал етпейді.

Таралуы

Таралу көлемі (Vd) 0,15 л/кг жуықты құрайды. Плазма ақуыздарымен байланысуы 98% жуықты құрайды. Гемато-энцефалдық бөгет (ГЭБ) арқылы өте нашар өтеді, емшек сүтіне бөлінеді. Фармакокинетикасы 10-80 мг дозалар диапазонында дозаға тәуелді (дозаның ұлғаюына пропорционал түрде AUC және Cmax артады).

Метаболизмі

Пантопразол бауырда іс жүзінде толық метаболизденеді (тотығу, деалкилдену, конъюгация). Р450 цитохром жүйесіне аффинділігі төмен. Негізгі метаболизмі CYP2C19 арқылы деметилдену жолымен жүзеге асып, кейіннен сульфатпен қосылады. Басқа метаболизмі CYP3A4 көмегімен тотығуды қамтиды. Негізгі метаболиттері – деметилпантопразол (T1/2 - 1.5 сағ) және 2 сульфатталған конъюгат.

Шығарылуы

Жартылай шығарылу кезеңі (T1/2) – 1 0,9 - 1,9 сағат. Клиренсі 0,1 л/сағ/кг жуықты құрайды. Пантопразолдың париетальді жасушалардың протон сорғысымен спецификалы байланысуынан жартылай шығарылу кезеңі уақыт ұзаруымен өзара байланысты болмайды (қышқылдық сөлінісінің тежелуі).

Пантопразолдың сарысудағы және несептегі негізгі метаболиті дисметилпантопразол болып табылады, ол сульфатпен байланысады. Негізгі метаболиттің жартылай ыдырау кезеңі (1,5 сағатқа жуық) пантопразолға қарағанда көп үлкен емес. Бүйректік элиминация экскрецияның негізгі жолы болып табылады (71% жуық); қалған бөлігі организмнен нәжіспен шығарылады. Жинақталмайды.

Бүйрек жеткіліксіздігі

Бүйрек функциясының бұзылуы бар пациенттерге (пантопразолдың елеусіз мөлшері ғана шығарылатын диализдегі пациенттерді қоса) пантопразол дозасын төмендету ұсынылмайды. Пантопразолдың жартылай шығарылу кезеңі қысқа болады. Пантопразолдың тек өте аздаған мөлшері ғана диализге ұшырайды. Негізгі метаболиттің жартылай шығарылу кезеңі (2-3 сағат) ұзағырақ болса да, бөлінуі жылдам жүреді, осылайша жинақталуы болмайды.

Бауыр жеткіліксіздігі

Бауыр циррозы бар пациенттер үшін (Child-Pugh жіктеуіне сәйкес А және В класы) жартылай шығарылу кезеңінің мәні 7-9 сағатқа дейін және AUC мәні 5-7 есе ұлғайды, қан сарысуындағы ең жоғары концентрациясы дені сау адамдардағымен салыстырғанда 1,5-ке артты.

Егде жастағы пациенттер

Егде жастағылар арасында AUC және Cmax аздаған ұлғаюының клиникалық мәні болған жоқ.

Фармакодинамикасы

Әсер ету механизмі

Протонды сорғының таңдамалы тежегіші. Пантопразол париетальді жасушалардың протон сорғысын спецификалы бөгеу жолымен асқазанда тұз қышқылы сөлінісін тежейтін орын алмасқан бензимидазол болып табылады. Пантопразол париетальді жасушалардың қышқыл ортасында асқазандағы тұз қышқылы өндірілуінің соңғы сатысында H+, K+-АТФаза ферменттерін тежейтін өзінің белсенді түріне айналады. Тежегіш әсері дозаға тәуелді және тұз қышқылының базальді және стимуляцияланған сөлінісіне әсер етеді.

Ең жоғары әсері қатты қышқыл ортада ғана (pH 3) білінеді (рН жоғарырақ мәндерінде іс жүзінде белсенді емес болып қалады). Бір рет қабылдағаннан кейін емдік әсері тез басталады және 24 сағат бойы сақталады. Пациенттердің көбінде клиникалық әсеріне 2 апта ішінде жетеді. Басқа да протон сорғысы тежегіштерімен және H2 рецепторлары тежегіштерімен емдегендегі сияқты пантопразолмен емдеу асқазан қышқылдығын төмендетеді, және осылайша гастрин деңгейін қышқылдығының төмендеуіне пропорционал түрде жоғарылатады. Гастрин деңгейінің жоғарылауы – қайтымды үдеріс. Жасушалық рецептор деңгейіне қатысты пантопразол шеткері ферментпен байланысатындықтан ол тұз қышқылының сөлінісін басқа заттармен (ацетилхолин, гистамин, гастрин) стимуляциясына байланыссыз тежейді.

Пантопразол қабылдағанда ашқарындағы гастрин деңгейі жоғарылайды. Қысқа мерзімді пайдаланғанда көп жағдайларда ол қалыптың жоғарғы шегінен аспайды. Көп жағдайларда ұзақ емдегенде гастрин деңгейі екі есе артады. Алайда, шамадан тыс жоғарылағаны тек қана жеке-дара жағдайларда бақыланды. Осының нәтижесінде, ұзақ емдегенде (жеңілден аденоматоидты гиперплазияға дейін) асқазанда эндокриндік жасушалар мөлшері (ECL) сирек жағдайларда ұлғаяды (елеусізден айқындығы орташаға дейін).

12 жастан асқан балалар және ересектер

- гастроэзофагеальді рефлюкстік аурумен (ГЭРА) байланысты эрозиялық эзофагитті емдеу;

- Золлингер-Эллисон синдромын қоса, патологиялық гиперсекреторлық жай-күйлер

Нупента таблеткалары шайнауға немесе езуге арналмаған, оларды сумен іше отырып, тамақ ішуден бір сағат бұрын тұтас жұту керек.

Гастроэзофагеальді рефлюкстік аурумен (ГЭРА) байланысты эрозиялық эзофагитті емдеу

Нупента ересектерге және 12 жастан асқан балаларға қысқа мерзімдік (8 аптаға дейін) емдеу үшін қолданылады.

Ересек пациенттерде тиімділігі болмаған жағдайда, пантопразолдың қосымша 8 апталық курсы қарастырылуы мүмкін. Педиатриялық науқастарда 8 аптадан артық емдеудің қауіпсіздігі анықталмаған.

Пантопразолдың ұсынылатын дозалары 1-кестеде көрсетілген.

1-кесте

** * Ересек пациенттерде 8 апта емдеудің тиімділігі болмаған жағдайда, қосымша 8 апталық курсы қарастырылуы мүмкін.

** Сызбаның дозалануы пациенттің жеке қажеттілігін ескере отырып түзетілуі тиіс.

Бауыр жеткіліксіздігі

Бауыр функциясының айқын бұзылуы бар пациенттерде препараттың тәуліктік дозасы 20 мг-ден аспауы тиіс.

Пантопразол, баяу босап шығатын таблеткалар үшін препараттың клиникалық сынақтарында байқалған жағымсыз реакциялардың бейіні мен жиілігі 2-кестеде көрсетілген

2-кесте

Пантопразол үшін клиникалық сынақтарда ≤ 2% жиілікпен тіркелген жағымсыз реакциялар төменде келтірілген:

Жалпы: аллергиялық реакция, пирексия, фотосезімталдық реакциясы, беттің ісінуі

Асқазан-ішек жолы: іш қату, ауыздың кеберсуі, гепатит

Гематологиялық: лейкопения, тромбоцитопения

Метаболизмдік: креатинкиназаның жоғарылауы, жайылған ісіну, триглицеридтер деңгейінің жоғарылауы, бауыр ферменттері деңгейінің жоғарылауы

Тірек-қимыл аппараты: миалгиялар

Жүйке жүйесі: депрессия, бас айналу

Тері және теріасты шелдері: есекжем, бөртпе, қышыну

Көру мүшесі: анық көрмеу

Ересектерде байқалған пантопразолға жағымсыз реакциялардың барлығы педиатриялық пациенттер үшін де орын алады деп саналады. Ең жиі мәлімделген (> 4%) жағымсыз реакцияларға жататындар: бас ауыруы, қызба, диарея, құсу, бөртпе және іштің ауыруы.

Клиникалық сынақтарда педиатриялық науқастар тобында ≤ 4% жиілікпен тіркелген пантопразол үшін қосымша жағымсыз реакциялар төменде келтірілген:

Жалпы: аллергиялық реакция, беттің ісінуі

Асқазан-ішек жолы: іш қату, метеоризм, жүрек айну.

Метаболизмдік: триглицеридтер деңгейінің жоғарылауы, бауыр ферменттері деңгейінің жоғарылауы, креатинкиназаның жоғарылауы

Тірек-қимыл аппараты: артралгиялар, миалгиялар

Жүйке жүйесі: бас айналу, вертиго

Тері және теріасты шелдері: есекжем және тіндердегі теріасты бұзылыстары

Клиникалық сынақтарда ересектерде байқалған келесі жағымсыз реакциялар клиникалық сынақтарда педиатриялық пациенттер тобында байқалған жоқ, бірақ балаларда да орын алады және байқалады деп есептеледі: фотосезімталдық реакциясы, ауыздың кеберсуі, гепатит, тромбоцитопения, жайылған ісіну, депрессия, қышыну, лейкопения және анық көрмеу.

Төменде олардың постмаркетингтік бақылау барысында байқалған кездесу жиілігі бойынша жағымсыз реакциялар келтірілген: өте жиі ( 1/10); жиі ( 1/100 -  1/10 дейін); жиі емес ( 1/1000 -  1/100 дейін); сирек (  1/10000 -  1/1000 дейін); өте сирек ( 1/10000); белгісіз (қолда бар деректер бойынша бағалау мүмкіндігі жоқ).

Жиі емес

- ұйқының бұзылуы

- бас ауыру, бас айналу- ауыздың кеберсуі, іш тұсының ауыруы және жайсыздық, диарея, жүрек айну, құсу, іштің кебуі, іш қату

- бауыр ферменттері деңгейінің жоғарылауы (трансаминаза, γ-GT)

- бөртпелер, экзантема, тері қышынуы, терідегі бөртпе

- ортан жілік, білезік және омыртқа бағанының сынуы

- жалпы әлсіздік, шаршау, қажығыштық және өзін нашар сезіну

Сирек

- агранулоцитоз

- препараттың белсенді және қосымша компоненттеріне жоғары сезімталдық (анафилаксиялық реакцияны және анафилаксиялық шокты қоса)

- гиперлипидемия, триглицеридтер деңгейінің, холестериннің жоғарылауы

- билирубин мөлшерінің жоғарылауы

- салмақтың өзгеруі

- дәм сезу бұзылыстары

- депрессия (және қатар жүретін барлық асқынулар)

- көрудің бұзылуы/анық көрмеу

- есекжем, ангионевроздық ісіну

- артралгиялар, миалгиялар

- гинекомастия

- дене температурасының көтерілуі, шеткері ісінулер

Өте сирек

- тромбоцитопения, лейкопения, панцитопения

- ашушаңдық

- кеңістіктегі бағдарды жоғалту (және онымен байланысты барлық асқынулар)

Жиілігі белгісіз

- гипонатриемия, гипомагниемия

- гипокальциемия, гипокалиемия

- елестеулер, сананың шатасуы (әсіресе осындай жай-күйлерге бейім

пациенттерде, сондай-ақ, егер олар емдеуді бастағанға дейін бар болса, осы симптомдардың нашарлауы)

- парестезиялар

- гепатоцеллюлярлық зақымданулар, сарғаю, гепатоцеллюлярлық

жеткіліксіздік

-  Стивенс–Джонсон синдромы, Лайелл синдромы, полиморфты эритема,

жарыққа сезімталдық

- бұлшықет түйілуі, электролиттік теңгерімнің бұзылуының салдары ретінде

- гематурия, ісінулер, белсіздік

- интерстициальді нефрит

- пантопразолға және препараттың басқа компоненттеріне, басқа орын басқан бензимидазолдарға аса жоғары сезімталдық

- пантопразолды атазанавирмен немесе нелфинавирмен бірге қолдану

- жүктілік және лактация кезеңі

- 12 жасқа дейінгі балалар

- фруктоза жақпаушылығы

Антиретровирустық препараттар

Атазанавир немесе нелфинавирді протонды сорғы тежегіштерімен бірге пайдалану ұсынылмайды. Атазанавирді немесе нелфинавирді протонды сорғы тежегіштерімен бірге енгізу атазанавирдің немесе нелфинавирдің плазмадағы концентрацияларын едәуір төмендетеді деп күтіледі және емдік әсердің жоғалуына және дәріге төзімділіктің дамуына әкелуі мүмкін.

Кумариндік антикоагулянттар (варфарин)

Варфаринді протонды сорғы тежегіштерімен бірге қолданғанда Халықаралық қалыптасқан қатынас (ХҚҚ немесе INR) өзгерістерінің бірнеше жеке жағдайлары байқалған. Сондықтан кумаринді антикоагулянттармен (мысалы, варфаринмен) ем қабылдайтын науқастар үшін бастағаннан кейін, аяқталғаннан кейін немесе пантопразолды жүйесіз қолдану кезінде протромбинді уақытты /ХҚҚ қадағалау ұсынылады.

Клопидогрел

Пантопразол мен клопидогрелді дені сау адамдарда қатар тағайындаудың клопидогрелдің белсенді метаболитінің немесе клопидогрелмен тежелген тромбоциттердің әсері кезінде клиникалық елеулі әсері болған жоқ. Пантопразолдың бекітілген дозасымен енгізген кезде клопидогрелдің дозасын түзету қажет емес.

Асқазан рН-ы биожетімділігіне әсер етуі мүмкін препараттар

Пантопразол асқазандағы қышқыл сөлінісінің ұзақ тежелуін туындатады. Осылайша, пантопразол асқазан рН-ы олардың биожетімділігінің маңызды детерминанты болып табылатын дәрілердің сіңірілуіне кедергі болуы мүмкін (мысалы, кетоконазол, ампициллин эфирлері және темір тұздары).

ТГК-дегі (тетрагидроканнабинол) жалған оң несеп талдаулары

Протонды сорғы тежегіштерін қабылдаған пациенттерде тетрагидроканнабинолда (ТГК) несеп скринингінде жалған оң тесттер туралы мәлімделді. Оң нәтижелерді тексеру үшін баламалы растаушы әдісті қарастыру керек.

Метотрексат

Метотрексаттың жоғары дозаларын және протонды сорғы тежегіштерін бір мезгілде қолдану кейбір науқастарда метотрексат деңгейінің және/немесе оның метаболиті гидроксиметотриксаттың ұлғаюына әкеледі. Алайда, метотрексат препаратының протонды сорғы тежегіштерімен өзара әрекеттесуіне ешқандай ресми зерттеулер жүргізілген жоқ.

Фруктоза жақпаушылығы

Сирек тұқым қуалайтын бұзылыстары және фруктоза жақпаушылығы бар пациенттер Нупентаны қабылдамауы керек.

Асқазандағы бір мезгілдегі қатерлі жаңа түзілімдер

Пантопразолмен емге симптоматикалық жауап асқазанда қатерлі жаңа түзілімнің болуын жоққа шығармайды.

Осыған байланысты, емдеуді бастар алдында қатерлі жаңа түзілімнің ықтималдығын жоққа шығару керек.

Атрофиялық гастрит

Атрофиялық гастрит кейде пантопразолды ұзақ уақыт қабылдаған пациенттерде биопсия кезінде байқалған.

Цианокобаламин (B12 дәрумені) тапшылығы

Золлингер-Эллисон синдромынан және басқа ұзақ емдеуді қажет ететін патологиялық гиперсекреторлық аурулардан зардап шегетін пациенттерде, пантопразол, қышқылды бөгейтін барлық дәрілік заттар сияқты, гипо- немесе ахлоргидрияға байланысты B12 дәруменінің (цианокобаламиннің) сіңуін төмендетуі мүмкін. Бұл ұзақ емдеген кезде немесе қатар жүретін клиникалық симптомдар болған кезде B12 дәруменінің қоры азайған немесе сіңірілуі төмендеген қауіп факторлары бар пациенттерде ескерілуі тиіс.

Clostridium difficile тудырған диарея

Обсервациялық зерттеулердің жарияланған нәтижелері протонды сорғы тежегіштерімен (пантопразолмен) емдеудің, әсіресе ауруханаға жатқызылған пациенттерде Clostridium difficile тудырған диарея қаупінің жоғарылауымен байланысты болуы мүмкін екенін көрсетеді. Бұл диагнозды емге жауабы жоқ диарея кезінде қарастыру керек. Пациенттер емделетін жай-күйге сәйкес протонды сорғы тежегіштерімен емнің барынша қысқа мерзімін және ең төмен дозаны пайдалануы тиіс.

Сүйектердің сынуы

Жарияланған бірнеше обсервациялық зерттеулер протонды сорғы тежегіштерімен (ПСТ) емдеу остеопорозға байланысты, әсіресе егде жастағы адамдарда немесе басқа қауіп факторлары болған кезде ортан жілік, білезік және омыртқа бағанының сыну қаупін аздап ұлғайтуы мүмкін екенін көрсетеді. Препараттың жоғары дозаларын немесе ұзақ уақыт ем алған пациенттерде сыну қаупі жоғарылады. Пациенттер емделетін жай-күйге сәйкес ПСТ-мен емнің барынша қысқа мерзімін және ең төмен дозаны пайдалануы тиіс.

Гипомагниемия

Гипомагниемияның ауыр түрі протонды сорғының тежегіштерімен кемінде үш ай бойы ем қабылдайтын пациенттерде кездеседі. Қажығыштық, тетания, қозғыштық, құрысулар, бас айналуы және қарыншалық аритмия түрінде білінетін психикалық бұзылыстар сияқты гипомагниемияның күрделі белгілері де осы дәрілік затты қолдануға байланысты басталуы мүмкін, бірақ олар елеусіз өтуі және нәтижесінде диагностикаланбауы да мүмкін. Пациенттердің көпшілігінде гипомагниемия магниймен орын басушы емнен және протон сорғысының тежегіштерін қолдануды тоқтатқаннан кейін жақсарады.

Ұзақ емдеу ұсынылған немесе протонды сорғы тежегіштерін дигоксинмен немесе гипомагниемия туындатуға ықпалды дәрілік заттармен (мысалы диурездік дәрілер) бірге қабылдайтын пациенттер үшін протонды сорғының тежегіштерін қолдануды бастағанға дейін, сондай-ақ ем уақытында магний деңгейін өлшеу жөнінде емдеуші дәрігердің ұсыныстары керек.

Бауыр жеткіліксіздігі

Тәулігіне 40 мг-ден жоғары дозалар бауыр функциясының бұзылуы бар науқастарда зерттелген жоқ.

Ауыр бауыр жеткіліксіздігінен зардап шегетін пациенттерде Нупентамен ем кезінде, әсіресе ұзақ емдеуде, мезгіл-мезгіл бауыр ферменттері деңгейіне мониторинг жүргізу керек. Бауыр ферменттері деңгейі жоғарылаған жағдайда емді тоқтата тұру керек.

Балаларда қолданылуы

Нупента қауіпсіздігі мен тиімділігі туралы деректер жеткіліксіз болғандықтан 12 жасқа толмаған балаларға қолдану үшін ұсынылмайды.

Жүйелі қызыл жегі

Протонды сорғы тежегіштерін қолдануды, өте сирек жағдайларда жүйелі қызыл жегінің (ЖҚЖ) жеделдеу терілік түрінің дамуымен байланыстырады. Бұл өзгерістер көбінесе терінің ашық жерлерінде күн сәулесінің әсерінен болады, егер олар буындардың ауыруымен қатар жүрсе, пациент препаратты тоқтату қажеттілігі туралы мәселені шешу үшін дер кезінде дәрігерге жүгінуі тиіс. Анамнезінде осындай реакциялары бар пациенттерде басқа протонды сорғы тежегіштерін қолданған кезде ЖҚЖ даму қаупі жоғары.

Үрейлі симптомдар болуы

Үрейлі симптомдар дамыған жағдайда (мысалы, дене салмағының елеулі жоғалуы, мезгіл-мезгіл құсу, жұтудың бұзылыстары, гематемезис, анемия немесе мелена) немесе асқазанның ойық жарасына күдік болғанда/ойық жарасы болғанда қатерлі үдерістің бар-жоғын анықтау керек, өйткені Нупентамен емдеу симптомдарды әлсіретуі және кешеуілдеген диагностикалауға әкелуі мүмкін.

Егер тиісінше жүргізілген емге қарамастан симптомдар сақталса, қосымша зерттеулер жүргізу керек.

Егде пациенттер

65 жастағы және одан асқан науқастарда жағымсыз реакциялардың және зертханалық бұзылыстардың көрсеткіштері 65 жасқа толмаған пациенттермен байланысты жағдайларға ұқсас болды. Егде пациенттерге дозаны түзету қажет емес.

Жынысы

Жағымсыз реакциялармен ауыру көрсеткіштері еркектер мен әйелдерде бірдей болды.

Жүктілік

Нупентаны, егер тек бұлай қабылдау аса қажет болып табылмаса, жүктілік уақытында қолдану ұсынылмайды.

Лактация кезеңі

Зерттеулер пантопразолдың әйелдерде емшек сүтіне бөлінетінін көрсетті. Осылайша, Нупентаны емшек емізу кезеңінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Бас айналу және көрудің бұзылуы мүмкін болғандықтан, жоғары зейін қоюды қажет ететін көлік құралдарын және басқа механизмдерді басқарудан тартына тұру керек.

Препараттың құрамында маннитол бар болғандықтан, орташа іш жүргізетін әсерін тудыруы мүмкін.

Симптомдары: жағымсыз әсерлерінің айқындығы күшеюі.

Емі: препаратты тоқтату. Арнайы антидоты жоқ. Симптоматикалық ем. Препарат гемодиализ арқылы шығарылмайды.

Шығарылу түрі және қаптамасы

7 таблеткадан алюминий фольгадан (Alu/Alu) жасалған пішінді ұяшықты қаптамаға салынады.

4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ, жарықтан қорғалған жерде 250С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы және елі

Macleods Pharmaceuticals Limited

304, Atlanta Arcade, Marol Church Road, Andheri (East), Mumbai – 400 059, India.

Тіркеу куәлігінің ұстаушысы

Macleods Pharmaceuticals Limited, Үндістан

Қаптаушы ұйымның атауы және елі

Macleods Pharmaceuticals Limited, Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Macleods Pharmaceuticals Limited» ЖШК филиалы, Қазақстан Республикасы

Алматы қ., Төлебаев к-сі 38/61, 5-қабат

Тел./факс. +7 727 2734593, 8 7011100343

E-mail: danielt@macleodspharma.com