Нормакс
Инструкция
-
русский
-
қазақша
Саудалық атауы
Нормакс
Халықаралық патенттелмеген атауы
Норфлоксацин
Дәрілік түрі
Көз және құлақ тамшылары 0,3% 5 мл
Құрамы
1 мл ерітіндінің құрамында:
белсенді зат – 3,0 мг норфлоксацин,
қосымша заттар: динатрий эдетаты, натрий хлориді, бензалконий хлориді, мұздатылған сірке қышқылы, инъекцияға арналған су.
Сипаттамасы
Механикалық қоспаларсыз түссіз немесе аздап-сарғыштау түсті мөлдір сұйықтық.
Фармакотерапиялық тобы
Офтальмологиялық және отологиялық ауруларды емдеуге арналған препараттар. Микробтарға қарсы препараттар.
АТХ коды SO3AА
Фармакологиялық қасиеттері
Фармакокинетикасы
Препараттың сіңу жүйесі төмен болғандықтан фармакокинетикалық зерттеулер жүргізілген жоқ.
Фармакодинамикасы
Фторхинолондар тобындағы бактерияға қарсы препараттар. Кең ауқымда бактерицидтік әсер етеді. Бактерияның ДНҚ-гираза ферментін тежейді, соның салдарынан ДНҚ репликациясы және бактерияның жасушалық ақуыздар синтезі бұзылады.
Грамтеріс бактерияларға қатысты белсенділігі жоғары: Escherichia coli, Salmonella spp., Shigella spp., Proteus spp. (индол оң және индол теріс), Morganella morganii, Citrobacter spp., Klebsiella spp., Enterobacter spp., Yersinia enterocolitica, Vibrio spp., Campylobacter spp., Hafnia spp., Providencia stuartii, Haemophilus influenzae, Pasteurella multocida, Pseudomonas spp., Gardnerella spp., Legionella pneumophila, Neisseria spp., Moraxella catarrhalis, Acinetobacter spp., Brucella spp., Chlamydia spp.
Грамоң бактерияларға қатысты белсенді: Staphylococcus spp., Streptococcus spp., Corynebacterium diphtheriae, Listeria monocitogenes.
Қолданылуы
Препаратқа сезімтал микроорганизмдер туындатқан көз және құлақтың жедел және созылмалы инфекциялық-қабынбу ауруларын емдеу үшін:
- конъюнктивитте (гонококктікті қоса), кератит
- кератоконъюнктивитте
- корнеальді ойық жарада
- блефаритте
- блефароконъюнктивитте
- сыртқы отитте
- жедел және созылмалы ортаңғы отитте
- ішкі отитте
- инфекциялық евстахиитте
Мөлдір қабықтан немесе конъюнктивадан бөгде денені алып тастағаннан кейін, химиялық немесе физикалық заттардан зақымданғаннан кейін, хирургиялық араласуларға дейін және кейін көз инфекциясының профилактикасында
Хирургиялық араласуларға дейін және кейін, құлақтың жарақаттануында, құлақ тіндерінің зақымдануы қатар жүретін сыртқы есту жолына бөгде денені алып тастағаннан кейін инфекциялық отиттердің профилактикасында
Қолдану тәсілі және дозалары
Зақымданған көзге немесе құлаққа күніне 4 рет 1-2 тамшыдан тағайындайды. Қажет болған кезде қолданудың бірінші күнінде доза 1-2 тамшыдан тәулігіне 4-6 ретке дейін әр 2 сағат сайын арттырылуы мүмкін. Ауру симптомдары қайтқаннан кейін препаратты қолдануды келесі 48 сағат бойына жалғастыру керек. Жедел және созылмалы трахомада 1-2 ай бойы әр көзге 2-4 рет 2 тамшыдан тағайындайды.
Жергілікті, күніне әр құлаққа 1-2 тамшыдан 4 рет. Жұқпа жұқтырылуының дәрежесіне байланысты бірінші күні доза әрбір 2 сағат сайын 1-2 тамшыдан.
Нормакс тамшысын құлаққа тамызардың алдында сыртқы есту жолына санация жасау керек. Тамшылар дене температурасындай болу керек. Тамызу жеңіл болу үшін пациент бүйірінен жату немесе басын шалқайту керек. Тамызғаннан кейін құлақ сырғалығын төмен және артқа қарай тартып, тамшының есту жолына өтуіне мүмкіндік беріңіз. Басты шамамен 2 минуттай көрсетілген бағытта ұстау керек. Сыртқы есту жолына мақталы турунданы салуға болады. Симптомдар қайтқаннан кейін 48 сағат бойы жалғастыру керек.
Жағымсыз әсерлері
- анорексия, жүрек айнуы, қыжыл, іштің ауыруы, диарея
- бас ауыруы, бас айналуы, шаршағанды сезіну, ұйқының бұзылуы, ашушаңдық, үрейленуді сезіну
- аллергиялық реакциялар: тері бөртпесі, қышыну, Квинке ісінуі
- интерстинальді нефрит
- конъюктива гиперемиясы, көз қарығу, күйдіру, хемоз, ауызда ащы дәм тату.
Қолдануға болмайтын жағдайлар
- препарат компоненттеріне немесе басқа да фторхинолондарға жоғары сезімталдық
- жүктілік, лактация кезеңі
- балалар және 16 жасқа дейінгі жасөспірімдер
Дәрілермен өзара әрекеттесуі
Нормакс физикалық немесе химиялық тұрақтылығы жоқ, рН 3-4 мәнді дәрілік препараттармен сыйымсыз.
Айрықша нұсқаулар
Емдеу кезеңінде науқастар сұйықтықтың жеткілікті мөлшерін алулары тиіс (диурезді бақылауда ала отырып). Емдеу кезеңінде протромбин индексі артуы мүмкін (хирургиялық араласуларды жүргізген кезде қан ұю жүйесінің жағдайын бақылау керек). Емделу кезеңінде тікелей күн сәулесінің түсуінен аулақ болу керек.
Ми қантамырларының атеросклерозында, ми қан айналымының бұзылуында, эпилепсияда, шығу тегі басқа құрысу синдромында, бүйрек, бауыр жеткіліксіздігінде абайлап қолдану керек.
Көлік құралын және қауіпті механизмдерді басқару қабілетіне ықпал ету ерекшеліктері
Автокөлікті жүргізген кезде және зейін жұмылдырудың жоғарылығын және жылдам психомоторлық реакцияларды талап ететін жұмыстың басқа түрлерінде (әсіресе бір мезгілде этанолды пайдаланған кезде) абай болу керек.
Артық дозалануы
Симптомдары: байқаусызда тамшыны ішіп қойған жағдайда жүрек айнуы, құсу, диарея, бас ауыруы, бас айналуы, үрейленуіді сезіну болуы мүмкін.
Емі: симптоматикалық ем; организмге сұйықтықтың жеткілікті мөлшерде жетуін, кристаллурияның алдын алу үшін несептің қышқылдық реакциясын туғызуды қамтамасыз ету.
Шығарылу түрі және қаптамасы
Алғашқы ашылуы бақыланатын немесе бұралатын қақпақты құтыны тесуге арналған ұшы бар бұралатын қақпақпен тығындалған, тамшылатқыш-тығыны бар күңгірт шыны құтыда немесе пластмассалы тамшылатқыш-құтыда препарат 5 мл-ден.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
Құрғақ, жарықтан қорғалған жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейін 42 күннен асырмай сақтау керек.
Жарамдылық мерзімі өткеннен кейін пайдалануға болмайды!
Дәріханалардан босатылу шарттары
Рецепт арқылы
Өндіруші
«Ipca Laboratories Limited», Үндістан
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
Алматы қ., Құрманғазы к-сі, 48 а, 10 кеңсе
тел.: 261-51-41
факс.: 261-44-66
regulatory@kazeuropharm.com