НООФЕН® (NOOPHENUM®) 100

НООФЕН® (NOOPHENUM®) 100

Жоқ

Ішке қабылдау үшін ерітінді дайындауға арналған ұнтақ, 100 мг

Бір пакеттің ішінде

белсенді зат – 100 мг фенибут (-амин--фенилмай қышқылы гидрохлориді) бар.

қосымша заттар: мaннитол, тауматин, «Orange Durarome» хош иістендіргіші.

Ақ немесе сарғыш реңді ақ дерлік түсті ұнтақ. Сары түсті қоспаға жол беріледі.

Психоаналептиктер. Психостимуляторлар және ноотроптар. Басқа да психостимуляторлар және ноотроптар. Фенибут.

АТХ коды N06ВX22

Фармакокинетикасы

Сіңірілуі және таралуы

Ішке қабылдағаннан кейін препарат асқазан-ішек жолынан жақсы сіңіріледі және организмнің барлық тіндеріне еніп, гематоэнцефалдық бөгеттен өтеді. Ми тініне препараттың енгізілген дозасының 0,1 %-ға жуығы өтеді, жас және егде жастағы адамдарда ересектерге қарағанда дәрежесі жоғарылау болуы мүмкін. Препарат қандағы ең жоғарғы концентрациясына 3 сағаттан соң жетеді. Байланысуының көп бөлігі бауырда жүреді (80 %), бұл байланысы спецификалық болып табылмайды.

Метаболизмі және шығарылуы

Дозасының 80-95 %-ы бауырда фармакологиялық белсенді емес метаболиттеріне дейін метаболизденеді. Шамамен 5 %-ы бүйрекпен өзгеріссіз күйде шығарылады. Жартылай шығарылу кезеңі 5 сағатты құрайды. Қайталап енгізген кезде жинақталуы байқалмайды.

Фармакодинамикасы

Ноофеннің әсер етуші заты бұл -аминмай қышқылы (ГАМҚ) мен фенилэтиламиннің туындысы

Басым түсетін әсерлері оның гипоксияға қарсы және амнезияға қарсы әсері болып табылады. Ноофен ноотроптық белсенділікке ие, ал ГАМҚ туындысы ретінде транквилизациялаушы әсерді иеленеді, оқу және есте сақтауды жақсарту үдерістерін стимуляциялайды, дене еңбегіне қабілеттілікті арттырады, ширығуды, үрейді, қорқынышты басады және ұйқыны жақсартады, ұйықтататын дәрілердің, есірткілік анальгетиктердің, нейролептикалық және құрысуға қарсы дәрілердің әсерлерін ұзартады және күшейтеді. Холино- және адренорецепторларға әсер етпейді. Ноофен нистагмның латенттік кезеңін ұзартады және ұзақтығы мен айқындығын азайтады. Ноофен астения көріністері мен вазовегетативтік симптомдарды, соның ішінде бас ауыруын, бастағы ауырлық сезімін, ұйқының бұзылуын, ашушаңдықты, көңіл-күйдің құбылмалылығын едәуір төмендетеді және ақыл-ой еңбегіне қабілеттілікті арттырады. Психикалық көрсеткіштер (зейін, жады, сенсорлық-моторлық реакциялардың жылдамдығы мен дәлдігі) транквилизаторлардың әсерінен гөрі, Ноофеннің әсерінен жақсара түседі. Астениясы бар пациенттер мен көңіл-күйі құбылмалы пациенттерде емдеудің алғашқы күндерінен-ақ науқас өзін жақсы сезіне бастайды, қызығушылық пен ынтасы жоғарылайды, тыныштандыратын әсерсіз немесе қозусыз белсенді әрекеттерге ұмтылыс артады.

Балаларда

- астениялық және үрейлі-невроздық жағдайларда: мазасыздық, қорқу, үрейлену; маза бермейтін жай-күйлермен жүретін невроз, психопатия

- тұтығуды, энурезді, тартылуларды емдеуде

- операциялар немесе ауырсынумен жүретін диагностикалық зерттеулер алдындағы стресс жағдайларының профилактикасы үшін

- вестибулярлық аппараттың шығу тегі әр түрлі дисфункциясымен байланысты бас айналуында, тербелудің профилактикасы үшін

Пакеттің ішіндегісін жарты стақан жылы суда ерітеді және тамаққа дейін ішеді. Емдеу курсы 2-6 аптаны құрайды.

3 жастан 4 жасқа дейінгі балаларға күніне 2 рет 100 мг (1 пакет), 5 жастан 6 жасқа дейінгі балаларға – күніне 2-3 рет 100 мг, 7 жастан 10 жасқа дейінгі балаларға – күніне 3-4 рет 100 мг, 11 жастан 14 жасқа дейінгі балаларға – күніне 2-3 рет 200 мг-ден (2 пакет) тағайындайды.

14 жастан асқан балаларға Ноофен дәрілік затының ересектерге арналған дозасы 250 мг таблеткаларын, Ноофен 250 мг капсулаларын немесе ішу үшін ерітінді дайындауға арналған Ноофен 500 мг ұнтағын тағайындайды.

Балаларға арналған бір реттік жоғары дозалары: 6 жасқа дейін – 100 мг, 7 жастан 10 жасқа дейін – 200 мг, 11 жастан 14 жасқа дейін – 300 мг.

Пациенттердің ерекше топтары

Бауыр функциясының бұзылулары бар пациенттерге Ноофен препаратының жоғары дозалары гепатоуыттылық туғызуы мүмкін. Аталған топтағы пациенттерге азғантай тиімді дозалары тағайындалады.

Ноофен препаратының емдік дозаларын қабылдағанда бүйрек функциясының бұзылулары бар пациенттерге жағымсыз әсер ететіні туралы деректер жоқ.

Дәрілік затқа үйренісу мен тәуелділік байқалмайды, «тоқтату синдромы» жоқ.

Егер қабылдауды өткізіп алсаңыз, препаратты есіңізге түскен бойда қабылдаңыз, бірақ келесі қабылдаудың уақыты жақындап қалса, өткізіп жіберіңіз. Ешқашан екі есе дозасын қабылдамаңыз.

Ноофен әдетте жақсы көтерімді.

Ұнамсыз жағымсыз реакцияларының даму жиілігіне байланысты классификациясы: өте жиі (≥ 1/10); жиі (≥ 1/100 - < 1/10 дейін); жиі емес (≥ 1/1000 - < 1/100 дейін); сирек (≥ 1/10 000 - < 1/1000 дейін); өте сирек (< 1/10 000); пайда болуы жиілігі белгісіз (қолжетімді деректер бойынша анықтау мүмкін емес).

Сирек

- аллергиялық реакциялар (тері бөртпесі, қышыну)

Пайда болу жиілігі белгісіз (қолжетімді деректер бойынша анықтау мүмкін емес)

- ұйқышылдық, ашушаңдықтың күшеюі, қозу, үрейлену (емдеудің басында)

- жүрек айнуы (емдеудің басында)

- бас ауыруы, бас айналуы (күніне 2 г асатын дозаларында қабылдағанда; дозасын төмендеткен кезде жағымсыз әсерлерінің айқындығы азаяды)

- гепатоуыттылық (жоғары дозаларын ұзақ уақыт қолданғанда).

Балаларда, дәрілік затты дұрыс қолданбаған кезде, эмоционалдық тұрақсыздық пен ұйқының бұзылуы байқалуы мүмкін екендігі туралы деректер бар.

Егер Сізде осы нұсқаулықта көрсетілмеген қандай-да бір жағымсыз әсерлер пайда болса, немесе жоғарыда аталған әсерлердің қандай-да біреуінің айқындығы өте күшті болса, дәрігерге қаралуыңызды өтінеміз.

- препараттың әсер етуші затына немесе қосымша заттарына жоғары сезімталдық

Ноофенді психотроптық препараттармен, Ноофен препаратының және онымен үйлестірілетін дәрілік заттардың дозасын азайта отырып біріктіруге болады.

Ұйықтататын дәрілердің, есірткілік анальгетиктердің, паркинсон ауруына қарсы дәрілердің, транквилизаторлар мен нейролептиктердің әсерін ұзартады және күшейтеді.

Препараттың тітіркендіргіш әсеріне байланысты, асқазан-ішек жолының эрозиялы-ойық жаралы аурулары бар науқастарға сақтық таныту керек. Ол науқастарға препараттың азғантай дозалары тағайындалады. Ұзақ уақыт қолданғанда бауыр функциясының көрсеткіштері мен шеткері қан көрінісін бақылау қажет.

Препараттың 3 жасқа дейінгі балаларда қолданылуы зерттелген жоқ.

Артық дозаланған жағдайлары белгісіз. Препараттың уыттылығы аз.

Симптомдары: ұйқышылдық, жүрек айнуы, құсу, бас айналуы. Жоғары дозаларын ұзақ уақыт қолданғанда эозинофилия, артериялық гипотензия, бауырдың майлы дистрофиясы, бүйрек функциясының бұзылуы дамуы мүмкін.

Емі: уланған жағдайда асқазанды шаю, белсендірілген көмірді қабылдау, демеуші және симптоматикалық ем жүргізіледі. Спецификалық антидоты белгісіз.

Артық дозаланғанына күдіктенген жағдайда дәрігер шақырту қажет.

Шығарылу түрі және қаптамасы

1.0 г препараттан ламинаттан жасалған пакеттерге салынған.

15 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Құрғақ жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

2 жыл

Препаратты жарамдылық мерзімі өткеннен кейін қолдануға болмайды.

Рецепт арқылы

Өндіруші

«ОЛАЙНФАРМ» АҚ

Мекенжайы: Рупницу к-сі 5, Олайне, LV-2114, Латвия.

Тіркеу куәлігін ұстаушы

«ОЛФА» ЖШҚ

Мекенжайы: Данькевич к-сі 4, Киев, 02232, Украина.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы):

«Олайнфарм» АҚ өкілдігі

050009 Алматы қ., Абай д-лы 151/115, 807 кеңсе

Телефон / факс 007 727 333 46 52

E-mail olainfarm.instr@mail.ru