Новирин

Новирин

Инозин Пранобекс

Таблеткалар, 500 мг

Инфекцияға қарсы жүйелі қолданылатын препараттар. Вирусқа қарсы жүйелі қолдануға арналған дәрілер. Вирусқа қарсы тікелей әсер ететін препараттар. Вирусқа қарсы басқа да препараттар. Инозин Пранобекс.

АТХ коды Ј05АX05

- иммунитеті әлсіреген және жоғарғы тыныс алу жолдарының қайталанатын инфекциялары бар адамдардағы емдеудің қосымша әдісі.

Қолдануды бастағанға дейін қажетті мәліметтер тізбесі

- препараттың кез келген компонентіне аса жоғары сезімталдық

- жедел подагра ұстамасы, сондай-ақ қанда және несепте несеп қышқылының концентрациясы жоғары пациенттер

- несеп-тас ауруы

- жүктілік және лактация кезеңі (қолдану тәжірибесінің болмауына байланысты)

- 6 жасқа дейінгі балалар

Басқа дәрілік препараттармен өзара әрекеттесуі

Дәрілік затты иммуносупрессанттармен бір мезгілде қабылдауға болмайды.

Ксантиноксидаза тежегіштерін (мысалы, аллопуринол) және тиазидті диуретиктерді (мысалы, гидрохлоротиазид, хлорталидон, индапамид) және ілмекті диуретиктерді (фуросемид, торасемид, этакрин қышқылы) қоса алғанда, несеп қышқылының несеппен шығарылуын күшейтетін дәрілерді қабылдайтын пациенттерге сақтықпен қолдану қажет.

Азидотимидинмен бір мезгілде қолданған кезде қан плазмасында азидотимидин биожетімділігінің артуы және адам қанының моноциттерінде жасушаішілік фосфорланудың ұлғаюы салдарынан нуклеотидтің түзілуі артады.

Новирин, басқа вирусқа қарсы агенттер сияқты, жедел вирустық инфекцияларда, егер емдеу аурудың ерте сатысында басталса (бірінші тәулікте жақсы) тиімді екенін есте ұстаған жөн. Препарат монотерапия үшін де, антибиотиктермен, вирусқа қарсы және басқа этиотропты агенттермен кешенді емдеуде де қолданылады.

Препараттың белсенді ингредиенті несеп қышқылынадейін метаболизденеді және оның несептегі концентрациясының едәуір артуына әкелуі мүмкін. Осыған байланысты анамнезінде подагра және гиперурикемия, уролитиаз және бүйрек жеткіліксіздігі бар пациенттерге Новиринді сақтықпен қолдану керек. Мұндай пациенттер үшін дәрілік затты қолдану қажет болған кезде несеп қышқылының концентрациясын мұқият бақылау қажет. Ұзақ уақыт қолданғанда (3 ай немесе одан да ұзақ) ай сайын несептегі және қан сарысуындағы несеп қышқылының концентрациясын, бауыр функциясын, шеткері қанның құрамын және бүйрек функциясының параметрлерін бақылап отыру ұсынылады.

Кейбір адамдарда жоғары сезімталдықтың жедел реакциялары (ангионевроздық ісіну, анафилаксиялық шок, есекжем) пайда болуы мүмкін. Мұндай жағдайларда дәрілік затпен емдеуді тоқтату керек.

Дәрілік затты ұзақ уақыт қолданғанда нефролитиаздың даму қаупі бар.

Педиатрияда қолдану

6 жастан асқан балалар үшін.

Жүктілік немесе лактация кезінде

Шарананың жағдайы мен адамдарда фертильділіктің бұзылуы туралы зерттеулер жоқ. Инозина пранобексінің емшек сүтіне ену-енбеуі белгісіз. Дәрілік заттың қауіпсіздігі бойынша зерттеулердің болмауына байланысты оны жүктілік немесе бала емізу кезеңінде қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару немесе басқа механизмдермен жұмыс істеу кезінде дәрілік заттың реакция жылдамдығына әсері зерттелмеген. Алайда, автомобильді басқаруға немесе басқа механизмдермен жұмыс істеуге қатысты шешім қабылдау үшін дәрілік заттың бас айналуды немесе жүйке жүйесі тарапынан басқа жағымсыз реакцияларды тудыруы мүмкін екенін ескеру қажет («Жағымсыз реакциялардың сипаттамасы» бөлімін қараңыз).

Қолдану бойынша ұсынымдар

Ересек пациенттерде, оның ішінде егде жастағы адамдарда ұсынылатын тәуліктік доза дене салмағына 50 мг/кг құрайды, яғни 6-дан 8 таблеткаға дейін немесе тәулігіне 3-4 рет 2 таблеткадан.

Ең жоғары доза тәулігіне 4 г құрайды (8 таблетка).

6 жастан асқан балаларда тәуліктік доза бірнеше қабылдауға тағайындалатын дене салмағының 50 мг/кг құрайды немесе мынадай кестені пайдалануға болады:

Енгізу әдісі мен жолы

Тек ішке қабылдауға арналған. Қабылдауды жеңілдету үшін таблеткаларды ұсақтап, аз мөлшерде суда ерітуге болады.

Емдеу ұзақтығы

Емдеу ұзақтығы, әдетте, 5-14 күн. Препаратты қабылдауды симптомдардың айқындылығы азайғаннан кейін тағы 1-2 күн бойы жалғастыру керек. Егер 5-14 күннен кейін жағдай жақсармаса немесе нашарласа, пациент дәрігермен байланысуы тиіс.

Артық дозалану жағдайында қабылдануы қажет шаралар

Артық дозалану жағдайлары байқалған жоқ. Артық дозалану несептегі және қан сарысуындағы несеп қышқылы концентрациясының жоғарылауына әкелуі мүмкін. Дозаланғанда асқазанды шаю және симптоматикалық ем көрсетіледі.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Дәрілік зат, әдетте, ұзақ уақыт қолданғанда жағымдылығы жақсы. Барынша жиі кездесетін жағымсыз реакция-бұл несеп және қан сарысуындағы несеп қышқылы концентрациясының қысқа мерзімді және аздап (әдетте норма шегінде) жоғарылауы (инозин метаболизмінен туындаған) болып табылады, ол дәрілік затты қолдану аяқталғаннан кейін бірнеше күн ішінде қалыпқа келеді.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Өте жиі

- қандағы несеп қышқылы концентрациясының жоғарылауы, несептегі несеп қышқылы концентрациясының жоғарылауы

Жиі

- бас ауыруы, вертиго (жүйелі бас айналу), шаршағыштық, дімкәстік

- жүрек айнуы, құсу, эпигастрий аумағындағы жайсыздық

- қышыну, бөртпе

- артралгия

- трансаминазалардың, сілтілік фосфатаза белсенділігінің немесе қан мочевинасы азоты (ҚМА) мөлшерінің жоғарылауы

Жиі емес

- жүйке, ұйқышылдық немесе ұйқысыздық

- диарея, іштің қатуы

- полиурия (бөлінетін несеп көлемінің ұлғаюы)

Белгісіз (қолда бар деректер негізінде бағалау мүмкін емес)

- бастың айналуы

- ангионевроздық ісіну, аса жоғары сезімталдық реакциялары, есекжем, анафилаксиялық реакциялар, анафилаксиялық шок

- эпигастральдi аймағындағы ауырсыну

- эритема

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және

фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат: инозин пранобекс (метизопринол) 500 мг,

қосымша заттар: картоп крахмалы, повидон, магний стеараты.

Сыртқы түрінің, иісінің, дәмінің сипаттамасы

10 таблеткадан мөлдір емес поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«КИЕВ ДӘРУМЕНДЕР ЗАУЫТЫ» АҚ, Украина

04073, Киев қ., Копыловская к-сі, 38

Тел.: +38 (044) 461-03-08, факс: +38 (044) 461-03-01;

Web-сайт: www.vitamin.com.ua

Тіркеу куәлігінің ұстаушысы

«КИЕВ ДӘРУМЕНДЕР ЗАУЫТЫ» АҚ, Украина

04073, Киев қ., Копыловская к-сі, 38

Тел.: +38 (044) 461-03-08, факс: +38 (044) 461-03-01;

Web-сайт: www.vitamin.com.ua

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Өкілдік: «КИЕВ ДӘРУМЕНДЕР ЗАУЫТЫ» АҚ

Мекенжайы: 050008, Қазақстан Республикасы: Алматы қ.,

Абай даңғылы 109, 16А кеңсе

Тел.: +7(727) 356 88 50; е-mail: ossadchiy@mail.ru