Нолгрипп®

Нолгрипп®

Жоқ

Дәрілік түрі, дозалануы

Таблеткалар

Жүйке жүйесі. Анальгетиктер. Басқа анальгетиктер антипиретиктер. Анилидтер. Парацетамол, біріктірілімдері, психолептиктерді қоспағанда.

ATХ коды N02BE51

- жоғары температурамен, қызбамен, бас ауыруымен, дененің ауыруымен, тұмауратумен, мұрын бітелуімен қатар жүретін ЖРВИ, тұмаудың симптоматикалық емі үшін

Қолданудың басталуына дейін қажетті мәліметтер тізбесі

- әсер етуші заттарына немесе қосымша заттарының кез келгеніне аса жоғары сезімталдық

- құрамында препарат құрамына кіретін заттар бар басқа препараттарды бір мезгілде қабылдау

- трициклдық антидепрессанттарды, бета-адреноблокаторларды бір мезгілде қабылдау

- MAO тежегіштерін қабылдап жүрген пациенттерде, соның ішінде, тоқтатқаннан кейінгі 14 күнге дейінгі кезеңде

- бауыр функциясының айқын бұзылулары

- сақтықпен: глюкоза-6-фосфатдегидрогеназа тапшылығы, қан аурулары, бауыр және/немесе бүйрек жеткіліксіздігі, жабық бұрышты глаукома, қуықасты безінің қатерсіз гиперплазиясы, Жильбер синдромы, артериялық гипертензия, қалқанша без аурулары, қант диабеті, бронх демікпесі, ӨСОА, феохромоцитома кезінде.

- жүктілік және бала емізу кезеңінде

- балалар мен 18 жасқа дейінгі жасөспірімдерде

Қолдану кезіндегі қажетті сақтандыру шаралары

Нолгрипп® препаратын бүйрек және бауыр функциясының бұзылуы бар пациенттерге, сондай-ақ, гепатоуытты әсері бар басқа дәрілерді қабылдап жүрген пациенттерге сақтықпен тағайындау қажет.

Алкогольдік сусындарды қабылдамау немесе тыныштандыратын дәрілерді (әсіресе, барбитураттарды) пайдаланбау керек.

Препарат ОЖЖ қозуын тудыруы мүмкін. Препаратты тек ұсынылған дозаларында ғана қабылдау керек.

Егер аурудың симптомдары 3-5 күн ішінде басылмаса, дәрігерге жүгіну керек.

Қосымша заттар

Препараттың құрамында натрий бар, тұзсыз диета ұстап жүрген пациенттер сақтықпен қолдануы керек.

Препараттың құрамында хинолинді сары бар, балалар мен 18 жасқа дейінгі жасөспірімдерде қолдануға болмайды.

Басқа дәрілік препараттармен өзара әрекеттесуі

Моноаминоксидаза тежегіштерінің, тыныштандыратын препараттардың, этанолдың әсерлерін күшейтеді. Антидепрессанттар, паркинсон ауруына қарсы дәрілер, психозға қарсы дәрілер, фенотиазин туындылары несеп іркілуінің, ауыздың құрғауының, іш қатулардың даму қаупін арттырады. Глюкокортикостероидтар глаукоманың даму қаупін арттырады. Парацетамол диуретикалық препараттардың тиімділігін төмендетеді. Хлорфенирамин МАО тежегіштерімен, фуразолидонмен бір мезгілде гипертониялық кризге, қозуға, гиперпирексияға алып келуі мүмкін. Трициклдық антидепрессанттар симпатомиметикалық әсерін күшейтеді, галотанды бір мезгілде тағайындау қарынша аритмиясының даму қаупін артырады. Гуанетидиннің гипотензиялық әсерін төмендетеді, бұл өз кезегінде, фенилэфриннің альфа-адреностимуляциялайтын белсенділігін күшейтеді.

Құрамында парацетамол бар басқа препараттармен, сондай-ақ, қабынуға қарсы стероидты емес препараттармен тағайындамау керек.

Барбитураттарды, дифенинді, карбамазепинді, рифампицинді, зидовудинді және бауырдың микросомалық ферменттерінің басқа индукторларын бір мезгілде қолданғанда гепатоуытты әсерінің даму қаупі жоғарылайды. Барбитураттар парацетамолдың ыстықты түсіретін әсерін төмендетеді.

Резерпиннің аясында артериялық қысым жоғарылауы мүмкін. Қастауыш алкалоидтары аритмогенділігін күшейтеді.

Метоклопрамидті, домперидонды немесе холестираминді бір мезгілде қабылдағанда парацетамолдың сіңуі төмендейді.

Флуконазол, кетоконазол, мексилетин және тербинафин плазмадағы кофеин концентрациясын орташа арттыруы мүмкін, оның әсері мен уыттылығы күшеюі мүмкін.

Препарат тікелей емес антикоагулянттардың әсерін күшейтеді.

Арнайы сақтандырулар

Педиатрияда қолдану

Жүктілік немесе лактация кезінде

Жүктілік кезінде кезінде қабылдау ұсынылмайды, өйткені кофеинді тұтынумен байланысты жүктіліктің өздігінен үзілу қаупінің ықтималдығы бар.

Бала емізу кезінде қабылдау ұсынылмайды. Фенилэфрин емшек сүіне экскрециялануы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат ұйқышылдықты тудыруы мүмкін; сондықтан, емделу кезінде автомобиль жүргізуден және қауіптілігі зор басқа да механизмдерді басқарудан бас тарту қажет.

Қолдану жөніндегі нұсқаулар

Дозалану режимі

Ересектерге: күнделікті 3-4 рет 1 таблеткадан.

Емдеу курсының орташа ұзақтығы 3-5 күн.

Дәрігердің кеңесінсіз 5 күннен артық қолдану ұсынылмайды.

Көрсетілген дозасын арттырмау керек.

Балалар

Балалар мен 18 жасқа дейінгі жасөспірімдерде қолдануға болмайды.

Енгізу әдісі және жолы

Ішке қолдануға арналған.

Артық дозалану жағдайында қабылдау қажет болатын шаралар

Симптомдары: тері жабындарының бозаруы, анорексия, жүрек айнуы, құсу; гепатонекроз (некроздың айқындығы артық дозалану дәрежесіне тікелей тәуелді). Ересектерде 10-15 г артық парацетамолды қабылдағаннан кейін препараттың уытты әсері болуы мүмкін: "бауыр" трансаминазалары белсенділігінің жоғарылауы, протромбин уақытының ұзаруы (қабылдағаннан кейін 12-48 сағаттан соң); бауыр зақымдануының толық клиникалық көрінісі 1-6 күнне соң көрініс береді. Сирек жағдайда, бауыр функциясының бұзылуы қауырт дамиды және бүйрек жеткіліксіздігімен асқынуы мүмкін (интерстинальді нефрит).

Емі: артық дозаланғаннан кейін 8-9 сағаттан соң SH-топтардың донаторларын және глутатион – метионин синтезінің ізашарларын, және 12 сағаттан соң – N-ацетилцистеинді енгізу. Қосымша емдеу шараларын жүргізу (метионинді ары қарай енгізу, N-ацетилцистеинді в/і енгізу) қажеттілігі қандағы парацетамол концентрациясына, сондай-ақ, оны қабылдаудан кейін өткен уақытқа байланысты анықталады.

Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар

Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100 - < 1/10 дейін), жиі емес (≥ 1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес).

Жиі

- ұйқышылдық

Сирек

- бас ауыруы, бас айналуы

- ұйқысыздық, үрейлену, мазасыздық, күйгелектік, қатты қозу

- тромбоцитопения, лейкопения, агранулоцитоз, панцитопения

- жүрек соғуының жиілеуі, артериялық қысымның жоғарылауы

- аллергиялық реакциялар (тері бөртпесі, есекжем, ангионевроздық ісіну)

- ауыздың құрғауы

- несеп іркілуі

- бронх обструкциясы

Өте сирек

- жүрек айнуы, құсу, эпигастрийдің ауыруы, диарея

- мидриаз, көзішілік қысымның жоғарылауы, аккомодация парезі

- гепатоуытты және нефроуытты әсері, бүйрек шаншуы, глюкозурия, интерстинальді нефрит, дозасы ұзақ уақыт арттырылған жағдайда папиллярлық некроз

- гемолиздік немесе аплазиялық анемия, метгемоглобинемия

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: 500 мг парацетамол, 5 мг фенилэфрин гидрохлориді, 30 мг кофеин (сусыз), 2 мг хлорфенирамин малеаты,

қосымша заттар: жүгері крахмалы, кальций сульфат дигидраты, повидон K-30, магний стеараты, коллоидты кремнийдің қостотығы, тазартылған тальк, натрий кроскармеллозасы, натрий лаурил сульфаты, натрий крахмалы гликоляты, хинолинді сары (Е 104)

Сыртқы түрінің, иісінің, дәмінің сипаттамасы

Бір жағында сызығы бар, екі беті дөңес, капсула пішінді, ашық сары немесе сары түсті таблеткалар.

Шығарылу түрі және қаптамасы

4 таблеткадан алюминий фольгадан жасалған пішінді ұяшықсыз қаптамаға (стрип) салады немесе бір пішінді қаптамадан (стрип) лакталған қағаздан жасалған дербес қаптамаларға салынған.

25 дербес қаптама медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

4 жыл.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Марион Биотек Пвт. Лтд.»

Б-49, Сектор-67, Нойда, Үндістан

Тел/факс: +91-120-2484621-23

Электронды пошта: info@marionbiotech.com

Тіркеу куәлігінің ұстаушысы

«Марион Биотек Пвт. Лтд.»

Б-49, Сектор-67, Нойда, Үндістан

Тел/факс: +91-120-2484621-23

Электронды пошта: info@marionbiotech.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Спектрамакс» ЖШС

Қазақстан Республикасы, Алматы қ., Сейфуллин даңғылы 458-460/95, 312 кеңсе

Тел./факс: +7(727) 344-94-37 (8)

Электронды пошта: kz@quramax.com