Нифуроксазид (таблетки, 200 мг)
Инструкция
-
русский
-
қазақша
Саудалық атауы
Нифуроксазид
Халықаралық патенттелмеген атауы
Нифуроксазид (nifuroxazide)
Дәрілік түрі
Үлбірлі қабықпен қапталған 200 мг таблеткалар
Құрамы
Бір таблетканың құрамында
белсенді зат - 100% затқа шаққанда 200 мг нифуроксазид
қосымша заттар: микрокристалды целлюлоза, повидон, лактоза моногидраты, кальций стеараты,
қабық Опадрай II Сары 33G22623: гипромеллоза, лактоза моногидраты,
титанның қостотығы (Е171), полиэтиленгликоль 3000 (макрогол), триацетин,
хинолинді сары (Е104), күн батар түстес сары FCF (Е110), темірдің сары тотығы (Е172), индигокармин (Е132).
Сипаттамасы
Сопақша пішінді, екі жағы дөңес, таблетканың бір жағында ойығы және екінші жағында «КМП» таңбаланған сары түсті үлбірлі қабықпен қапталған таблеткалар. Сындырғанда ашық сары түсті ядросы көрінеді.
Фармакотерапиялық тобы
Диареяға қарсы препараттар. Ішек микробтарына қарсы және қабынуға қарсы препараттар. Басқа да ішек микробтарына қарсы препараттар. Нифуроксазид
АТХ коды А07А Х03
Фармакологиялық қасиеттері
Фармакодинамикасы. Нифуроксазид – 5-нитрофурандар тобының микробқа қарсы препараттары, ішек антисептиктеріне жатады. Дегидрогеназалардың белсенділігін бөгейді, жасушалық тыныс алу үдерісін, трикарбон қышқылдарының циклін бәсеңдетеді, сондай-ақ микроб жасушасында ақуыздар синтезін бұзады. Микроорганизмдермен токсиндердің өндірілуін азайтады. Орташа емдік дозаларда бактериостатикалық белсенділік білдіреді, ал одан жоғары дозада бактерицидті әсер етеді.
Препарат Staphylococcus тұқымдас грамоң микроорганизмдерге және Enterobacterіаceae (Escherichia, Citrobacter, Enterobacter, Klebsiella, Salmonella, Shigella, Yersinia) тұқымдас грамтеріс микроорганизмдерге, сондай-ақ Vibrio cholerae қатысты белсенді. Pseudomonas тектес және Proteus (Proteus inconstans түрі) тектес бактерияларға, сондай-ақ Providentia alcalifaciens түріндегі A топтың штаммдарына қатысты белсенді емес.
Фармакокинетикасы Ішке қабылдағаннан кейін ішекте әсер етуші заттың жоғары концентрациясын қамтамасыз етіп, Нифуроксазид ас қорыту жолында сіңбейді. Қан плазмасында препарат концентрациясының іздері анықталады; аздаған мөлшері несепте өзгермеген түрінде анықталады. Нәжіспен бірге шығарылады. Шығарылу жылдамдығы препараттың қабылданған дозасына және ас қорыту жолдарының моторикасына байланысты.
Қолданылуы
- ішек дисбиозын кешенді емдеуде қосымша дәрі ретінде ересектердегі
жұқпалы диареяда, созылмалы колиттерде, энтероколиттерде.
Қолдану тәсілдері және дозасы
Нифуроксазидті ас қабылдауға байланыссыз, 1 таблеткадан тәулігіне 4 рет (тәуліктік доза – 800 мг) ішке қабылдайды.
Емдеу курсы– 5 – 7 күн.
Жағымсыз әсерлері
- қысқа уақыт іштің ауыруы, жүректің айнуы, диареяның күшеюі
- ентігу
- бөртпе, қышыну
Жоғары сезімталдық реакциясы дамығанда препаратты қабылдауды тоқтату керек.
Қолдануға болмайтын жағдайлар
- 5-нитрофуран туындыларына және/немесе препараттың басқа
компоненттеріне жоғары сезімталдық
- 18 жасқа дейінгі балаларға және жасөспірімдерге
- тұқым қуалаған фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы
Дәрілермен өзара әрекеттесуі
Нифуроксазидті қабылдау аясында препараттың күшті сіңіретін қасиетіне байланысты басқа да ішке қабылданатын препараттарды қабылдауға болмайды. Нифуроксазидті спирттің жоғары құрамымен препараттармен қолданбаған жөн. Қазіргі уақытта Нифуроксазидтің басқа дәрілік заттармен
өзара әрекеттесуі зерттелмеген.
Айрықша нұсқаулар
Препаратты септицемиеямен асқынған ішек жұқпаларын емдеу үшін
монотерапия ретінде тағайындамайды. Сусыздану симптомдары болғанда
Нифуроксазидті қабылдаумен кешенде регидратация жүргізу керек. Енгізілген
сұйықтың көлемі, енгізу тәсілі (per os, көктамыр ішіне) диареяның айқындығы
дәрежесіне, жасына және аурудың клиникалық жағдайына (ересектерге –
тәулігіне 2 литрге жуық сұйықтық) сәйкес келуі керек.
Препараттың құрамында лактоза болғандықтан, галактозаны көтере
алмаушылықтың сирек кездесетін тұқым қуаалаған түрлерімен, лактазаның
тапшылығымен немесе глюкоза-галактоза мальабсорбциясы синдромымен
емделушілерге препаратты қолдануға болмайды.
Емделу кезінде ащы және қорытылуы қиын тағамдарды, шикі жеміс-көкөністерді және шырындарды қабылдауға болмайды.
Нифуроксазидті қабылдауда диареяның асқынуымен, құсумен, эпигастриядағы ауырулармен, беттің және дененің жоғарғы жағының ысынуын сезінумен, гиперемиямен, құлақтағы шуылмен, тыныс алудың қиындауымен, тахикардиямен білінетін дисульфирамға ұқсас реакциялар даму қаупіне байланысты алкогольді ішімдіктерді қабылдауға болмайды.
Жүктілік кезеңінде немесе емшекпен қоректендіруде қолданылуы
Препаратты жүктілік кезінде егер ана үшін күтілген оң әсері ұрық үшін ықтимал қаупінен жоғары болғанда қолдануға болады. Препарат емшек сүтімен бірге бөлініп шықпайды, сондықтан оны емшек емізу кезінде қолдануға болады.
Педиатрияда қолданылуы
Нифуроксазид 18 жасқа дейінгі балаларға және жасөспірімдерге
тағайындалмайды.
Дәрілік заттың көлік құралдарын немесе әлеуетті қауіпті механизмдерді басқару қабілетіне ықпал ету ерекшеліктері
Нифуроксазид зейінді жоғары жұмылдыруды және тез психикалық және
қимыл рекцияларын талап ететін көлік құралдарын басқаруда немесе
механизмдермен жұмыс жасауда реакция жылдамдығына әсер етпейді.
Артық дозалануы
Симптомдары: белгісіз.
Емі: асқазанды шаю, белгісіне қарай ем.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
1 пішінді ұяшықты қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Түпнұсқалық қаптамасында, 250С-ден аспайтын температурада сақтау керек. Балалардың қолы жетпейтін жерде сақтау керек.
Сақтау мерзімі
3жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Киевмедпрепарат» ААҚ, Украина, 01032, Киев қ-сы, Саксаганский к-сі, 139.
Тіркеу куәлігінің иесі
«Киевмедпрепарат» ААҚ, Украина,
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасындағы «Артериум» корпорациясының өкілдігі
050060, Алматы қ-сы, Әл-Фараби даңғылы, 97үй , 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: office@arterium.kz